تحب مين أكتر ........

[memo2007]

سؤالى

مين بنحب نتعامل معاه أمتر ياترى ....

الشخصيه الهاديه جدا الرزينه العاقله اللى كلامها بحساب كل حاجه بتعملها بحساب " يعنى الشخصيه الجد فى كل تعاملتها"

حتى علاقتها محدوده مع كل اللى حوليها

ولا

الشخصيه المجنونه اللى على طول بتضحك وتهزر وبتتصرف بطبيعتها تتكلم بدون حساب "مش اقصد انها مجنونه" اقصد انها بتقول الكلام بدون تفكيير "يعنى اللى على قلبها على لسانها " اينعم عندها عقل وبتفكر بيه بس مش كتير لما تكون فى اللحظه لازم تشغله عشان تعرف ترد على حد او عشان تذاكر مثلا وبتكون علاقتها مش محدوده مع الناس

انا شايفه ان الناس متقسمين للنوعين دول ناس جد جدا وناس تحب الهزار على طول

انا عن نفسي بحب اتعامل مع الشخصيه المجنونه "تقريبا كده المجانين بيتلموا على بعض :) :) "

بحس انهم صادقين مش سوس رغم ان الشخصيه المجنونه بتتنقد كتير من الناس الكبار

يقعدوا يقولو ماتضحكيش كتير .........اركزى بقى وابقى هاديه ............ماتهزريش مع اللى اكبر منك ولا اللى اصغر لأنه عيب وغلط

لأن عيب انك تهزرى مع الكبير ..ولما تهزر مع الاصغر كده بتخليه ياخد عليكى ...............وإلخ

بيتنقدوا كتير

اينعم هيه الشخصيه الهاديه الرزينه العاقله حلوه بس برده الشخصيه المجنونه جميله ولذيذه :o ;)

انا عاوزة اعرف انتو بتحبوا مين من الشخصيتين وبتميلو للكلام مع مين.................

[قديم]

مرحبا ميمو وو

الحقيقه الموضوع حلو جدا ودايم نعيشه وما فكرت في يوم اني انسال هذا السؤال

عموما بالنسبه لتعاملي مع الشخصيتين .

كلامهما ارتبط بعلاقات معهم . . ولكن لكل شخصيه منهم مجاله للتعامل . والاعتماد عليه .

فاصدقاء للمواضيع الجاده من حيث الرأي والخبره والتعامل المالي اوالتجاري . يختلف عن الصديق الرحلات البريه والسهرات . وقضاء الوقت

وطول الجلسه .

فالصديق الجاد غالبا اتعامل معاه في صلب الموضوع . واعتمد عليه واقبل التعامل معه وله بجديه

ولا اعتمد علي الشقي اواتعامل معاه اذا الموضوع جاد . فلا تعرف جديته من مزحه . وما يطلبه منه او ما يوافق عليه .

عموما كلا الشخصيتين مطلوبه . وله دوره في الصداقه والتعامل .

ولك تقديري واحترامي

[nora]

ميمو موضوع لذيذ وخفيف وجديد

بصي انا مبحبش الناس الجد الي بتبقى ماسخه يعني في ناس كده متعرفيش لا تخدي ولا تدي معاهم ومحبش الناس الي بتتصنع الظرف او تكون هزارها تقيل ومحبش الناس الي وقت الجد تهزر يعني من الاخر بحب الشخصيه الظريفه الجاده ودي صعبه تلقيها لان غالبا ييكون ظريف بس مش يعتمد عليه او متعرفيش تستفيي منو وقت الجد او جد غتيت خنقه بس

انا باه يا ستي عصبيه موت ونرفوزه وخلقي ديق جدا ومش بطيق الاستظراف يعني امبارح حصل موقف اشتغلت وحده وبهزار بقولها ان في حاجه ليها باظت بهزار وبضحك وانا بتكلم وواضح اني بهزر قامت قلبتها جد وهتعيط فقلت يا بنتي بهزر والحاجه تافهه مش مستهله ده كلو المهم انتهينا وهي مروحه اخدت ابني ومشيت دي بقى حرقت دم ولا لاه فده استظراف محبوش انا عملت موقف كلام في حاجه تافهه مش يقوم الي قدامك يستهبل ويعمل حاجه تحرق دمك فهمتي باه ومحبش الي يستظرف يفرج الناس عليكي ويعلي صوتو بغرض انو يوري الناس انو ظريف فهمتو ولا اشرح..............ز

[عازفه على أوتار الذهب]

ميمو الجميله...موضوعك فعلآ خفيف وفيه روح حلوه......

