عاجل جدأ للمقيمين فى كندا

[Mr.khalid]

الأخوة والأخوات المقيمين بكندا

السلام عليكم ورحمة الله وبركاته

أتمنى أن يجيب على سؤالى هذا أى شخص

لقد قدمت فى شركة توظيف مقرها فى كندا ومخصصة فى التوظيف فى مجال البترول علمأ بأننى مصرى 28 سنه ولست خريج أى مجال له علاقة بالبترول ولكنى خريج آداب إنجليزى ومقيم بالكويت ومقدم على هجرة لكندا منذ سنه ونصف وفى انتظار النتيجة

المهم الشركة دى إسمها

CALEDONIAN OFFSHORE,LTD

1930Yonge Street Suite 1020

Toronto,Ontario

Canada M4s 1Z4

وعنوانها على النت هو

http://www.caledonianoffshore.com/

وهذه الشركة تقدم خدماتها فى التوظيف فى شركات البترول على مستوى العالم نظير مبلغ 438$ يتم دفع فى البداية مبلغ 189$ والباقى يخصم من أول راتب وعقد شركة التوظيف هذا لمدة سنه وإذا لم يتم توظيفك فإنهم يردوا الفلوس

والعمل بمرتبات عالية جدا حيث أن اليوم بالنسبة للـ helper تتراوح من 250$ الى 310$ والعمل بنظام أسبوعين عمل و3 أسابيع أجازة ولمدة 12 ساعة يوميا شاملا كل الإقامة والوجبات والملابس وكل شئ

يعنى من الآخر مش هتصرف الا معجون الأسنان والسجائر

المهم علشان مطولشى عليكم

أنا عاوز أعرف هل فعلا هذه الشركة موجودة وصادقة أم ماذا لأنى لابد أن أقوم بعمل الشيك بمبلغ 189 $ وإرساله مع السيرة الذاتية الى عنوان الشركة قبل يوم 1/3/2007

بــــرجــــــــــــاء سرعة الرد من الأخوة الأفاضل المقيمين بكندا

[Mr.khalid]

السلام عليكم ورحمة الله وبركاته

خير يا شباب هو السؤال بتاعى صعب ولا إيه :lol:

يا جدعان دا أنا لسه عضو جديد ومسألتش السؤال ده إلا بعد متابعتى اليومية لمنتداكم وتأكدى أننى بإذن الله سوف أجد إجابة على هذا السؤال

يا إخواننا فى كندا أين الردود

فينك يا عمــــــــدة المصريين

[ايهاب سالم]

حتى كندا فيها نصابين

حكمتك يااااااا رب

[هادي]

يا استاذنا العزيز خالد

السلام عليكم ورحمة الله

سؤالي أنا لحضرتك ..

عمرك شفت شركة عاوزة توظيف موظف .. وتاخد منه فلوس !!

يا استاذ خالد انت لست أول من يسأل عن هؤلاء النصابين

بل سبق وسأل عنها من قبل اخة كرام في هذا المنتدى وغيره

واضح ان لها سنوات في النصب على الباحثين عن عمل

يا استاذي الفاضل

لا ترسل لهم أي مبلغ

والافضل ان ترسل رسالة تبليغ عنهم للمباحث الفيدرالية

دمت بكل خير

[Mr.khalid]

الأخوة الأعزاء هــــــادى , إيهــــــاب

بعد التحية

أولاً ألف شكر على ردكم على سؤالى ولو إنه ليس غريب عليكم أن تجيبوا على إستفسارات أى شخص فى هذا المنتدى العظيم

ولكن لى سؤال لسيادتكم وهو لماذا حكمتم على هذه الشركة بأنهم نصابين هل تعلمون شيئاَ عنها أم أنه من واقع خبرتكم أم تصفحكم لموقعها لا اعلم

وبالنسبة لسؤال السيد هادى بخصوص هل هناك شركات توظيف تأخذ فلوس والله تبعاً لخبرتى المتواضعة ورأيى الشخصى المفروض لا

وأن شخصياً لا أثق فى شركات التوظيف التى تأخذ فلوس ولذلك أردت الإستشارة من سيادتكم

ولكن بالمناسبة فلقد قرأت مرة فى إحدى المداخلات حول كندا والعمل بكندا وكانت مداخلة من أستاذ يقيم بكندا ولكن للأسف لا أتذكر إسمه وقال فى مداخلته انه توجد شركة بكندا تأخذ فلوس مقابل ان تقوم بعمل السيرة الذاتية لك وترسلها للشركات وتوفر لك وظيفة براتب عالى وقال انه يعرف بعض الأشخاص الذين تعاملوا معها

عموماً ألف شكر وياريت لو أى شخص مقيم بكندا يعرف أى معلومات عن هذه الشركة يعرفنى

وأنا تعمدت أن أرفق عنوانها بالتفصيل وموقعها حتى يكون الأمر سهل على سكان كندا فربما يكون شخص ساكن قريب من العنوان المذكور ويقدر يفيدنى

أسف على الإطالة

شكــــــراً

[Gihan]

السلام عليكم يا اخ خالد وكل الاخوه فى المنتدى

انا لقيت اللينك ده

http://www.internet-fraud.com/cgi-bin/frau...um=DCForumID3#1

بيحذر من الشركه دى

ده طبعا مش معناه ان كل شركات التوظيف نصابين

عموما شركات التوظيف مابتاخدش فلوس من الموظف ولكن بتاخد من الشركه اللى بتلاقيلها موظفين او عمال

فيه منهم بياخد عموله والعامل بيتوظف عند الشركه اللى طالباه او فى حالات اخري العامل بيتوظف من خلال شركه التوظيف نفسها يعنى بيبقى كانه موظف عندهم لكن محل عمله هى الشركه التانيه وفى الحاله دى يقبض مرتبه من عندهم وهمه بيحاسبوا الشركه التانيه على مرتبه زاءد نسبه عمولتهم

بالتوفيق ان شاء الله