مبادئ موديل 2007

[DARWEEN]

حبيبي والله يادكتور هوبا

شوف بقى انا حاقول لحضرتك حاجه مهمه جدا

أولا ... المحكمة الرياضية دي نظام عالمي معمول بيه في كلللللللللل دول العالم ( المتحضر ) والله والمتخلف كمان

طيب أيه المشكله ؟؟؟

المشكله ان احنا في مصرنا الحبيبه واخدين على نظام بوس الراس والحبايب

لام المحكمة الرياضية اتعملت ( نظام عالمي مش عصام ولا غيره ) الزمالك اتلطش قرار ... وقعد يصرخ ويقول الحقوني ... يامظلوم ياني ( عادي يعني ماهم واخدين على كده ) حضرتك طبعا دكتور وعارف عقدة الاضطهاد وكده ... يخسروا يقولك الحكام مضطهدينا ... الاهلي يكسب يقولك الحكام مع الاهلي .... يا سيدي دا حتى في بطولة العالم قالوا الحكام مع الأهلي :blink: :unsure:

المهم لما الزمالك اتلطش الحكم بتاع ابراهيم سعيد .... كان ليه بقى ؟؟؟

لأن الكوميدي مرتدلا جاب ابراهيم ولبسه فانله بيضا مخططه في مؤتمر صحفي والواد لسه عقده مع الاهلي ما انتهاش

صح يا باشا ؟؟

نيجي بقى لموضوع المباديء

شوف يا دكتور ...

المباديء يعني الأخلاق والأحترام ....

يعني لما الأهلي أوقف 11 لاعب منهم الخطيب ومصطفى عبده ولعب بالناشئين ( وبرضه غلب الزمالك ) كان بيعمل بالمباديء

يعني لما لاعب يقل أدبه يمشي بره .. دي مباديء ( مهما كان أسمه ) والله عارف انك حتجيب لي شوية حواديت من اشاعات المدرجات عن لعيبه مش عارف شكلهم أيه

بس مفيش لاعب في الأهلي يجرؤ يرد على مدرب ولا يشتمه زي ما لعيبة الزمالك بتعمل ... صح ؟

مفيش رئيس نادي بيمشي ببلطجيه ... مفيش اعضاء بتتخانق برقبة قزازه

كده يعني

تبقى مباديء

ماشي ؟؟

بالمناسبه الف مليون مبروك لفوز الزمالك بالهف العظيم عى أهلي ابو عريج في البطوله العالميه الكبرى :blush:

[kokowawa1979]

داروين كتب :

شوف بقى انا حاقول لحضرتك حاجه مهمه جدا

أولا ... المحكمة الرياضية دي نظام عالمي معمول بيه في كلللللللللل دول العالم ( المتحضر ) والله والمتخلف كمان

طيب أيه المشكله ؟؟؟

عم داروين ياراجل ياأمير ياللي بتطلب من دايما نقول الحق :

ارجوك بجد بقى تجاوب على السؤال ده :

متى أنشئت المحكمة الرياضية في مصر ولماذا ؟؟؟؟

بجد انت كل مرة تهرب من أسئلتي لك لكن المرة دي بالذات نرجو الرد !!!

المباديء يعني الأخلاق والأحترام ....

يعني لما الأهلي أوقف 11 لاعب منهم الخطيب ومصطفى عبده ولعب بالناشئين ( وبرضه غلب الزمالك ) كان بيعمل بالمباديء

معاك حق في دي ويومها اللي تزعم التمرد ( الكابتن محمود الجوهري ) شالوه على الأكتاف بعد الفوز في نهائي الكاس !!! مش الجوهري برضه اللى كان متزعم تمرد اللاعبين الكبار ومع ذلك قاد فريق الناشئين زي ماقلت للفوز - مش المفروض إن اللي يقود التمرد أوقفه قبل اللاعبين_____ ونعم المبادئ ؟

وإيه رأيك في الكابتن اللي وضع المبادئ للأهلي لما فقع ميمي عبد الحميد بالقلم على قفاه في مباراه للأهلي ضد الترسانة - ( ده طالما بقى إن لعيبة الزمالك بيضربوا بعض ) مش دي برضه مبادئ .

والنهاردة ياخويا داروين لما اتحاد الكورة الكويتي يوقف تسجيل لاعب جاء من نادي المبادئ لأنه لامؤاخذة ....

اللي هو عمرو سماكة بحجة الخوف من تدهور أخلاق لاعبي الكويت - تقول عليها إيه !!!! يعني عمرو سماكة راجع راجع !!! :huh:

واما أخونا شوبير يقول على واضع قوانين المبادئ ومؤسسها في النادي الأهلي الكابتن صالح الله يرحمه بأنه لامم حواليه العواطلية - مش دي برضه مبادئ .

ياعم داروين مشكلتكم إنكم للأسف بتنفخوا في أخطاء الآخرين وكأن النادي الأهلي نادي الملايكة !!! مش نادي الشياطين ......... الحمر :sad:

يا ساتتتتتتتتتتتتتتتتتتتتتتتتتتتتتتتتتتتتتتتتتتتتتر :)

بالمناسبه الف مليون مبروك لفوز الزمالك بالهف العظيم عى أهلي ابو عريج في البطوله العالميه الكبرى

عقبالكم إن شاء الله لما تشتركوا فيها - بصراحة الاتحاد الوحيد اللي ذل الأهلي وحطه في حجمه الطبيعى !!!

تم تعديل 28 فبراير 2007 بواسطة kokowawa1979

[drhouba]

حبيبى داروين أنا باحبك و عاوز مصلحتك قول أنا كنت غلطان و حأبقى زملكاوى و شوف حياتك حتتغير إزاى لأن فطرة الإنسان هى الخير و غير ذلك بيبقى سلوك مكتسب ممكن التخلص منه بالإراده القويه و العزيمه و أنا أتوسم فيك هذه الإراده و ربنا يهدى الجميع ( شفت الزملكاويه بيتمنوا الخير للناس كلها إزاى )

تم تعديل 28 فبراير 2007 بواسطة drhouba

[DARWEEN]

متى أنشئت المحكمة الرياضية في مصر ولماذا ؟؟؟؟

أجاوبك ونص ... على عيني وعلى راسي ...

أنشأت المحكمه الرياضيه بقرار من وزير الشباب والرياضه السابق ممدوح البلتاجي تماشيا مع متطلبات الأتحاد الدولي ومسايرة لكلللللل دول العالم

السؤال بقى ... متى ألغيت المحكمة الرياضية ولماذا ؟؟

أجاوب أنا ؟؟

لما سيادة المستشار قعد يصرخ ويعيط ورفع الموضوع لرئيس الوزراء واتغير اتحاد الكوره وجه حبيبكم شوبير ووقفت المحكمة الرياضية

والنهاردة ياخويا داروين لما اتحاد الكورة الكويتي يوقف تسجيل لاعب جاء من نادي المبادئ لأنه لامؤاخذة ....

اللي هو عمرو سماكة بحجة الخوف من تدهور أخلاق لاعبي الكويت - تقول عليها إيه !!!! يعني عمرو سماكة راجع راجع !!!

مش قلتلك تبطل تجيب مواضيع من مواقع مضروبه ؟؟

وبعدين الاساس ان نادي المباديء هو اللي وقف عمرو سماكه .. وعمرو سماكه أو غيره لو ماتبعش المباديء ( واخد بالك ) ينطرد فورا مهما كان اسمه

وإيه رأيك في الكابتن اللي وضع المبادئ للأهلي لما فقع ميمي عبد الحميد بالقلم على قفاه في مباراه للأهلي ضد الترسانة

اولا مش صالح سليم هو واضع مباديء الاهلي ... الأهلي مولود بمبادئه واخلاقه علشان يقاوم المحتلين والمختلطين

ثانيا ان كان صالح غلط مره فتم عقابه .. وده برضه من المباديء ( واخد بالك )

طبعا احنا نادي ملايكه في الاخلاق .... شياطين في الملعب

ياكوكو يا حبيبي .... اهدى كده وروق ... مش كل ماتجيبوا جون يجرالكم كده

[DARWEEN]

حبيبى داروين أنا باحبك و عاوز مصلحتك قول أنا كنت غلطان و حأبقى زملكاوى و شوف حياتك حتتغير إزاى لأن فطرة الإنسان هى الخير و غير ذلك بيبقى سلوك مكتسب ممكن التخلص منه بالإراده القويه و العزيمه و أنا أتوسم فيك هذه الإراده و ربنا يهدى الجميع ( شفت الزملكاويه بيتمنوا الخير للناس كلها إزاى )

وانا والله باحبك يادكتور ... بس والله علشان باحبك ... أرجوك لا تتناول هذا الدواء ... الزمالك فيه سم قاتل :lol: :)

والله يادكتور كان لي واحد صاحبي زملكاوي ...

بس الحمد لله اتعالج وبقى كويس

[drhouba]

تفتكر يا داروين الإدمان له علاج لو صاحبك بقى كويس طمنى عليه

اليوم أرسل إتحاد الإذاعه و التلفزيون خطاب لنادى القرن يعلن فيه أن إذاعة مباريات الكره أرضيا و فضائيا حق أصيل للدوله و لإتحاد الإذاعه و التلفزيون و كل عام و إنتم بخير

[DARWEEN]

أيوه يا دكتور هو اتعالج من الأدمان وإن كان في بعض الأحيان بيقوم يصرخ بالليل ويقول .. ( أمتى حنكسب بقى ... نفسي أنام مره كسبان ) :lol:

بس ربنا يقدره بقى على الذبحه والضغط والسكر ... ماتعرفلوش دوا كويس لورخيص وابن حلال ... أهو برضه كان واحد منكم في يوم من الأيام

وبعدين يا حبيب قلبي ... خلي اتحاد الأذاعه والتليفزيون يبعت رسايل زي ماهو عاوز .... شوف كلام مين حيمشي في الأخر :) <_<

إبتسم أنت في زمن الأهلي .... والأهلي فووووووووووووووووووووق الجميع

[drhouba]

وبعدين يا حبيب قلبي ... خلي اتحاد الأذاعه والتليفزيون يبعت رسايل زي ماهو عاوز .... شوف كلام مين حيمشي في الأخر

وصلنا لمربط الفرس يا زعيم ما هو ده اللا أنا قلته فى الأول إن العمليه عافيه و دراع .... الحمد لله كلمة الحق طلعت ... جبتش أنا حاجه من عندى ؟ :lol:

[kokowawa1979]

ياسلام ياعم داروين يا حبيبنا انت كدة 100 100 بس ياترى فاكر أسماء السادة أعضاء المحكمة الرياضية المحايدة !

أنا بقى أجاوبك :

المستشار أحمد الزند - مستشار وزير الشباب السابق والعدو الأول لمرتضى منصور !!!

المستشار عادل الشوربجي مستشار النادي الأهلي للشئون القانونية - وبعد أن تفرغ جاء الأهلي بفريد الديب محامي الجاسوس عزام عزام بدلا منه ( نادي وطني بقى :closedeyes: )

ثم نايف عزت وما أدراك ما نايف عزت !!!!!!

لذلك كان أول قرار للمحكمة هو رفع غرامة إبراهيم سعيد من 400000 إلى مليون ونصف ولو الأهلي كان عايز أكتر كانوا أعطوه علشان المحكمة كان اسمها المحكمة الأهلوية !!!

وطبعا القرار التاني كان قرار اسلام الشاطر !!!

