دعوة لمغتربى السعودية

[غريب الزمان]

جميل جدا اخى غريب

وجميلة مشاركاتك فى المواضيع الأخرى و أحب ان نصبح أصدقاء

أعتذر لك ربما تأخرت فى الرد عليك و سأدخل مباشرة فى النقطة التى انتهينا عندها

دلوقت كويس قوى الراجل دة ادالك طرف خيط كنت بادور عليه .

والله أعلم كدة باين التأشيرة حرة .

هاحكى لك قصتها من أولها و خليك معايا و أى استفسار حاجاوبك

بس الأول ممكن كل كلامى يكون غلط - لأنه مبنى على انطباعات و استنتاجات من كلامك و معلوماتى المتواضعة فخليك برضة مع باقى الإخوة الفاضل فى آراؤهم ..

شوف ياسيدى بعد الصلاة على نبينا الكريم .

أى مواطن سعودى عنده شركة من حقه يحصل على تأشيرات لاستقدام عاملين وفى بعض الأحيان يكون غير محتاج لهذه العمالة ولكنها فرصة طيبة لديه فيستغلها للمكسب المادى كيف ؟

يوجد وسيط ربما كان مصرى أو من أى جنسية يقول له سوف أشترى منك مثلا عدد 10 تأشيرات بمبلغ كذا ثم يتوسط مع مكتب استقدام فى مصر لإحضار هؤلاء العشرة و الجميع مستفيد و الحاصل على التأشيرة هوة اللى بيدفع لكل دول ودى إسمها تجارة التأشيرات ..

لحد هنا مافيش مشاكل إنت راجل دفعت و حصلت على خدمة إنك سافرت و دى إسمها تأشيرة حرة

يعنى حتسافر تلاقى كفيل و كل حاجة بس مش حتلاقى عمل و يمكن هو للمصداقية يوفر لك عمل بسيط بس مؤقت و دة المطلوب وفى مصلحتك ..

ليه بقى .. لأنك دلوقت دخلت البلد و حتدور على الشغل اللى يعجبك و بالمرتب اللى يعجبك بس لازم طبعا مساندة مادية فى الأول علشان المصاريف اليومية و السكن ..

طبعا كدة يبقى منطبق عليك ظروف أى شاب مهاجر لأى بلد بيتعثر فى الأول لحد ما يقف على رجليه و ربنا يوفقة و يبقى تمام التمام ..

ياريت أكون شرحتلك و ياريت أى استفسار تقوله و ربنا يوفقك

بس مش عايز اكون أقلقتك و الله ممكن الوضع دة يكون أحسن لك المهم ربنا يكتب لك الخير فى جميع الأحوال و تبقى تطمئنا أما أصحابك فإنت بقى إن شاء الله تكون الوسيط اللى حكيت لك عليه بس وسيط مجانى ( ابتسامة )

ابو زياد شكر جزيلا

ولى رجاء وده من حبى ليك وامتنانى الشديد على الاهتمام

وهو

ان تحتسب ما تفعله معى من خير (رجاء احتسب) لان على اد معلوماتى البسيطه ان عمل الخير مع الاحتساب اجره بيتضاعف

وبالنسبه لصداقتنا فهيا بدات فعلا مع اول كلمه حضرتك كتبتها

ويا رب نبقا زى دول(رجلان تحابا فى الله اجتمعا عليه وتفرقا عليه)نفسى وامنيه من امانى حياتى الاقى الشخص ده

وعلى حبيبنا محمد افضل الصلاة والسلام

شرح اكتر من رائع ربنا يكرمك وهنيالك يا فاعل الخير(شحاته بقا وكده :wub: )

الاستفسارات: هيبقا ليك كفيل(وده هيسيبنى اشتغل عند غيره ازاى وهتبقى سلطه عليا ايه ؟؟)

واساسا هوا هيبقا سهل عليا الاقى شغل مع العلم انا خريج جديد

ولو وفرلى شغل مؤقت هل هيخلينى اسيبه عادى فى اى وقت (ولا سخره وبمزاجه؟)

وبالنسبه لانى اتعثر لا عادى متعود وكل ما بقع ببقى اقوى والحمد لله

تعرف حضرتك انا عمرى ما فكرت فى السفر ولا كان فى دماغى وحتى مكانش لازمنى من اساسه وكان تخطيطى مختلف تماما (وعلشان كده انا معدوم المعلومات بالنسبه لمعلومات السفر خالص)

