يوم الحب.....

[عازفه على أوتار الذهب]

الساعه 12:00 والنهارده عيد الحب.....

كل سنه وانتم طيبين وكل اهل المحاورات والبيت الكبير بخير وحب.....

ربنا دايمآ يجمعنا على الحب ونملا الدنيا حب في حب..... :wub:

ويجعل مصر كلها حب وخير وسلام بشعبها واهلها وناسها الطيبين.....

ناوي تجيب هديه لمين؟؟؟؟........

من هنا بوجه دعوه لكل زوج وزوجه ياريت تفتكروا بعض بكره بهديه حلوه....

ولكل ابن ولكل اخ ولكل اخت ولكل صديق وجار وحبيب.......

ودعوه لكل المحاوراتيه من هنا قول HAPPY VALNTAIN DAY...لكل اللي بتحبهم.....

(الورده كالروح الطيبه ومعناها...اغلى من الماس....)

انا عن نفسي بهادي احلى هديه لينا كلنا (المحاورات).......

كل عيد حب وانتوا الحـــــــــــــــــــــــــــــــــــــــب........

كل سنه وانتم بألف خير وسعاده وحب.....

تم تعديل 17 فبراير 2007 بواسطة عازفه على أوتار الذهب

[darker19]

من هنا بوجه دعوه لكل زوج وزوجه ياريت تفتكروا بعض بكره بهديه حلوه....

فكرتيني بنكته بتقول واحده بتقول لجوزها بكره عيد جوازنا هانقضيه فين؟؟ قالها هانقف دقيقة حداد الصبح....

كل سنة وانتوا طيبين

[bentmasria]

لفتة طيبة يا ارق عازفة

ولتكن ايامنا جميعا احتفالية خاصة بوجود عملة نادرة الوجود بين قلوبنا ومن حولنا وجميع افراد هذه الصحبة الرائعة

الحب يسعد كل القلوب ويعمرها بالصدق والشفافية والامل

اتمنى لكم عمرا عامرا بالخير والسعادة والاشراقة التى تطل من القلوب الى الارواح

دعونا من الاسماء ارجوكم والتفاسير وفقط تمتعوا بيوم اصبح رمزا للمشاعر الراقية النبيلة

يوم الحب

اسعد الله ايامكم جميعا :wub: :) :wub:

وبوسة كبيرة اوى من مادا افندى :wub: :wub:

[عبده بيه]

كل سنه وبالحب عايشين طيبين متحابين

ويا ريت يكون كل يوم عيد حب ويوم جميل بالود والتفاهم والتفاني

يوم جميل يوم الحب بهدية اوبضحكة او بسمة اوبوردة او كلمة طيبة جدد حبك لاختيارك الجميل لزوجتك الكريمة

بالحب نعيش احسن و براحة بال افضل

لكم مني كل الحب والاحترام

[Diab]

بمناسبة الفلانتاين داي قررنا نقف 50 دقيقة حداد

:wub: :) :wub: :wub:

[نانو]

كل يوم ....النهارده .... وامبارح ... وبكره .....بحبكم كلكم .... وكل سنه واحنا دايما متجمعين علي حب

[Eldisel]

انا لا اعترف بالفلانتين ولا احتفل به

( وش واحد غتت )

حد عارف مين فلانتين .... وكان بيعمل اية ؟ سؤال محتاج اجابة

[MZohairy]

الحب كده

وصال

و دلال

و رضا

و خصام

واهو من ده و ده

الحب كده

مش عايزه كلام الحب كده

يا سعده اللي عرف مره حنان الحب و قساوته

و يا قلبه اللي طول عمره ما داق الحب و حلاوته

تشوفه يضحك و في قلبه الأنين و النوح

عايش بلا روح وحيد والحب هو الروح

حبيب قلبي و قلبي معاه

احبه في رضاه و جفاه

اوريه الملام بالعين

و قلبي على الرضا ناوي

بيجرح أد ما يجرح

و يعطف تاني و يداوي

واهو من ده و ده

الحب كده

مش عايزه كلام الحب كده

[The Professor]

انا هنا هاستعير ما كتبه الأستاذ أحمد رجب في نص كلمة بمناسبة عيد الحب

في عيد الحب كل سنة وانت تحب وتتحب، والحب جميل وحلو لكن الحلو مايكملشي، فالحب مشكلة مؤقتة تؤدي الي مشكلة أبدية اسمها الزواج، ولهذا السبب يلبسون الاحمر في عيد الحب باعتبار أن العاشق هو أحمر الناس لأنه يساق مخدرا إلي المؤبد، ولذلك ليس أجمل من هذا الدعاء في عيد الحب: اللهم اجعل حبيباتنا زوجاتنا واجعل زوجاتنا حبيباتنا.