داروين كتب :

اولا مش صالح سليم هو واضع مباديء الاهلي ... الأهلي مولود بمبادئه واخلاقه علشان يقاوم المحتلين والمختلطين

ماحنا ناقشنا القضية دي قبل كدة وفندت لك حتةمقاومة المحتلين :closedeyes:

لكن ياداروين ياحبيبنا هل من مبادئ النادي الأهلي في الأساس إن كابتن الفريق يدي لللاعب معاه على قفاه قدام الجمهور :blink:

ثم تقول ياعم داروين إن صالح خد جزاؤه - ياترى عارف جزاؤه كان إيه ؟؟

إنه بقى رمز للنادي الأهلي وبقى أسطورة - وبقى رئيس للنادي :blink: لإنه طلع كتاب أصول البرطعة في أدب الطرقعة :P

أما موضوع سماكة ف والله ياخويا داروين أنا قريته في جريدة إماراتية وليس من موقع اللي بالي بالك _ على فكرة إنت وسي السيد والنسر مسجلين فيه ليه :)

وبمناسبة المبادئ :

دول وصلتين سراع بيوضحوا مبادئ الأهلي

http://www.algomhuria.net.eg/algomhuria/to...ek/detail04.asp

http://www.algomhuria.net.eg/algomhuria/to...al/detail03.asp

[drhouba]

معلش يا شباب أنا عندى إستفسار لأنى مش فاهم حاجه و يا ريت حد يشرح لى .... هو مش العلم لا يكيل بالبدنجان ؟ .... لأ مش دى معلش .... هى مش المبادئ بتبقى على الناس كلها و اللا مع ناس آه و ناس لأ ؟ أنا بس بأسأل أصل قصة ملعب إستاد القاهره فى مباراة العوده الإفريقيه إستوقفتنى أنا معترف إن قانونا الملعب من حق الأهلى بس من منطلق الأخلاق و المبادئ و البانادول و الحاجات دى الزمالك فريق المفروض مصرى ( نظريا يعنى ) و عنده مباراة عوده المفروض إنها صعبه و حيتوكل على الله و يخرج من البطوله بعدها إن شاء الله و محتاج يفتح المدرجات مجانا عشان يملا الملعب يمكن لعل و عسى ( يحي العظام و هى رميم ) و على الجانب الآخر نادى المبادئ و القيم و الذى منه تالت العالم و بيلاعب كبار القوم إشى برشلونه و إشى ريال مدريد و إشى مالية كفر الزيات يعنى الماتشات الهايفه دى بيكسبها من منازلهم خصوصا إنه تعادل فى مباراة الذهاب يعنى العمليه فى النمليه و كماااااااااااااااااااان الزمالك النهارده فى السعوديه و راجع مش عارف إمتى فما الذى يضر إذا طبق الأهلى أخلاقه الرفيعه و مبادئه الساميه و عمل حركه شيك و ساب الملعب اليوم ده للغلابه اللى بيلعبوا فى البطوله من أول دور ال64 و اللا هى المبادئ حصريا بس لأعضاء النادى و مشفره على باقى خلق الله ؟ .... سؤال برئ wst::

[DARWEEN]

يا دكتوررررررررررر ... والله دي من المباديء ... قول لي ليه ؟

أقولك ليه ...

الأهلي بيخدمكم بجد .. لأنه أنتم لو فتحتم الأبواب ببلاش ودفعتم للناس فلوس وأستدعيتم كل الزمالكويه المغتربين

برضه الأستاد مش حيتملي

وأحنا مش عاوزين لكم فضايح

wst:: :wub: wst:: wst:: lmo:

[drhouba]

آآآآه يبقى هو ده السبب اللى رفض الأهلى المبادئى يترك الملعب عشانه ؟ لا إذا كان كده يبقى أنا ظلمته ... يا أخى الواحد ساعات كده بيتهور و بعدين يتعور .... يبقى خلينا فى السؤال الأول اللى أنا طرحته ... هو العلم لا يكيل بالبدنجان ؟

تم تعديل 13 مارس 2007 بواسطة drhouba

[zedan]

الدكتور هوبا الفاضل،،

أرجع عن اللي انت فيه وانا هعملك مؤتمر صحفي وانت بتلبس الفانلة الحمراء ،

وانا عارف إن تشفير قناة الأهلي جاءت فكرة طيبة لجمهور الزمالك ، لأن جمهور الزمالك بيشوف اللون الأحمر بيجيله حالة هياج..

وانا انصح الأخوة الزمالكوية ان يكتبوا الفترة دي عن إنجازات الأهلي ، الدكتور هوبا يكتب لنا مثلا عن الإصابات وخطورتها، او مايروق له الاهلي الكلام عنه كثير wst::

والاخ كوكوواوا : يبحث عن كل ماهو جديد لنادي القرن، تالت العالم، صاحب المئوية، الـــــــــــــنادي الأهلي

[se_ Elsyed]

وإذا شرحنا لك الموقف من بؤ الأسد نفسه يا دكتور هوبا .. هاتقتنع ولا تعمل زي صاحبك كوكو الذي يرى الحقيقة بعيون زملكاوية فتتحول الحقائق إلى ضلالات سمعيه وبصرية ؟

حسب ما افاد اللواء علاء مقلد مدير عام النادي الزمالك بعضمه لسانه ... فإن إتحاد الكورة قبل بداية هذا الموسم طلب من ناديي الزمالك والاهلي تحديد معلب كل منهما في القاهرة ... وده بيتوقف على مقدرة كل نادي على دفع الإيجار وكلنا عارفين إن بعد التجديدات اللي زي عدمها اللي حصلت في أستاد القاهرة غلو تكلفة الإيجار للمباراة الواحدة ووصلت لإكثر من 100 ألف جنية ... فالاهلي إختار أستاد القاهرة .. والزمالك عمل فيها عبدو الغلبان وقال مش هاقدر أدفع الإيجار فهاختار أستاد الكلية الحربية .. وبالتالي وعلى لسان الراجل لا توجد أي مشكلة لإن الإستاد من حق اللنادي الاهلي في حالة وجود مبارتين في نفس التوقيت لإنه مستأجر الإستاد للموسم كله ..

وهانروح بعيد ليه ... الزمالك قدم المباراة يوم وهاتتلعب يوم 17 في أستاذ القاهرة برضوا وإدفع يا ريس ...

إزي الحال يا دوك ؟

هاتعمل بقى زي الضلالات السمعية والبصرية بتاعت المنشطات وموضوع محمد شوقي وموضوع نادي القرن .. ولا هاتسمعنا " لا إله إلا الله محمد رسول الله " ؟

[drhouba]

وإذا شرحنا لك الموقف من بؤ الأسد نفسه يا دكتور هوبا .. هاتقتنع ولا تعمل زي صاحبك كوكو الذي يرى الحقيقة بعيون زملكاوية فتتحول الحقائق إلى ضلالات سمعيه وبصرية ؟

... فالاهلي إختار أستاد القاهرة .. والزمالك عمل فيها عبدو الغلبان وقال مش هاقدر أدفع الإيجار فهاختار أستاد الكلية الحربية .. وبالتالي وعلى لسان الراجل لا توجد أي مشكلة لإن الإستاد من حق اللنادي الاهلي في حالة وجود مبارتين في نفس التوقيت لإنه مستأجر الإستاد للموسم كله ..

هاتعمل بقى زي الضلالات السمعية والبصرية بتاعت المنشطات وموضوع محمد شوقي وموضوع نادي القرن .. ولا هاتسمعنا " لا إله إلا الله محمد رسول الله " ؟

أولا يا سى السيد حمد الله على السلامه وحشتنى مناكفتك و ثانيا يا معنمى أنا عارف إن الأهلى من حقه الإستاد لأنه مقرر من أول الموسم إنه يبقى ملعبه لأن الفلوس ما تهموش عالمى بقى و مقرش .

أنا كان غرضى إن المبادئ و القيم تنضح عليهم و لما يلاقوا أخوهم و حبيبهم الزمالك مزنوق فى الملعب و حيتوكل على الله كده كده و يخرج من البطوله يطلع لنا مبدئين جداد و يغيروا لهم تاريخ مباراتهم لأنهم كده كده برضه كسبانين ( واحد بيحسد ) و كانت حتبقى حركه حلوه تكسروا بيها عيننا 12 سنه قدام و لكن اللى فى القلب فى القلب و ما تقولش إيه إديتنا مصر و قول حندى إيه لمصر

و لكن أخونا داروين برضه نورنى و فهمنى غلطى و عرفت إن الأهلى بقلبه الكبير برضه كان عنده هدف إنه ما يكسفناش لأن الإستاد مش حيتملى .

و لا إله إلا الله محمد رسول الله

تم تعديل 13 مارس 2007 بواسطة drhouba

[otaka]

( مش باقول لك جمهور الأهلي عسل ) !!!!!

بجد الواحد مكنش عارف هيتمنظر ببقين الكوره اللى عارفهم على مين

و زى ما قال الريس جمهور الاهلى كويس :angry:

[DARWEEN]

سبحان الله ... شحات وعايز عيش فينو سخن

يعني من الأول خالص ... هو الزمالك كان له يلعب في البطوله دي أصلا لولا أن أصحاب الجلاله الأهلي كسبوا بعرقهم كأس أفريقيا وخلى الزمالك يدخل معاه دوبلير ؟؟؟

يعني احنا اللي لعبنا الزمالك في البطوله من الأساس ... يقوم الطمع ياخد مأخذه ويقولك سيبولنا الملعب ... يا سلام ... ما يختاروا يوم تاني ... وبعدين اديهم حيلعبوا في الاستاد اما نشوف كام واحد حيروح يا دكتره

[drhouba]

يعني من الأول خالص ... هو الزمالك كان له يلعب في البطوله دي أصلا لولا أن أصحاب الجلاله الأهلي كسبوا بعرقهم كأس أفريقيا وخلى الزمالك يدخل معاه دوبلير ؟؟؟

يا معنمى الزمالك داخل فى البطوله دى برضه بعرقه و شقاه مش دوبلير و لا حاجه إنت بس ناسى إن دورى أبطال أفريقيا بيآخدوا الأول و التانى من دول الصف الأول فى أفريقيا زى أيام البن الأثيوبى لما إشتركتم معانا فى نفس البطوله برضه بعرقكم و شقاكم لما كنتم تانى الدورى قبل ما تبقوا تالت العالم :angry:

[DARWEEN]

ماكانوش حطوه في دور الـ 46 ( التمهيدي ) يا دكتره ... يعني لو كان ذلك كذلك ... كانوا عملولهم احترام شويه ... مش كده ولا إيه ؟؟

طيب والله يا شيخ ولا لك عليا يمين ... نفسي انهم يكسبوا الهلال السوداتي ...

على الأقل نكسبهم 4 مرات في الموسم بدل مرتين بس ... ويعني لو قابلونا في الكاس .. سبقوا خمسه وخميسه في عين اللي شاف الأهلي وماصلاش عالنبي

[drhouba]

ماكانوش حطوه في دور الـ 46 ( التمهيدي ) يا دكتره ... يعني لو كان ذلك كذلك ... كانوا عملولهم احترام شويه ... مش كده ولا إيه ؟؟

ما هو اللى حطوه فى دور ال 64 و إنت الصادق هم اللى إدوا لقب نادى القرن لفريق أقل فى عدد البطولات الأفريقيه فى ذلك الوقت و تجاهلوا البطل الحقيقى للقاره وقتها .... إيه ده مين جاب سيرة مصطفى كامل فهمى و اللا شطه لا لا لا مش عاوزين نجيب سيرة الناس :angry: