حلم الإستقدام وتغير المهنة

[كنارى1]

السلام عليكم ورحمة الله وبركاتة ، ، ،

أنا مشترك فى المنتدى منذ أشهر ولاكن كمشاهد فقط

وعندى مشكلة وياريت لو احد يجد لى حل

أعمل بمؤسسة صغيرة بالسعودية بمحافظة الإحساء المنطقة الشرقية وأعمل بها محاسب وأريد إستقدام زوجتى ولاكنى عجزت عن إيجاد حل لتغير المهنة والقيام بعمل إستقدام

:huh:

[MZohairy]

اهلا بيك

ايه هي المهنه اللي على الباسبور والإقامه؟

[sayed_ossman]

يا عمى كله بيمشى انت جديد هنا ولا ايه كله بيغير متقلقش دورلك بس على معقب حرك

[أبو زياد]

إعمل تأشيرة زيارة ...

[hendawi]

بالامكان تغيير المهنة بالاقامة لتتوافق مع العمل الذى تقوم به .. أولا الأمر يستلزم تعديل المهنة بجواز السفر بموجب خطاب من الكفيل موجه للسفاره وهذا اجراء سهل وبسيط وبعدها بموجب خطاب آخر من الكفيل لمكتب العمل لتعديل المهنة بالاقامة لتتوافق مع طبيعة العمل والخطوة الأخير التوجه لمكتب الاستقدام وتقديم وثيقة الزواج والمؤهل الدراسى موثقين ؛ وانشاء الله تصلك زوجتك مع تمنياتى بالتوفيق وحياة سعيدة

[لخبطه]

طبعا الظاهر الناس مش وصلت لها المشكله بالضبط

تغيير المهنة دلوقتى بدون نقل كفاله مستحيل وبيندفع فيه من 5 إلى 7 الاف ريال ( بدون نقل كفالة ) ومش بيخلص

الاستقدام بمهنه عامل وصل سعره ل 12 الف

تغيير المهنة مش بالسهوله اللى الكل متخيلها

وكمان عمل زياره بمهنة عامل وصل سعره ل 4 ألف ريال

الحل ياعمى لو عندك استعداد تدفع فلوس هتلاقي كتير بيعملوها بس يكون حد تثق فيه لانه النصب في النقطة دي بقا كتير اوي وفي أقرب مره تنقل فيها كفالة غير المهنة لانها بتكون بالف ريال بس مع نقل الكفالة

[AhmedAli]

اريد شراء فيزه حره للسعوديه باى ثمن

مراسلتى على الايميل

mrahmedali88@hotmail.com

وجزاكم الله خيرا

[niceword]

نعم الموضوع بقى صعب جدا تغير المهنه و كمان موضوع الزيارة بقى فى تشديد على عدم الرجوع بعد انتهاء المده و بقى فيها مشكلة انا كانت زوجتى هنا زيارة و جلست سنتان و عند السفر كان فى مشكلة لكن ربنا سهلها

مع العلم الموضوع يمكن عملة لكن عايزين واحد ثقة انا عن نفسى فى ناس اخدت منى فلوس و ما رجعتها و لا عملت حاجة

[amoudy]

في البداية أحب اقول ان أغلب المصريين هنا في السعودية في الوقت الحالي بيشغلوا مهن الدرجة العالية ولكن باقامات وجوازات سفر بتاشيرات عمال وسائقين وغيرها من التاشيرات المهمله في الأوساط السعودية .

مش المتجوز بس ولا اللى عنده أسره هو اللي بيعاني من المهنة الموجودة بالإقامة وجواز السفر , حتى العازب بيعانى من منها ... اللى بيسأل ليه أقوله أبسط حاجة لو لاقدر الله في حاله المرض يروح لأي مستشفى حكومي يقولوله آسفين ملكشي مكان هنا انت علاجك على كفيلك في المستشفيات الخاصة , انا نفسي اتعرضت لموقف زي دى وكان مهم جدا ليا العلاج لأني كنت معضوض من فار وانا نايم يعنى فى حاجة ملحه للمصل والمصل بتاع الفار ما كانشي مصرح ببيعه فى الصيدليات ولا المستشفيات الخاصة .

المهم والحمد لله اتجوزت وبدأت تظهرلي مشكله تانية وهى مشكله الاستقدام , طبعا مشكله اكيد لها علاقة جامدة جدا باني بفكر انزل نهائي والغى عقدى انهاردة قبل بكرة .

و بالرغم من ان راتب الكتير من المصريين بتاشيرات عمال بيتعدى ال 4 آلاف ريال الا ان النظام ما بيسمحلهم انهم يستقدموا زوجاتهم . طبعا لازم نبدا نلجأ للطرق غير النظامية زي اننا ندور على معقب مرتشي (حرك) يعرف موظفين (كوسة) ونسلك بيهم امورنا .

طيب ليه ما ندورشي احنا ونتابع مع سفارتنا ومع وزارات العمل بتاعتنا انهم يتوصلوا لاتفاق مع الحكومة السعودية بالسماح للمصرين باستقدام عمالتهم طالما ان الراتب يسمح والمؤهل العلمى يسمح , لأننا ولله الحمد عارفين مدى تاثير العمالة المصرية فى السعودية منذ قيام السعودية , وبردة عارفين ان الجزء الخاص بتاشيرات العمال والسائقين وغيرها دة بسبب قصور فى نظام العمل السعودي وليس المصري ولكن اللى بيتحمله هو العامل المصري .

في الأخير انا مبرمج وخريج كلية تربية معلم حاسب يعنى ومحضر دبلومه وسائل تعليمية وشغال في مكتب استقدام , يعنى عندي المعقبين الحركين دول كتير , انما المشكله اعم من انى اكون واحد دي مشكله ناس كتير , من بلد كبير , فيه مظاهر كتير بدأت تترسم على ان البلد دي بدأ يستهان بيها وبدأت تقع .

لو حكومتنا نصفتنا ما كانشي دة حالنا .

[amoudy]

و بالرغم ان اكتر من ربع الاقتصاد العمالى السعودي خارج بره السعودية في صورة تحويلات من العمال وغيرهم الا انهم مازالوا متمسكين بعدم السماح للعامل المقتدرين باستقدام زوجاتهم وبالرغم من وصول رسالتى للصحافة ونشرها بجريدة المدينة العام السابق و الا ان الموضوع لم يتلق اي استجابه من المسؤولين .

[من أنا]

طبعا الظاهر الناس مش وصلت لها المشكله بالضبط

تغيير المهنة دلوقتى بدون نقل كفاله مستحيل وبيندفع فيه من 5 إلى 7 الاف ريال ( بدون نقل كفالة ) ومش بيخلص

الاستقدام بمهنه عامل وصل سعره ل 12 الف

تغيير المهنة مش بالسهوله اللى الكل متخيلها

وكمان عمل زياره بمهنة عامل وصل سعره ل 4 ألف ريال

يا ريت ياخى لسه فيه استقدام للعامل ب12 الف ريال اوحتى 15

للأسف العامل اصبحت الزياره ليه معقده جدا وكذلك الاستقدام اصعب وكذلك تغيييير المهنه[/size]

تم تعديل 7 فبراير 2010 بواسطة من أنا

[مروان]

طب يا جماعة الخير

واحد صاحبي عمل استقدام لزوجته

ولم تثبت التاشيرة بعد في الجواز

ولكن حدثت ظروف ولن تاتي زوجته

هل يمكنه استرداد الرسوم (2000 ريال) بتوع البك ولا خلاص راحوا

مع الشكر

[geeemooo]

و بالرغم ان اكتر من ربع الاقتصاد العمالى السعودي خارج بره السعودية في صورة تحويلات من العمال وغيرهم الا انهم مازالوا متمسكين بعدم السماح للعامل المقتدرين باستقدام زوجاتهم وبالرغم من وصول رسالتى للصحافة ونشرها بجريدة المدينة العام السابق و الا ان الموضوع لم يتلق اي استجابه من المسؤولين .

دلوقتى يا جماعة فيه اكثر من رأى فى موضوع تغير المهنة

الرأى الأول :بيقول ممكن بسهولة تغير المهنة مع شوية اجراءات بسيطة مع الكفيل والجوازات ومكتب العمل السعودى

الرأى الثانى: بيقول ان الموضوع صعب جدا وممكن يكون مستحيل

احنا محتاجين حد يعرفنا هل فيه تغيير مهنة ولا مافيش عشان الناس الى معاها تأشيرات مهن حرفية يعرفوا ياريت حد يقولينا رأى فاصل وقاطع فى هذا الموضوع

وأظن مش هنلاقى حد يفدنا على الصح الا رجل المنتدى الأول سى السيد منتظرين ردك ياريس

[مروان]

اكرر سؤالي

طب يا جماعة الخير

واحد صاحبي عمل استقدام لزوجته

ولم تثبت التاشيرة بعد في الجواز

ولكن حدثت ظروف ولن تاتي زوجته

هل يمكنه استرداد الرسوم (2000 ريال) بتوع البك ولا خلاص راحوا

مع الشكر

يمكن فيه حد يتكرم ويجاوب

[مروان]

مش معقول محدش عنده اجابة

جزاكم الله خيرا

يا ريت لو حد عنده معلومة يفيدنا