وجوه مصرية

[Scorpion]

أنا كنت شيء و صبحت شيء ثم شيء ....

شوف ربنا ... قادر علي كل شيء ...

هز الشجر شواشية و وشوشني قال :

لابد ما يموت شيء عشان يحيا شيء .

عجبي !!!

[Scorpion]

سمعت نقطة ميه جوه المحيط .....

بتقول لنقطة ما تنزليش في الغويط .....

أخاف عليكي م الغرق ... قلت أنا

ده اللي يخاف م الوعد يبقي عبيط .

عجبي !!!

[Scorpion]

زحام و أبواق سيارات مزعجة ....

اللي يطول له رصيف ... يبقي نجا ...

لو كنت جنبي يا حبيبي أنا ...

مش كنت اشوف إن الحياة مبهجة ؟

عجبي !!!

[Scorpion]

أنا قلت كلمة و كان لها معنييـــــــــن

كما بطن واحده و توأمين زي وشين

لو دنيا شر.. التوأم الخير يمـــــــوت

لو دنيا خير .. الشر ح يعيش مــنين

عجبي !!

[inas]

صوره قمه في الجمال ماشاء الله والله عجبتني جدا

في انتظار المزيد :lol:

[Scorpion]

ربنا يجبر بخاطرك يا ايناس ... بصراحة اشاركك الرأي ان اللي اخد الصور دي عنده حس فني رائع ...

تحياتي دائمآ ....

يا قرص شمس مالهاش قبة سما ...

يا ورد من غير أرض شب و نما ....

يا أي معني جميل سمعنا عليه ...

الخلق ليه عايشين حياة مؤلمة ؟؟؟؟؟

عجبي !!!

[Scorpion]

ياللي بتبحث عن إله تعــــــــــــبده

بحث الغريق عن أي شئ ينجـــده

الله جميل و عليم و رحمن رحــيم

أجمل صفاته .. وانت راح توجده

عجبي !!!

[Scorpion]

انا الذي عشت الزمن مضيعـــــــــه

بروح حزينة معفنة مضعضعــــــه

زرعت شجرة سنط لجل انجــــــرح

لقتها شعر البنت و مفرعــــــــــــه

عجبي !!

[Scorpion]

طال انتظاري للربيع يرجــــــــــــــع

و الجو يدفا و الزهور تطلــــــــــــع

عاد الربيع عرمرم شبـــــــــــــــاب

إيه اللي خلاني ابتديت افــــــــزع ؟

عجبي !!!

[Scorpion]

إيش تـطلبي يـا نفسـي فـوق كـل ده

حظــك بيضــحك وانـتي متنكـدة

ردت قـالت لـي النفس : قـول للبشـر

مـا يبصـوليش بعيـون حـزينـة كـده

عجبي

[Scorpion]

أوصيك يابني بالقمر و الزهـــــــــــــور

أوصيك بليل القاهرة المسحـــــــــــــور

و إن جيت في بالك .. إشتري عقد فل

لأي سمرا.. وقبري إوعك تـــــــــزور

عجبي !!!!

[Scorpion]

بره القزاز كان غيم و أمطار و بــــــــرق

ما يهمنيش – أنا قلت – و لا عندي فرق

غيرت رأيي بعد ساعة زمـــــــــــــــــان

و كنت في الشارع .. و في الجزمة خرق

عجبي !!!

[Scorpion]

الدنيا صندوق دنيا .. دور بعــــد دور

الدكة هي .. و هي كل الديكـــــــــور

يمشي اللي شاف ويسيب لغيره مكان

كان عربجي أو كان امبراطــــــــور

عجبي !

[Scorpion]

عيد و العيال اتنططوا ع القبـــــــور

لعبوا استغمايه .. و لعبوا بابــــــور

و باللونات و نايلونات شفتشـــــــي

و الحزن ح يروح فين جنب السرور

عجبي !!

[Scorpion]

نقطة مرارة كمان علي مشروبـــــــــــي

دوبها يا ساقي حسب مطلوبـــــــــــــــي

طعب الحياة .. مش برضه فيها و فيها ؟

ليالي وردي و نهارات خروبــــــــــــي ؟

عجبي!!

[fatfouta]

والله انتوا فعلا فنانين جدااا

بسجل اعجابى بزوقكم الشديد الرقى

:rolleyes: :unsure:

[Folana]

السلام عليكم ورحمة الله...

فتافيتو الجميلة....عايزين نشوف مشاركاتك هنا... :blush2:

والحقيقة فيه "واحد تانى" برضه نفسى أشوف ابداعاته معنا... :happy:

يا قرص شمس ما لهش قبة سما

يا ورد من غير أرض شب ونما

يا أى معنى جميل سمعنا عليه

الخلق ليه عايشين حياه مؤلمة

عجبى !!

[لماضة مصرية جدا]

قال Scorpion :

إيش تـطلبي يـا نفسـي فـوق كـل ده

حظــك بيضــحك وانـتي متنكـدة

ردت قـالت لـي النفس : قـول للبشـر

مـا يبصـوليش بعيـون حـزينـة كـده

عجبي

صباااااااااح بطعم الضحكة

حلوة اوي الحتة بتاعتكم دي

و الاحلي ان اسمها وشوش.......مصرية.....(و انا اسمي لماضة مصرية....يبقي احنا اخوات من اب واحد.... :blush2: ) و هتلاقوني عندكم بقي كتير

صبااااااااااحكم كادر.....بعين مليانة خير

[عنبو]

كان ليا اب وكان رئيس محكمه

ستين سنه فى قضيه واحد اترمى

ستين سنه وطلع برأه وخرج

يشكى الحياه والموت لرب السما

وعجبى

تم تعديل 13 مارس 2010 بواسطة محمد العنبى

[واحد تاني]

والحقيقة فيه "واحد تانى" برضه نفسى أشوف ابداعاته معنا... :blush2:

:blink:

هــــات يـا زمــان وهـــات كــمـان يــا زمــان

غـــيـر بـــسـمـه الــشــجــعــان ما منى يـبـان

هــو الـلـى داق الـــفــرحـه يــــــوم ثــــــورتـه

يـــقـــدر يــــعـود ولا ثــــانــيـه لــلاحـــــزان؟

عجبى !!