يوم الوصول

[هشام الجنيدى]

يوم الوصول

تمر السنين وصمتك يطول

وشمسك يقولو هتوشك تزول

لكنى ما صدقش كلمة سفيه

ولا حد جاهل وعقله فى تيه

واكدب بعينى كلام الرسول

وهو اللى وصى عليكى الصحابه

وقال ان اهلك فى بنهم قرابه

وقال فى رباط ليوم القيامه

وهوه بلا شك اصدقنا قول

يعنى انتى باقيه

وباقيه وباقيه

ومهما تدقدق على الراس طبول

هنفضل نعافر فى بحر الحياه

وموجه يحاول يهد القلوع

يحاول يشوف من عنينا الدموع

لكن الف لا

تشيلك ضهورنا كطوق النجاه

ونسبح ونسبح فى كل اتجاه

ندعى نصلى نحارب نصول

وتيجى الفصول وتمضى الفصول

يعيش من يعيش

يموت من يموت

يشوف من يشوف شمس يوم الوصول

[Salwa]

الف اهلا ومرحبا ياهشام ...

تفتكر ياهشام حايسعدنا الزمن وحانشوف اليوم ده قريب ؟؟

كلامك جميل دايما ياهشام ....كلام بيدخل القلب بدون استئذان ...كلام بيحس بيه العطشان لما يرتوى وغصب عنه يتهياله ان الميه بتتغلغل حوه ضلوعه ...شفت ميه بتدخل جوة الضلوع ؟؟ شفت ميه بتمشى فى الجسم كله وتحييه ؟؟ آهو كلامك كدة ....كل كلامك لما تتكلم عليها ...هى نقطة ضعفنا ...وهى اساس كل القوة فينا ...هى روحنا ياهشام ....مهما حصل ...هى احنا واحنا هى ...

اتكلم ياهشام ...

اتكلم ...

كفاية حتى نسمع حروفك تفوقنا ...وتنعشنا وتحيينا ...

[bassem_2009]

كلنا في انتظار ذاك اليوم

باسم زكريا

[عبده بيه]

جميلة ورائعة الله يبارك فيك

تحياتي

[Ahmad Farahat]

أستاذ هشام...........

سمعت بأذني الأستاذ سيد حجاب يقول: ليس من الذكاء إصابة عصفور بصاروخ.

وأكثر ما يعاب على شعراء العامية أنهم يصيبون العصافير الطائرة بالصواريخ.............

أشكرك سيدي لأنك لم تفعل مثلهم أصبت العصفور نعم ولكن بحجر صغير وبسيط أيضا نفذ إلى القلب بلا إبهار مزيف.................

دام إبداعك

[عازفه على أوتار الذهب]

الفاضل هشام جنيدي.......

قرأت كثيرآ عن جمال اعمالك وكلماتك.......

لكني لم اتوقع هذه السلاسه والعذوبه التي تصحب كلماتك......

فكلماتك تدخل القلب بدون استئذان كما قالت الفاضله مدام سلوى......

تحياتي استاذ هشام وفي انتظار المزيد..........

تم تعديل 26 فبراير 2007 بواسطة عازفه على أوتار الذهب

[shahd]

هشااااااااااااااااام يا شاعرنا الرائع حقيقة لك اسلوب سلس مبهر .. دائما يزداد اعجابي بما تخط مشاعرك الراقيه..

سلمت اناملك ودام تألقك

انتظر جديدك بكل شوق

[Tafshan]

عشان الوصول ...

باعلنها باقول ..

نخلص ترابها من ايد المغول ..

و ارجع و اقول ..

ما ترجع بلدنا بدق الطبول

و هز الحزام على وسط الحريم

و شد اللجام على بق الكريم

و اكل الحرام في بق اللئيم

و ارجع و اقول ..

عشان الوصول ..

نحيي العقول ..

ننفض عيونا من طول الخمول

نبطل كلام ..

نشيل اللئام

و يومها ح تطلع شمس الوصول

العزيز هشام :closedeyes:

دائماً كتاباتك بتستفذنى .. سامح مدخلتى :huh:

[bentmasria]

وحشتنا

نورتنا

كتبتنا

ورسمتنا

وقت الوصول

فى دمنا

وحلمنا

عارف ياهشام انا من زمان مابدخلش بس لما لقيت مشاركتك حبيت اقولك

بجد رااااااااااااااااااااااااااااائع يا ابن بلدى الاصيل

ماتغيبش كتير اوى كده تانى وما تلعبش دور المتفرج كتير اكتب حروفك وادخل قلب الكون من جوه قلوبنا

ربنا يوفقك ويسعدك يارب واشوف فرقع لوز ابنى ماشاء الله زيك

نورت قلوبنا بكلامك يا دكتور

[فولان بن علان]

الله عليك يا هيشو

سهل ممتنع

بسيط بساطة مرعبة

جميل جمال ولا في الخيال

رائع يا ابن بلدي

يا دفعة

يا طبيب السنان

[هشام الجنيدى]

السلام على من اتبع الهدى ورحمة الله وبركاته

مدام سلوى ......

الف الف الف شكرا يا فندم .... واعتقد ان اليوم ده لا زم يجى بس احنا هنكون موجودين ولا لا ...!!! فاتمنى ان نكون موجودين عشان نفرح

باسم ......

الف شكر على مرورك الكريم .... وربنا يسهل ويجى بقى

عبده بيه .....

تحياتك وصلت ويارب اكون دائما جدير بالتحيات دى وشكرا على مرورك الكريم

استاذ ارسين .....

اشد ما بهرنى فى بدايه كتابتى للشعر العامى هو الشعر البسيط اللى بيوصل الفكره بسلاسه فأمنت بهذا المبدا و حاولت الا اعقد الامور وربنا يسهل ........

عازفه على اوتار من الذهب الخالص .......

شكرا على كلماتك التى اضاءت صفحتى واتمنى ان تكونى دائما من المتابعين لاعمالى ومتزهقيش

العزيزه جدا شهد ......

دائما وابدا عندما اكتب هنا انتظر اطلالتك النديه واعرف ايضا عندما تكتبين اكثر من سطر فى الرد ان الموضوع اعجبك جدا فيا رب دايما ......وسلمت اناملك

طفشاااااااااااااااان..............

وحشنى ردك واعتز بان كلماتى تستفزك ويا رب دايما تفضل تستفزك عشان تفضل تسعدنى بتواجدك هنا على صفحتى المتواضعه

بنت مصريه .... اميره المنتدى والحارس الامين ......

والله انتو اللى موحشتونى اكتر بس كانت الفتره اللى فاتت

عارف ياهشام انا من زمان مابدخلش بس لما لقيت مشاركتك حبيت اقولك

بجد رااااااااااااااااااااااااااااائع يا ابن بلدى الاصيل

انها لشهاده افتخر بها ... اولا ان حضرتك لما لقيتى مشاركتى رديتى عليها وثانيا وصفك بابن بلدى الاصيل .... شكرا شكرا شكرا ...

ويا رب تشوفى مادا احسن مما تتمنى وزياده

فولان ..... بلدياتى الرائع

اشكرك على المجامله واتمنى ان اكون دائما عند حسن ظنك وظن الجميع