فن التصوير في الاستوديو عند الأخوه الهنود

[MZohairy]

فنون التصوير الفوتوجرافي

اتعلموا بقى من فضلكم :rolleyes:

تم تعديل 25 فبراير 2007 بواسطة mzohairy

[inas]

لا تعليق

[التونسى]

على فكره يمكن الموضوع خفيف وفيه شبه استخفاف بالهنود

بس والله يا ريتنا بجد نبقى زيهم . شوفوا الهنود دلوقت اللى بنتريق عليهم بقوا ايه وبيعملوا ايه

كفايه انهم عندهم ديموقراطيه حقيقه . كفايه انهم بقوا بيصنعوا وبينتجوا .. خاصة فى المجال الالكترونى وصناعة البرمجيات

والى عايش فى الخليج وبيعاشرهم حيعرف قد ايه هما ناس جد فى العمل وفيهم نماذج كثيره تشرف

ومش الخليج وبس .. لا .. فى كل انحاء العالم

احنا اللى بقينا هنود .. من الاخر .. معلش كلامى ممكن يضايق الناس .. ومممكن اكون ضربت كرسى وفى كلوب الضحك ... لكن لازم بقى نفوق ونعرف احنا بقينا فينا .. والى بنتريق عليهم ونسخر منهم بقوا فين

تم تعديل 25 فبراير 2007 بواسطة التونسى

[inas]

استاذ التونسي انا لم اسخر من الشعب ولا حد جاب سيرة عقلهم

انا كل الي حصل اني ضحكة على فكرة دخول متوسيكل داخل الاستديو الصور فعلا مضحكه مع احترامي لرايك

بس دي كانت مجرد دعوه للابتسام ولا ليها دخل لا بهما فين واحنا فين ولا وصلوا ووصلنا لفين

كفايه الي احنا فيه لو لاحظت حضرتك المنتدى كله سياسه ومشاكل فمنجيش في دعوه للابتسام ونتكلم عن مدى الماساه الي وصلنا لها

على فكره انا ماخدتش بالي انه في باب الصور ومعدلتش مشاركتي بس فعلا لسه واخده بالي دلوقت من كده

مع الشكر

تم تعديل 25 فبراير 2007 بواسطة inas

[MZohairy]

حد جاب سيرة التريقه او السخريه؟ :lol:

ده مجرد عرض لفنون التصوير في الاستوديوهات :)

[التونسى]

أعتذر لو كنت ضايقتكم بمداخلتى .. انا لم اوجه كلامى بشكلة شخصى سواء للاخت الكريمه ايناس او الاخ الكريم mzohairy وكل الاحترام لكما .. يمكن اللى دفعنى لكتابة الكلام ده انى قبل ما اعاشر الهنود واتعرف عليهم عن قرب.. او حتى أقرأ عنهم وعن نهضتهم الحديثه كانت ليا فكره سيئه جدا عنهم ... وهى الفكره المتعارف عليها فى أوساطنا المصريه .. ان الهندى رمز للجهل والتخلف .. عشان كده كان يعتبر لما حد يقول لحد ((انت هندى )) كأنه بيشتمه .. انا حبيت بس من مداخلتى ألقى النظر على ان الهنود .. تقدموا وتطورا على جميع المستويات الحياتيه .. بل لقد تقدمت علينا معظم دول العالم الثالث وكذا الدول العربيه ... واحنا ما زلنا محلك سر .. او ((نتسلحف )) نسبة الى السلحفاة ... نقتات على ماضى الاجداد الملئ بالامجاد ..وحسيت انى من منطلق الواجب انى اقول فيهم كلمة حق .. لكن الظاهر انها جت فى المقام الخاطئ

أعتذر لكما ثانية على افساد جو المرح والفكاهه المقصود من الموضوع

تم تعديل 25 فبراير 2007 بواسطة التونسى

[inas]

لا داعي للاعتزار اخي الكريم

فانا اكن لحضرتك وافر الاحترام

وانا الي يجب عليا الاعتزار ان كنت احتديت في كلامي بس فعلا انا مسبقش ليا ان غلط او زعلت او تدخلت في زعل احد في المحاورات لان احنا هنا اخوات في بيت كبير يجمعنا ويضللنا المفروض الاحترام المتبادل

وشكرا

[MZohairy]

يا جماعه متغيروش الموضوع و قولولي رأيكم في الابداع التصويري

و خصوصا شبشب الراجل اللي في الصوره التانيه :)

[التونسى]

يا جماعه متغيروش الموضوع و قولولي رأيكم في الابداع التصويري

و خصوصا شبشب الراجل اللي في الصوره التانيه :)

على تواضعه .. الشبشب يعنى .. لكنه أكيد صناعه وطنيه هنديه .. لا هو صناعه صينيه او تايوانيه .. ولو شبشب صناعه مصريه انا افخر به وأعتز .. واحسن عندى من أحسن ماركة احذيه عالميه .. بستهلكها .. ومش بنتجها .. ولا عزاء لفانوس رمضان (( الصينى))

[رمضان]

الاخوة ؟؟؟؟؟؟؟؟؟؟؟؟؟؟

[عبده بيه]

الفن جميل واحنا جميعا مستمتعين بالتقائنا في منتدانا الرائع

تحياتي للاخت ايناس

[MZohairy]

على تواضعه .. الشبشب يعنى .. لكنه أكيد صناعه وطنيه هنديه .. لا هو صناعه صينيه او تايوانيه .. ولو شبشب صناعه مصريه انا افخر به وأعتز .. واحسن عندى من أحسن ماركة احذيه عالميه .. بستهلكها .. ومش بنتجها .. ولا عزاء لفانوس رمضان (( الصينى))

ياعم ارحمني يرحمك ربك

الموضوع مش سياسي ولا وطني تحفيزي ولا تنموي اقتصادي

و ياريت تقولي عرفت منين ان الشبشب صناعه هنديه؟ mfb:

لكل مقام مقال :lol:

تم تعديل 26 فبراير 2007 بواسطة mzohairy

[Diab]

الغريبة أنهم بيتصورا مع المسروقات ( التليفزيون والتليفون ) بس نسيوا DVD

:happy:

مسيو زوهيري

نسيت تحط دول

:lol: mfb: :ninja: :blink: :blink: :rolleyes:

تم تعديل 26 فبراير 2007 بواسطة Diab

[MZohairy]

والله العظيم انت فنان يا دياب :lol:

واخد بالك من الست اللي قاعده فوق الهلال؟

منتهى الطبيعيه mfb:

[نبض الابداع]

اضحك الله اسنانكو :lol:

ههههههههههههههههههههههههههههههه

ربنا يعين الهلال

يارب :)

[الرافعي]

والله العظيم انت فنان يا دياب :lol:

واخد بالك من الست اللي قاعده فوق الهلال؟

منتهى الطبيعيه :)

طبعاً يا محمد زي ما اتناقشنا النهارده على الأوديو كونفرنس .. وإحنا بنسمع نشرة الأخبار إياها <_<

بس الحقيقة أن لفت نظري جداً الراجل اللي ورا ده .. غير الرومانسية الشديدة ... والمشاعر المتدفقة ... الراجل ده طالع منين ؟ :blink:

[Scorpion]

عارف يا زهر ... مش عارف ليه اول صورة بتاعت الأتنين اللي عالموتوسيكل دي حاسس انها مش طبيعية .. او انها صورة متركبة .. علشان فيه حاجة مش ممكن تلاحظها لأول وهلة بالعين المجردة .. الا لو معاك عدسة مكبرة او كنت خبير خدع تصويرية هوليوودية ...

شوف .. لو دققت كويس .. حتلاقي مستوي النهر اللي في نص الصورة ورا الموتوسيكل اتغير مرة واحدة ... و ده مش ممكن يحصل الا لو كان شلال .. و لكن بما ان مافيش هدير الأمواج المصاحب لمصبات الشلالات الكلاسيكية .. و لو دققت أكتر حتلاحظ ان لون الميه نفسه اتغير من الأزرق السماوي للرمادي الفيراني فجأتن ... مما يجعلني اقول بكل ثقة ان الصورة متركبة و النهر الذي في الخلفية نهر فالصو ...

نفس الموضوع في الصورة التانية بتاعت الشبشب و التليفزيون .... برضه الخلفية انا شاكك فيها .. علشان بعيون الصقر الذي احمد ربنا انه وهبهالي .. قدرت الاحظ ما لم ينتبه اليه الآخرين المخدوعين ....

السقف بتاع البيت اللي وراهم مش مستقيم و متموج و كأنه مرسوم علي قماشة .. ده واحد ... اتنين... الشبابيك من غير لا شيش و لا ستاير ... تلاتة التخل من غير بلح .. و رابع نقطة و الأهم من ده كله .... التليفون من غير حرارة و اساسآ مش متوصل بأي فيشة ..

كونكلوجان : تاني صورة متركبة و غير طبيعة ؟؟؟؟

في الحلكة الكادمة سنتناول بالتحليل الصور التي ادرجها الزميل الفاضل دياب .. و سوف أثبت لكم بالدليل الكاطع انها ايضآ صور متفبركة ...

و الي هذا الحين احذركم أخواني من المحاولات المستمرة التي تهدف الي خداعنا و السيطرة علي مناجم اليورانيوم ببلادنا ....

[yacho]

والله العظيم انت فنان يا دياب :closedeyes:

واخد بالك من الست اللي قاعده فوق الهلال؟

منتهى الطبيعيه :closedeyes:

بس الحقيقة أن لفت نظري جداً الراجل اللي ورا ده .. غير الرومانسية الشديدة ... والمشاعر المتدفقة ... الراجل ده طالع منين ؟ :blink:

حبيت اجاوب على سؤال اخى العزيز الرافعى واوضح له ان التطور فى فن التصوير الهندى اصبح بلا حدود

وان الراجل ده حضرتك جزء من الديكور مهمته انه يكون طالع كده مايعملش اى حاجه تانيه .. المفاجأه

لما تعرف ان نص الراجل اللى انت مش شايفه بيستخدم كديكور برضه :blink: فى صوره تانيه وراه على طول :P .

[MZohairy]

فعلا

ليس لإبداع الإنسان حدود

:closedeyes:

الصور طبيعيه حيه غنيه معبره يا سكوب يا حقود :closedeyes:

طب انت عندك شبشب زي بتاع الراجل اللي متآلط ده؟ :blink:

[MZohairy]

بس الحقيقة أن لفت نظري جداً الراجل اللي ورا ده .. غير الرومانسية الشديدة ... والمشاعر المتدفقة ... الراجل ده طالع منين ؟ :blink:

يا رافعي ياولدي

ده مش راااجل

عفوا دي مش شتيمه :closedeyes:

ده ديكور :closedeyes: