هل انت مستعد ان تساعد في الاعمال المنزليه؟

[inas]

سؤال حبيت اقدمه للازواج

هل انت مستعد ان تساعد في الاعمال المنزليه؟

وامثله علي المساعدات الي ممكن تقدمها؟

في كتير من الازواج بيسعد باداء بعض الاعمال المنزليه زي المطبخ

بس هل دا يعتبر انتقاص لك كزوج ورجل لدرجة انك ممكن تخجل انك تقول انا بساعد مراتي في البيت؟؟

والزوجه ايه رايك في الزوج الي بيساعد مراته في البيت هل يسعدك ذلك ..........هل تجدي فيها انتقاص للرجوله ؟

الكثير من الرجال يرفضون القيام بالاعمال المنزلية ...او حتى مساعدة الزوجة في شيل او نقل شيء

يقول : هذه مسؤلية المرأة !

وهنا اريد ان اعرف سبب هذا العزوف ؟

هل هو كبرياء رجل !!

ام الخجل ! ام كسل؟؟؟؟؟؟؟

تم تعديل 15 فبراير 2007 بواسطة inas

[محمود الشاعر]

مش عارف ابدا منين هل اتكلم عن عزوف الازواج فى المشاركة اولا وليكن

ده بيرجع للتربية والنشأة فى الاساس يعني البيت اللي بيساوي بين الاولاد والبنات فى الحقوق و الواجبات بيكبر اولاده وهم متفهمين للطرف الاخر ومحترمين قدره

هذا من جهة ومن جهة اخرى الكثير من الرجال بالفعل ما بيعرفوش يعملوا كباية شاي وده حقيقي

لكن المشكلة لو الراجل فعلا يقدر يساعد ويرفض ده يبقى نقص نفسي لأن سيدنا محمد عيه الصلاة والسلام نفسه كان يساعد اهله فى البيت

انا بالنسبة لي بساعد فى المطبخ يعني بعرف اطبخ كويس وجميع اكلات السمك بتبقى على العبد لله من اول الشراء والتنظيف حتى اخر العملية لكن فعلا ما بعرفش اساعد فى غسيل الاطباق فعلا مش كبرياء او انتقاص من الرجولة لكن بكسر الاطباق بتقع مني اعمل ايه

عموما اللي بقدر فعلا اعمله فى البيت بعمله بغض النظر عن نوعه او كميته وده بيديني شعور جميل داخلي وطبعا ساعات ما بشلش كباية

عموما موضوع جميل

[MZohairy]

اللي يساعد مراته حبيبته أم عياله في اعمال البيت يبقى انتقاص من الرجوله؟ :sad:

والست اللي بتساعد جوزها حبيبها ابو عيالها في مسؤلية مصاريف البيت بشغلها يبقى انتقاص من الانوثه؟ :sad:

انا عن نفسي لو فاضي طبعا بساعدها

و كنت بساعد أمي الله يرحمها دايما

الرجوله جدعنه

مش هز كتاف -_-

[زعلان]

تعودنا ونحن صغار ان نساعد في اعمال المنزل بجدية وباعمال حقيقية

تعودت وانا عازب ان اساعد نفسي و ان اقوم باعمال المنزل وحدي

اشارك في اعمال المنزل بعد الزواج بدافع ذاتي ......... لكنني اصبحت اكثر كسلا لعلمي ان هناك من سيهتم بهذه الامور

[darker19]

ايناااااس زي مانتي عارفة طبعا أنا مش من الأزواج....

وانتي عارفة الظروف الي بمر بيها اليومين دول, ومضطر اني أطبخ وأكنس وأغسل المواعين بس موتي وسمي غسيل الهدوم و السلطة, على كل حال أنا عامل النهارده على الغداء كفتة برز بالأوريجانو وشوية رز أنكل بنز.... اتفضلوا معانا....

مراسلكم من المطبخ داركر محمد داركر

[نانو]

انتقاص من الرجوله والكبرياء ايه يا اينوا

بالعكس ده قمه الرجوله ...انك تقدر مراتك ... وتحاول تشاركها من وقت للتاني باللي تقدر تعمله

ده نوع من انواع الود والرحمه والحنان من الزوج لزوجته ....

وبيكون ليه اثر نفسي رائع علي نفسيه الزوجه وفي النهايه علي استقرار العلاقه

وبعدين الست بطبعها مضحيه في بيتها لما بتلاقي زوجها بيحاول انه يساعدها في واجباتها بتبقي نفسها تضحي اضعاف واضعاف ...يعني يا ازواج ما تقلقوش العميله مربحه جدا بالنسبه لكم في الاخر

[نيرون]

زمان كنت بساعد امي انا واخوتي الصبيان لان البنت الوحيدة كانت صغيرة علمتني امي كل شئ كنت اساعدها بحب فهي امي والاكثر من ذلك فانني كنت بشتري الخضار من السوق وكان عمري 9 سنوات لظروف خاصه علمتنا كل حاجة فهي ام (ربنا يحفظها ويخليها)

ام في بداية الزواج كانت زوجتي خبرتها المنزلية خصوصا المطبخ نص نص

وبفضل الله علمتها اصول الطبخ وهي تشهد بذلك حتي اصبحت ماهرة

المساعدة واجبة علي الازواج

هذه حقيقة وليست من قبيل الضحك

اما الان ......................

فانا اساعدها في كل الاعمال المنزلية

فأكل اللي تطبخه :sad:

واشرب الشاي اللي بتعمله :huh:

واللبس اللي تغسله :sad:

ووسخ اللي تنضفه -_-

واقعد في الحته اللي تنضفها :sad:

ووسخ الحته اللي تنضفها -_-

وانا رايح الشغل باخد كيس الزبالة -_-

[nash]

أهلا يا أينو

بيتهيألي لما الزوج يمد يد المساعده لزوجته فهو تأسي بأخلاق الرسول الكريم..صلي الله عليه وسلم

خيركم خيركم لإهله وأنا خيركم لإهلي.....

طبعا أكيد بعض الأزواج يرونها عيب في حقهم.....لو قاموا بخدمه أهل بيتهم...وأظن ده بيرجع لتركيبه خطأ في الشخصيه...

لإن كيف يحب الزوج زوجته ويبخل بمد يد المساعده لها....؟

لكن عايزة برضه أقول.....

ما أكرمهن إلا كريم ...وما أهانهن إلا لئيم....

.................................................................................

شخصيا أبو ياسر لا يجد أي غضاضه بمد يد المساعده وباستمرار دايما حاسه إن أيده في أيدي في كل ما يخص البيت والأولاد( أمسكوا الخشب ) وكذلك أنا لا أجد أي غضاضه برضه في أنه يساعدني.....

ولا أظن ذلك إنتقاص من شخصيه الزوج وكرامته.....

المفروض أنها مركب واحد بقبطان ومساعد قبطان...يجب أن نصل بها إلي أعلي مراتب الأمان.....

.....................................................................................................................................

تم تعديل 15 فبراير 2007 بواسطة nash

[الرافعي]

أهلا يا أينو

بيتهيألي لما الزوج يمد يد المساعده لزوجته فهو تأسي بأخلاق الرسول الكريم..صلي الله عليه وسلم

خيركم خيركم لإهله وأنا خيركم لإهلي.....

طبعا أكيد بعض الأزواج يرونها عيب في حقهم.....لو قاموا بخدمه أهل بيتهم...وأظن ده بيرجع لتركيبه خطأ في الشخصيه...

لإن كيف يحب الزوج زوجته ويبخل بمد يد المساعده لها....؟

لكن عايزة برضه أقول.....

ما أكرمهن إلا كريم ...وما أهانهن إلا لئيم....

.................................................................................

شخصيا أبو ياسر لا يجد أي غضاضه بمد يد المساعده وباستمرار دايما حاسه إن أيده في أيدي في كل ما يخص البيت والأولاد( أمسكوا الخشب ) وكذلك أنا لا أجد أي غضاضه برضه في أنه يساعدني.....

ولا أظن ذلك إنتقاص من شخصيه الزوج وكرامته.....

المفروض أنها شركه واحده بقائد ومساعد قبطان...يجب أن نصل بها إلي أعلي مراتب الأمان.....

.....................................................................................................................................

يا أخواتي الكريمات كما قالت الأخت أم ياسر ... هذا كان خلق رسول الله صلى الله عليه وسلم، وأنا أحيي الأستاذ الكريم زوجها، وأشد على يده ... وأقول له .. يا سيدي الكريم ... هناك الكثير غيرك يفعل هذا ويساهم في بيته بكل قناعة وسرور فليس منا من هو أعلى قدراً من صاحب الخلق العظيم صلى الله عليه وسلم

وكلما تواضع الرجل في بيته كلما حاز احترام زوجته وأبنائه، كما أن العمل في بيت ليس معاكساً للرفعة أبداً، وبالتالي لا تصلح تسمية المشاركة تواضعاً، وعمل المرأة في بيتها ليس من قبيل النزول ، وهي ليست خادمة أبداً ..

أنا أعين زوجتي كلما تواجدت في البيت وسمحت ظروفي، بكل رضا وسرور وبدون أي إحساس بالمنحة، وأحاول أن أربي أبنائي وابنتي على روح التعاون الأسري، فليس هناك من أحد معين للخدمة وآخر معين لتلقي الخدمة.

كل فرد في الأسرة يجب أن يقوم بدور حتى ولو رفع طبق أو إزالة ورقة من الأرض حتى أصغرهم وعمه 3 سنوات، نحاول غرس هذه الروح فيه.

المجتمع المسلم أصلاً مجتمع يقوم على التعاون والاحترام المتبادل من كل أطرافه ...

تحياتي للجميع -_-

ولأبي ياسر -_-

صديقي العزيز محمود الشاعر .... تسلم إيديك .. ريحة السمك دوختني :sad:

أخي الكريم داركر ... برافو عليك والله .. أحييك على شطارتك في المطبخ ... أنا بقى لا أعرف إلا عمل السلطة :sad:

تم تعديل 15 فبراير 2007 بواسطة الرافعي

[عبده بيه]

الزوج والزوجة لابد من تفهم كلا منها الاخر ولازم المساعدة وخصوصا المنزلية لان مستحيل تستطيع الزوجة انها تقوم بكل اعمال البيت دون كلل او ملل لازم يكون الزوج معها في اعمالها

الا عتيادية حتي تتكتمل العنصر الايجابي وتشعر هي بالمشاركة الفعلية

لا انتقاص لدور الزوج بل تشريف له

انا بدوري بعمل الاكل وبتفنن في اعمل الاكل لان زوجتي بتحب الاكل الجميل وبحس بارتياح لما تاكل الاكل بتاعي وهي مبسوطة

اعمال النظافة بشارك فيها ولكن هي ما بتحبنيش اعمل النظافة بتقولي لازم اراجع وراك

الببرونة والتغيير للاطفال انا ممتاز بحترم مواعيد الببرونة وبغير لابنتي بكل حب وارتياح

مفيش وقت للفشخرة الكذابة لازم التعاون علشان تستمر الحياة

مع تحياتي

[memo2007]

مساعده ايه اللى بتتكلمو عليها دى

ده بتبقى كوبايه الميه قدامهم وينادونى عشان اجبهلهم

اكيد اخواتى بيدلعو عليه "لانى بنت على ولدين "

فظاااااع قال ايه مين البنت ومين الولد :sad:

بكره اشوفه وهو متجوز وبيساعد مراته "هاتريق حته تريقه عليه " :huh:

بس ايه لما بكون مش موجوده طبعا الاتنين بيساعدوا ماما

انا عارفه انهم بيغظونى بس :sad: -_- -_-

[رمضان]

اخواني الاعزاء

اولا انا طبعا مش متجوز لسه بس ممكن أقول رأيي

هوه الموضوع كله في الاول والاخر كسل مش اكتر ولا اقل

طبعا انا واحد من الناس استحالة لما اتجوز ادخل المطبخ ده نهائي واستحالة اساعد في اي شيء لان وبكل بساطة عمري ما عملت شيء في المطبخ حتى وانا لوحدي مش بعمل حاجة لنفسي ربنا يخلي لنا المطاعم والمغسلة ده حتى الشاي بكسل اعمله بطلع اشربه على القهوة .

انا من وجهة نظري ضد ان الراجل يساعد في المطبخ بالذات كله الا المطبخ

المساعدة في المطبخ ليس تقليلا من الرجل ولكن انتقاص من حق المرأة

تم تعديل 15 فبراير 2007 بواسطة رمضان

[inas]

استاذ محمود الشاعر احيك

انا جوزي يبحب يعمل السمك برضه بس مش دائما شكرا على صراحتك وعلى تواجدك

----------------------------------------------------------------------------------------

حلوه الردود الديبلوماسيه دي طيب بتساعد زوجتك؟؟؟؟

---------------------------------------------------------------------------------------

داركر تسلم ايدك ربنا يكون في عونهم ربنا معاكم ويفك زنقتكم :P

---------------------------------------------------------------------------------------

نانو فعلا مساعدت الزوج بتشجع الزوجه وبتسعدها جدا ويخليها تدي اكتر رايك جميل

--------------------------------------------------------------------------------------

نيرون كتر خيرك دا انت بتتعب تعب كفايه انك علمتها فنون المطبخ :P

---------------------------------------------------------------------------------------

ربنا يخليكم لبعض انا جوزي لما بيكون موجود بيساعدني بيلعب مع العيال :lol:

ودي عندي بالدنيا والله :P

--------------------------------------------------------------------------------------

استاذ الرفاعي اسعدني وجودك واسعدني حال اسرتكم وفكرك في زرع روح التعاون بين ابنائك ربنا يسعدكم

-------------------------------------------------------------------------------------

والله كويس جدا تعاونك وصراحتك والاكتر اني حسيت في كلامك سعاده وتفهم للتعاون بين الازواج ربنا يسعدكم

-------------------------------------------------------------------------------------

ميمو هما الاخوات كده لكن لما بيجوزه بييقى على قلبهم عسل :P

[الحاج فوزى]

مساعدة ايه وكلام فاضى ايه ..!

اهو ده اللى ناقص والله .. الراجل مننا يدخل المطبخ قال ويكنس ويمسح :P

والله جديدة ده

امال الواحد متجوز ليه

لحظة لحظة مراتى بتنادى عليا ..

ايوه يا حبيبتى .. ايه ؟

اه يا روحى عملت الغذا وخلصت المواعين ، والبنت كانت عايزة تغير ، غيرتلها خلاص ...

كنا بنقول ايه ؟ .. اه قال الراجل يساعد قال .. ده حاجة جديدة والله :P

حسين

[عبده بيه]

ممتاز واضح ان الجميع علي قدر كبير من المسئولية لكن عمر ما المساعدة انتقاص لحق الزوجة لا هي استعداد للاستمرارية وشكرا

[نبض الابداع]

الست مش واجب عليها تنطف وتمسح وتكنس وتغسل وتشيل وتحط دا

كرم اخلاق منها

[م الغزالى]

هل انت مستعد ان تساعد في الاعمال المنزليه؟

ياسلام طبعاً ليه لآ

وياسلام لو أطبخ !

بس مع تقدم السن الواحد بيزهق بسرعة وبعدين بأسافر بإستمرار معنديش وقت كتير بس حقيقى بأعمل كل الإصلاحات بنفسى فى البيت لانها هواية

أنا زوجتى وإبنى بيبقى يو عيد يوم ماأطبخ لهم بس المشكلة إن المدام بتصعب عليا لان سعادتى شف كبير وبأستخدم جميع أدوات المطبخ وبما أن معندناش الواد بلية هنا يساعد فى الترويق وإعادة النظام فأنا رفقا بها لا أدخل إلا فى العزومات الكبيرة فقط

شف بقى !!!

تم تعديل 16 فبراير 2007 بواسطة م الغزالى

[inas]

المساعدة في المطبخ ليس تقليلا من الرجل ولكن انتقاص من حق المرأة

حبيت اعلق على الجمله دي ايه وجه الانتقاص ثم عمر منفسك راحت لانك تقف تعمل اكله ولا تعك عكه -_-

استاذ حسين اشجعك على صراحتك الشديده :happy:

نبض الابداع مش فاهمه ازاي كرم اخلاق احنا ممكن نقول كرم اخلاق تعمل حلويات تفصل مثلا الا اذا الزوج موفرلها خدامه

م الغزالي واضح ان كل الرجاله لما بيدخلم المطبخ بيبدعوا

في نقل كل الادوات والاواني الي الحوض -_-

[سمـ مصر ــا]

ياسلام على الشاى من أيد الباشا الكبير

وكفاية الشاى لكن تحضير أكل دة صعب جداً لأن معنى ذلك أن كل مافى المطبخ من أطباق وملاعق وشوك وسكاكين ستحتاج لتنظيف

يعنى المطبخ كلة يبقى فى الباى باى علشان أكلة

فبقول وعلى اية بلاش أحسن

[الحاج فوزى]

م الغزالي واضح ان كل الرجاله لما بيدخلم المطبخ بيبدعوا

في نقل كل الادوات والاواني الي الحوض :happy:

ليه بس كده تغلطى فى كل الرجالة يا ست ايناس !

طيب ايه رأيك ان مراتى لما بتحب تاكل اكلة حلوة ، بتطلب منى انا اعمل الاكل !

على العموم .. احنا دايماً كده يا رجالة مظلومين .. اجرنا على الله

حسين