طلب مساعدة اقتصادية فنية لولبيه من اخوكم سين سين

[se_ Elsyed]

بإختصار

صديق عمري ربنا رزقه بزوجة فنانة ومتعددة المواهب ... وهي بالمناسبة اجنبية

المهم من ضمن مواهبها هو الرسم سواء اليدوي او عن طريق الفوتوشوب وما الى ذلك من البرامج المشابهة

المهم ولإن صديقي يعمل في مجال السياحة فدائماً مسافر فهي حبت تسلي نفسها وبقت تبيع رسوماتها وخاصة المتعلقة بالكارتون

ما علينا

الفنانة دي حبت تبيع رسوماتها عن طريق النت فواجهتها صعوبات في التحويلات المالية لها

ليه ؟

لانها من روسيا فبالتالي موضوع الفيزا كارد مش متاح بشكل كبير على مرتادي المواقع التي تروج فيها لاعمالها الفنية المتميزة فعلاً

واللي مشهور قوي هناك الدفع عن طريق طريقة تُسمى web money ودي مش موجودة في مصر

المهم وبالمختصر المفيد لو حد اشترى لوحة من ام 100 دولار .. يبقى ايه الطريقة السهلة والمُثلى لتحويل مبلغ مثل هذا لها ؟

[رمضان]

السلام عليكم

افضل طريقة هي (الكاش يو) ومتوفرة في جميع الدول تقريبا او ممكن انها تفتح (حساب بنكي) ويتم التحويل عليه او (ويسترن يونيون) والاخير افضل طريقة وسبق واستخدمته كتير في التحويل لكثير من الدول في العالم .

رمضان صرافة عملات وخلافه خدمة خاصة لعملاء المنتدى

[عبده بيه]

الفاضل سي السيد تحية

اولا هناك مواقع علي النت للبيع والشراء بين الافراد تعتبرمواقع عالمية ولكن هناك اكثر من طريقة للشراء من هذه المواقع وهي المفروض اولا البائع يقوم بعمل اعلانات علي الموقع نفسه بالصور والاسعار وطريقة الدفع ورسوم التوصيل البريدي والموقع بدون رسوم اشتراك ومن هنا يبدء المشتري يتصل علي طريق الموقع مثل المحاورات بالظبط وبيرسل المشتري شيك او حوالة بريدية عالمية او اي نوع من البطاقة يحبذ البائع فيزا او ماستر

المواقع مثل WWW.EBAY.COM

WWW.SHOPPING.COM

عفوا سيدي امهلني بعضا من الوقت مع الاعتذار للاخت نانو

لكي يتسني لي البحث

ولك تحياتي

[se_ Elsyed]

رمضان

عبدو بيه

أشكر لكم حسن تعاونكم مع المخابرات العامة المصرية

لكن على ما يبدو بأنني أتكلم لُغة رمادية أو بنفسجية وعشان كده ماحدش فهمني

بقى عشان 50 دولار يقوم الواحد يعمل حوالة ويسترن يونيون تكلفه 10 دولار ؟

أو يكلف نفسه ويعمل حوالة بريدية من مكتب بريد موسكو البلد على مكتب بريد الوايلي ؟ lol

طب حد من الإخوة الاجانب يُدلي بدلوه ويحكي لنا عن طريقة الـ Web Money

وبالمرة بقى بأوجه نداء إنساني عاجل إلى الأخت أم مادا حفظها الله واللي أوعدها إني أول ما أخلف بنت - مش أنا يعني اللي أخلف .. قصدي ربنا يرزقني ببنت - هاحط الولا مادا في الكيو ونعطيه أولوية بأسبقية الحجز

أنا عايز أساعد الست دي لإنها بجد زوجة لأعز أصدقائي

يعني هل في إمكانية تستغل موهبة التصميم والحاسة الفنية في إنها تعمل بيزنس من البيت مش مهم تحقق ربح عالي؟

أصل بين وبينك هي كانت الأول عازفة كمان - لا مؤخذه يا وليد - من الدرجة الأولى وكانت في فرقة الأوبرا المصرية وياما أشتركت في حفلات لعمر خيرت وغيره من مشاهير الموسيقيين وأنا أتفرجت لها على كام حفلة ولما دخلت الإسلام و أرتدت الحجاب بطلت مزيكا وركزت في هواية الرسم ...

فبالتالي هي لا تبحث عن الربح على قدرة ما تبحث عن ملء الفراغ

[الحاج فوزى]

عزيزى س س

فيه مواقع مثل https://www.paypal.com/

وكام موقع تانى بس مش فاكر اسمائهم

المهم انت بتعمل حساب وبتسجل رقم الفيزا او الماستر وحساب البنك وخلافه

ويقدر اى حد يدفع لحسابك على الموقع بتاعهم ، ولما الحساب يصل لحد معين ، مثلا 100 دولار

يقوم الموقع بالتحويل ، للفيزا او حساب البنك الخاص بك

وفيه مواقع تانيه مشابهة ممكن بالبحث تلاقيهم

اعتقد ده يفى بالغرض

حسين