مبادئ موديل 2007

[kokowawa1979]

داروين كتب :

قمنا أحنا قلنا ماشي الراجل بتاعنا هاتوا زيه

إحنا عندنا اللي زيه نقطع رقبته :sad:

1) مباديء الأهلي حقيقيه .. مباديء الحزن الوطني وهميه

إديني أمارة واحدة !!!! وأنا أجيب لك خمسه عكسها !!!

2) الأهلي مؤسسة ناجحة ... الحزن الوطني مؤسسة فاشلة

الاثنان وجهان لعملة واحدة - ده فساد رياضي والتاني فساد على كله !!!

3) الأهلي يؤيده غالبية المصريين ... الحزن الوطني لا يؤيده أحد

دي بقى معاك حق فيها ياداروين ياحبيبنا على فكرة...... هي نسبة الأميه في مصر قد إيه ؟؟؟؟

4) الأهلي رمز الوطنيه ... الحزن الوطني رمز للا شيء

بدليل شعار الأهلي فوق الجميع !!!!!!!!!

5) الأهلي له مباديء .... الباقين بلا مباديء

الحمد لله إن الباقيين مبادئهم مش زي مبادئ الأهلي !!!!! :wub:

[drhouba]

يا سلااااااااااااااام يا كوكو واوا يا أخويا أثلجت صدور كل الزملكاويه المشرذمين فى أنحاء الأرض منتظرين يوم الخلاص

و بناء عليه فقد قررنا تعيينك رسميا وزير الدفاع الزملكاوى و المتحدث الرسمى بإسم الرئاسه الزملكاويه و رئاسة هيئة الأركان الزملكاويه و قائدا عاما للجيوش الزملكاويه المشتركه

( و قد تفضل جلالته و وافق على المطلبين ) :flr1:

[DARWEEN]

كوكو واوا كتب :

إحنا عندنا اللي زيه نقطع رقبته

أكيد ... ما أنتم مش بتتحملوا يكون النادي فيه واحد محترم

إديني أمارة واحدة !!!! وأنا أجيب لك خمسه عكسها !!!

بسيطه ... أول واحده إسمه مش الزمالك ومفيش فيه عصبجيه

الاثنان وجهان لعملة واحدة - ده فساد رياضي والتاني فساد على كله !!!

ماهو علشان كده بتخسروا ... فهموكم وأنتم صغيرين إن الفوز يبقى فساد

دي بقى معاك حق فيها ياداروين ياحبيبنا على فكرة...... هي نسبة الأميه في مصر قد إيه ؟؟؟؟

تساوي عدد أعضاء الزمالك تي في

بدليل شعار الأهلي فوق الجميع !!!!!!!!!

طبعااااااااااااااااا فوق الجميعععععععععععععععععععععععععععععععع

الحمد لله إن الباقيين مبادئهم مش زي مبادئ الأهلي !!!!!

الباقين لسه بيسألوا يعني أيه مباديء ... :flr1:

[Ahmad Farahat]

كوكوواوا.................

إنت ليه عايز تخبط في الحلل.............

وبعدين مش عيب الكلمة بتاعت الأمية دي...........

يعني اللي بيشجعوا الأهلي عندهم أمية............

أرجو الإعتذار عن هذه الكلمة لو تكرمت.............

[drhouba]

كوكوواوا.................

إنت ليه عايز تخبط في الحلل.............

وبعدين مش عيب الكلمة بتاعت الأمية دي...........

يعني اللي بيشجعوا الأهلي عندهم أمية............

أرجو الإعتذار عن هذه الكلمة لو تكرمت.............

عزيزى أرسين لوبين أنا مش بأدافع عن كوكو بس عاوزك تآخد الأمور ببساطه و هزار لأن أساسا كله هزار و كلنا حبايب و إخوات و الإخوات مش بيتلككوا لبعض على الواحده ممكن يعاتبوا بعض بس فى الآخر بيفضلوا إخوات

كوكو واوا ما قالش كل اللى بيشجعوا الأهلى أميين .... قلبك أبيض يا ريس و ما تزعلش يا سيدى

[kokowawa1979]

أخونا الفاضل أرسين

إعتذاري للجميع عن هذه المقارنة مع إن أخونا داروين فام بالواجب :flr1:

ماقدرش على زعلك ياأديبنا الفاضل :flr1:

[kokowawa1979]

حبيبنا داروين إنت عارف سبب عدم دخولي موقع الزمالك اللي أشرت إليه هو إيه ؟

إن نص مشتركينه أهلوية غاويين يشوهوا صورة الزمالك !!

تفدر تقول لي انت مشترك فيه ليه ؟؟؟ :flr1:

وعلى فكرة جميع مواقع الأهلي فيها أفظع من كدة بس نقول إيه ؟؟؟ حكم :flr1:

ومفيش فيه عصبجيه

ماهو احنا لازم ننضف النادي من الحرامية ومانعملش زي اللي سرقوا أهرامات الجيزة !!! :hi:

تساوي عدد أعضاء الزمالك تي في

دول كلهم أقصاها 5000 عضو - تبقى أغلبية إزاي وحتى نصهم أهلوية !!!!! md2:

كفاية كدة ياعم الدكتور هوبه - وخللينا بقى نشوف الماتش

[Ahmad Farahat]

عموما أنا بعد ما بعت الرسالة...........

ندمت على كتابتها..........

وأسفك مقبول.........

[Ahmad Farahat]

أرجو من الأهلاوية..............

عدم وضع أي مواضيع فيها شماتة لخروج الزمالك...........

وأرجو التركيز على ما ينتظرنا فقط أمام هايلاندرز وما بعد هايلاندرز.............

كما أرسل لأصدقائي الزملكاوية خالص الأسف لخروج ناديهم من البطولة الأفريقية............

وإن شاء الله تعوضوها في العربية............

[drhouba]

شكرا يا أرسين على روحك الحلوه و ده ما يمنعش بعد إذنك إننا نناكفك فى المستقبل بس بجد ألف شكر :sad:

تم تعديل 19 مارس 2007 بواسطة drhouba

[وائل كيوان]

شوفت يا دكتور ارسن لوبن عبر عن كل الاهلوية لاننا ديما صحاب واجب وبناخد بخاطركم ديما وعلى الله لاعبيتكم يا ريت تحس بقى ويخلوا عندهم شوية من الاحمر بقى

عزائى لك يا دوك انت وكوكو واوا شوفت الاهلى امبارح عمل اية اهو هو ده الكلام

[otaka]

ماهو احنا لازم ننضف النادي من الحرامية ومانعملش زي اللي سرقوا أهرامات الجيزة !!! :wub:

قصدك اهرام القاهره ههههههه

[drhouba]

ماهو احنا لازم ننضف النادي من الحرامية ومانعملش زي اللي سرقوا أهرامات الجيزة !!! :wub:

قصدك اهرام القاهره ههههههه

أوتاكا حبيبى ما تقولش الكلام ده أنا خايف عليك أحسن تلبس قضية تعدى على هيئه قضائيه و موظف أثناء تأدية عمله و ما لكش ديه و نهايتك محاكمه عاجله عادله :wub:

تم تعديل 23 مارس 2007 بواسطة drhouba

[DARWEEN]

أنا مش فاهم الأخوه الزمسعالويه عاوزين ايه ؟؟

إنتم معترضين على أن مرتضى منصور شخص منفلت الإعصاب ؟؟

إنتم معترضين أنه بيجعجع في أي مكان وفي أي وقت ؟؟

إنتم معترضين أنه بيغلط في الكلام لما يجعجع ؟؟

إنتم معترضين أن الإعتداء على رئيس المحكمة الإدارية العليا في مكتبه جريمه ؟؟

ولا هو علشان مرتضى يبقى تطلعوه يا مظلوم يا شهيد

[drhouba]

أنا مش فاهم الأخوه الزمسعالويه عاوزين ايه ؟؟

إنتم معترضين على أن مرتضى منصور شخص منفلت الإعصاب ؟؟

إنتم معترضين أنه بيجعجع في أي مكان وفي أي وقت ؟؟

إنتم معترضين أنه بيغلط في الكلام لما يجعجع ؟؟

إنتم معترضين أن الإعتداء على رئيس المحكمة الإدارية العليا في مكتبه جريمه ؟؟

ولا هو علشان مرتضى يبقى تطلعوه يا مظلوم يا شهيد

بل شهيد شهيدا شهيدا و يا جبل ما يهزك ريح و إحنا شعب الجبارين .... كفايه كده و اللا أقول كمان

أولا يا كوتش مشكلتنا إننا بنآخد الأخبار حسب ميولنا و أمزجتنا فلو على مزاجنا بنصدقها و نروجها و لو مش على مزاجنا بنقول دى جرايد الحكومه و لكن بننسى إن الإعلام الحكومى لو له توجه معين بيكون الخبر موجه للطريق اللى هم عاوزينه و مبتور لحد الغرض اللى عاوزين يوصلوا له .

تعالى بقى نرد على كلامك أولا مرتضى أساسا بشهادة كل من حضر الواقعه حسب نفس الإعلام اللى أنا مش مصدقه ما شافش ... ما شافش رئيس مجلس الدوله يبقى إزاى إعتدى عليه ؟

ثانيا : الراجل خسران حكم يوم السبت و طلع فى التلفزيون و قال حسبى الله و نعم الوكيل و إتكلم كلام فى منتهى العقل و ده الفيديو بتاعه أنا حطيته قبل كده فى موضوع أخبار الزمالك ردا على صديقى اللدود سى السيد و لكن مفيش مانع من التكرار للتأكيد و التوضيح

مرتضى ... زيادة تأكيد !!!!

ييجى الراجل تانى يوم و بعد ما كسب 3 أحكام خبطه واحده يقوم يطلع كده من هدومه زى ما الصوره إتنقلت لنا و يلبس بنطلون بيجامه مخططه بشراشيب برجل و نص و ينكش شعره و يطلع على مجلس الدوله يشتم و يلعن و يسب بدون سبب واضح ...

كان من الأولى يعمل كده اليوم اللى قبله ... و فجأه التحفظ عليه مع حراسه مشدده و رفض نقله للمستشفى إلا بعد طلوع الروح و تأجيل القضيه مع إستمرار حبسه كأنه قتل قتيل مع إن المحكمه لم تصدر حكم فى القضيه حتى الآن .... ألا تثير هذه الملابسات شك أى إنسان عادى بغض النظر عن إنتمائاته أو حبه للرجل من عدمه .

و لو رجعنا للخبر المنشور أمس من أن المحامى العام هشام الدرندلى هو شقيق خالد الدرندلى عضو مجلس إدارة النادى الأهلى و النائب العام هو أيضا عضو سابق فى مجلس إدارة النادى الأهلى حنجد إننا لم نخرج عن إطار عنوان هذا الموضوع و هو مبادئ موديل 2007 :wub:

[drhouba]

أنا مش فاهم الأخوه الزمسعالويه عاوزين ايه ؟؟

إنتم معترضين على أن مرتضى منصور شخص منفلت الإعصاب ؟؟

إنتم معترضين أنه بيجعجع في أي مكان وفي أي وقت ؟؟

إنتم معترضين أنه بيغلط في الكلام لما يجعجع ؟؟

إنتم معترضين أن الإعتداء على رئيس المحكمة الإدارية العليا في مكتبه جريمه ؟؟

ولا هو علشان مرتضى يبقى تطلعوه يا مظلوم يا شهيد

بل شهيد شهيدا شهيدا و يا جبل ما يهزك ريح و إحنا شعب الجبارين .... كفايه كده و اللا أقول كمان ؟

أولا يا كوتش مشكلتنا إننا بنآخد الأخبار حسب ميولنا و أمزجتنا فلو على مزاجنا بنصدقها و نروجها و لو مش على مزاجنا بنقول دى جرايد الحكومه و لكن بننسى إن الإعلام الحكومى لو له توجه معين بيكون الخبر موجه للطريق اللى هم عاوزينه و مبتور لحد الغرض اللى عاوزين يوصلوا له .

تعالى بقى نرد على كلامك أولا مرتضى أساسا بشهادة كل من حضر الواقعه حسب نفس الإعلام اللى أنا مش مصدقه ما شافش ... ما شافش رئيس مجلس الدوله يبقى إزاى إعتدى عليه ؟

ثانيا : الراجل خسران حكم يوم السبت و طلع فى التلفزيون و قال حسبى الله و نعم الوكيل و إتكلم كلام فى منتهى العقل و ده الفيديو بتاعه أنا حطيته قبل كده فى موضوع أخبار الزمالك ردا على صديقى اللدود سى السيد و لكن مفيش مانع من التكرار للتأكيد و التوضيح

مرتضى ... زيادة تأكيد !!!!

ييجى الراجل تانى يوم و بعد ما كسب 3 أحكام خبطه واحده يقوم يطلع كده من هدومه زى ما الصوره إتنقلت لنا و يلبس بنطلون بيجامه مخططه بشراشيب برجل و نص و ينكش شعره و يطلع على مجلس الدوله يشتم و يلعن و يسب بدون سبب واضح ...

كان من الأولى يعمل كده اليوم اللى قبله ... و فجأه التحفظ عليه مع حراسه مشدده و رفض نقله للمستشفى إلا بعد طلوع الروح و تأجيل القضيه مع إستمرار حبسه كأنه قتل قتيل مع إن المحكمه لم تصدر حكم فى القضيه حتى الآن .... ألا تثير هذه الملابسات شك أى إنسان عادى بغض النظر عن إنتمائاته أو حبه للرجل من عدمه .

مقال من جريده مستقله .. أنا مش لوحدى !!!

و لو رجعنا للخبر المنشور أمس من أن المحامى العام هشام الدرندلى هو شقيق خالد الدرندلى عضو مجلس إدارة النادى الأهلى و النائب العام هو أيضا عضو سابق فى مجلس إدارة النادى الأهلى حنجد إننا لم نخرج عن إطار عنوان هذا الموضوع و هو مبادئ موديل 2007 :wub:

تم تعديل 23 مارس 2007 بواسطة drhouba

[أبو محمد]

عزيزى دكتور هوبا

ياريت تجاوب على السؤال بتاعى اللى سألته هنــــــــــــــــــــــــا

دكتور هوبا كتب :

و لو رجعنا للخبر المنشور أمس من أن المحامى العام هشام الدرندلى هو شقيق خالد الدرندلى عضو مجلس إدارة النادى الأهلى و النائب العام هو أيضا عضو سابق فى مجلس إدارة النادى الأهلى حنجد إننا لم نخرج عن إطار عنوان هذا الموضوع و هو مبادئ موديل 2007

تعرف يادكتور ؟ .. لو الأهلاوية هم اللى بيعملوا فيه كه يبقوا إما ناس محترمين جدا أو ناس أغبيا جدا .. ما تستغربش ..

لو هم ناس محترمين جدا يبقوا عاوزين يخلصوا نادى الزمالك منه ليعود إلى سابق عهده وبطولاته التى لم تدخل النادى منذ قرر مرتضى دخول الانتخابات على منصب رئيس النادى ...

ولو هم بيعملوا كده لمجرد انهم أهلاوية وهو زملكاوى يبقوا فى منتهى الغباء .. لأن القضاء عليه يعنى عودة الزمالك إلى منافسة الأهلى ...

هو لايريد إعطاء الزمالك فرصة لالتقاط الأنفاس .. هو ممن لا يحلو لهم العيش إلا فى جو من الفوضى .. هناك أناس لا يستطيعون فعلا العيش فى جو من الاستقرار .. ومرتضى أنجح الظاهرين منهم .. و العيش فى جو من الفوضى يتيح لهذا النوع من الناس أن يفعلوا ما يريدون "فى الهوجة" ولا يحس بهم أحد .. واسأل عن ملايين البلوى التى تبرع بها لنادى الزمالك وطلب منه مرتضى أن يضعها فى حسابه الخاص ليتشدق بقوله إنه دائن للنادى وبيصرف عليه من جيبه

[drhouba]

أبو محمد يا جميل لو الزمالك حتعود له إنتصاراته برحيل سيادة المستشار طيب ما الراجل بعيد عن النادى من زمااااااااان و مع ذلك ما زالت البطولات بعيده و ستظل ... لأسباب فنيه و إداريه كثيره ذكرتها من قبل ... العيب مش فى الراجل .... الراجل ده عيبه الوحيد سرعة إنفعاله و عصبيته بالإضافه إلى إنه بيحب الزمالك زياده عن اللزوم و فيه ناس فى النادى و بره النادى ( واخد لى بالك من بره النادى دى ) يهمهم الزمالك يفضل كده عشان كمان 100 سنه يفضلوا نادى القرن ... هو ده التخطيط للمستقبل و اللا بلاش :rolleyes:

تم تعديل 25 مارس 2007 بواسطة drhouba

[kokowawa1979]

إيه الصمود ده كله ضد جحافل التتار :lol: يا دكتور هوبا - وبعدين يقولوا عليك بتاخد منشطات زي لعيبة الأهلي :blink:

لم أشأ أن أتدخل في موضوع مرتضى منصور - بس موضوع مرتضى منصور يتلخص في :

السباحة ضد التيار - أو كما يقال رجل ضد دولة ودولة ضد رجل !!

فالرجل حاول أن يجاهد ديناصورات الفساد فكان لابد من إخماده للأبد !!

أولا بتشويه سمعته بأنه حاول يلقي بنفسه من الدور التاسع وهذا يوضح لنا نية الدوله تجاهه - يعني المرة دي فلت من أيدي من أرادوا اسقاطه من الدور التاسع ( رجال الأمن ) ودي عادتهم واللا هايشتروها .لكن المرة الجاية مش ممكن !!!

فمنظومة الفساد استكملت بالمدعو عبد المجيد محمود الذي كان أول قرار اتخذه هو الإفراج عن نبيل المازني اللي كان لاهف 4 مليون جنيه رشوه من غبور !! بحجة إعادة غبور للأموال العامة التي لهفها بمعاونة السيد نبيل المازني رئيس هيئة النقل العام !!!

ولن أتكلم عن أن عبد المجيد محمود كان عضو مجلس إدارة الأهلي - لأن الذين يأتون الآن للمناصب الحيوية يتم عمل لهم كشف هيئة عن نسبة تمتعهم بالفساد والإفساد وهذه والحمد لله متوافرة في أعضاء الأهلي !!!! حيث أنهم الأغلبية كما قال إخواننا في المنتدى سابقا !!

شوف حسن حمدي- شوف محمد عبد الوهاب ( عضو مجلس الإدارة) - شوف محمد باجنيد أمين الصندوق !!

وغيرهم كلهم الآن خارج الأسوار - بينما الشريف العفيف مرتضى منصور يعالج في مستشفى طرة !!!

هي دي مبادئ بلادنا يا دكتور هوبا الحقيقية اللي هي مبادئ الأهلي طبعا بحكم أنهم الأغلبية :lol:

تم تعديل 25 مارس 2007 بواسطة kokowawa1979

[أبو محمد]

المشكلة يادكتور فى الفوضى وجو عدم الاستقرار الذى يشيعه مرتضى فى نادى الزمالك .. سواء كان فى منصب الرئيس أو كان ينازع من هو فى منصب الرئيس ..

أنا أعتقد أنه أفقد الزمالك فرصة ذهبية .. فرصة مجلس مرسى عطا لله الذى رأينا خلاله الزمالك القديم يعود رويدا رويدا .. وفجأة يحصل مرتضى على حكم بالعودة لينهار البناء الذى كان فى طريقه للاكتمال .. وهكذا .. وهكذا .. جو غريب لا يمكن لأى مؤسسة أن تحقق فيه أى إنجاز

صدقنى يادكتور .. الزمالك كان ماشى زى الفل لغاية آخر فترة لكمال درويش عندما بدأ مرتضى ال Show بتاعه