ماذا تمثل لك البدلة؟

[Sherief AbdelWahab]

فكرة "لاسعة" طرأت على ذهني مؤخراً ورأيت أن تشاركوني فيها ..

إيه أول شيء تحس بيه لما شخص لابس بدلة يجيلك الشغل أو يكون عميل في مكتبك أو البنك اللي بتشتغل فيه أو زبون في العيادة أو الصيدلية أو...أو...

قصدي على البدلة المدنية مش العسكرية بنوعيها (جيش وشرطة) "يجعل كلامنا خفيف عليهم" :lol:

خلص الكلام

[سلسبيل]

اعتقد ان اول انطباع ليه هيكون انه شخص متحفظ مهندم انيق

يحب لفت الانظار نوعا ما لان مش كل الناس بتلبس بدل

[وائل كيوان]

فكرة "لاسعة" طرأت على ذهني مؤخراً ورأيت أن تشاركوني فيها ..

إيه أول شيء تحس بيه لما شخص لابس بدلة يجيلك الشغل أو يكون عميل في مكتبك أو البنك اللي بتشتغل فيه أو زبون في العيادة أو الصيدلية أو...أو...

قصدي على البدلة المدنية مش العسكرية بنوعيها (جيش وشرطة) "يجعل كلامنا خفيف عليهم" :rolleyes:

خلص الكلام

البدلة على فكرة هى زى رسمى لمهن معينة بالمجتمع وبتكون مهن مرموقة دائما والمهن المرموقه مش معناه وكيل نيابة فقط فهى اما انا يكون دكتور او مهندس او محامى او موظف بالدولة الى اخره فعندما تستقبلين الشخص فى اى مكان يعطيك الشعور بالوقار واحترام الشخص وليس تقليل مما لا يلبسون البدل فهم ايضا لهم احترامهم بس شغلهم او خروجهم لا يستدعيهم للبس تلك البدل وعلى اذا احترام هذا الشخص وتقديرة وبتدل فى احيان اخرى للاناقة لانها فعلا ملفته للانتباة فى جو ليس فيها الزى الرسمى البدل كحفلة مثلا فالبدله لها اوقاتها المعتاده من الرجال الذين يرتدونها .

[nora]

انا باه بحب البدل الرجالي جدا والكرفتات والقمصان وبحب الازياء بتاعته يعني دايما لما احب اجيب لزوجي هديه لا تخرج ابدا عن قميص او كرافت شيك علشان طبيعة عملو و ملزم انو يلبس في الشغل بدل وكرفتات في كثير من الاوقات خاصة في الاجتماعات فبحس ان دي احلى هديه ممكن اقدمها ليه علشان يظهر بمظهر جميل ومتجدد دائما اما عن الالوان فدايما بتكون المزهزه اللبني والاورنج والوردي والرمادي لاني بحب الالوان الفاتحه جدا وبحس انها بتنطق الشخص وبتديه رونق وجمال اما عن البدل الميري الشرطه والجيش اه برضو بتشدني وبتلفتني شياكتها وجمالها وحب جدا الخلط ما بين الكلاسيك والكاجول يعني ممكن جاكيت كلاسيك على بنطلون جينز بس ده راي بالنسبه للرجالي وبرضو بحب البدل الحريمي والجواكت الحريمي لكن مش اي جواكت لو لقيت صور توضح هضيفها بأذن الله

[رمضان]

على فكرة يا جماعة فيه ناس كتير بتلبس البدل مضطرة والله يعني فيه حد بيحب خنقة الكرافت طول اليوم مثلا

والانسان انا بحكم عليه لم يتكلم مش من لبسه

[أبو زياد]

على فكرة يا جماعة فيه ناس كتير بتلبس البدل مضطرة والله يعني فيه حد بيحب خنقة الكرافت طول اليوم مثلا

بالتأكيد لابد أو معظم من يلتزم بارتداء البدلة هو مجبر أو واجبات و ظيفته أو طبيعتها أو حتى نابع من ذاته ضرورة إعطاء انطباع معين لمن يقابله ..

سؤالى الذى أظن أنه سيحيرنى طوال حياتى هو لماذا تعطى البدلة هذا الإنطباع الذى لا يعطيه أى رداء آخر ؟

بالطبع أخى الفاضل شريف عندما أقابل أحدا يرتدى البدلة فهو يعطينى إنطباع معين و لكن لابد أن تكون هذه البدلة من نوع معين و جودة معينة كما لابد من مراعاة التناسق فى ألوانها مع القميص و الكرافت ..

يعنى مش بدلة و خلاص لأنها أحيانا تؤدى عكس المطلوب منها يعنى مثلا لو ضيقة أو واسعة أو حتى غير متناسقة فى اللون أو الشكل ..

[Diab]

على فكرة يا جماعة فيه ناس كتير بتلبس البدل مضطرة والله يعني فيه حد بيحب خنقة الكرافت طول اليوم مثلا

والانسان انا بحكم عليه لم يتكلم مش من لبسه

أنا الراجل ده

أنا طول عمري بلبس جينز وتيشرت وكوتشي وخلاص

من ساعة ماجيت هنا بربط البتاعة دي اللي اسمها كرافيتة كرافيتة بالصعيدي

دي أفكار مستوردة

صلاح منصور في فيلم " حكاية بنت إسمها مرمر "

تم تعديل 3 مارس 2007 بواسطة Diab