احنا اتغربنا ليه

[M YEHIA]

لو كل واحد فينا سال نفسه انا اتغربت ليه

اكيد هيلاقي اسباب قويه هي اللي دفعته للسفر

يمكن الظروف الاقتصاديه يمكن تعرض الشخص لظلم وقع عليه يمكن علشان معرفش ياخد حق من حقوقه اسباب كتير تخلي الواحد يطفش من البلد غير باكي عليها

ولكن المهم هل هذه الاسباب لسه موجودة نعم لسه موجودة

طب مش هتتغير ولا احنا اتكتب علينا الغربه طول عمرنا احنا واولادنا

ومحدش يقولي اننا اتعودنا علي الغربه واننا اصبحنا جزء من نسيج المجتمع اللي احنا عايشين فيه

دي كلها حاجات بنضحك بيها علي نفسنا

هل نستطيع ان نساعد في ايجاد حل للاسباب الكتير اللي خلتنا نسيب مصر]

[mizooo]

أخي الكريم تحية طيبة وبعد،،،

الغربة شيء مريع يترك في أنفسنا سلبيات كثيرة لا تعد ولا تحصي والشيء الإيجابي الوحيد هو الجانب المادي ، طب إحنا اتغربنا لية أممممممم ، انا أذكر قبل الغربة كنت اعيش في مصر الحبيبة بلا هدف كل محاولاتي للحصول علي عمل كانت فاشلة ، وحتي العمل الذي حصلت عليه كان غير كافي لإشباع متطلباتي فقط الشخصية ، طب اتغربت ماذا حدث ...؟ نعم حدثت طفرة لابأس بها في حياتي وبعد عامين من العناء والضغط النفسي في غربتي أستطعت ان أحصل علي وظيفة براتب قد يتيح لي فرصه الزواج ، إذن الغربة أتاحت لي عديد من الفرص كنت لا استطيع التفكير في هذه الفرص وانا داخل بلدي الحبيب. أشكرك علي موضوعك

[عبده بيه]

الفاضل يحي تحية

لاحنا من نسبج المجتمع الل عايشين فيه ولا اتعودنا علي الغربة

انا بفكر جديا في الرجوع ولكن امتي الرجوع صعب جدا اني اتاقلم من جديد ولكن بحاول غصب عني لانها بلدي بحاول اني الاقي شغل لي وللمدام وعندك من الخبرات ما تحكيه والشهادات لكن لا اذن ولا حد بيسمع تعبنا من الغربة و مش عايز ولادي يتربوا في بلاد تانية والله بفكر كل يوم لكن فعلا صعب ولازلت بحاول وكمان نازل اشوف ايه الجو الشهر الجاي الهي ما تكسفني يا رب علشان خاطر اموت في بلدي ويا رب

[desert_rock70]

أنا عن نفسى السؤال دة راودنى كتير بس أكتشفت انه بسبب البحث عن الأفضل ..بمعنى انا كنت فى مصر لو صبرت شوية كنت قدرت أعيش .. بس هو السعى وراء النجاح والإستكشاف هو اللى خرجنى .. وعدم الرضى بالأمر الواقع بس الحمد لله بدفع التمن دلوقتى .. بعد ما كنت عاطفى بقيت عملى لدرجة عدم الإحساس فى بعض الإحيان وحالة من عدم التركيز والنسيان .. وربنا يستر فى الباقى على فكرة انا طازة مبقاليش سنتين متغرب بس حاسس أن هى هتفضل كدة . وشكراً

[AhmedAli]

اريد شراء فيزا حره باى ثمن للسعوديه

مراسلتى على ايميل

mrahmedali88@hotmail.com

وجزاكم الله خيرا