نداء لكل المغتربين في كل مكان وخصوصا من هم بالامارات (دبي)

[Dr.Know]

حدث لي حادث سرقه من داخل السكن وهو سكن عمال للشركة

ابلغت الشرطة بعد الحادث بيوم لان المقيمين علي السكن منعوني من البلاغ في نفس الوقت

حتي يتم الرجوع الي صاحب العمل وهو من بيده الحل

وعندما رجعت له قال لي انا لا استطيع عمل شئ

ابلغت الشرطة وللاسف لم تستطع ان تفعل شئ لان البلاغ تاخر يوم كامل

الان انا فقت مبلغ من المال وبطاقة العمل والبطاقة الصحية وبعد الاوراق الخاصة

بعد البلاغ قال لي صاحب العمل تنازل وانا سوف استخرج لك بطاقه اخري بدل فاقد مع العلم انه لايعملها لاي أحد

ولولا انه يخاف من الشرطة كأي هندي قال لي ذلك

ولكني لم اتنازل عن البلاغ حتي اتأكد من انه سوف يعمل لي بطاقه

لانها تكلف مبلغ من المال في البدايه قالوا لي انه 600 درهم

وبالفعل بدء الاجرائات واعطاني وصل انه سدد مبلغ لبدء إجراءات البطاقه

ولكن بعد فتره اتصلت بي الشرطه وقالت لي لم نعثر علي اي دليل انهار سرقت

وانت لم تتصل في نفس اليوم

فقلت لهم وماذا افعل الان قال لي امامك طريقات ان تتنازل او ان تستمر وهذا سوف يكلفك مبلغ من المال مصاريف انتقال شبه يوميه الي المحكمه لمتابعه القضيه وما الي ذلك

وفي النهايه لم تحصل علي شئ

وطالما انت وصلت لاتفاق مع صاحب الشركة انه يعملك بطاقه اخري ده احسن نتيجة ممكن توصل اليها

وطبعا بعد ما اتنازلت عن القضية

البيه المدير قال لي ان تكاليف استخراج البطاقة الان اصبحت 1200 درهم وانا لا استطيع تحمل هذه التكاليف فأصبر عندما يحين تجديد البطاقه لك ويتم التجديد وخلاص

مع العلم ان هذا بعد سنتين من الان

وللاسف كل هذا بمساعده مصري او ما يسمي بالمندوب

فماذا افعل

وبماذا تنصحوني بعد ما اتنازلت عن المحضر ورجوع صاحب الشركة في كلامه

هل استطيع الحياه هنا لمده سنتين ومن المحتمل ان انزل مصر في نصف هذه المده بدون اي اوراق رسميه إلا الصور فقط

افيدوني

!!!

[الحاج فوزى]

عزيزى د.نو

انا لا اعرف النظام بدبى ، لكن دعنى استوضح منك شىء .. ما المقصود ببطاقة العمل ؟

وهل انت مقيم فى دبى بإقامة ؟ اى هناك اقامة على جواز السفر الخاص بك ؟

وما الاوراق الرسمية الاخرى التى تقصدها ؟

وهل الهندى ، هو صاحب العمل ؟ ام مدير فقط ؟

حسين

[Dr.Know]

عزيزى د.نو

انا لا اعرف النظام بدبى ، لكن دعنى استوضح منك شىء .. ما المقصود ببطاقة العمل ؟

وهل انت مقيم فى دبى بإقامة ؟ اى هناك اقامة على جواز السفر الخاص بك ؟

وما الاوراق الرسمية الاخرى التى تقصدها ؟

وهل الهندى ، هو صاحب العمل ؟ ام مدير فقط ؟

حسين

اولا اشكرك علي سرعه الرد

بطاقة العمل هي بطاقه تعطي لكل عامل بالدوله وهي كتصريح للعمل داخل الدوله وتحل محل الباطاقة الشخصية

انا مقيم في دبي بإقامة رسمية وتوجد إقامة في جواز سفري ولكن الجواز بالشركة كما هو معروف

الاوراق الاخري اوراق عاديه اوراق مصرية دي مش مشكلة

صاحب العمل هو هندي هنا القانون ينص علي ان يكون صاحب العمل او الشريك علي الاقل من المواطنيين ولكن عمليا يكون بالاسم فقط ولا يعرف عن الشركة اي شئ

فصاحب العمل هو هندي

[زعلان]

الباطقة التي تتحدث عنها غير ذات اهمية بامكانك استخدام جواز سفرك في جميع معاملاتك داخل الدولة (رسمية-فتح حساب بنكي -ما شابه)