بس ديه مشيئه ربنا علشان اكيد تخطيط ربنا اصلح من تخطيطى

والحمد لله اتعلمت اخيرا ان السيئه والحاجات الوحشه منى انا ومن سوء تقديرى للامور

والخير والحسنات من عند ربنا

وحاسس ان الحقيقه ديه الى اكتشفتها متاخر وامنت بيها هتفرق فى حياتى كلها

صدعتك مش كده(وتلاقي الى هيقرا هيقول ايه ده هوا عبيط عمال يفضفض فى البابلك كده :angry2: )

وبالنسبه للقلق ولا يهمك واقلقنى كمان وكمان ونفسى باقى الناس تحكى وتقلقنى براحتها

يا جماعه التجارب الوحشه هيا الى بتعلم لكن لو فضلنا نفتحها ونخليها بنبى بنبى هنتصدم لما نشوف الوحش(ياما حصلى بس تبت الحمد لله)

واخيرا

اسف لانى طولت معاك وشغال اساله واستفسارات (انا زودتها فعلا)

شكرااااااااااااااااااااااااااااااااااااااا

تم تعديل 17 فبراير 2007 بواسطة غريب الزمان

[أبو زياد]

أهلا بك يا أخى و أنا و كل المنتدى تشرفنا بمعرفتك أخا كريما

كل اللى فى المنتدى هنا بيفضفض على البابلك يمكن إنت لسة مش عارف :)

ربنا يوفقك و يسمعنا عنك كل خير و الجميع يدعو لك و يتمنى لك الخير

والله دائما هو من وراء القصد وحده سبحانه وتعالى ..فإنى أحتسب عند الله أنى أحبك فيه و أتمنى لك كل خير أخا طيبا و كريما .. وما أتمناه و أرجوه منك ان تدعو لى بظهر الغيب و أن يتجاوز عن أخطائنا جميعا ..

أخى العزيز هل تعلم أنه ربما كلماتى لا تفيدك بل تضرك وفى هذا لن يشفع لى إلا حسن مقصدى و نيتى لذلك أرجوك أن تراجع كل كلماتى و لا تأخذها على محمل التسليم و أرجوك أن ترد على ما اخطأت فيه ..

لقد رغبت أن أستكمل لك مشاركتى السابقة لأنى للأسف شرحت لك و لكن فاتنى أن أنصحك من واقع تجاربى الشخصية و نسيت أن أسألك هل دفعت فعلا لهذا الرجل أم أنه ما زال ينتظر ؟

وقبل هذا سأجيبك على سؤالك حكاية سلطته عليك دى بتختلف حسب طبيعته لكن لازم تعرف إن كونه يسيبك كدة دة وضع غير قانونى لأن القانون إن لازم تشتغل عند الكفيل بتاعك ..

طيب دلوقت سيادتك جيت و لقيت شغل المطلوب إنك تنقل كفالة للشخص اللى رحت عنده أول حاجة مصاريف النقل 2000 ريال تانى حاجة الراجل الأولانى إحتمال يطلب مبلغ تانى ... ضيف لكدة إن فيه قوانين جديدة إن ممنوع نقل الكفالة قبل سنتين .. يبقى احتمال ماينفعش النقل أو تكاليف زيادة

الحل الثانى إنك تشتغل مع الثانى وتاخد منه مرتبك و علاقتك بالأول تبقى فقط عند استخراج الإقامة ( على حسابك طبعا ) وعند تجديدها كل سنة أو سنتين ..

فى غير كدة مالوش أى سلطة عليك ولازم يكون باسبورك و إقامتك معاك مفيش حد يقدر يعمل لك حاجة لأنه هو نفسه بيكون فى وضع مش قانونى هو خلاص أخد فلوس التأشيرة ممكن بس يطالب ( أحيانا ) ببعض المبالغ المادية بتديها له مش مشكلة ..

المهم أنا نسيت أقولك حاجة مهمة إنك لو دفعت جزء من الفلوس تخلى معاك جزء لحد ما تسافر تعطيهوله لما يطلع لك إقامة لأن الجواز اللى معاك تقدر تمشى به 3 شهور فقط من ساعة لما تسافر يعنى لازم قبلها يطلع لك إقامة تمشى بيها ..

