مبادئ موديل 2007

[kokowawa1979]

داروين كتب :

انا ممكن أقرا ورق تواليت وما اقراش محمود معلوف

لأ يا داروين يا خويا ده إنت اتأثرت خالص بموقع الأهلي إيجبت ----- إرجع لمكانك الزمالك تي في أحسن لك من كدة بكتير :sad:

تم تعديل 27 أبريل 2007 بواسطة kokowawa1979

[DARWEEN]

لا انت مش واخد بالك يا كوكو

محمود معروف هو اللي أسوأ من كده بكتير

[Ahmad Farahat]

محمود معروف هو أجهل صحفي في مصر.........

وراجل قليل الأدب

ومعندوش حيا

وفيه حاجات كتير ماضمنش طقم الإشراف يسيبها

[kokowawa1979]

إيه رأيك بقى ياعم داروين في اللي كتبه محمد القوصي في الأهرام ؟؟؟ وأهو ذكر أسماء أعضاء مجلس الإدارة اللي باعوا التموين في السوق السودا

عارف يادكتور هوبا :

مشكلة الأهلوية إنهم فاكرين أعضاء مجلس الإدارة ملايكة أو رسل معصومين من الخطأ !!!

على الرغم من إن أخونا داروين مستشار مالي - وعارف مين هو محمد عبد الوهاب - ومين هو محمود باجنيد - وعارف مين هو شيخ المنصر الكبير بتاعهم - إلا إنه مصر إنه يذكرنا كل حين وآخر بإن مرتضى منصور في السجن لدرجة إني كدت أن أصدق إن مرتضى منصور في السجن علشان سرق الأهرام - وله شيكات مرتجعة - ومختلس 12000000 ( 12 مليون ) جنيه من البنك الأهلي !!!

فعلا النادى الأهلي بس هو نادي المبادئ

للمحترفين سرقة واختلاس وترجيع شيكات- وبالمرة المتاجرة بكل شيئ في السوق السودا !!!

[kokowawa1979]

داروين كتب :

لا انت مش واخد بالك يا كوكو

محمود معروف هو اللي أسوأ من كده بكتير

والله ياعم داروين عارف إنت قصدك إيه - لكن أنا أقصد اللهجة اللي انت كتبت بيها -نفس لهجة موقع الأهلي إيجبت فعلشان كدة قلت لك الزمالك تي في أرحم شوية

[DARWEEN]

ما احنا سبق وقلنا لو حتمشي ورا كلام الصحفيين يا كوكو يبقى مس حتقول حاجه صح

يا حبيبي الصحافه في مصر دي مهنة اللي مالوش شغلانه وخصوصا الرياضيه منها

ولو كنت سمعت الراجل المحترم محرم الراغب مع شوبير كنت عرفت الحقيقه من غير كلام كتير

وبعدين ماشي يا سيدي ... من غير ما تجري تستنجد بالدكتور هوبا ولا حاجه ... أنا حاوافقك ومش حازعلك

أعضاء مجلس إدارة الأهلي حراميه ونصابين وبتوع تلات ورقات ... هه وبعدبن ؟؟؟

لا كبيرهم مرمي في السجن بيعمل برنامج من وراء القضبان

ولا في نادي الزمالك كللللللللله على بعضه واحد في مستوى أقل واحد فيهم

ولا فيهم واحد بيمشي بمطواه ولا سنجه ولا عصبجيه حواليه

وبعدين يا كوكو صاحب العقل بيميز ...

هما حراميه والنادي بيحقق مكاسب ماليه رهيبه والزمالك بيشحت وبيتباع في المزادات

هما حراميه والنادي كل يوم بيحقق بطولات لن تصلوها ولو بعد قرن من الزمان

أحنا مبسوطين كده ... يارب زيد وبارك

ياكوكو ... أه يا كوكووووووووووووووو

[drhouba]

لا كبيرهم مرمي في السجن بيعمل برنامج من وراء القضبان

حبيب قلبى ما إحنا عارفين إن إحنا فى بلد سيادة القانون بأمارة ممدوح إسماعيل و قصر ثقافة بنى سويف

و مؤسسة الأهرام بفروعها ( واخد لى بالك من فروعها دى ) و قطارات هيئة السكك الحديديه

قبلى و بحرى إلخ إلخ إلخ مش شرط إن اللى بره أنظف من اللى جوه و قلبك أبيض من غير خطين

مبادئ على خفيف

تم تعديل 28 أبريل 2007 بواسطة drhouba

[se_ Elsyed]

بجد والله العظيم إنتو صعبانين عليه ...