أما في باقي المعاملات يكفيك اي اثبات شخصية كرخصة القيادة

وفي حال سفرك لا ينظر احد او يسأل عن بطاقة العمل ......... على حد علمي

أنا شخصيا لا احمل بطاقة عمل ولكني احمل بطاقة صادرة من الشركة ولا استخدمها غالبا الا داخل الشركة

بالنسبة لجواز السفر يحظر قانونا ان يحمله غير صاحبه سواء وفقا لقانون الامارات او لقانون الجهة التي أصدرت الجواز

[Dr.Know]

بالنسبة لجواز السفر يحظر قانونا ان يحمله غير صاحبه سواء وفقا لقانون الامارات او لقانون الجهة التي أصدرت الجواز

المعروف لدي ان الجواز لا بد ان يكون في جهه العمل حتي يكون ضمان لصاحب العمل حتي لا اترك العمل واسافر في اي وقت اريد

هل هذه المعلومه صحيح ام لا

[desert_eagle70]

أولا يعنى انا مش عارف القانون أولا بس اللى أعرفه ان دخولك وخروجك البلد مرتبط بجواز السفر وليس له علاقة ببطاقة العمل ولا حد هيسألك عليها غير تفتيش بتوع العمل وانت فى محل العمل بس لازم تسبت حتى انها ضاعت أو أتسرقت بمحضر رسمى

[Dr.Know]

انا بالفعل اسبت ده بمحضر رسمي في الشرطة

بس هي فكره فائدة بطاقع العمل انها كالبطاقه الشخصية

حيث ان الجواز بالشركة فهي تعمل كإسبات هوية داخل الدوله والمعاملات الرسمية بها

واذا حدث واوقفتني الشرطة في الشارع ففي هذه الحال فهي مفيده وإلا سوف تستوقفني حتي تحصل علي الجواز من الشركة

بس النقطة دي مفيهاش خوف وخصوصا في دبي

انا الان اسير بصور الاوراق البطاقه الاقامه والجواز

فهل هذا يكفي

[desert_eagle70]

انت كدة تمام وعملت اللى عليك وبالنسبة لدبى متقلقش الناس هناك متفهمين وبمجرد تليفون هيعرفوا إذا كنت أثبت دة بالفعل فى محضر ولا لاء .. وكمان صاحب العمل المفروض يمشى فى إجراءات بدل فائد بطاقة العمل عشان لو حصل اى تفتيش غرامة عليه ويتقفل كارت الزيارات والإقامات بتاع الشركة لإنه مخالف

[الحاج فوزى]

طيب ، انت تقدر تتفاهم مع مديرك الهندى ، وعلى الاقل يعطيك الباسبور ، علشان تتنقل فى امان ده نقطة

بالمناسبة ، شركات كتير بتعمل كده علشان تضمن الموظف ، مش اسلوب رسمى اه ، لكن اسلوب واقعى

موضوع تكلفة بدل الفائد للبطاقة ده عالية قوى ، انت سألت بنفسك ؟؟

معتقدش الموضوع محتاج مندوب ، ممكن تروح بنفسك للهجرة او الجوازات وتسأل

حسين

[autoscriptor]

حسب قانون دولة الإمارات يحظر على أصحاب العمل حجز جوازات سفر العاملين لديهم. ولكن هذا القانون لا يطبق دائمًا. فإما أن توافق على مصادرة جواز سفرك وإما فلن تلتحق بالعمل لديهم. وحتى إذا أصريت على عدم تسليم جواز سفرك بعد العمل فمن الممكن أن يقوموا بإنهاء عقدك بعد مضي فترة الاختبار القانونية وهي 3 أشهر.

لا أفهم ما هو أهمية تبليغك للواقعة في نفس اليوم، ولماذا لم تقل أنك اكتشفت السرقة في اليوم التالي؟ وماذا لو كانت هناك ظروف تمنعك من التبليغ في نفس اليوم وهي أن تكون في مهمة عمل وعدت بعد السرقة بأيام؟ من سردك للأحداث فهمت أنك بالفعل تقدمت ببلاغ السرقة. هل لديك صورة منه؟ يمكنك الاستمرار ولا تتنازل عن البلاغ فيضيع حقك وتضطر لأن تدفع رسوم استخراج بطاقة عمل جديدة، ومن يسألك من رجال الشرطة عن بطاقة العمل يمكنك أن تطلعه على محضر الشرطة ورقم القضية. لست مضطرًا لأن تتابع القضية وتحضر الجلسات فهي كما قالوا لك ليست مفيدة ولن تحصل على شيء.