تحياتي للناس الرومانسيين

[memo2007]

كل سنه وانتو طيبن

و

كل عيد حب :wub: وانتم سعده

بحبكم كلكم

:wub: :wub: :wub: :wub:

[عبده بيه]

انا معاكم

ان الحب مش محتاج لوقت معين ولكن

لازم نحب ونتحب دي سنة الحياة

ازاي هنحب الحياة لازم يكون في عوامل تعلمنا ان نحب ونتحب طبعا

عام سعيد كله حب واخلاص وتفاني لحبنا

مع خالص حبي

[عازفه على أوتار الذهب]

داركر..بنت مصريه...عبده بيه ...دياب...نانو..الديزل...

زهيري..يروفسير...ميمو..واكرر عبده بيه.......

كل سنه وانتوا بالف حب وخير وسعاده.....

بس ليه البعض رافض حتى انه يكون في يوم للحب....

على الاقل نفتكر بعض نحب بعض نبعد ولو ليوم عن الجفاء....

هو ده جمال تخصيص يوم الحب....انه حتى ولو ليوم نحب بعض.....

وزي ما قال عبده بيه...لازم يكون في عوامل تعلمنا ان نحب ونتحب....

كل حب والمحاورات كلها بخير وحب دائمآ يارب.......

[autoscriptor]

امبارح يا شباب كان عيد الحب، كل سنة وانتم طيبين

ولكن عند بعض الناس هي فرصة لبث روح الكراهية أيضًا. الكراهية لهذه المشاعر الإنسانية بدعوى أنها تأتي من الغرب الكافر المسيحي المخالف لنا في العقيدة المحارب لنا على طول الخط الذي لا يريد بنا خيرًا ويرد لنا أن نصبح مثل الدمى يحرك هو خيوطها. وبين التحريم الشديد من السلفيين والانكار من المتشددين وصولاً إلى العنف لمنع الناس من التعبير أو اظهار بعضًا من اللون الأحمر في هذا اليوم، يصبح الرابع عشر من فبراير هو بكل فخر عيدا للكراهية في بعض مناطقنا السعيدة. تعالوا نرى لماذا يصبح هذا اليوم أحيانًا يومًا للكراهية ومشاعر أخرى سيئة عند بعض العرب

أخرج إلى الشارع الآن وأسأل المارة عن شعورهم عن عيد الحب. سوف تأتيك ردود مختلفة يتخللها الكثير من الإجابات تأتي ضمن اطار أن الاحتفال بهذا العيد حرام ولا يجوز ولن يوفر المسؤول جهدًا في أن يزين وجههة بكل تعابير الإستنكار والاستهجان

حاول أن تشتري وردة حمراء من أحد محال الورود في الرياض. حاول أن تلبس قميص أحمر أو تمسك بدفتر أحمر أو حتى تبصق في منديل أحمر سوف يأتيك رجال الهيئة (الأمر بالمعروف والنهي عن المنكر) كأنهم في غزوة ضد مشركي الجزيرة بعصيهم كالسيوف. أصبح الحب من المنكرات وعليهم أن ينهوا عنه. ويا ويلك لو كانت سيارتك حمراء، سيكتشف كل من في مدينة الرياض ذلك في هذا اليوم فقط. أنصحك لو كانت سيارتك حمراء ألا تخرج بها هذا اليوم. فمن يعلم، فقد يرجموك بالحصى وأنت فيها أيها الزنديق

ابحث عن الحب في هذا اليوم في المنتديات العربية على الإنترنت وسوف تجد بعض المنكرين في المنتديات العامة وتنفير وتحذير ووعد بالويل والثبور لكل من أراد أن يكون له في هذا اليوم قدر أكبر من التعبير عن مشاعر حبه لمن يحب من الناس في المنتديات الاسلامية