ونرجع نقول تاني :

سايبين بلاوي ناديكم ومتفرغين لحكاوي القهاوي .... وللأسف يا دكتور هوبا ويا كوكو أصبحتم تنساقو ورا الأقلام الزملكاوية التي لا عمل لها إلا إنها تقلد حريم العزا .. سبق وأن شرحت الحريم في العزا بيعملوا إيه .. يعني ببساطة بينتقدوا الرايح واللي جا بدون ان ينظروا لأنفسهم ..

خد الحتة يا دكتور

قبل كده واحد من حريم العزا .. إسمه مرتضى منصور كان هايقدم شكوى في الأهلي بدعوى " غهدار المال العام " وكان بيقصد كده المرتب اللي بياخده جوزية وتقريباً هو حوالي 45000 دولار شهرياً بالإضافة إلى شراء لاعبين زي اكوتي بمبالغ طائلة ...

الأكادة بقى إن جوزية حقق بطولات تجيب راتبه أضعاف مضاعفة ..

والاكادة تاني إن هنري ميشو بياخد دلوقت 60 ألف دولار وهو فاشل فشل الأفيال مع الزمالك وماحدش فتح بقو .... وإتكلم عن إهدار المال العام ... وإحنا كأهلاوية ولا يهمنا إن شالله يعبي ويغرف من الزمالك ... وإحنا مالنا ..

خد الحتة الطازة دي ... الاهلي سيتعاقد مع مخطط أحمال للياقة البدنية وهاياخد 10 ألاف دولار ...إمبارح أقرأ هجوم كاسح على الفكرة وعلى إهدار المال العام ....

لوووووووووووووول

خدوا الحتة الزملكاوية دي ... حد يعرف إن الزمالك فيه مخطط احمال بيشتغل بالريموت كنترول عنن بُعد وهو في نفس الوقت شغال في نادي مارسيليا قبل الضهر وبييجي الزمالك حين ميسره وبياخد مرتب كمان ....لحد هنا ومافيش مشكلة لإن لياقة لاعبي الزمالك باينه عليهم بصراحة ...النهاردة بقى مجلس الإدارة وافق على تعيين مدرب لياقة (تاني) جنب المسيو لومير اللي بييجي حين ميسرة ...فكده عندنا شوشو ومسيو لومير والاخ اللي جاي جديد...وسلم عالمال العام ..

يا شباب يا رياضيين ما تاخدوش أمثال مرتضى منصور قدوة حسنه لكم وتوزعوا الإتهامات على كل من يخالفك الرأي او الإنتماء بدون دليل ... وتظنون أنكم انتم الوحيدين الذين تمتلكون مفاتيح الشرف ....

[se_ Elsyed]

من قبل المباراة وأنا عارف إن شركة فودافون هي اللي كانت مسئولة عن التذاكر لإن هي اللي شالت الليلة ودفعت تكاليف الإحتفال والإخوة اللي إستشهدوا بجريدة المساء يا ريت ينشروا اللي إتقال النهاردة

" علي جانب آخر علمت "المساء" ان حسن حمدي رئيس النادي الأهلي لم يكلف محرم الراغب مدير النادي بإجراء أي تحقيقات بشأن أزمة تذاكر مباراة الفريق أمام برشلونة الأسباني التي أقيمت بمناسبة احتفالية المئوية.

ويعود السبب في ذلك ان النادي الأهلي لم يكن مسئولا عن بيع التذاكر من الأساس بل كان مسئولا عنها الشركة الراعية التي حصلت علي حق تسويق المباراة بالكامل بما فيها التذاكر نفسها خاصة أنها سددت كل تكاليف اللقاء بالكامل لإدارة الأهلي "

------------

بمناسبة حريم العزا

من حوالي 3 شهور قرأت مقال زملكاوي بيتتريق فيه عن أخبار تناثرت بتقول إن الاهلي سيتعاقد مع نادي جلطة سراي التركي ليقابلة في المئوية ...

وخد عندك بقى " هييي هييي هيييء ... ادي الفريق العالمي يا أم أبراهيم اللي الأهلي هايتعاقد معاه واللي فلقوا دماغنا وعمالين كل شوية فريق عالمي فريق عالمي "

وبالرغم إن مافيش مسئول في النادي الاهلي قال لا من بعيد ولا قريب حاجه عن الموضوع ده .. وكذبوا هذا تماماً ... ولما أتضحت الرؤيا وعرفنا إن الفريق اللي هايلاعب الأهلي هو برشلونة ..لم نرى أحد من حريم العزا يتأسف بشجاعة أدبية ويقول أنا غلطان أو انا اللي فتيت الفتوة بتاعت جلطة سراي

كذلك موضوع المنشطات وقرش الحشيش اللي الدكتور كان بيدية لمتعب في أثناء الماتش ولا بلاتر يا أم محمد اللي حلف بالطلاق أن أبوتريكه - وقال أسمه بالفرنساوي- le pere de Turekah - بيضرب بانجو وبيحلي بأبو صليبه وإن بركات ومتعب - ودول قال اساميهم بالإنجليزي عشان ضعيف في الفرنساوي وقال Benisons & Tired بيخزنوا قات وبيمضغوا أفيون ... وإن الاهلي هايتسحب منه لقبه الأفريقي وهايمنح للصافسي أو كمان هايتحرم من المركز التالت في بطولة العالم ...

وبعد ما جرجروا الراجل عالنيابة حلف بالطلاق تاني إنه ما قالش كده وإنه لا يعرف أبو طريقه ولا تبركيات ولا أي حد تعبان أو متعب ..

أتاري حريم العزا هما اللي ألفوا ده ومن بعدها ماحدش سمع لهم حس .

والله العظيم يا جماعة كنت أشاهد بالأمس مباراة نهائي كأس ولي العهد السعودي بين فريقي اهلي جده واتحاد جده وكان عازمني مجموعة أخوة فلسطينيين أصدقاء لي ... فأثناء حديثنا لقيتهم بيقولوا " إحنا الفلسطينية بنميل لتشجيع الزمالك لكن فكرتنا عنه إتغيرت لما كنا بنشاهد ماتش الاهلي والصفاقسي ولقينا جماهير الزمالك بتشجع الصفاقسي ضد إبن بلدهم .

[kokowawa1979]

س.س كتب :

بجد والله العظيم إنتو صعبانين عليه ...

شفت حنية قلب الأهلوية قد إيه يادكتور هوبا :blush2:

بل كده واحد من حريم العزا .. إسمه مرتضى منصور كان هايقدم شكوى في الأهلي

مش عارف ليه الحتة دي يا س. س بتفكرني بمحاكم التفتيش - يعني إنت عاوز تلبس واحد قضية - تقوم تدخل في دماغه وتقرا أفكاره - لأ ياريتك بتقرا أفكاره - ده إنت بتلبس دماغه أفكار زي ما إنت عايز - :blush2: علشان تتلاءم مع قضيتك اللي عاوز تلبسها له !!!!!

والاكادة تاني إن هنري ميشو بياخد دلوقت 60 ألف دولار وهو فاشل فشل الأفيال مع الزمالك وماحدش فتح بقو .... وإتكلم عن إهدار المال العام ... وإحنا كأهلاوية ولا يهمنا إن شالله يعبي ويغرف من الزمالك ... وإحنا مالنا ..

خد الحتة الطازة دي ... الاهلي سيتعاقد مع مخطط أحمال للياقة البدنية وهاياخد 10 ألاف دولار ...إمبارح أقرأ هجوم كاسح على الفكرة وعلى إهدار المال العام ....

لوووووووووووووول

خدوا الحتة الزملكاوية دي ... حد يعرف إن الزمالك فيه مخطط احمال بيشتغل بالريموت كنترول عنن بُعد وهو في نفس الوقت شغال في نادي مارسيليا قبل الضهر وبييجي الزمالك حين ميسره وبياخد مرتب كمان ....لحد هنا ومافيش مشكلة لإن لياقة لاعبي الزمالك باينه عليهم بصراحة ...النهاردة بقى مجلس الإدارة وافق على تعيين مدرب لياقة (تاني) جنب المسيو لومير اللي بييجي حين ميسرة ...فكده عندنا شوشو ومسيو لومير والاخ اللي جاي جديد...وسلم عالمال العام

أظن بقى الكلام ده بيوريك الفارق بين مرتضى منصور وغيره من الناس - والحمد لله إن مرتضى منصور طلع اللي كسبه الأهلي على فاشوش بصفقة واحدة مضروبة لبسها للأهلي - وهي صقفة اللي مايتسمى - أكوتي منسا :blush2:

عم س.س :

أنا ملاحظ إنك مابقيتش في الفورمة بعد أكلة العكاوي إياها mfb: إنت متأكد إنها كانت عكاوي واللا حاجة تانية ;)

[se_ Elsyed]

لأ يا كوكو .... أنا رُكبي حديد .. والاهلي حديد

محاكم تفتيش إيه ومحاكم احوال شخصية إيه .. يا راجل ده مرتظى - ربنا يفك سجنه - كان نازل تهليل وجعجعه على الموضوع في كل مكان بس إنت ما سمعتوش عشان كنت مسافر ...

وبعدين يا كوكو بما إن وبضدها تتميز الأشياء .. ما تفتح كده بوتيك وإتكلم فيه عن المباديء المُثلى والقيم العليا للقلعة البيضاء ... يمكن نتعلم ( ولو إني أشك )

بالمناسبة مبروك التعادل مع الإسماعيلي يا مان

[النسر المصري]

لأ يا كوكو .... أنا رُكبي حديد .. والاهلي حديد

وبعدين يا كوكو بما إن وبضدها تتميز الأشياء .. ما تفتح كده بوتيك وإتكلم فيه عن المباديء المُثلى والقيم العليا للقلعة البيضاء ... يمكن نتعلم ( ولو إني أشك )

موجود ياسيادة الرئيس....موجود التوبيك...

فضايح مموديل 2007

:blush2: :blush2: :blush2:

تم تعديل 29 أبريل 2007 بواسطة النسر المصري

[se_ Elsyed]

لأ يا كوكو .... أنا رُكبي حديد .. والاهلي حديد

وبعدين يا كوكو بما إن وبضدها تتميز الأشياء .. ما تفتح كده بوتيك وإتكلم فيه عن المباديء المُثلى والقيم العليا للقلعة البيضاء ... يمكن نتعلم ( ولو إني أشك )

موجود ياسيادة الرئيس....موجود التوبيك...

فضايح مموديل 2007

:blush2: :blush2: :blush2:

لا يا نسر يا ولدي

لا نريد ان تملأ الأحقاد قلوبنا نحن الاهلاوية

بالرغم من إن الزملكاوية يحرقون اغصان الزيتون

إلا أننا نتصرف بكل حكمة تحت مظلة المباديء ..

وسندعي لهم بالهدايا ... وسنقابل السيئة بالحسنة

وسنهزمهم كالعادة من سكات ولا تسييح

وش صلاح الدين القليوبي في فيلم الناصر صلاح الدين

[drhouba]

الأكاده يا سيكو يا أخويا و لا لك عليا يمين من ساعة ما فتحت التوبك ده من 25 سنه و مفيش و لا واحد أهلاوى رد على أى مصيبه من

المصايب ( قصدى المبادئ ) اللى قلناها مدعمه بالدلائل و البراهين و السلطات ... هل ده من منطلق ديمقراطية الحزب الوطنى

( سيبوهم يصرخوا لغاية ما يتعبوا ) و إحنا برضه حنعمل اللى إحنا عاوزينه ... أصل مش ممكن كل النتع اللى أنا و كوكو ده بننتعه من أيام

أولى ثانوى فى التوبك ده تهيؤات .... و اللا إنتم كمصريين شرفاء ضميركم صاحى و حاسس إن كل كلمه بنقولها حق ... و هى كذلك بس

محرجين تعترفوا علشان عمركم اللى راح فى الأوهام .... و لا يهمكوا الزملكاويه تجُب ما قبلها ... و أرجع و أنصحكم النصيحه اللى نصحتها

لأخونا داروين قبل كده الوقت لسه ما فاتش لسه فيه فرصه إنتم ناس محترمين إرجعوا عن اللى فى دماغكم ده قبل ما ييجى وقت نبهت

عليه الست آمال ماهر قبل كده و قالت لا فض فوها عن هذا الوقت و هو قادم عليكم فى المستقبل لا محاله :

" و تصرخ مهما تصرخ و لا حد حيسمعك .... مفيش مركب حتقدر بالعمر ترجعك "

و الله الزملكاويه دول ناس طيبين رغم كل الظلم عبر العصور و لسه عندهم أمل يهدوا كل الناس ... و نعم الناس و الله

تم تعديل 29 أبريل 2007 بواسطة drhouba

[DARWEEN]

الأكاده يا سيكو يا أخويا و لا لك عليا يمين من ساعة ما فتحت التوبك ده من 25 سنه و مفيش و لا واحد أهلاوى رد على أى مصيبه من

المصايب ( قصدى المبادئ ) اللى قلناها مدعمه بالدلائل و البراهين و السلطات

ماهي المصيبة أن كل اللي بتقولوه كما أفاد أخي س س عباره عن كلام في كلام ... وما جيبتوش لأي حاجه براهين ولا سلطات غير سلطة بابا غنوج من أمثال محمود معروف :blush2:

أصل مش ممكن كل النتع اللى أنا و كوكو ده بننتعه من أيام

أولى ثانوى فى التوبك ده تهيؤات

لا حقيقي تهيؤات ... هو أنا مش من الصبح عمال أقول اتعالجوا اتعالجوا ... بس انتوا اللي مش بتسمعوا الكلام :blush2:

و أرجع و أنصحكم النصيحه اللى نصحتها

لأخونا داروين قبل كده الوقت لسه ما فاتش لسه فيه فرصه إنتم ناس محترمين إرجعوا عن اللى فى دماغكم ده قبل ما ييجى وقت نبهت

طيب ما بلاش نقول اللي اتقال ... ولا نسيت حريم العزا :blush2:

و الله الزملكاويه دول ناس طيبين رغم كل الظلم عبر العصور

أهو موضوع الظم عبر كل العصور ده بالذات ..... تهيؤات تهيؤات تهيؤات تهيؤات تهيؤات

[kokowawa1979]

النسر كتب :

موجود ياسيادة الرئيس....موجود التوبيك...

فضايح مموديل 2007

إيه يانسر هو إنت جاي تعمل دعاية للتوبيك بتاعك عند توبيك الدكتور هوبا اللي حط فيه عصارة فكره :blush2:

لأ ياحبيبي العب بعيد وروح شوف التوبيك بتاعك الأهلوية ليه سايبينه وجايين هنا :blush2: ولو إني عارف إن عندا في كوكو واوا كله هايروح جري علشان يحيي الزمالك في التوبيك بتاعك - مش قلت لك الأهلوية يانسر ماينفعوكش ساعة الزنقة !! :blush2:

[النسر المصري]

النسر كتب :

موجود ياسيادة الرئيس....موجود التوبيك...

فضايح مموديل 2007

إيه يانسر هو إنت جاي تعمل دعاية للتوبيك بتاعك عند توبيك الدكتور هوبا اللي حط فيه عصارة فكره :P

لأ ياحبيبي العب بعيد وروح شوف التوبيك بتاعك الأهلوية ليه سايبينه وجايين هنا :P ولو إني عارف إن عندا في كوكو واوا كله هايروح جري علشان يحيي الزمالك في التوبيك بتاعك - مش قلت لك الأهلوية يانسر ماينفعوكش ساعة الزنقة !! :P

حبيبي كوكي :lol:

اظن ٠٠فخامة سيادة الرئيس المبجل سين سين .... قد قام بالرد على سيادتكم مسبقاً للتأكيد فقدط وليس للاثبات.....حيث انه رفض المضي قدما في ما كنت أنوي أن أفعله من فضح فضائح الزمالكاويه المفضوحة في الأساس...

ولكن سيادة الرئيس سين سين...وكما عهدناه دوما صاحب الأخلاق الرفيعة والمباديء العاليه... وجهنا نحن الشعب الأهلاوي لما هو صصحيح.....

ونحن بدورنا ...لا يسعنا سوى أن نمضي قدما في سياسة النادي الأحمر العريق ذو المباديء الرفيعة والراقية والأخلاق الحميدة

ولذلك..ومن هذا المنطلق..... أعلن أنني لن أقابل السيئة بالحسنه ماحييت

وشكراً لسعة صدركم

:blink:

من أرض الكفاح الأحمر الشريف

النسر المصري

القائد الأعلى للقوات الجوية الأهلاويه

[kokowawa1979]

النسر المصري كتب ك

ولكن سيادة الرئيس سين سين...وكما عهدناه دوما صاحب الأخلاق الرفيعة والمباديء العاليه... وجهنا نحن الشعب الأهلاوي لما هو صصحيح.....

شفت يادكتور هوبا - زي إنت ماقلت بالضبط !! الأهلوية والحزب الوطني واحد !!!كلهم مايعرفوش يمشوا إلا بالتوجيهات :lol:

[kokowawa1979]

واستكمالا للمبادئ العظيمة للنادي الأهلي نعيد هنا بث تصريحات شوشو في حق الرمز :

شوبيريطلب التحقيق

مع صالح سليم!

شوبير ينظر لأزمته

مع الأهلي علي انها مجرد ذوبعة

أجري الحوار:

أيمن بدرة

أثار قرار الأهلي بايقاف عضوية أحمد شوبير والتحقيق معه ردود أفعال واسعة.. البعض أيد.. والبعض عارض ولكن كان للنجم الموقوف رأي آخر.

جاءت قرارات المكتب التنفيذي للنادي الاهلي الاخيرة بايقاف أحمد شوبير كابتن النادي السابق وعضو مجلس ادارة اتحاد الكرة الحالي لتعطي أبعادا جديدة وخطيرة لأزمة صالح * شوبير التي تفجرت قبل حوالي أسبوعين..الخطير في قرار سلطات الاهلي كما يراه الكثيرون من أقطاب النادي المخلصين أن صالح سليم استخدم سلطاته التي خولتها له الجمعية العمومية ليرعي بها مصالحها لتصفية خلافاته الشخصية.. فيصدر قرارات عقابية لكل من يختلف معه في وجهات النظر.

ومن هذه النقطة يبدأ أحمد شوبير طرح وجهة نظره في موقف ادارة النادي الاهلي منه ويتحدث بكل وضوح ليضع أمام الرأي العام الجوانب الخفية في أزمته مع صالح سليم.

ما الاجراء الذي ستتخذه حيال قرار احالتك للتحقيق؟

* أولا أنا عضو في النادي الاهلي وكانت لي وجهة نظر مخالفة للكابتن صالح سليم رئيس النادي.. واعتقد أن هذا اختلاف شخصي بين عضوين من الاعضاء.. وما كان للادارة أن تتدخل فيه واذا كان هناك يد من هذا التدخل فليكن باحالة الطرفين للتحقيق حتي تكون هناك عدالة.

تقصد انك ستطلب التحقيق مع صالح سليم أيضا؟

* نعم.. هذه أبسط قواعد العدل.. واعتقد أن رئاسته للنادي بتشريف من الجمعية العمومية لا تمنع ذلك خاصة أنني عضو في الجمعية العمومية مثله تماما.

ولكن يقال انك تطاولت علي النادي الاهلي؟

* لم يحدث مطلقا.. وكل حرف كتبته أو أدليت به في حديث صحفي مكتوب ومدون ويمكن الرجوع اليه من جماهير النادي وأعضائه.. وهذا لا يمكن أن يحدث لانني أقدر فضل الاهلي علي أما الاشخاص فهم ليسوا منزلين.. ويمكن أن نختلف معهم في اطار من الادب والروح الرياضية.

وهل تعتقد أن خلافك مع صالح سليم كان في هذا الاطار؟

* كل ما فعلته مع صالح سليم انني تصديت لمحاولته اهانة كرامتي ولو سكت كما يسكت البعض علي أهانته لهم لفقدت معني الرجولة ماذا كان ينتظر بعد أن وصفني بأنني شحات ومتسول؟ هل كان علي أن أسكت علي الاهانة؟

ولماذا لم ترفع دعوي قضائية ضده تتهمه فيها بالسب والقذف والاهانة؟

* لا أخفي سرا انني فكرت في اقامة دعوي قضائية فعلا ولدي تسجيل كامل للمؤتمر الصحفي بصوته.. ولدي نسخ من الصحف التي تناولت السباب الذي وجهه لي.. ورغم ذلك فقد التزمت برأي ونصيحة الغالبية من أعضاء النادي الكبار والمحترمين الذين آجلهم وأقدرهم حينما اكدوا لي أن صالح سليم اخطأ باجماع آرائهم وأنه تطاول بأسلوب ما كان يجب أن يصدر منه.. وان علي أن احافظ علي اسم النادي والا يقال أن هناك قضية مرفوعة علي رئيسه.. حفاظا فقط علي اسم الاهلي وسمعته.

وهل ستنفذ قرار الايقاف وتمتثل أمام المحققين؟

* مبدئيا قرار ايقافي هذا لا يعني شيئا لان حرماني من دخول جدران النادي لا يعني ابعادي عن المكانة التي اتمتع بها والحمد لله في قلوب أعضاء وجماهير الاهلي.. وهؤلاء لا يحدهم مكان ولا يعني منعي من الجلوس في حديقة النادي انهم سيبعدونني عن الاهلي هذا الكيان الكبير الذي يملأ قلوب الملايين ولا تحده الاسوار التي يحاول البعض جعلها 'ملكا خاصا'.

ماذا تعني بكلمة ملكا خاصا؟

* ما يشهده النادي الاهلي حاليا محاولة لجعل النادي ملكا خاصا لصالح سليم.. ويتم تشكيل القوانين وفقا لاهوائه فاذا هو آهان عضوا أو جرح كرامته فلا وزر عليه بل علي العكس يجد من يهللون له.. ويشيدون بهذا التطاول.. واذا ثار هذا العضو لكرامته وقام بالرد عليه كانت الطامة الكبري يجتمع المكتب التنفيذي ويتخذ من العقوبات ضده.. وكأن الجمعية العمومية شرفت صالح سليم برئاسة النادي ليهين أعضاءه وعليهم أن يلتزموا الصمت والا كان مصيرهم الويل والثبور وعظائم الامور.

وهل تعتقد أن كل هذه الثورة ضدك سببها فقط انك اختلفت مع رئيس النادي وقمت بالرد علي آهانته لك بألفاظه الجارحة؟

* بالطبع لا.. ولكن هناك خلفيات كثيرة منها ان هناك مخططا امحكما لتصفية كل من له رأي وكل نجم يبرز من أبناء النادي حتي لا يكون هناك الا شخص واحد أو شخصان يحكمون القلعة الحمراء.. وقد بدأت خطوات تنفيذ هذا المخطط منذ زمن بعيد ولكنها تصاعدت لمواقفي الاخيرة في الانتخابات ووصل الامر الي حد تهديدي اذا دخلت النادي.

تهديدك؟

* نعم.. لقد وصلتني معلومات منذ فترة الي أنني سأتعرض لاستفزازات وربما مصادمات من القلة 'العواطلية' الذين يتم استخدامهم لمثل هذه الاعمال الرديئة وكانوا جاهزين لاثارتي.. والاصطدام بي حتي يجدوا ضالتهم في تشويه صورتي أمام الناس.. ويصورونني علي انني 'فتوة' واتشاجر مع الاعضاء أو أن الاعضاء يرفضونني في النادي وما الي ذلك.. وهذه كلها آلاعيب مكشوفة ومعروفة.

ما موقفك الذي كنت عليه في الانتخابات الذي تدفع ثمنه الآن كما تقول؟

* موقفي كان واضحا لقد ساندت طاهر أبو زيد زميلي وصديقي.. وهذا الموقف لم يعجب صالح سليم الذي استخدم كل ما يملك لاسقاطه ولم يكن يدعو لنفسه بقدر ما كان يدعو ضد طاهر ومع ذلك نجح طاهر فكان الانتقام من كل من أفسد مخططاته وكان وراء نجاح طاهر الذي ساندته عن اقتناع بدوره في مجلس ادارة النادي وكممثل لجيل الوسط المحترم الذي يتم ذبحه.

من هو جيل الوسط الذي يتم ذبحه ولماذا؟

* هذه قصة يعرفها من يتابعون أحوال النادي منذ وصل صالح سليم للسلطة وهو لا يريد أحدا بجواره من الذين يحظون بالشعبية والشخصية.. واعطاهم الله قدرات ادارية ونجومية تجعلهم في يوم من الايام قادة النادي.. في حين أنه يجمع حوله من لم يصلوا لأي مرتبة من مراتب النجومية ليسهل القضاء عليهم في أي لحظة

.

ما الادلة علي هذا الكلام؟

* تعالي نراجع من يتولون أمور العمل في النادي مثلا في قطاع الناشئين تجد أغلبهم من غير أبناء النادي وعددا كبيرا منهم لم يلعب للاهلي الا سنتين أو ثلاثة فقط.. ومع ذلك أصبحوا مسئولين في النادي في حين أن نجوما كبارا أعطوا للنادي عمرهم كله لامكان لهم مثل ربيع ياسين ومحمد عامر ومجدي عبدالغني وزيزو وهؤلاء بعيدون لانهم يتمتعون بشخصية ولديهم آراء.

وأنت.. لماذا يفعلون معك هذا من وجهة نظرك؟

* لموقفي في الانتخابات الاخيرة جعلهم يقولون: آه ده حيبقي قوة مؤثرة.. ويعمل مع طاهر ومع عدد من نجوم النادي جبهات.. وأيضا بعد أن وفقني الله تعالي لأن اكون عضوا باتحاد الكرة أكبر هيئة رياضية مصرية وأشهرها.. وللأسف لقد حصلت علي هذه المكانة في ظل عدم مشاركة النادي الاهلي علي العكس لقد كان احد أهم الاسباب للامتناع عن التصويت في انتخابات الاتحادات الا احصل علي صوت ومساندة الاهلي في هذه المهمة التي امثل فيها النادي الذي تربيت فيه وانتمي اليه وبدلا من أن يدعمني الاهلي تخلت عني ادارته التي منعت عني صوته ولكنها لم تمنع عني حب واحترام أبناء الوسط الكروي والحمد لله.. وهذا ما أثار صالح وبعض أعوانه.

هل تعتقد أن هذه الحرب خافية علي أعضاء وجماهير النادي الواعية؟

* للأسف الشديد أنهم يغلفون هذه القرارات بشعارات الحرص علي مباديء وقيم النادي وغير ذلك من شعارات في حين ان التخبط أصبح سمة ادارة صالح أليس هو رئيس النادي الذي بدأت في عهده صفقات اللاعبين 'المضروبة' بداية من ضم جورج الحسن الذي اشتراه ب 55 ألف دولار في اوائل الثمانينات ولم يلعب الا 15 دقيقة فقط في مباراة غزل دمياط ثم هرب.. ولم يستعد النادي مليما واحدا من هذه الآلاف من الدولارات.. ونفس الشيء حدث مع جورج أرثر الذي حصل علي 85 ألف جنيه دولار عام 1994 ولم يلعب الا لدقائق معدودة ثم هرب هو الاخر.. ولم يتمكن صالح وادارته من الحفاظ علي حقوق النادي.. وهو ايضا الذي آتي بهولمان الذي خسر الاهلي علي يديه البطولة تلو الأخري وهرب دون أن يحصل النادي علي الشرط الجزائي المدون في العقد.. وهو أيضا الذي آتي بتسوبيل بترشيح من هولمان ثم أصر علي تجديد تعاقده رافضا رأي طاهر أبو زيد بعدم صلاحية هذا الجهاز للاستمرار وضاعف الشرط الجزائي في تعاقده ثم ابعده ليضيع علي النادي وأعضائه أكثر من 50 ألف دولار.

وقال : كانت المعاناة الكبري باستقدام ديكسي الذي اجمع كل خبراء الكرة علي عدم صلاحيته بدليل أن النادي يتفاوض علي التعاقد مع مدرب جديد بعد أن خسر الدوري، وكل هذا ويقولون أن صالح سليم وأعوانه يحافظون علي أموال النادي وعلي تقاليده وقيمه بعد أن قضوا علي كل المواهب التي تظهر من أبناء النادي وقاموا بالتعاقد علي صفقات 'مضروبة'.

ما شعورك بعد صدور قرار ايقافك وأحالتك للتحقيق؟

* اشعر بالاسي والاسف لأن هذا النادي الكبير بتاريخه العريق أصبح يساق وكأنه ملك خاص لشخص واحد .والغريب أن يحدث هذا في بلد ديمقراطي تؤمن بتعدد الاراء والاختلاف في وجهات النظر ويمكن أن تختلف مع الحكومة في أي قرار فلا يحدث لك أي شيء أما مع صالح سليم فانك تتعرض لاشد أنواع العقاب لان هذا الشخص متصور أنه فوق النقد وأن عليه أن يفعل ما يشاء ولا أحد يقول له ماذا تفعل؟

مش أنا قلت لك يا دكتور هوبا الأهلوية كلهم ملايكة بس إحنا اللي مابنشوفش ولا نستوعبش :lol:

نشوف بقى ردود الزعيم - واركان حربه - وأمين الصندوق :blink:

[kokowawa1979]

ودي حتة سريعة لمبادئ الزملكاوية مقارنة بمبادئ الأهلوية :

http://www.graaam.com/up/p5ic/993e3ad99f.JPG

اٌول إيه بس عن الزملكاوية ياجدعان :lol:

تم تعديل 29 أبريل 2007 بواسطة kokowawa1979