أمتي أخر مرة أتكلمت فيها مع دموعك

[Simba]

أمتي أخر مرة حسيت بدفا دمعك علي خدودك

حسيت أنه بيريحك ... ولا بيخنقك

بيحسسك بضعفك ... ولا بيحسسك بخوفك

خوفك انك تواجه

تفتكر .. دمعك بيحبك

لما يكون هو بس اللي معاك والباقي سايبك

بتمسحه بأيدك ولا بتسيبه يسيل علي خدك

بيخليك تحس بالعجز ...وتشفق علي نفسك

ولا بتحس انه بيخفف عنك

أكيد في يوم دمعتك كانت علي خدك

وفي اليوم ده ما كانش فيه حد جنبك

حاولت تحبس دمعتك .... ولا بتسيبها يمكن تطفي لوعتك

بتخبي دمعتك عن الناس ولا بتبقي عايز تصعب عليهم

عايزهم يطبطبوا علي كتفك بأيديهم

أمتي اخر مرة أتكلمت مع دمعك ...

وأمتي أخر مرة دمعك وجعك

[عبده بيه]

سمبا الحزين لونك حزين وجميل

[memo2007]

إمتى

أنا بقالى اسبوع مخنوقه .......بس المشكله بأه انى بقى أى حد يجى يتكلم معايا كلمه يلاقينى فتحت على السابع وقعدت اعيط

مش عارفه هارجع لحالتى الطبيعيه امتى

دلوقتى فى الكليه بعد ما كانو دايما يشوفونى بضحك وبهزر وما فيش حاجه تهمنى بقوا على طول يشوفونى ساكته وعاقله واى حد يجي يهزر معايا يلاقيتى قلبتها جد وعياط...........اتخنقوا منى خلاص

انا نفسي مش عارفه ده من ايه ....اعتقد لان النتيجه قربت تظهر "يعنى خوف "

شكلى كده قلبتها جد أوى يلا ربنا يستر

[أبو زياد]

تمنيت أن يكون السؤال :

متى تحجرت دموعك ؟ و لم تقدر أن تنتزع بها قلقك و خوفك ..

متى خانتك دموعك و لم تخرج لتغسل معها قلبك و نفسك ...

كثيرا ما أتمناها و أرجوها و لكنها من حجر .. و لو حجر كان نزل

تقبع على القلب فتزيد الهموم و تزيد الحمل

الدموع هى نعمة .. فليهنأ بالا من كانت دمعته : قريبة

[nancyezat]

ابو زياد ,

فعلا كلامك عين العقل الدموع دي نعمة من ربنا ويابخت اللي عنده احساس وبيقدر يعبر عن مشاعره سواء مشاعر الفرح او الحزن دي اكبر نعمة , في ناس عايشة في الدنيا دي وخلاص من غير اي مشاعر ربنا يكفينا هذا الشعور

[بنت النيل]

أمتي أخر مرة حسيت بدفا دمعك علي خدودك

حسيت أنه بيريحك ... ولا بيخنقك

بيحسسك بضعفك ... ولا بيحسسك بخوفك

خوفك انك تواجه

تفتكر .. دمعك بيحبك

لما يكون هو بس اللي معاك والباقي سايبك

بتمسحه بأيدك ولا بتسيبه يسيل علي خدك

بيخليك تحس بالعجز ...وتشفق علي نفسك

ولا بتحس انه بيخفف عنك

أكيد في يوم دمعتك كانت علي خدك

شكرا يا سمبا لانك ذكرتنا يأم جميلة من اجمل ايام بتمر علينا

وهقولك امتى كانت هذه الايام بكل امانه بالنسبة لى

هى فى الاواخر العشر من رمضان فى فى الصلاه واختامها بالدعاء من الشيخ مشارى العفاسى بالكويت

وبدون ان تشعر تنهمر هذه الدموع التى تحسسك بضعفك وخوفك وحبك وانه لايوجد معك فى هذه اللحظه غيره " الله العظيم الخالق البارىء المصور الغفار " سبحانه وتعالى

فى رأى ان هذه هى اصدق دموع فى اصدق لحظات النفس مع خالقها