هو عمومآ الأفضل أن يكون في وقت للجد وفي وقت للهزار وهو ده الانسان السوي.....

يعني مايكونش الانسان بيهزر لدرجة انه لو في حد متضايق يهزر....ولا يكون جد لدرجة ان الناس تكون مبسوطه وهو يقفلهم.....

يعني بمعنى اصح انا احب اتعامل مع الشخصيه المتزنه اللي وقت جدي هتفهمني ووقت هزاري هتفهمني لان هي كمان هتكون كده......

لكن الشخصيه الجد على طول دي بتخنق ممكن تسمى(معقده)....والشخصيه اللي بتهزر على طول دي برضه اكيد لازم بيكون لها وقت للجد....

موضوعك جميل يا ميمو ياريت نشوفلك موضوعات تانيه حلوه زيك ياقمر..... :angry2:

تحياتي.....

[عبده بيه]

الاخت الفاضلة تحية طيبة

جميل الموضوع الشخصيات لكن المجتمع المصري فيه كل الوان الطيف واحنا كشعب ظريف وخفيف الدم نحب الشخصية الفكاهية

وايضا كشعب احتل واغتصبت ارضه وتوالت علينا المحن و الكوارث نحب الشخصية المنقذة لنا كعبد الناصر ولكن ايضا نحب اسماعيل ياسين

ولازم نتعامل مع الاثنين بكل حب

شعب فكاهي وحزين سبحان الله

اسف قلبتها جد اعزريني اصل انا معقد بقي

تحياتي

[basmaaa]

عن نفسى انا بحب الشخصيه المرحه لانها بتدى طعم للحياة وبحس انها رحمه في وسط الهم ده كله ومش بحب الناس الجد سبحان الله المؤمن هين لين .. بس طبعا مش معنى كده يكون تافه لأه، يبقي سهل التعامل بشوش بسيط وتلقائي..

[inas]

والله انا بحب الشخصيه المتزنه

بس اكيد الشخصيه المرحه في الزمن ده مطلوبه اهو تخفف من حدة الايام ومشاكلها لكن مش لدرجة التحول لارجوز

جبتلكم بعض الكلمات عن الشخصيه المرحه بزياده

فالمزاح يسقط الهيبة، ويُخِلُّ بالمروءة، ويُجَرِّىء السفهاء والأنذال.

قيل : "المزاح يأكل الهيبة كما تأكل النار الحطب".

وقال بعض الحكماء: "من كثر مزاحه زالت هيبته".

وقال ابن عبد البر –رحمه الله-: "وقد كره جماعة من العلماء الخوض في المزاح؛ لما فيه من

ذميم العاقبة، ومن التوصل إلى الأعراض، واستجلاب الضغائن، وإفساد الإخاء".

وكان يقال: "لكل شيء بدء، وبدء العداوة المزاح".

وقال سعيد بن العاص: "لا تمازح الشريف فيحقد، ولا الدنيء فيجترئ عليك".

اما الشخصيه الجاده فدا مطلوب لكن لكل مقام مقال مبقاش في اعده وبنضحك ونحولها للكلام في السياسه :)

تم تعديل 18 فبراير 2007 بواسطة inas

[memo2007]

السلام عليكم ورحمه الله وبركاته

متشكره جدا ليكم للردود الجميييييييييييييله دى كلها

بس انا حسيت ان الاغلبيه بتقول ان الشخصيه المرحه مش ممكن الاعتماد عليها.................طب ليه مش ممكن الاعتماد عليها

انا عن نفسي ممكن اعتمد على الشخصيات المرحه بحس انهم ممكن يفيدونى

مش الشخصيه العاقله جدا لا الشخصيه دى اعتقد لما تتطلب منها اي طلب هاتفكر الاول قبل ما توافق على المساعده

وانا عن نفسي لما اكون بتكلم مع حد وبحس ان الموضوع بقى جد جدا بحاول اخرج عن الموضوع ..........عشان ما كتئبش

وان اعتقد ان اشخصيه المرحه عاقله جدا .........

بس ليه الشخصيه المرحه بتتنقد كتير من الكبار؟!!!!!!!!!!!!

............بس تصدقوا مهما كان الواحد مرح المرح ده بيقل كل مايكبر يوم ........صح ولا لأ

وبجد متشكرة جدا

تم تعديل 18 فبراير 2007 بواسطة memo2007