تعبت من كل حاجة

[Simba]

مخنوق .... نفسي أفوق

وأغني زيكم

ودماغي يروق

لو بس الدنيا ترجع لي ابتسامتي

كفاية دمع بقي علي كراستي

ولا شكلها مش كفاية

لسه عندي يا دنيا ورق كفاية

عايزاني ابكي

مفيش اسهل من بكايا

بس اللي يقتل

أني ببكي

ومفيش حد معايا

ما بلاش بقي اعيش دور الشهيد

خليني معاكي مرة يا دنيا عنيد

أحاربك وأحبس دمعي

رغم الآمي ووجعي

بس مش قادر

كان نفسي يكون لي قلب شديد

والبس كل يوم وش جديد

وضحكي يبقي ضحك اصفر

بس والله ما اقدر

تعبت من كل حاجة

نفسي اعرف يا دنيا أنتي ايه محتاجة

علشان اعرف أجري وسط الناس والعب

وأضحك معاهم من قلبي من غير ما أتعب

[nancy]

يا ابنى الموضوع بسيط

حاول بس تكون عبيط

ومتشفش كل الغتيت

وتحب كل الفتافيت

حتلاقى الدنيا بمبى

والهم يبقى بعيد :happy:

[عازفه على أوتار الذهب]

خواطر حزينه يا سمبا.....

رسمتها في كلمات رائعه....

حزنك يلمس الأعماق....

"نفسي اعرف يا دنيا أنتي ايه محتاجة "

سؤال لم نجد له إجابه.......

تحيـــــــــــــاتي.....

[bentmasria]

ما بلاش بقي اعيش دور الشهيد

خليني معاكي مرة يا دنيا عنيد

أحاربك وأحبس دمعي

رغم الآمي ووجعي

بس مش قادر

كان نفسي يكون لي قلب شديد

والبس كل يوم وش جديد

وضحكي يبقي ضحك اصفر

بس والله ما اقدر

تعبت من كل حاجة

نفسي اعرف يا دنيا أنتي ايه محتاجة

علشان اعرف أجري وسط الناس والعب

وأضحك معاهم من قلبي من غير ما أتعب

خلى يا صاحبى قلبك شديد

اقلب قديمك وعيش جديد

وارمى همومك وراء السحاب

واحلم ببكره ونهار سعيد

مهما اتحنقنا وقلنا آه

الهم ييجى هموم وياه

مفيش قلوب تسعد ومعاه

تعيش حياتك حزن كبير

ياصاحبى عيش فى صباح الروح

واكتب حكاية وانسى وبوح

وجدد الروح من بوحك

وعيش سعيد ماتنام مجروح

يا صاحبى بكره بيستناك

يللى ابتسم له وطير وياه

يمكن حنينك خنقك حبة

لكن اللى جاى .... الحلم معاه

سِمبا جعلتنا شعراء حين حكيت عن همومك

يا صديقى لا تختنق بل شاهد وابتسم وثق ان الله دائما معك ويراك وسيعينك لكى تتغلب على مطلق همومك

اسعد الله ايامك يا صديقى

دمت بكل الحب

[inas]

كلام جميل جدا والله اثر في كثيرا

تم تعديل 17 فبراير 2007 بواسطة inas

[نانو]

كنت زيك في يوم حزينه .... والسفينه تايهه ولا لاقيه مينا

وفي يوم طلعت الشمس علينا....شمس تمحي الغربه من ليالينا

خلي الامل فيك وفينا....ديه الدنيا دايره ومش هاتبطل تلف بينا

الكثير من الثقه في الله و القليل من التفاءول ....تحيا اسعد انسان ...

قلمك جميل .....دمت بكل خير اخي