[Dr.Know]

المشكله انا كنت وصلت مع المدير من خوفه من الغرامه ومن الشرطة لانه موظف عمال كتير من غير إقامات

انه هو هيتكفل بإستخراج بدل فاقد علي ان اتنازل عن المحضر

ولكن للاسف ظهور هذا المندوب وهو اساسا لا لايعمل بالشركة اعتقد انه موظف حكومه وللاسف في الهجره والاقامه

اعتقد انه كل موظف هناك مسؤل عن مجموعه شركات لانهاء الاوراق الرسميه لها من فيز عمل وانهاء العمل للموظفين داخل الاداره

هو هذا الرجل من اوقف العمليه اتفق مع صاحب العمل علي انه يجعلني اتنازل وبعد ذلك يقول لي ان التكاليف عاليه ومش مهم تستخرجها

دلوقتي بعد ما اتنزلت وانا اتنازلت بناء علي نصيحة ضابط شرطة وليس هذا المندوب

بس دلوقتي اتنازلت والراجل رجع في كلامة وبقي الحال كما هو عليه

صحيح العمليه مش مقلقه بالنسبالي فمعاملتي مع الشرطة في الفتره الاخيره فإعتقد انهم اناس متفاهمين لاقصي درجة

بس الفكره ان هذا المندوب بعلاقاته مع هذا صاحب العمل عندما يرد تعين احد يأتيه بأشخاص من مصر مقابل مبلغ مالي من الشباب الذين

يحلمون بالسفر وانا واحد منهم فهذا الشخص واخد مني من مصر 8000 درهم حتي احصل علي هذه الفرصة وغير كثيرون هنا

فطبعا هو يسير بجانب الراجل صاحب العمل اكثر مننا نحن المصريين لانه مستفاد منه استفاده ماديه

[Dr.Know]

حسب قانون دولة الإمارات يحظر على أصحاب العمل حجز جوازات سفر العاملين لديهم. ولكن هذا القانون لا يطبق دائمًا. فإما أن توافق على مصادرة جواز سفرك وإما فلن تلتحق بالعمل لديهم. وحتى إذا أصريت على عدم تسليم جواز سفرك بعد العمل فمن الممكن أن يقوموا بإنهاء عقدك بعد مضي فترة الاختبار القانونية وهي 3 أشهر.

هل لديك صورة منه؟ يمكنك الاستمرار ولا تتنازل عن البلاغ فيضيع حقك وتضطر لأن تدفع رسوم استخراج بطاقة عمل جديدة، ومن يسألك من رجال الشرطة عن بطاقة العمل يمكنك أن تطلعه على محضر الشرطة ورقم القضية. لست مضطرًا لأن تتابع القضية وتحضر الجلسات فهي كما قالوا لك ليست مفيدة ولن تحصل على شيء.

بالفعل جواز سفري بالشركة ولا استطيع ان احصل عليه إلا قبل ميعاد سفري بيوم

وانا لم ابلغ لان المسؤلين بالشركة وهم معي بالسكن منعوني من الاتصال حتي ارجع الي المدير وهذا ما استفز الضابط وهددهم واتهمهم هم بالسرقه وهذا ما جعل المدير يخاف وقال انه سوف يعمل لي بدل فاقد ولكن بتدخل المصري الاخر ضاع كل حاجة

اما عن صوره المحضر انا لبته من الضاب فقال مفيش صوره ليه ملهوش لزمه تاخد صوره وبصراحه انا مهتمتش لاني حسين ان حقي هيضيع وانا مش عارف اعمل حاجة يمكن لو كنت في مصر كنت عملت حجات تانيه

والصدمه ان واحد مصري هو اللي وقف ضددي مع الهندي بعد مخليت الهندي هيديني كل حاجة وزياده المبلغ المالي الضائع كمان

بس للاسف هو ده المصري في الغربه مش كلك طبعا بس ده اللي حصل معايه

[الحاج فوزى]

عزيزى الفاضل نو

صدقنى مصرى او سورى او هندى .. لا تفرق الجنسية طالما النفس ضعيفة

طبعا النماذج المصرية السيئة موجوده واكيد بتشعرك بسوء و حزن

لك فى الاخر ، خليك مع الله

للاسف الشباب والناس عموماً فى مصر فاهمين ان الخليج ده مغارة على بابا

جائز كان كده زمان ، لكن دلوقتى .. الوضع مختلف تماما ، المهم ده مش موضوعنا

حاول مرة كمان مع الراجل الهندى ده ، بهدوء وان ماكنش هيعملك بطاقة ( وبرضو اتأكد بنفسك من تكلفة البطاقة بدل فائد لانى اشك فى التكلفة )

