العنوسة في مصر !

[kokowawa1979]

تابعت نشرة الأخبار في قناة العربية مساء أمس وأفردت خبرا مطولا عن العنوسة في مصر وكأن مصر فقط هي التي يوجد بها عنوسة - أو كأن السعودية صاحبة القناة لايوجد بها عنوسة - لكن الأفضل طبعا مناقشة مشكلة العنوسة في النشرة الإخبارية التي يشاهدها معظم الناس !!!

أشارت المذيعة ثقيلة الدم زينة اليازجي ومعها الدرزي طالب كنعان إلى أن عدد العوانس في مصر فوق 2 مليون عانس على الأقل !!!! ثم استضافت سيدة شمطاء تم تعريفها على أنها صاحبة أحد المكاتب في التزويج بين الشبان والفتيات والفضيحة التي كانت في ردها على الخبيثين أن مكتبها يعطي شهادة ضمان للشخص الذي يرغب في الزواج من فتاة عن طريق مكتبها الموقر !!! أي والله شهادة ضمان حسن سير وسلوك للفتاة وكأن فتيات مصر عديمي التربية وهذا بالفعل نتيجة الأعمال السافلة التي قدمتها هالة سرحان حتى من قبل تقديم فتيات الليل المزعومات !!!

حقيقة لم أشعر بحرقة دم مثلما شعرت بها أمس حينما استمر الخبيثين زينة وكنعان في السخرية من العنوسة في مصر حينما نوها إلى مقدم الأخبار الرياضية لطفي الزعبي قائلين له إيه رأيك تفتح مكتب انت كمان لتزويج العوانس ( أي والله )

وبمناسبة العنوسة فأين هذا الكنعان والدلوعة زينة من عنوسة السعودية حينما نشر خبر أن مديرة مدرسة أي والله العظيم هذه قصة حقيقية في السعودية كانت عانسا وتزوجت من فراش المدرسة ثم طلبت منه أن يتزوج الوكيلة العانس ثم من سكرتيرة المدرسة العانس أيضا !!!

هل أصبحت مصر هي صاحبة كل الموبقات والبلاد التانية بلاد الملايكة !!!

ماذا يكون رد فعل السعودية إذا نشرت مصر كل موبقات الأمراء والأميرات هناك وهذه سهلة لما في جعبة جهاز المخابرات !!!

أحيانا أجدني أقول إن أمثال هالة سرحان وإيناس الدغيدي ويسرا هم السبب فيما وصلنا إليه في طمع البعض في أعراضنا !!!!

[قديم]

العنووسه كظاهره اجتماعيه ..ليست قصرا على مصر او غيرها .. ففي اغلب دول الخليج والعربيـه .

ليس دفاعا عن السعوديه او قناه العربيــه . واليك kokowawa1979 ما يلي ..

قالت دراسة إن نسبة العانسات في السعودية ارتفعت لتصل إلى أكثر من مليون عانس، فيما شهد عام واحد فقط 18 ألف حالة طلاق من أصل 60 ألف عقد زواج.

وطالب د.عبد الله الفوزان، الاستاذ المشارك في جامعة الملك سعود بالرياض، في الدراسة التي نشرها أمس السبت 17-02-2007، بالإسراع في إنشاء هيئة عليا للاسرة وذلك لمعالجة مشكلة ارتفاع حالات العنوسة والطلاق بالسعودية.

وقال الفوزان في دراسته إن هناك 18 ألف حالة طلاق خلال عام واحد من 60 ألف عقد زواج، و25% من الأطفال المترددين على طوارئ المستشفيات ضحايا عنف عائلي: (تحرش، ضرب، حرق واهمال).

وأرجع عالم الاجتماع السعودي نسبة العنوسة إلى غلاء المهور واحجام الكثير من الشباب عن الزواج مما أدى لارتفاع معدلات الانحراف الجنسي.

وأكد على ضرورة معالجة ازمات الأسرة المعاصر عبر مؤسسة أو هئية عليا لشؤون الاسرة والطفولة وتيسير سبل الزواج أمام الشباب والشابات.

المشاكل الاجتماعيه . من طلاق الي فساد الي انحراف ... الي ادمان . موجوده في كل العصور .. وان تفاوتت النسبــــه

[kokowawa1979]

أخي الفاضل قديم - شكرا لك على مداخلتك - وأوافقك الرأي بالطبع أن نسبة العنوسة في الخليج مرتفعة أيضا - لكن المشكلة فعلا أن الموضوع متعمد لأن موضوع العنوسة ليس مكانه نشرة أخبار سياسية - فإن كان ولابد فلماذا لايتم تقديم برنامج طويل يناقش أبعاد القضية من جميع الجوانب وعلى كافة مستوى الدول العربية - والطريقة التي تم تقديم الخبر بها كانت قمة السخرية خاصة وأنه تم اختيار الجانب المصري فقط .

وإن كنت أتفهم أن من أسباب العنوسة في مصر أن الدخل العام للفرد لايسمح للفرد بأن يفتح أكثر من بيت - وكذلك نقطة هامو وجوهرية إن وسائل الإعلام أفسدت عقلية الكثير من النساء على مستوى العالم العربي بحيث صورت للمرأة أن زواج الرجل بأخرى هو زنا بينما الزنا لايوجد منه مشاكل طالما لايوجد زوجة أخرى أي جعل الإعلام الخليلة حليلة !!! فلماذا العنوسة أيضا في دول الخليج نسبتها عالية خاصة وأن المرأة في الخليج متفهمة لموضوع زواج الرجل من أربع !!!

[عبده بيه]

الاخ كوكو واوا تحية

اخي الفاضل انا فاهم جدا ضيقك وغيظك من طريقة التناول للموضوع من جانب القناة ويضا هذا الشمطاء والتي تم استضافتها يعني هم عرفوا يحبكوها ومن اهلها

ولكن للاسف الشديد محزن للغاية بيصورنا في صورة مش اقدر اكمل اسف اعذرني تحياتي

[أبو حميد]

الأخ العزيز كوكو واوا

هل الموضوع للحديث عن ظاهرة العنوسة في مصر؟

أم هو مخصص لمناقشة رغبة الكثيرين في مناقشة مشاكل مصر وترك باقي مشاكل الدول العربية خوفا وطمعا.

على فكرة الموضوعين مهمين ويستحقوا المناقشة رجاء حدد قضية لنناقشها هنا ثم نفتح موضوع جديد للقضية الأخرى.

[kokowawa1979]

معك حق أخي أبو حميد فلنبدأ بموضوع مشاكل العنوسة في مصر لأنه في اعتقادي هو الأهم .

في رأيي الشخصي أن العنوسة في مصر تطال الطبقتين الفقيرة والغنية أيضا لكن لكل منها أسبابها الخاصة بها .

ففي الطبقة الفقيرة نجد أنه للأسف الشديد الغالبية العظمى من الشعب تكد من أجل إيجاد لقمة العيش - نظرا للحالة المتدهورة التي أوصلتنا إليها حكومة نظيف الذكية ( مش عارف أمال لو غبية كانت عملت فينا إيه ) - ومن هنا نجد أنه على الشاب الفقير وخريج الجامعة وفي حالة وجود وظيفة له أن يدخر مبلغا لايقل عن 30000 جنيه على الأقل من أجل الجواز ( شبكة - وعفش حالته متوسطة ) - فهل يستطيع أي شاب أن يوفر هذا المبلغ في بداية حياته ( 10 سنوات مثلا بعد استلامه وظيفته .

نقطة أخرى : طلبات بعض الأهل من العريس بألا يقل مستوى العفش أو الأثاث عن مستوى مثيله عند بنت خالها أو عمها أو ....... فقد تكون الأخرى محظوظة ووقعت على عريس خريج الخليج !! ولهذا نجد العريس يبحث عن أول مخرج للطفشان - فتظل البنت عبئا على بيت أهلها من أجل الأثاث الفخم .

ثالثا : بعض الفتيات خاصة الجميلات للأسف قد يأتي إليها عريس محترم وابن ناس لكن مش شكل تامر حسني لكن في نظرها إنه ماينفعش لأنها ماتقدرش تخرج معاه وهي جميلة الجميلات واصحابها يقولوا إيه عليها ( أي والله هذا منطق بعض الفتيات ) ولأن البطران أخرته قطران تفاجأ جميلة الجميلات أنه أصبحت رقم في طابور العوانس !!

من هنا نقول أن الفقر يلعب الدور الرئيسي في موضوع العنوسة في مصر - علاوة على أزمة السكن- ويأتي تشدد الأهل والعروس في نهاية المطاف .

[أبو حميد]

لا أعتقد أن عدد العوانس في مصر فقط 2 مليون أرى أن العدد أكبر بكثير من هذا الرقم. وخصوصا إذا أضفنا الرجال ولا أدري لماذا لا نقول الرجل عنس وما هو تعريف العنوسة أصلا.

العنوسة في الريف هي أن تنتهي الفتاة من الدبلوم ثم تتخطى العشرين عاما بدون ان يتقدم إليها أحد وفي المدن أن تنتهي الفتاة من دراستها وتتخطى السابعة والعشرون بدون أن يتقدم لها أحد وغالبا الأقل جمالا يحصلون على اللقب مبكرا بينما الجميلات تظل الأبواب مفتوحة امامهم لفترات أطول.

والرجل لا نقول عليه عانس لأنه هو من يقوم بالخطوة الأولى نحو الزواج ممكن نطلق عليه مضرب عن الزواج سواء كان هذا الإضراب برضاه أو لضيق ذات اليد فالرجال محظوظون دائما في مجتمعنا حتى في المسميات.

كتبت من قبل في موضوع عن ضرورة تقديم قرض حسن بدون فوائد لمساعدة المقبلين على الزواج وأعتباره من أهم مخارج زكاة المال والصدقة الجارية وأتمنى ان تتبنى المحاورات هذا المشروع.

[dubai 2006]

اعتقد ان المشكلة الاساسية فى الطبقة المتوسطة فى جزء منها راجع لطبيعة الحياة الاجتماعية اللى بتعيشها اغلب الاسر المصرية دلوقتى .....وهى ان مبقاش في وقت للتزاور العائلى بين الاهل والاصدقاء زي زمان علشان الاسر يشوفوا ولاد بعض فبالتالى البنت اللى مش بتلاقى الشخص المناسب ده في الجامعة او فى شغلها بتفضل لغاية لما يريد ربنا....ده غير الشباب اللى بقى يفكر اول لما يخلص دراسته يسيب البلد ويشتغل بره ويفضل عايش هناك سنين لغاية لما يحس انه ان الاوان للبحث عن شريكة الحياة!!!!!!!

[yacho]

شوفوا يا جماعه الموضوع ده متشعب جدا .. وعايزه اقول ان مش البنات بس اللى بيدوروا

عالشكل .. الرجاله اول حاجه بيبصولها الشكل .. انا ليا اكتر من صديقه اتاخروا ف الجواز

وكنا لما كان حد يجيب عريس لواحده فيهم من اول مقابله اللى هى مقابله سريعه لا يتاح فيها

لاي من الطرفين انه يفهم اى حاجه عن التانى .. كان العريس مابيجيش تانى مفهوم طبعا

ايه سبب ان عريس يمشى من اول مقابله .. والعكس صحيح فى بعض الحالات لكن مش كتير

لان البنت بسبب ضغط البيت المتمثل ف عياط مامتها لما تبقى ف اودتها لوحدها وسرحان ابوها

الدائم لانه خايف يموت قبل ما يسترها .. والمعارف الغلسين اللى كل ما يشوفوها يقعدوا يدعولها

ان ربنا يعوض ويخلف عليها .. كل ده ضغط بيخللى البنات فى معظم الحالات يتنازلوا عن كتير من المواصفات

اللى ف خيالهم عشان يخلصوا .

من هنا احب اتكلم على النقطه التانيه اللى بيقع الخطا فيها على البنات اللى اتاخروا ف الجواز

ودول اللى باتكلم عنهم هم اللى فوق الثلاثين وطالع .. بصراحه وبدون زعل البنات لما بتكبر ف مصر

بيهملوا ف نفسهم قوى .. انا مانكرش ان علاقتىبمصر هى شهر او اتنين ف السنه لكن انا انا قعدت

سنه كامله ممكن اقول انى شفت فيها اكتر .. على سبيل المثال فى الاداره اللى بتشتغل فيها اختى

الاداره كامله مافيهاش غير اتنين متجوزين والباقى شكلهم متجوزين ومخلفين كمان مع انهم بنات انا مش باتريق لا

سمح الله انا بس كل اللى عايزه اقوله ان انا لما باشوف كم اصحابى اللى متغربين ونفسهم يتجوزوا من مصر باستغرب

بس لما بينزلوا لو شافوا البنات دول مابيكملوش ومع احترامى للطرفين الرجاله عندهم حق مايقبلوش ..

لانهم بيسافروا وبيشتغلوا وبيضيع منهم سنين عمر جميله .. عايزين يعوضوها مع واحده عالاقل تكون محافظه الى حد ما على نفسها

مش لازم تكون جميله ولا ف عود ناعومى كامبل او كلوديا شيفر .. تكون معقوله يعنى .. حقه بصراحه .

بس هو عنده فرصه يقول لأ ويمشى ويشوف غيرها .. لان نظره المجتمع له فيها رحمه .. لكن البنت لو شافت واحد

وماعجبهاش شكله اول حاجه تتقال لها .. انتى حتتأمرى على ايه عالأبعاديه اللى سابهالك بابا .. واللا على

طابور العرسان اللى واقفين ورا الباب...الخ

المصيبه الاكبر ان الولاد بقوا خايفين اصلا يتجوزوا من اللى بيسمعوه عن البنات ف مصر .. على فكره انا كلامى معظمه عن الشباب

المصرى المغترب هنا فى فرنسا او ف امريكا لان معظم اصحابى من ايام ثانوى والكليه هناك .. وهنا نتكلم عن الفئه الثانيه من البنات

اللى هى على النقيض تماما عن المجموعه اللى فوق .. اللى هم اوعى القطر .. حاجه ما حصلتش الولاد يحبوا البنات الروشه دى .. الستايل

بيشوفوهم طبعا ف الاجازه اللى بينزلوها ف الاماكن الروشه الستايل برضه .. بس من وجهه نظرى الاماكن دى ماتوفقش راسين

ف الحلال .. وده بسبب خوف الولاد من الجواز من البنات دى بسبب التحرر الزياده عن اللزوم .

الجانب الاخير اللى مش حيفوتنى اتكلم عنه ان لو واحد مسافر ربنا اكرمه ولقى عروسه كويسه فى مصر .. طلبات الاهالى بتكون مبالغ فيها

الى حد ما .. ياللا الراجل جاى من بره نفرتك له القرشين اللى ضيع فيهم عمره ماهو برضه عايزه يتمتع مع عروسته بعد الجواز يسافروا

يتفسحوا يسهروا .. مش لازم يعنى معظم الفلوس تروح كلها فى الجوازه والراجل يحس انه حيبدا من اول وجديد .

اللى بيحصل بقى ان العرسان دى بعد اكتر من محاوله فاشله بيدوروا بقى ف البلاد اللى هم عايشين فيها على اى واحده اجنبيه

وتعالوا شوفوا كم المصريين اللى متجوزين من مغربيات وجزائريات هنا فى فرنساا وسابوا بنات بلدهم .. وماحدش يقوللى 90 فالميه

عشان ياخدوا ورق فى ناس كتير كان معاهم اوراق اقامه واتجوزوا كده عشان خلاص عايزين فعلا يتجوزوا ويستقروا.

تحياتى للجميع

[رمضان]

بصراحة يا اخت ياشو انتي كفيتي ووفيتي يعني تحليل منطقي رائع جدا للظاهرة دي

بصراحة انتي قلتي كل اللي انا كنت عاوز اقوله

[yacho]

بصراحة يا اخت ياشو انتي كفيتي ووفيتي يعني تحليل منطقي رائع جدا للظاهرة دي

بصراحة انتي قلتي كل اللي انا كنت عاوز اقوله

شكرا يا رمضان .. اى خدمه. :ph34r:

[desert_rock70]

يعنى بصراحة كل واحد فيكم أضاف شىء وفعلاً يدل على ان الموضوع معدش قصة وأسبابه بقت معروفه .. بس بصراحة انا مش متخيل أن ممكن اتجوز غير مصرية وكمان مش عارف هو احنا معدتش عندنا نفس للجواز ولا بقت الدماغ مش رايقة ولا ايه بالظبط.

[قديم]

الأخ العزيز كوكو واوا

هل الموضوع للحديث عن ظاهرة العنوسة في مصر؟

أم هو مخصص لمناقشة رغبة الكثيرين في مناقشة مشاكل مصر وترك باقي مشاكل الدول العربية خوفا وطمعا.

على فكرة الموضوعين مهمين ويستحقوا المناقشة رجاء حدد قضية لنناقشها هنا ثم نفتح موضوع جديد للقضية الأخرى.

دائما تضيع الافكار الجميله مع تفر عات المواضيع وتشعبها .. شكرا لك ابو حميد

العنوسه موجوده و ليست عيبا في حد ذاتها بقدر ما هو خوف من ان تجر الي مصايب اكثر . ومحاذير اعظم ... اذا تعاظمت ..

انا لا اعتقد ان سبب العنوسه هــو . مبالغات الاسره في طلبات الزواج بحد ذاتها.. هو الزواج بحد ذاته مكلف .

والمساله مساله نسبه وتناسب بين الطبقات الفقيره والغنيــه . وبين زواج اليوم وزواج الامس .

وتفصيل رأيي على النحو التالي

اولا هناك من اولياء الامور من يرغب بتزويج ابنتــه على الشاب الكفو . اهم حاجه يستر فيها بنته حتي لو الامر وصل الي خاتم من حديد . , واعتقد الجميع يشاطرني الرأي . لو عنده بنت وتقدم لها شاب . كفو ومءهل والشاب في هذه لحاله مش عايز مساعده من حد. وهيقدم اللي يقدر عليه .يبقي مساله طلبات الاسره ما لهاش اعتبار

القول بين طلبات الاسره .. . وبين غلاء المعيشــه ومتطلبات الحياه بعد الزواج .. هذه نقطه .مهمه جدا . حتى لو لم يطلب منك شقه .او عفش . ضروري تجيب وتعمل وتاثث .

النقطه الثانيه تخص البنات وهي ان الفتاه لم تجد الشاب المؤهل والمتزن .. حتي تقبل به . هذه ايضا نقطه مهمه فسبب ذلك عزوف لديهم . فالعنوسه خير من الطلاق

. الشاب قد يبرر العزوف عن الزواج بسبب تكاليف الزواج ..في حين انه لم يهئ نفسه للزواج وتكوين نفســه .؟ . لان ذلك الشاب تلاقيه عايش حياته براحته . يوم في شغل يوم ما في شغل . .. ..

سءالي

هل رايت شابا يملك مقومات الزواج من دخل مستمر وان كان قليل ... وانظباط عقلي واتزان عقلي . لم يتزوج .؟؟. اذا وجد مثل هؤلاء فهم نسبه قليله جدااا لا تعد على الاصبع ..

ايضا لا ننسي ان هناك نسبه عنوسه فين الموظفات بشكل ملحوظ , هذه الفتاه . لو وجدت الانسان الكفو . المناسب . لما تاخرت في الموافقه عليه . . ووضعت يدها بيده . لبناء عائلتها الصغيره

سبب العنوسه

اولا كثره البنات . وزيادتهم بشكل ملحوظ عن الشباب

ثانيا عدم وجود الاستقرار لدي اغلب الشباب وتحمله للمسؤوليــه

في نظري هذه اسباب العنوســه الحاليه في مصر او في غيرها من الدول العربيه

لكن السءال ما هو الحل

بصراحه اختراع الحلول صعب . ولكن الافضل ان نبحث عن حلول من سبقونا في هذه القضايا وكيف كانت معالجتهم لها .

قد نستعيب الفكره من اول وهله .

الهند على سبيل المثال بلد المليار نسمه او اكثر ..

بحثو عن حلول لها . واعرف ذلك من العماله الهنديه المحيطين من حولي

فالبنت . اي هي صاحبــه المشكله . ( هي العانس في نظر العرب والمسلمين . وهي العار الذي يجب ستره )

هي من تبحث عن شاب وتدفع له ما يجعله يقبل بها من تاثيث وتجهيز . وكميه من الذهب . ويمكن رصيد بنكي . طبعا المبلغ يتم تحديده علىحسب :

مستوي جمال البنت . تقل الطلبيات في هذه الحاله بنت لقطه

مستوي الشاب الاجتماعي والمعرفي .وتاهيله العملي . ترتفع الطلبات . ولك شيك

لذا نجد ان الهنود يزوجون بناتهم من الــ 15 الي الــ 20 سنه الكثير . واذا لم يجد والد الفتاه المهر الكافي لتزويج ابنته او كانت يتيمه . فاهل الحي يساعدونها ..

هذا هو حل من سبقونا . وقضو على مشكله العنوسه . فلا يوجد فتاه تريد الزواج موجوده في بيت ابيها ..

بالنسبه للطبقات المتعلمه . والمثقه . والبرجوازيه فهي نفس النظام مع فرق بسيط _ حسب البرو تو كولات هيييييييييييي

مجرد دردشــه تقبلو تحياتي .

[kokowawa1979]

الأخ الفاضل قديم - أثريت الحوار مثل باقي الإخوة الأفاضل برأيك - مع ملاحظة أن مايحدث في الهند يحدث مثله في مصر حيث أن أهل العروس يساهمون في تأثيث بيت الزوجية بل حتى الفتاة العاملة تدخر أغلب مرتبها من أجل جمعيات تساعدها على سرعة تأثيث بيت الزوجية والسبب في ذلك أن إمكانيات العريس قد لاتسمح وحدها في فتح بيت بل أنك تجد بعض الأغنياء يقومون بشراء شقق تمليك من أجل أبنائهم وبناتهم بالطبع .

ثانيا عدم وجود الاستقرار لدي اغلب الشباب وتحمله للمسؤوليــه

أحمل الحكومات هذه المسئولية فالشباب معظمه فيه الخير وهذه حقيقة - ولك في شباب المنتدى مثال على ذلك - فالحكومات لو اهتمت بالشباب وأيقنت أنه حاضر الأمة ( وبطلت تسرق الثروات ) وأقامت مشاريع بدلا من نهب الأموال لوجدت شبابا مختلفا تماما ومتحملا للمسئولية - فشباببنا ما زال فيهم الخير .

لاحظت في دول الخليج عدة أسباب للعنوسة أهمها مايلي :

الفوارق التعليمية بين الفتيات والشبان حيث تتفوق الفتيات في نسبة التعليم العالي - والشاب هناك لايرضى بأن يتزوج من هي أعلى منه مرتبة في التعليم .

ثانيا : الارتفاع الرهيب في المهور وعلى الرغم من أن المرحوم الشيخ زايد طيب الله ثراه جاهد أثناء حياته في التنبيه إلى آثار هذه العادة السيئة على المستقبل الاجتماعي لدول الخليج عامة إلا أن الظاهرة ماتزال موجودة - فما كان من الشيخ زايد يرحمه الله إلا أن قام بإنشاء صندوق الزواج للشباب على أن تقوم بتمويله الحكومة وكبار رجال الأعمال .

ثالثا : أن الفتاة إذا التحقت بالعمل عزف الشباب عن الزواج منها .

في رأيي أنه لحل مشكلة العنوسة هناك الحل الشرعي الذي لاترضى به حواء مهما كانت درجة تدينها للأسف وهي أن يتزوج زوجها إن كان قادرا بأخرى- وهذا الوضع عادي جدا بالنسبة للسيدات في الخليج والغالبية تتقبله بصدر رحب وبدون مشاكل - إلا أن الوضع يختلف في مصر - حيث لو أن الزوجة شمت خبر فقط أن زوجها يفكر في الزواج من أخرى - ثاني يوم تقوم بإبلاغ السلطات بغياب زوجها وانتم بقى عارفين باقي القصة !!!

[محمد العبدالله]

السلام عليكم00 ان مشكلة العنوسه في مصر وفي اغلب الدول العربيه التي تعرفت الى اهلها هي تكمن في الحكومه00 نعم الحكومه فلا هي ترحم ولاتخلي رحمة ربنا تنزل فالمطلوب من الحكومات ان تعد دراسات خاصه بالمشاكل الاجتماعيه التي يعاني منها المجتمع او حتى التي ستظهر لاحقا حالها حال باقي الشعوب الحيه التي تريد لمجتمعاتها ان تنمو بطرق صحيه فلا نحن عارفين كم نسبة الاناث الى الذكور وكم نسبة المتزوجين الى العزاب وكم نسبة الذين سيصبحون في سن الزواج بعد عشر سنين مثلا وهل ستكون في تلك السنه نسبة الشباب الى الشابات متساويه متقاربه ايهما التي ستطغى على الاخرى كي تستطيع دعم فئة معينه ويكون هذا الدعم بشكل علمي يحل المشاكل لايزيد تفاقمها فالدول الميسوره تستطيع ان توجه دعما ماديا للشباب شرط ان يسهم هذا الدعم بشكل ايجابي في الحل اما الدول التي لديها اصلا مشاكل اقتصاديه تستطيع الدعم ولو بشكل اعلامي وثقافي وستجد كم ستحل المشكله وزارات التخطيط وهيئاتها التي لاتظهر نتائج تخطيطها لاحد اللهم قد يكون التخطيط سر من الاسرار العظمى للدوله الله اعلم؟؟ انا اعتقد ان هذه المشكله عصريه من المشاكل الحديثه في مجتمعاتنا العربيه وسببها سوء الاداره وسوء التخطيط لانه سابقا كانت الحروب والكوارث الطبيعيه والمرض تاخذ حصتها من هذا الجنس او ذاك اما اليوم فالغالب من المجتمعات العربيه لم تمر بها تلك المشاكل اذن اين المشكله ومالحل الحل من وجهة نظري هي في تفعيل دور هيئات التخطيط الحكوميه لتؤدي دورها في رصد هذه الظاهره ومعالجتها بالطرق التي اشرت اليها انفا وان تضع المنظمات التي تعنى بالثقافه عمرا افتراضيا للزواج وتثقف من اجل ان يكون هذا العمر مثار دعم لاولياء الامور ليكون منطلقا لثقافة شعبيه 0 مع الحب0

[شرقاوى]

بصراحة الموضوع ده شائك وفيه حوارات كتير لكن اللى نقدر نوجز بيه انه بعد الناس عن الشريعة وفهم تعاليم الدين هو اللى أدى الى ذلك فغلاء المهور وطلبات أم العروسه والمواسم والهدايا والعديات وعايزة تبقى زى فلانة وعلانة وهى مش أقل من ينت عمها وخالها ولازم الفرح يبقى فى النادى العلانى وتبقى التورتة خمس أدوار لازم يخلى أى شاب يفكر ميت مرة قبل ما يخش على الموضوع وبعدين هيجوز ويتعب نفسه ليه ما فى دش ونت وكل اللى هو عاوزه وببلاش ومن غير وجع دماغ .مصيبة والله حرب أعلامية وحرب فى الأرزاق وحرب فى المواصلات وحتى دخول الحمام مشكلة المصرى ان الجواز اليوم أصبح سلعة ترفيهية للقادرين فقط يعنى إشباع الحاجات البيلوجية اللى كا ن الأنسان البدائى بيشبعها أصبح من الصعب على المصرى إشباعها . معظم أصدقائى تزوجو وأعمارهم فوق التلاتين وبيعتبروه نفسهم محظوظين وبعدين دلوقتى نسبه كبيرةمن البنات إلا من رحم ربى بتعطى اللى ماشى معاها بدعوى الحب اللى هو عاوزه يبقى يجوزها ليه

[أبو حميد]

بعد أذن المشاركين في الموضوع أرحب بالأخين محمد العبد الله وشرقاوي اللي بشوف مشاركاتهم لأول مرة وداخلين بمشاركات جميلة وفي المليان وواضح أن الموضوع فعلا ساخن علشان يجذب 2 بيشتركوا لأول مرة معانا والبقية تاتي.

فعلا العنوسة وتأخير سن الزواج أصبحت سيف مسلط على رقاب الفتيات والشباب وللأسف الكل مشترك في الخطأ الحكومة بأجهزتها المختلفة والأهل والمنظمات الأهلية وبعض الشباب وساهم الواقع الأقتصادي المرير في تفاقم المشكلة.

وأعتقد أن الحل يحتاج لتكاتف الجهود والأفكار غير تقليدية وتغيير بعض العادات والموروثات الخاطئة.

[وائل كيوان]

السلام عليكم

اود ان اشارك براى فى هذا الموضوع وهو العنوسة وهى طبعا بقيت للطرفين الان ماصبحتش مقتصرة على البنات فقط

احنا كشباب بكل صراحه فى حياتنا بنعرف كتير على مدار العمر وشباب كتير جدا بيرتبط بالبنت حوالى عشر سنين حب واكتر يعنى من ايام السنوية وتكون البنت اتعلقت بيه جدا ويبلغ المرحة اللى يقرر فيها الزواج يفر هاربا ويحاول يدور على وحده اخرى وده ليه لانه معدتش عنده ثقة فى البنت اللى كان مرتبط بيها وطبعا بتكون البنت سمعتها زاعت فى المنطقه اللى عايشة فيها وده يا جماعه سبب لبعد الناس عنها لما تذكر للجواز ويعتبرها الجميع انها غير مؤدبه .

وكمان الاخت اشوا طرحت الموضوع من جانب البنت وانا بطرحه من جانب الولد علشان نكون صريحين فى حياتنا وده من ناحية اولى

نيجى بقى فى الناحية التانية الولد لما يختار البنت اللى من عيلة زى ما بيطلق بعض الناس فى مصر على بعض الاسر مع اننا ولاد حوا وادم يتصدم الولد فى الطلبات طبعا وميقدرش عليها وبرضه يزاع عن ان البنت دى طلباتهم كذا وكذا ويخاف معظم الشباب ان يتقدم ليها لان عارف ان مصيرة الرفض .

ودول نوعين من البنات اللى بيصابوا بالعنوسة

اما النوع التالت البنت الفقيرة وعمر الفقر ماكان عيب ولا حرام وربنا اللى بيمتحن الفقير بفقره ويشوف صبره ايه ويمتنحن الغنى باللى عطالهوله يعنى المسألة مش بايد احد دى بايد الله عز وجل .

بعض الشباب بينظرولها ان ياخد واحده مستريحه علشان تريحه بعد كدا فى حياته وتسنده بفلوس ابوها او يقف جنبة فينصرف النظر عن البنت اللى بتقال عليها فقيرة وتصبح نوع من انواع العنوسة .

اما النوع الرابع بقى بيكون بسبب تدخل الاهل فى حياة الشباب البنات والولاد لما الولد يختار دى وحشة لا بلاش دى لا دى مش بنت اصول الخ الخ الخ لحد ما الولد يزهق من عيشتة ويضرب اصلا عن الزواج وبكدا تزيد العنوسة ودى حقيقة متتنكرش فى الحياة دى كلها اسباب موجوده فعلا وكذلك التدخل فى حياة البنت لاء مش غنى لا ممعهوش يعيشك كفاية لا مينفعكيش مستواه الاجتماعى لا مستواه البطيخى لحد ما البنت محدش عاد يروح يتجوزها بالرفض المتكرر مع العلم ان الدنيا اتبنت فى ستة ايام يعنى لازم الحياة تبدأواحدة واحدة ويقدروا الولد والبنت يبنوا حياتهم ويكونها وربنا يكرمهم .

والحياة مش فلوس يا جماعه بس والله دا ربنا لما امرنا بالزواج امرنا ببعض الامور ليعف الانسان :

قال رسول الله صلى الله عليه وسلم ( من استطاع منكم الباءة فليتزوج لانه اغض للبصر واحصن للفرج ) صدق رسول الله فالحكمة من الزواج ان يكونا الزوجين سكنا لبعضهم البعض وليس لركوب سيارة ولا فستان اخر موديل ولا شقه على النيل وربنا اللى بيرزق فى النهاية . فوقوا يا ناس متخلوش الدنيا اخر همكم فى ولادكم

ودى دعوة يا جماعه لكى نطرح المشكله ونحاول بقدر ما نستطيع نطرح ليها حلول مش نسيبها عايمة

ومش هيبقى فيه اعز من بنت رسول الله لكى يزوجها للتقى الذى لايملك شئ وهو سيدنا على كرم الله وجه حين زوج ابنته باتم من حديد ودرع اعطاه الرسول له قبل ذلك فحنا هنقف فى وش اولادنا علشان خاطر اية

قال رسول الله صلى الله عليه وسلم ( تزوجوا فانى مكاثر بكم الامم يوم القيامة دينا بيسر لينا الامور واحنا اللى بنعقدها فالمشكلة عمرها ماكانت فى المجتمع زى مابنتصور المشكلة فينا احنا كبشر نفسنا امارة بالسوء فتخيلو معايا يا جماعه :

لو الشباب بطلت تخدع فى البنات والعكس كذلك

الاباء زوجونا على التقوى بان نختار البنت التقية المحافظة على دينها والعكس صحيح يعنى بطلنا نتجوز بالشبكة والعربية والخاتم الالماظ

اللى مش قادر يتجوز لظروف انسانية والناس طلعت زكاها لمساعدت حديثى الزوج

لو بطلنا ننظر لفروق الطبقات الغنى والفقير

لو بطلنا ننم على بعض سواء البنت على البنت او الولد على الولد او العكس الولد على البنت

وحاجات كتيرة لو بطلناها .............................

هيبقى فى مشكلة واحده على وجه الارض مش عنوسة بس ... اعتقد فى نفسى مش هيبقى عندنا مشاكل خالص بس مش هينفع يبقى معندناش مشاكل لان النفس البشرية ديما امارة بالسوء

واسيب لحضرتكم التكمله لانى اطلت عليكم بس خدتنى الشهامة فى الموضوع لانها حاجه تضايق اللى بيحصل فى الجيل اللى احنا فية والكل بيحاول ينكر المشكلة فين وبنحط راسنا فى الرمل زى النعام والمشكلة تكبر وتكبر

والله المستعان على جيل كامل حاضر واجيال جاية ؟

[محمد العبدالله]

السلام عليكم 00 مرة اخرى العنوسه 00 بالرغم من شكري الاخوي لكل الاعزاء الذين ادلو دلوهم بالموضوع الا ان المساله طرحت منذ الاساس لايجاد الحلول او اقتراح بدائل لموروثاتنا الاجتماعيه التي تكاد تتطابق في مختلف الدول العربيه فمعظم الاساتذه الذين عقبوا على الموضوع يناقشون اسباب العنوسه وهي اصبحت معروفة الاسباب للقاصي والداني ولايهم كثيرا الغوص بالاسباب بقدر مايهم هنا اقتراح الحلول واريد ان اضيف الى مشاركتي السابقه عنصر العادات والتقاليد الاجتماعيه التي اصبحت عبئا يثقل كاهل الشباب وهي الطلبات غير الضروريه او التي يمكن تاجيلها ولا تؤثر على الحياة الزوجيه السعيده فمثلا لو اختار اهل البنت شاب يخاف الله في ابنتهم بدلا من شاب ميسور قد لايراعي حدود الله وكما استطاع ان يتزوج هذه بامتياز الغنى يستطيع بعد حين ان يتزوج عليها اخريات بنفس الامتياز المادي ولنرجع لموروثنا الروحي وهو الاسلام يقول المصطفى الحبيب صلى الله عليه وسلم 00 ( اذا جاءكم من ترضون خلقه ودينه فزوجوه ) هذا هو القانون الذي يخضعنا جميعا وليس فيه نقاش وهو ضمانة اكيده للمراه خير من الدنيا ومافيها وبعد ذلك الله يقدر مايشاء لهم من الرزق0 فلا الغنى يدوم ولاالفقر دائم فسبحان مقلب الاحوال من حال الى حال 0

اعتقد جازما باني لم اتي بجديد لايعرفه احد بل كل مافي القضيه هو يراد لهذه الافكار التي يعرفها الشاب والعجوز ان تكون واقعا اجتماعيا معاصرا والذي يمكن هنا ان يسوق هذه البضاعه هو الاعلام وعندما نقول الاعلام هنا لانقصد به المرئي والمسموع والمقروء بل ان يثقف به الاستاذ بالجامعه والعمده بالقريه والمسؤول الكبير بالدوله والشباب انفسهم يقتنعون ويقتنعن الشابات بذلك 00 وفي الختام شكري وتحياتي للجميع