ألخص لك بقه : خللى نصف المبلغ معاك وقوللهم حادفع الباقى هناك لما أطلع إقامة أو أعمل نقل كفالة

كدة بقى يا أستاذ غريب اكون شرحت لك لكن فى النهاية لا يصح إلا الصحيح و لو تقدر تنتظر لما تيجى لك فرصة عمل حقيقية بمرتب كويس بعيد عن هذه المافيا يبقى أحسن لك ..

وإنت قلت إزاى حتلاقى فرصة عمل و انت أصلا حتيجى محتار فى الإقامة و مش عارف البلد و مافيش قرايب .. لأ استنى أحسن فرصة كويسة

و أنا اعتقد ان مهنة مهندس زراعى مطلوبة بس شوف مكتب كويس و ربنا يوفقك فى كل الأحوال

أتمنى لك التوفيق من قلبى و إلى اللقاء

[غريب الزمان]

عزيزى ابو زياد اسعد الله اوقاتك انت وباقى الاعضاء

ايوه انا دفعتله نص المبلغ بس طبعا معايا شيكات بيها

فيه حاجه حصلت مش عارف خير ولا ايه

فيه عرض اتقدملى عن طريق احد اصدقائى من مكتب اخر وهو لايختلف عن نفس الموضوع الا فى شيئين

اولا :المبلغ نص المبلغ المطلوب

ثانيا :الدفع كالتالى النص قبل السفر وعند استلام العقد والنص التانى هيدفع هناك فى السعوديه

و البيه صاحب المكتب صاحب العرض الجديد لا يختلف عن السابق من ناحيه انه مش بيوضح التفاصيل

اطلب المشوره

لكم محبتى

تم تعديل 19 فبراير 2007 بواسطة غريب الزمان

[أبو زياد]

أخى العزيز غريب ...

أتمنى أن يوفقك الله لكل ما تريد و ما تصبو إليه ...

بالطبع فالعرض الثانى الذى ذكرته هو أفضل من الأول بلا شك و هو مطابق لما ذكرته لك من شروط لابد أن تحمى نفسك بها ...

بس ما قلتش هو فيه فرصة عمل برضة زى التانى والا لأ ..

وكمان ماقلتش فرصة العمل فى العرض الأول هل يوجد عقد موثق حتى الآن ؟ يعنى فعلا حتروح تلاقى شغل والا مافيش خالص ؟؟؟

على العموم وواضح أن العرضين متماثلين فى أنها فيزا حرة و لكن الثانى بشروط أفضل والله أعلم..

فى هذه الحالة يا صديقى ( أنها فيزا حرة ) ما يجب أن تركز فيه هو قدرتك على أن تجد فرصة عمل جيدة عند ذهابك فى أسرع وقت ..

سيادتك قلت إن معلوماتك قليلة و يمكن مالكش أقارب أو معارف فى نفس البلد ( جدة ) هوة صحيح جدة السوق فيها مفتوح و هناك طلب على وظيفتك بس المهم إزاى حتتحرك و تتصرف و ازاى حتدبر أحوالك فى البداية ؟

مش عارف يمكن تلاحظ تراجع فى موقفى بعد ما كنت باشجعك لكن دة يمكن شوية حرص زائد بعد التفكير شوية ..

كلنا بدأنا هنا و كنا مش عارفين حاجة بس اللى ساعدنا إن كان فيه مكان و راتب ثابت و أكيد اخدنا وقت لحد ماعرفنا البلد و أهلها و طبيعتهم ... يعنى حاجات كتير محتاجة وقت ..

أخى هل يمكن أن تبحث عن فرصة عمل حقيقية فى أى بلد ولو بالنت ?

ربما تساعدك هذه المواقع :

ARABHR.COM

BAYT.COM

[غريب الزمان]

أخى العزيز غريب ...

أتمنى أن يوفقك الله لكل ما تريد و ما تصبو إليه ...

بالطبع فالعرض الثانى الذى ذكرته هو أفضل من الأول بلا شك و هو مطابق لما ذكرته لك من شروط لابد أن تحمى نفسك بها ...

بس ما قلتش هو فيه فرصة عمل برضة زى التانى والا لأ ..

وكمان ماقلتش فرصة العمل فى العرض الأول هل يوجد عقد موثق حتى الآن ؟ يعنى فعلا حتروح تلاقى شغل والا مافيش خالص ؟؟؟

على العموم وواضح أن العرضين متماثلين فى أنها فيزا حرة و لكن الثانى بشروط أفضل والله أعلم..

فى هذه الحالة يا صديقى ( أنها فيزا حرة ) ما يجب أن تركز فيه هو قدرتك على أن تجد فرصة عمل جيدة عند ذهابك فى أسرع وقت ..

سيادتك قلت إن معلوماتك قليلة و يمكن مالكش أقارب أو معارف فى نفس البلد ( جدة ) هوة صحيح جدة السوق فيها مفتوح و هناك طلب على وظيفتك بس المهم إزاى حتتحرك و تتصرف و ازاى حتدبر أحوالك فى البداية ؟

مش عارف يمكن تلاحظ تراجع فى موقفى بعد ما كنت باشجعك لكن دة يمكن شوية حرص زائد بعد التفكير شوية ..

كلنا بدأنا هنا و كنا مش عارفين حاجة بس اللى ساعدنا إن كان فيه مكان و راتب ثابت و أكيد اخدنا وقت لحد ماعرفنا البلد و أهلها و طبيعتهم ... يعنى حاجات كتير محتاجة وقت ..

أخى هل يمكن أن تبحث عن فرصة عمل حقيقية فى أى بلد ولو بالنت ?

ربما تساعدك هذه المواقع :

ARABHR.COM

BAYT.COM

السلام عليكم استاذ ابو زياد

ايوه فعلا هوا عرض احسن

وفيه فرصه عمل والراجل قال ان فيه شغل وفيه عقد

والايام الجايه هيا الى هتبين

فهل انه فيه عقد يغير من انها فيزا حره او لا

وفعلا هيا مشكله انى هكون لوحدى بس ربنا معايا وهعمل الى عليا ولو فشلت مفيش مشاكل هتعلم

الفشل بالنسبه ليا نجاح لانى هكتشف عيب فيا وهصلحه

ومش مشكله الناس يقولوا فاشل مبيعرفشى ولا يهم

وشكرا على المواقع مع العلم انا بحثت ومش لاقى تخصصى خالص

مش مهم هحاول تانى وعاشر

شكرا

[أبو زياد]

لا يا أخى العزيز الفيزا الحرة بيبقى مافيش شغل لأنك مش حتبقى مرتبط بكفيلك و كمان لأنك بتكون دافع كل تكاليف تأشيرتك فى مقابل إنك تدور لنفسك و تشتغل براحتك ..

أما الفيزا العادية فالقانون السعودى إن التكاليف كلها لازم تكون على حساب الكفيل و العقد لازم تشوفه قبل ما تسافر و تستلمه مع تأشيرتك على باسبورك موثق من الجهات السعودية و المصرية ..

لأ الحالتين يفرقوا ..

أما كونه عاوز يدفعك تكاليف تأشيرتك فى تأشيرة ليست حرة فربما كان هذا نوع من الجشع و بيتم ضمنيا بالإتفاق .. يعنى لو مادفعتش فى غيرك و أمرك لله علشان مافيش قدامك غير كدة بس تبقى عارف إن المفروض إنك ماتتكلفش حتى تذكرة سفرك دة المفروض و كمان لازم لو فيه عقد تعرف الشركة اللى إنت رايحها و تعرف كمان إنه لو كدة فيه جشع من أولها يبقى حيعاملك إزاى هناك و حينتظم معاك والا لأ ؟؟؟

كل دى أسئلة كتير و كلها على الله ..

أما بالنسبة لأنك حتدور على شغل لو الفيزا حرة لكن لو فيه شغل يبقى مش حتدور و حتشتغل عادى ..

متهيألى أفضل شىء تسأل مباشرة هى دى فيزا حرة والا لأ ؟؟

المشكلة فى إنك حتدور كدة زى ما بتدور عالنت و حتلف و تكاليفك ممكن ماتسمحش ..

ربنا يوفقك و يكتب لك الخير ..