فعلى الاقل يعطيك الجواز حتى تتحرك بحرية

والله المستعان يوفقك ويعينك ويقضى حاجتك

حسين

[Dr.Know]

أشكرك إستاذ / حسين إهتمامك بالموضوع

وانا مش ساكت مع الرجل انا بحاول معاه بكل الطرق

بس انت عارف رجال الاعمال من ناحيه انه يصرف فلوس ملهاش لازمه

بس انا وراه

انا في موقفي القانوني دلوقتي هل انا بذالك مخالف عشان معيش باقه او اوراق رسمية

إلا مجرد صور اوراق ومن الصعب الحصول علي الجواز

هل هذا فيه ضرر علي ام علي صاحب العمل

[الحاج فوزى]

اكيد لازم تمشى باى ورق رسمى اصلى مش صور

حاول تتطلع رخصة قيادة على الاقل

حسين

[Tafshan]

بص يا سيدى :)

انا سألت ده الوقت و عرفت ان بطاقة العمل حسب فئة الشركه : A, B, C و اغلب الناس الفئه B و تكلفتها 1500 درهم تقريباً ... بكره ح اجيب لك الرقم بالضبط ..

على العموم انت مش معاك بطاقة صحيه ؟؟ دى تستخدم زي بطاقة العمل في حالة لو حصل مشكله .. عموماً انا بقالى 5 سنين في البلد و عمرى ما استخدمت البطاقه دى في حاجه ..

ما تقلقش .. و عموماً فئة ال PRO دى اسوء فئه في البلد من جميع الجنسيات ..

لو عايز تطلع بطاقه الحل انك تكلم مديرك و تقنعه تنه يعملها و تدفع انت التكاليف بالرغم من ان الموضوع مش بالاهميه دى ..

ربنا يوفقك و يجازى اللى عمل فيك كده .. الله يحرقه !!

[Dr.Know]

بص يا سيدى :)

انا سألت ده الوقت و عرفت ان بطاقة العمل حسب فئة الشركه : A, B, C و اغلب الناس الفئه B و تكلفتها 1500 درهم تقريباً ... بكره ح اجيب لك الرقم بالضبط ..

على العموم انت مش معاك بطاقة صحيه ؟؟ دى تستخدم زي بطاقة العمل في حالة لو حصل مشكله .. عموماً انا بقالى 5 سنين في البلد و عمرى ما استخدمت البطاقه دى في حاجه ..

ما تقلقش .. و عموماً فئة ال PRO دى اسوء فئه في البلد من جميع الجنسيات ..

لو عايز تطلع بطاقه الحل انك تكلم مديرك و تقنعه تنه يعملها و تدفع انت التكاليف بالرغم من ان الموضوع مش بالاهميه دى ..

ربنا يوفقك و يجازى اللى عمل فيك كده .. الله يحرقه !!

بصراحة معنديش فكره عن فئة الشركة هي B ولا لا بس ياريت تسألي

بس فيه فرق في التكلفة بين لو ضاعت او سرقت من سكن العمل

المشكله ان بطاقة الصحية كمان اتخدت مع اللي اتاخد

يعني انا ماشي من غير حاجة خالص الصور بس

بس الضابط في شرطة دبي قالي متقلقش من حاجة ومش عادي دي مشكله للشركة مش لك انت

هل الكلام ده صحيح

فعلا PRO دول جماعه متعرفش ربنا بتاعه فلوس وخلاص

بالفعل انا كنت وصلت لاتفاق مع المدير علي انه يعملي بدل فاقد علي حساب الشركة بس

PRO بقي الله اقول ايه لعب في دماغه وقله هتكلف يامه وهقنعه انه ميعملهاش

بس سهل الاختيار التاني ان ادفع تكاليفها

فانا فوضت امري لله وخلاص

ودلوقتي ايه الموقف القانوني هل بعد الانتهاء من العمل سوف تطلب مني هذه البطاقه عند مغادره البلاد

تم تعديل 25 فبراير 2007 بواسطة Dr.Know

[Tafshan]

بالنسبه للبطاقه الصحيه : ممكن تطلع بدل فاقد من المستشفى ب 50 درهم بس.. كل اللى مطلوب منك هو انك تعرف هى كانت طالعه منين ... على الاغلب لو كانت تابعه لحكومة دبي DOH تبقى تروح على مستشفى المكتوم (في ديره عند دوارالسمكه امام الغرير مول ) و تدفع الفلوس و ح تطلع و انت واقف .. هم بيبقى عندهم بياناتك كلها بالصوره كمان .. اما لو كانت بطاقه اتحاديه (لكل الامارات) يبقى عليك و على مستشفى الباراحه (جنب مستشفى دبي على الشارع اللى بيودى على نفق الشندغه ) و هناك ح تعمل نفس الموضوع و برضو 50 درهم ..

بالنسبه لموضوع بطاقة العمل :

اولاً قانوناً ممنوع ان الشركه تحتفظ بالجواز اساساً .. يعنى ممكن تروح ع الشرطه و تعمل لهم محضر و تأخذه .. بس الشركات بتحتفظ بالجواز او البطاقه لان في حالة هروب الموظف لا يمكن للشركه العاء كفالته و لو بالطبل البلدى قبل سنه من تقديم بلاغ هروب .. و بالتالى كاجراء احترازى (حلوه احترازى دى mfb: ) بيفضلوا انهم يحتفظوا بالجواز ...

ثانياً : بطاقة العمل لا تطلب منك في اي حال الا لو كان في تفتيش على الشركه عشان يشوفوا ان كانوا بيشغلوا عماله م غيرتصريح ... و طبعاً الصوره بتكفى .. لان وزارة العمل عندها database فيها كل البيانات و مش محتاجه تشوف مستندات .. كل اللى ح يعملوه انهم بيكتبوا رقم البطاقه و يشوفوا ان كانت الصوره صحيحه و لا لأ ... اما بالنسبه للمطار فانسى .. انت ممكن تطلع ال eGate و تخرج من غير جواز كمان :ninja: ... لو عايز تطلعها روح DNATA و هم ح يطلعوها لك بالصور برضو مش مهم الاصل .. يا عزيزي البلد هنا فيها حكومه اليكترونيه بجد يعنى كل بياناتك موجوده على قاعدة البيانات بتاعة الدوله و مش محتاج لبطاقه و لا لغيره عشان يحددوا هويتك ..

ما تقلقش .. و ممكن تطلع بطاقه صحيه او eGate و خلاص لو مش عايز تصرف و صدقنى ما فيش مشاكل ..

لسه ما عرفتش البطاقه بتكلف قد ايه .. لما اعرف ح اقولك ..

تحياتى :lol:

[Dr.Know]

Tafshan

بصراحة انا مش عارف اقولك ايه بصراحة انت طمنتني علي الاخر

صحيح انا عارف ان البلد هنا إلكترونيه علي الاخر بس انا كنت عاوز اتأكد من الموقف القانوني لي لو حد سألني عن البطاقه او إسبات الهويه

انت عارف انا لسه متأثر بمصر ويعني ايه معكش بطاقه في مصر

للمره الثانيه انا بشكرك جدا

وبشكر كل من إهتم بالموضوع وقام بالرد عليه

[مصر هذا العصر]

السلام عليكم

انا قريت مشكلتك يا اخى

انا مقيم فى دبي

بالنسبه للسفر لمصر

لازم جواز السفر الاصلى ولا يعنى عنه الا هو

يعنى بطاقه العمل ما ليهاش اى دور

اما

لو كان ضاع لا قدر الله فلازم تروح بالبلاغ بتاع الشرطه للسفاره المصريه فى بر دبي وتستخرج واحد مكانه

وبالنسبه للمعاملات فى الدوائر الحكوميه فى دبي او الامارات عموما اكيد جواز السفر الاصلى يغنى بردو عن بطاقه العمل

بس السوال؟

هل كفيلك هيخلى معاك الجواز الاصلى ؟؟ ولا لا؟ ده مربط الفرس

اللى انا اعرفه ان الجواز بيكون دايما عوضا عن البطاقه العمل

بمعنى

انا معايا بطاقة عمل

ورحت مثلا مصلحه حكوميه وطلبو منى الجواز الاصلى :

فالجارء الصحيح انى بروح اقدم طلب لمندوب العلاقات العامه بطلب الجواز الاصلى موقع من المدير العام

واخد منه الجواز الاصلى واسيب عنده بطاقه العمل الاصليه

وبعد كده ابقى ارجع الجواز واسترد البطاقه

على العموم لو وصلت لاتفاق ان انت تخلى معاك الجواز الاصلى كده انت الرابح اكيد

وكمان ماسك كفيلك من رقبته

سيبك انت يلعن ابو الكفلا (نظام مستحدث من العبودية)

يعيش المصريين

يعيش

يعيش

يعيش