وجوه مصرية

[Scorpion]

رضا الحمد لله

 

[bentmasria]

الله يا سكوب

فكرتنى بمشاريع الكليه زمان واحنا بندور على الاصالة والجمال والسمار والحكمة فى الوشوش وبنحاول بريشاتنا المتواضعه واحساسنا نرسمهم

دى صحيح وشوش ولاد بلدى بكل شىء جميل فيها

تسلم عين المصور كادرات زى الفل

:wub:

هل من مزيد :wub:

[Scorpion]

عمرها ما حتتغير.....

ربنا يخليكي يا بنت مصرية .. ياللي دايمآ جابرة بخاطري ... :wub:

بس لو فيه حد يشرحلي اصغر حجم الصورة ازاي بدال ما هي واخدة شاشة ونص ... اكون مشتشكر خالص مالص ..

 

[bassem_2009]

ألف شكر على هذي الصور لهؤلاء الذين أعشقهم

باسم زكريا

ابن مصر الصغير

[Scorpion]

التين الشوكي

 

[Scorpion]

المعاش مش مكفي .....

[inas]

الف شكر ليك على المجموعه الجميله

والتين والعيش فتحت نفسي :wub:

[عبده بيه]

الاخ الفاضل سكربيون المجموعة جميل بحس بجمال وحلاوة وشهامة ومروءة ممتازة ذوقك جميل لكن احلاهم الصورة اللي هي توقيعك الراجل الي ايده تحت خده صورة مبدعة ورائعة بحب اشوف توقيعك علشانها

مع تحياتي

[واحد تاني]

سكوب سنيوري ... تسمح لي بالكلمة دي ؟

يا حزين يا قمقم تحت بحر الضياع

حزين أنا زيك و إيه مستطاع

الحزن ما بقالهوش جلال يا جدع

الحزن زي البرد ... زي الصداع

عجبي !

تم تعديل 15 فبراير 2007 بواسطة واحد تاني

[واحد تاني]

عمي ... ممكن كلمة كمان ! :sad:

باب يا مقفول ... إمتي الدخول

صبرت ياما و اللي يصبر ينول

دقيت سنين ...والرد يرجع لي: مين؟

لو كنت عارف مين أنا كنت أقول

عجبي !

[عبده بيه]

ياعيني لما يبدع واحد تاني مع سكربيون ما علينا غير اننا نفتح عينينا من الروعة شكرا لكما

[أبو حميد]

أستاذ سكوب أنت وواحد تاني خدتونا من غربتنا ورميتونا في قلب مصر وكأننا سامعين النداءات والأصوات المحببة والدوشة الجميلة ونشم رائحة الأطعمة وكأن الطعم على لساننا.

ياريت كل واحد مننا وكلنا معاه كاميرا في التليفون يبقى ياخد باله لما ينزل مصر من الصور الحلوة دي ونحطها هنا.

غالبا أنا كل شوية هادخل الموضوع علشان اشوف الصور تاني وأقرا الرباعيات الجميلة اللي حاططها واحد تاني.

[Scorpion]

أشكر الجميع علي مرورهم الكريم و تفاعلهم مع هذا الموضوع ... و اخص بالشكر أخي واحد تاني مرتين ...

مرة لأضافاته الجميلة ...

و مرة للفكرة الرائعة التي جعلت يمزج بين عبقرية جاهين و الصور ...

في لقطة واحدة تستطيع ان تجد تعبير يغني عن صفحات و صفحات من الكتابة ...

لذا استسمحه في استخدام نفس الفكرة كل مرة سيضيف أحدآ منا صورة جديدة ...

تحياتي و اعجابي ...

الدنيا أوضة كبيرة للأنتظار...

فيها إبن آدم ... زيه زي الحمار ...

الهم واحد ... و الملل مشترك ..

و مافيش حمار بيحاول الأنتحار

عجبي !!!

عيني رأت مولود علي كتف أمه ..

يصرخ ... تهنن فيه ... يصرخ ... تضمه

يصرخ .. تقول يا بني ما تنطق كلام ...

ده اللي ما يتكلمش يكتر همه ...

عجبي !!!!

لو فيه سلام في الأرض .. و طمان و أمن ...

لو كان مافيش و لا فقر ولا خوف و جبن ...

لو يملك الأنسان مصير كل شيء ...

انا كنت أجيب للدنيا ميت ألف أبن ...

عجبي !!!

 

 

[Scorpion]

و لو اتضنيت و فنيت ... و عمري انفرط ...

مش عاوز الجأ للحلول الوسط ...

و كمان شطط و جنون مانيش عاوز ...

يا مين يقول لي .. الصح فين والغلط

عجبي !!!

[Scorpion]

مانتاش بتلعب ليه يا روح بابا ؟ ...

و لا عسكري .. و لا لص في عصابة ؟ ...

إلعب أسد ... أو ديب رهيب .. أو غزال ...

دي الدنيا في نهاية المطاف غابة ....

عجبي !!!

[Scorpion]

عيني رأت عصفور و وياه أبنه ...

بيحدفه في الريح ... و ياخده ف حضنه ...

نوبتين و تالت نوبة .. عجبي عليهم ...

كانوا سوا بيرفرفوا و يغنوا

عجبي !!!

[Scorpion]

أنا اللي بالأمر المحال إغتوي ....

شفت القمر ... نطيت لفوق في الهوا ...

طَلته ... ما طُلتوش ... إيه أنا يهمني ...

و ليه ... مادام بالنشوة قلبي أرتوي

عجبي !!!

[Scorpion]

مزيكة هادية الكون فيها أنغمر ...

و صيف .. و ليل ... و عقد فل .. و سمر ..

يا هل تري الناس كلهم مبسوطين ....

و يا هل تري شايفين جمال القمر ؟

عجبي !!!

[bentmasria]

تسجيل تحية واعجاب وتقدير فعلا موهبة تصوير تستحق الاعجاب

وكمان مزجت الحياة بحروف جاهين

انحنى احتراما لك

اسعدت عيوننا وقلوبنا معا

هل من مزيد

[واحد تاني]

شكرا جزيلا لاطرائك عزيزي عبده بيه وانت ايضا اخي ابوحميد

والشكر موصول لصاحب البيت... الفاضل ابوجونيور على كلامه الرقيق

انا الذي عمري اشتياق في اشتيـــاق

و قطر داخل في محطة الـــــــــفراق

قصدت نبع السم وشربت ســـــــــم

من كتر شوقي وعشمي في التريـــاق

عجبي !

سهير ليالي و ياما لفيت و طفت

و ف ليه راجع في الضلام قمت شفت

الخوف ... كأنه كلب سد الطريق

و كنت عاوز أقتله .. بس خفت

عجبي !