أسأل أصدقائك وسوف ترى أن البعض قد تجنب أن يقول لزوجته أو خطيبته أو أبنائه وأهل بيته انه يحبهم حتى لا يوصم بعار الاحتفال بيعيد الحب. بل اعتقد انك سوف ترى ان منهم من افتعل أي سبب للشجار في هذا اليوم دليلا وبرهانًا على أنه لا يحب ولا يمكن أن يسيطر هذا الشعور الغربي على نفسه ويضعها علامة فارقة في هذه السنة وليعلم الجميع انه في هذا اليوم قد أذاق كل من حوله نفحًا من الكراهية لن ينسوه

ما هو الغلط في أن تعبر عن حبك بشكل أكبر في يوم من أيام السنة. أستطيع أن أفهم ان المتشددين يعتقدون أن عليهم مخالفة جميع الأمم حتى لا يوصوموا بالموالاة لهم. فلا نستطيع أن ننكر أن عقيدة الولاء والبراء أصبحت مسيطرة على كثير من العقول هذه الأيام. ولكن لماذا يصبح حتميًا أن ينقلب هذا اليوم إلى يوم الكراهية عند المتشددين من المسلمين؟ لماذا نسمع عن أشياء سخيفة صبيانية تقوم بها السعودية وبعض البلدان ممن هي على شاكلتها في هذا اليوم؟ أليس سخيفًا ان تمنع السعودية بيع الورود الحمرا في هذا اليوم؟ أليس سخيفًا أن أن تتعرض الفتيات للمضايقات من فرسان الهيئة لو قمن بلبس أي شيء أحمر اللون؟ أليس سخيفًا أن تعادي أمة بكاملها لوناً من الألوان يوم من أيام السنة؟ فقط ينقصنا أن نسمع عن فتوى تحريم اللون الأحمر. ولكن بدلاً من هذا فإن بعض طلاب جامعة القاهرة من التيار الديني يسمون عيد الحب هذا العام بعيد محمد حتى يكون الحب في اطار ديني فقط

ثم ماذا يعني ان الغرب هو من ابتدع هذا العيد الماجن؟ لو كانوا هم ماجنين فهل معنى هذا أن تصبح أنت الآخر مثلهم؟ هم يحتفلون حسب عاداتهم، عبر انت أيضًا عن مشاعرك باستخدام ما تعودت عليه وما ألفك عليه الناس من حولك. إلا أن يكونوا قد ألفوك عابسًَا كشيرًا. لن يطلب منك أحد أن تعصى الله أو أن تسكر أو تزني في هذا اليوم. على الأقل أترك من يريد أن يشعر بقدر أكبر من السعادة في حاله وليسعد هو وتتكدر أنت. ثم من أين أتت ساعتك التي تزين بها معصمك؟ ألم تأت من سويسرا؟ ومن أين جاءت سيارتك؟ ألم تأت من مصانع شركة فورد الأمريكية؟ إذا رفضت العيد القادم من الغرب فارفض الغرب بكل ما أتى منه. فكل شيء آت من الغرب هو بدعة وكل بدعة ضلالة كما نعلم. فكلها ضلالات ولا بد من العودة إلى الخيمة لنشرب حليب النوق ونسمع شعر الهجاء وننام الليل على أمل سبي الغد وما قد يكون فيه من الإماء الروميات مما نتسرى به في ليالينا السوداء. ويقطع الحب وسنينه وكل سنة وانت طيبين كمان مرة

تم تعديل 15 فبراير 2007 بواسطة autoscriptor

[the sad man]

الحب لا يوم له

الحب يجب ان يكون كل الايام لمن نحب

و لماذا هذا اليوم بالذات هو عيد للحب؟؟؟

ليته كان نابعا من ثقافتنا العربية و من عاداتنا و تقاليدنا العربية

و ليت لنا مثل هذه الايام و لكن يكن مرتبط بذكرى فى قلوبنا و نعرف بماذا و لماذا نحتفل

لا ان نكون ريشه فى وسط الموج يحركها كما يشاء

ان الذين لا يتفلون بهذا اليوم لهم منطقهم و احترامهم

و فالانتين سعيد لل فلانتييييينين

و حياكم

[عبده بيه]

الموضوع جميل وبيشدني ان اتكلم فيه باستمرار

اولا الاخ بتاع الرياض للاسف مش عارف اقرء اسمك ممكن يكون اوتسكربيتر المهم دمك زي العسل وفطستني من الضحك

العازفة والفنانة علي اوتار من الذهب والماس كل يوم بتتحفيني بتعليقاتك واسلوبك احنا ينقصنا شيء في معاملاتنا وهو التفاني والاخلاص عارفة ايه الفرق بنا وبين العرب ايام اذدهار الاسلام انهم كانوا مخلصيين ومتحابين والفرق بنا وبين الاوروبيين الان انهم لما بيحبوا بيحبوا من قلبهم يلزمنا الحب والتفاني والاخلاص في حبنا وفي عملنا وحياتنا ومعاملاتنا مع تحياتي

[عازفه على أوتار الذهب]

الأستاذ الفاضل autoscriptor........

لقد "وفيت وكفيت".....ومفيش بعد اللي قلته كلام......بس كلامك خلاني عايزه اتكلم اكتر واكتر.....

وخصوصآ إن من كلام حضرتك انك في السعوديه....وانا عارفه ازاي بيكون التعامل في مثل هذه الايام......

حضرتك كمان اشرت لكلامك بروابط....انا عايزه اعرف بس اللي سماه عيد محمد مفكرش ان ده ممكن يكون ذنب اكبر.....

ليه ندخل اسم رسول الله "عليه افضل الصلاة واتم التسليم"...في الاشياء الصغيره...فوجود هذا الاسم لابد وان يذكر في الاشياء العظيمه فقط......

وليه بنحرم الحلال الدين مقلناش نكره بعض....او حتى محرمش اننا نحدد يوم للحب...الدين قالنا نحب بعض دائمآ ننشر الخير والحب والسلام بينا...

وده المفروض بس للاسف الحب في العموم مش موجود بالعكس وكلنا عارفين ايه اللي بيحصل وبدون تطرق عشان منخرجش عن الموضوع.....

ف ليه بنكره حتى يوم الحب يامسلمين...مش معنى انه جاي من الغرب يبقى كل حاجه عندهم غلط لأ ولا يصح الا الصحيح....الخير معروف والشر معروف...

وليه بناخد منهم الوحش وبنجرم وبنبعد عن الحلو.....وعقولنا هي اللي لازم توجهنا مش لازم نعمل زيهم....بس بما اننا مسلمين وبنتكلم عن الحلال والحرام...

ما نحب بعض دائمآ ونعبر عن الحب ده في يوم لأن مشاغل الحياه دلوقتي للاسف خلت الناس تنسى حاجات كتير فااليوم ده ليه ما يكونش اجازه للناس اللي حواليك....

****************************************************************************************************************************

والاخ الفاضل...the sad man......أعتذر عما صدر مني من إساءه وبعض الكلمات في هذا الموضوع وعدم فهمي لوجهة نظرك التي تستحق

الإحترام.....اعتذر جدآ على ما صدر مني.....

أرجو ان تقبل اعتذاري اخي الفاضل...وأهلآ بك عضوآ فاضلآ بيننا.....

وتقبل تحياتي......

****************************************************************************************************************************

عبده بيه الأخ الفاضل الراااااائع عبده بيه......ياعبده بيه اسمحلي اكرر انك وجودك هنا اكثر من مره يدل فعلآ على انك انسان رااائع بكل معنى الكلمه.....

ولكل تواجد كلمات اجمل....فعلآ يلزمنا الكثير لنصبح افضل وازيد يلزمنا الصراحه والوضوح في معاملاتنا فنحن عندما نحمل مشاعر الحب نخفيها وكأنها

عار كما سبق وذكر....وأوضح ان حتى مشاعر الحب للأب والام والاخ والاخت والابن والابنه قل ما نظهرها ونخبر من حولنا اننا نحبه ونعبر له....

للاسف عاداتنا اصبحت الجفاء وعاداتهم اصبحت الحب......ولاتعليـــــــــــق........

اشكرك اخي الفاضل عبده بيه وياريت تيجي تاني...واشكر كل من تواجد بحب.....

وكل حب وكل "المسلميييين" بخير وحب وسلام يارب....

تم تعديل 18 فبراير 2007 بواسطة عازفه على أوتار الذهب

[عبده بيه]

اختي العازفة علي كل الاوتار الذهبية والغير ذهبية

موضوعك جميل لاني انا بطبيعتي بحب الناس واهلي وجيراني والبلد اللي انا بعيش فيه حتي لو كان غير مسلم او عربي فانا بحبهم لان لازم يكون فيه ولاء للبلد اللي عاش فيه وبحمل اسمه

ده في الخارج من مصر اما في مصر صدقيني بعشق المعاملات مع الناس بتاع الفول وسواق التاكسي وبتاع الخضار والفاكهة لما يحاول يضحك عليا وبتاع العصير القصب للعلم مفيش قصب علي ما اعتقد الافي مصر

اظرف شيء اني لما بروح عند بتاع القصب بقوله اديني واحدة من كل نوع عصيرمن اللي عندك

لازم نرجع نفسنا لازم نقرب من بعض لازم نسمع بعض

تعالوا من النهردة وقولوا احنا هنغير معاملاتنا مع بعض وشوف ايه الفرق والله هتلمسه في اقل شيء

الله يبارك فيكي موضوعك ممتع وهرجع لك تاني يا اطيب عازفة

من هنا هسميكي عازفة علي اوتار القلب

مع تحياتي

[عازفه على أوتار الذهب]

الله عليك يا عبده بيه.....

فعلآ خليتني اتخيل لوبتاع الفول وسواق التاكسي وبتاع العصير القصب....

وبتاع الخضار والفاكهه اللي لازم برضه يضحك علينا....

لو الناس دي اختفت من البلد فجأه هنحس ان دي مصر..؟؟؟

انا لما كنت برجع من بره كنت بشم ريحة مصر......

إحنا عندنا حاجات جميله بلدنا لها طابع خاص.....

والله يا استاذ عبده يا ريت الناس كلها زيك...وتفكر بالشكل ده....

احنا فعلآ بس محتاجين نحب بعض وكل شئ هيكون احسن هنلاقي ان كل شئ بيتصلح....

لكن طول ما احنا كل واحد بيقول نفسي مفيش حاجه هتتغير الناس بقت بتدوس على بعضها عشان تعلا.....

الله يبارك فيك وفي وجودك اخي الكريم.....

"من هنا هسميكي عازفة علي اوتار القلب"

ربنا يخليك يارب...ده كتير عليه قوي الإسم ده...ووسام شرف ليه....

كفايه وجودي بينكم انا بجد لما بشوف لسه في ناس جواها خير وحب كده

بقول الحمد لله مصر لسه بخير....

تحيــــــــــــــــــاتي....... :P :P

[عبده بيه]

الغالية العازفة علي اوتار القلوب تحيةطيبة

اختني الغاليه تعالوا نعمل تجربة وهي ان نغير في معاملاتنا مع بعض ولازم هتشوفوا الفرق في ايام بسيطة او ساعات لا فعلا الشعب المصري محتاجة دفعة بسيطة اوبلغة اخري عمرة زي عمرة العربية مثلا عمرة في قلبه من جوة مثلا مفيش حد يقدر ينكر من حوالي 6 سنوات ماذا فعلا عمر خالد في الشعوب العربية غيرها بالكامل اتفقنا مع الراجل او اختلفنا فعلا بارك الله فيه ناس كتير انا كنت فقد الامل فيهم فجئوني بالتغيير

اذن شعبنا شعب الدفعة ممكن احنا نجمل معاملاتنا بضحكة لاهلنا وجيراننا وبالسلام والسؤال عن الغايب بصباح الخير

والله حاولوا هتلاقوا الموضوع مختلف

اختي العازفة شكرا لموضوعك الجميل واصلي وتواصلي مع الموضوع وكبريه واصريه علي افكارك ومنا هنلاقي الكثير والخير جاي ان شاء الله

خالص تحياتي

[عازفه على أوتار الذهب]

اخي الفاضل عبده بيه.....

اشكرك على تواجدك واستمرارك وحبك لإستمرار الموضوع ورفعه....

وهذا ان دل فلا يدل الا على كرم اخلاقك وطيبة نفسك وحبك للخير وللحب ونشر التعاون والسلام والإخاء....

هذه دفعه قويه الى الخير والى الافضل كلنا نتحدث عن الافضل ونتمناه ربنا يحققلنا ولكل المسلمين كل الخير يارب....

تحياتي عبده بيه واشكرك واشكر تواجدك الكريم.........