مبادئ موديل 2007

[DARWEEN]

طيب ماهو لو كان عندكم حد فيه الرمق كانوا خدوه في الاتحاد الافريقي :angry:

بس منين يجيبوا ناس

smk: md2:

[وائل كيوان]

الله الله الله الله

هو انا غبت يومين اقوم الاقى الدنيا مولعه هنا ولا اية ما براحه شوية يا اهلوية مصر انتوا كدا هتخلوا اخواتنا الزملهوية معدوش يتكلموا خالص وسيبولهم شوية علشان يقدروا يتعلموا سياسة النفس الطويل

ولا اية يا دكتور هوبا ويعنى مش شايف كوكوا واوا هنا النهارده ولا بيتفرج على ماتش الزمالك اليوم

وانا واخد باللى ان الدكتور هوبا كل ما يلاقى نفسه اتزنق يتكلم على نادى القرن اللى فاز باللقب وهو اقل فى البطولات هو انت يا دكتور معتش عندك غير السيرة دى ولا اية ما تسمعنا حاجه تانية حاجة تقول الزمالك قطع الدنيا النهارده الزمالك كسب الزمالك ترك ولا بلاش ترك دى لا تفتكروا ابو تريكا اللاعيب حبيب الملايين وخلاص بقى عايزين نشوف الجديد منك يا دكتور يعنى تكلمنا مثلا عن انجازات الاهلى العظيم ولا تكلمنا عن نجومة ولا تكلمنا عن ................... على اية ولا اية ولا اية الحكاوى متخلص عن الزعيم مهو زعيم ومسيطر على المنطقه كلها هه المنطقه كلها يا دوك اللى هى افريقيا طبعا مش حى الزمالك بس

ولا عندك قول تانى

مع خالص تحياتى

[أبو محمد]

ياجماعة الموضوع تشعب وبدأت أقرا المشاركة من دول أقول : هو انا إيه اللى رجعنى أقرا من الأول تانى .. تقريبا نفس الكلام .. ونسينا الموضوع الأساسى بتاع الدكتور هوبا إللى فيه سؤالين واحد عن إينو والتانى عن حق تشفير المباريات ...

أعتقد موضوع إينو ده جزء من لعبة بين الكبار ياريت إينو ما يكونش ضحيتها لأنه كان من اللاعيبة اللى لفتوا نظرى فى الزمالك .. قوة .. مجهود .. شويط .. والشوطة بتاعته بتيجى بين التلات خشبات .. بخلاف شوقى اللى أحترمه كلاعب محورى بس الشوطة منه لو جت بين التلات خشبات يبقى مش قصده ...

أما موضوع تشفير المباريات .. ففعلا القانون عندنا ما فيهوش زينب .. قصدى قنوات فضائية وأرضية وتشفير وكلام من بتاع اليومين دول .. إحنا القانون المحترم عندنا هو اللى صدر من الآستانة ... بس أنا عندى سؤال محيرنى .. تفتكروا طبعا فى مناسبات عديدة الأهلى والزمالك هددوا اتحاد الكورة أو اتحاد الإذاعة والتليفزيون (مش فاكر بالضبط) إنهم مش حيسمحوا بإذاعةمبارياتهم .. وأيامها يقعدوا يقولوا حنذيع .. لأ .. مش حنذيع .. لغاية ما يتدخل الوزير والمباراة تتذاع .. مش ده برضه معناه إن النادى من دول من حقه إذاعة أو عدم إذاعة مبارياته ؟ ... طيب إذا كان كده .. يبقى ازاى اتحاد الكورة باع حق إذاعة المباريات للشيخ (الشيخ صالح مش عمرو خالد) ودريم والنيل للرياضة ؟

مش بقول لكم القانون عندنا ما فيهوش زينب ؟

[Modest]

ماكانوش حطوه في دور الـ 46 ( التمهيدي ) يا دكتره

دور الـ 46 ؟!! :lol: .... و يا ترى فيه أسانسير؟ :lol:

[Modest]

أما موضوع تشفير المباريات .. ففعلا القانون عندنا ما فيهوش زينب .. قصدى قنوات فضائية وأرضية وتشفير وكلام من بتاع اليومين دول .. إحنا القانون المحترم عندنا هو اللى صدر من الآستانة ... بس أنا عندى سؤال محيرنى .. تفتكروا طبعا فى مناسبات عديدة الأهلى والزمالك هددوا اتحاد الكورة أو اتحاد الإذاعة والتليفزيون (مش فاكر بالضبط) إنهم مش حيسمحوا بإذاعةمبارياتهم .. وأيامها يقعدوا يقولوا حنذيع .. لأ .. مش حنذيع .. لغاية ما يتدخل الوزير والمباراة تتذاع .. مش ده برضه معناه إن النادى من دول من حقه إذاعة أو عدم إذاعة مبارياته ؟ ... طيب إذا كان كده .. يبقى ازاى اتحاد الكورة باع حق إذاعة المباريات للشيخ (الشيخ صالح مش عمرو خالد) ودريم والنيل للرياضة ؟

مش بقول لكم القانون عندنا ما فيهوش زينب ؟

قانون؟ :lol:

أتذكر يا ابو محمد - و دي سمعتها بأذُني و شفتها بأم عيني - صفوت الشريف لما كان وزير الإعلام و في أحد البرامج اثناء رده على سؤال : لماذا اتخذ قرار تشفير قنوات النيلة (على رأي شريف عبد الوهاب) للرياضة و الدراما و المنوعات؟ .. الرجل رد ببراءة شديدة إن المدفوع من راديو و تليفزيون العرب 5 مليون جنيه بحالهم و ده مبلغ هايساعد في تطوير باقي القنوات و هانشوف التطور الرهيب في الشكل و المضمون و و و و بعد استثمار هذا المبلغ.

مبلغ 5 مليون جنيه ممكن تحصيله ، و أعلى منه ، بسهولة من إعلانات بين شوطي مباراة واحدة بين الأهلي و الزمالك.

أين القانون الذي يسمح له و بقرار فردي ببيع قنوات تم إنشائها من جيوب دافعي الضرائب؟

يمكني سرد العديد من القوانين التي يُطَبَّق عكسها ببساطة شديدة "و المعنى الأصح :ببجاحة شديدة".

سيدي الفاضل .. في بلدنا الجميلة Rules are made to be broken

:lol:

تم تعديل 14 مارس 2007 بواسطة Modest

[drhouba]

قانون؟ :lol:

أتذكر يا ابو محمد - و دي سمعتها بأذُني و شفتها بأم عيني - صفوت الشريف لما كان وزير الإعلام و في أحد البرامج اثناء رده على سؤال : لماذا اتخذ قرار تشفير قنوات النيله .. الرجل رد ببراءة شديدة إن المدفوع من راديو و تليفزيون العرب 5 مليون جنيه بحالهم و ده مبلغ هايساعد في تطوير باقي القنوات و هانشوف التطور الرهيب في الشكل و المضمون و و و و بعد استثمار هذا المبلغ.

أين القانون الذي يسمح له و بقرار فردي ببيع قنوات تم إنشائها من جيوب دافعى الضرائب

:lol:

تطوير .. تطوير .. تطوير ؟ الكلمه دى سمعتها فين قبل كده ؟ حبيبى موديست إنت طيب قوى إنك سمعت أساسا الكلام ده و صدقته وقتها لما قاله قول لى آخر حاجه حصل لها تطوير فى الإعلام المصرى ... الإعلام المصرى بس مش حأسألك فى مصر عموما عشان الإحراج دى قناة النيل للرياضه اللى المفروض إنها الوحيده فيهم اللى ممكن تجيب إعلانات فضيييييييييييييييييييييحه فى الديكورات و التصوير و نقل المباريات اللى هى نشاطها الأساساى يا راجل ده الكاميرا تقريبا حاطينها على رجل الضيف و تلاقيها مركزه على فتحة مناخيره لأن مفيش مجال فى الكشك اللى بيصوروا فيه إنها تتحرك و الله الواحد لما بيشوف دبى الرياضيه و إستوديوهاتها بيقى هاين عليه يلطم من الكسوف دبى الرياضيه اللى مش مشفره ما حدش يقول لى أصل الإمارات أغنى مننا لأن القصه مش إمكانيات ماديه مع إن عندنا فلوس أكتر منهم ( ما حدش يستغرب ) المشكله تعيين بالكوسه و أداء موظفين منتظرين مرتباتهم آخر الشهر و عدم القدره على الإبداع أو الإبتكار ... إيييييييييييييييييييه حأقول إيه و اللا إيه قلبت علينا المواجع

و إوعى تجيب سيرة إستاد القاهره اللى إتجدد ب 150 مليون جنيه و أرضيته زى ما إنت شايف عشان الدنيا ساقعه لو فتحت السيره دى حأسيب لك الإنترنيت كله مش المنتدى بس

و بالنسبه لسؤالك البرئ جدا التانى بخصوص القانون الذي يسمح له و بقرار فردي ببيع قنوات تم إنشائها من جيوب دافعى الضرائب ؟ فبصراحه ممكن أسئلك حوالى 15000 سؤال من هذه العينه و لك منى جايزه كارت قنوات النيل المتطوره لو جاوبت على سؤال منهم ...

و ده مصير كل معترض >>> :lol:

تم تعديل 14 مارس 2007 بواسطة drhouba

[drhouba]

طيب ماهو لو كان عندكم حد فيه الرمق كانوا خدوه في الاتحاد الافريقي :lol:

بس منين يجيبوا ناس

:lol: :lol:

الكصه مش مين عنده ناس و مين لأ يا معنمى الكصه مين صوته أعلى و مين مجند إعلاميين أكتر من التانى

مفيش مبروك يا راجل على العرض المشرف فى جده إمبارح و تصدرنا المجموعه

هو ماتش الأهلى فى الدورى إمتى يا ناااااااااااااااس عايز 10 يكتفونا :lol:

[أبو حميد]

هو ماتش الأهلى فى الدورى إمتى يا ناااااااااااااااس عايز 10 يكتفونا :lol:

يا دكتور بلاش كده أنت مش عارف اللعيبة بتوعنا ممكن تطلب معاهم غباوة والجماعة الأهلوية بتوع الموقع هنا ما بيسكتوش.

[DARWEEN]

طيب ماهو لو كان عندكم حد فيه الرمق كانوا خدوه في الاتحاد الافريقي :lol:

بس منين يجيبوا ناس

:lol: :lol:

الكصه مش مين عنده ناس و مين لأ يا معنمى الكصه مين صوته أعلى و مين مجند إعلاميين أكتر من التانى

مفيش مبروك يا راجل على العرض المشرف فى جده إمبارح و تصدرنا المجموعه

هو ماتش الأهلى فى الدورى إمتى يا ناااااااااااااااس عايز 10 يكتفونا :lol:

طيب وهو أنا أعترضت ؟؟ ما أنا قاعد أقولك أحنا كلامنا يمشي على الكل :lol:

وبعدين هي ناقصه حد يكتفكم ... ما بلااااااااااااااااااش bsh:) bsh:)

[kokowawa1979]

داروين كتب :

طيب ماهو لو كان عندكم حد فيه الرمق كانوا خدوه في الاتحاد الافريقي

بس منين يجيبوا ناس

ياعم داروين إسأل أي حد من الأهلوية عن مصطفى مراد فهمي يقولك ماعرفوش ودي حقيقة - لإن مصطفى مراد فهمي ورث المنصب عن أبوه الله يرحمه مراد فهمي - وباعتبار إن مراد فهمي كان في إيده ملفات الفساد في الاتحاد الأفريقي - وابنه كان في إيده الملفات دي بعد وفاته - وبالتالي كان لابد من توريثه منصب ابوه !!!

عمرك سمعت عن إن مصطفى مراد فهمي مسك منصب في اتحاد الكورة المصري !!!!!

يا جدعان أنا بصراحة اتشليت من كتمان الحقايق !!!

[drhouba]

يا جدعان أنا بصراحة اتشليت من كتمان الحقايق !!!

سلامتك من الشلل يا ريس إنت لسه ما إتعودتش ما إحنا كده من يوم ما وعينا على الدنيا إيه الجديد و يا ريت على الأهلى و بس كانت تبقى هينه ليه بتقلب علينا المواجع خلينا ساكتين و مفيش حاجه تستاهل إحنا محتاجينك هنا أنا ممكن أقاوم لوحدى لفتره و لكن لن أصمد للأبد أحسن تلاقينى ماشى فى إحتفالات المئويه ( يا ليله مش فايته ) أو تلاقينى مغير لون الخط اللى بأكتب فيه فى الرياضه من اللون الأصفر للأحمر !!!! تخيل ؟ تبقى مشكله ... ربنا يستر علينا قبل ما نبقى من أهل المبادئ smk:

[Ahmad Farahat]

يا عمي اللي عنده حقايق يقولها.............

بس المهم ما يفتريش..............

[DARWEEN]

لا حول ولا قوة إلا بالله ...

سلامتك من الشلل يا كوكو ... مش أنتم اللي بتقولوا ده الراجل بتاع الأهلي في الإتحاد الإفريقي

قمنا أحنا قلنا ماشي الراجل بتاعنا هاتوا زيه wst:: wst::

قلتوا لأ مش الراجل بتاعكم دا الراجل بتاعنا كلنا md2: md2:

ماشي ... smk:

الخلاصه أيه ؟؟ هات من الآخر أحسن أنا اللي :old:

مش أنا من الأول قلتلكم بلاش عقدة الأضطهاد الزملكاويه دي ؟؟ smk:

[drhouba]

إحنا ما بنفتريش و عقدة الإضطهاد دى مش موجوده لأن إحنا أساسا مضطهدين فعلا على كل المجالات المحليه عشان دى سياسه إن الأهلى يبقى البطل على طول عشان الناس تفرح و تنسى و يلاقوا حاجه جديده تتكتب فى الجرايد إنما الغلابه اللى صوتهم واطى و فى حالهم و بيعملوا فى صمت دول ما يأكلَوش عيش إرجع لضميرك يا داروين حتعرف إن دى الحقيقه و إنك مضلًل من زمان إرجع يا داروين قبل ما يفوت الأوان و على رأى الست أمال ماهر مفيش مركب حتقدر بالعمر ترجعك

تم تعديل 15 مارس 2007 بواسطة drhouba

[أبو محمد]

إنما الغلابه اللى صوتهم واطى و فى حالهم و بيعملوا فى صمت دول ما يأكلَوش عيش

مين .. فين .. نفسى أشوف حد صوته واطى .. وحشنى الصوت الواطى من يوم مارجعت من الغربة

[drhouba]

إنما الغلابه اللى صوتهم واطى و فى حالهم و بيعملوا فى صمت دول ما يأكلَوش عيش

مين .. فين .. نفسى أشوف حد صوته واطى .. وحشنى الصوت الواطى من يوم مارجعت من الغربة

أبو محمد المشكله عندنا فى مصر إن إحنا ما عندناش فن الإختلاف فى الرأى يعنى لو إختلفنا فى الرأى فى أى قضيه مش ممكن أى طرف حيعترف إنه كان فاهم غلط و بناء عليه كل واحد بيحاول يعلى صوته ليثبت للآخر إنه على حق لأن متأصل فى وجدان المصريين إن صاحب الصوت العالى هو اللى على حق معلش الكلام ده مش على الرياضه بس ده على كل شئ إحنا كلامنا هنا على سبيل الدعابه و لكن جرب كده فى أى مجال آخر حتلاقى نفس رد الفعل .... أنا صدعتك ... صح ؟

[otaka]

حاول فى السؤال التالى و ابقى قابلنى فى الملحق

مبادئ الاهلى

مبادئ الحزب الوطنى

اشرح اوجه الاختلاف

[DARWEEN]

حاول فى السؤال التالى و ابقى قابلنى فى الملحق

مبادئ الاهلى

مبادئ الحزب الوطنى

اشرح اوجه الاختلاف

1) مباديء الأهلي حقيقيه .. مباديء الحزن الوطني وهميه

2) الأهلي مؤسسة ناجحة ... الحزن الوطني مؤسسة فاشلة

3) الأهلي يؤيده غالبية المصريين ... الحزن الوطني لا يؤيده أحد

4) الأهلي رمز الوطنيه ... الحزن الوطني رمز للا شيء

5) الأهلي له مباديء .... الباقين بلا مباديء :lol:

[أبو محمد]

drhouba كتب :

متأصل فى وجدان المصريين إن صاحب الصوت العالى هو اللى على حق معلش الكلام ده مش على الرياضه بس ده على كل شئ

هذا ما كنت أعنيه .. ولو إنه خارج الموضوع

DARWEEN : أنا أستاهل تحذير

شفت بقى يا دكتور ؟ أدينى باعترف بغلطى وباتكلم بصوت واطى كمان :sad:

[Ahmad Farahat]

تسلملي يا عم أبو محمد...........

على المقارنة الجميلة دي............