الحق فضيحه كرويه

[mohamed_mido87]

بسم الله الرحمن الرحيم

ده رابط لفضيحه كرويه بطلها شخص يلقب بالعميد وهوه الحاج حسام حسن وياريت كل الناس تشوف ضربه الجزاء الوهميه الى احتسبها الحكم فى مباره الاهلى والترسانه انا مش ححكم او اعلق عليها انتوا شوفها بنفسكم وقرووا مدى صحتها علشان يعرفوا ان الظلم فى ملاعبنا والمهازل الكرويه مازالت موجوده

الرابط:

http:///files/651371

وارجو الحكم والرد مع تحياتى وشكرااااااااااااااااااااااااااااااا.

[Dr.Know]

اخي دخ اقل ما يقول عن اخطاء الحكام لو انت في مكان الحكم ومن زاويتة هتشوف انها ضربة جزاء بس وبتشفها مره واحده انما لما تشفها من الشاشة انت بتشفها من اكثر من زاوية وبعدين بتتعاد وبتتأكد منها

هي مش فضيحة بالمعني المعروف

بس الغريب ان حسام قام واكنه واخد رجل بجد هي دي الشطار بس المهم دخل جون ولا لا

دي بقي الفضيحة لو مدخلش

اصل مسمتعتش الماتش

[se_ Elsyed]

يا محمد ميدو

الله يكرمك بلاش العناوين اللي بتفكرني بالصُحف أياها دي وتقرأ العنوان تحس إن في مصيبة ..

أنا قمت بتعديل العنوان ليُعبر عن الموضوع

اللي انا شايفه خطأ عادي جداً بيحصل وهايحصل لإن هي كده كرة القدم

الصفارة بتخرج من الحكم في نانو ثانية وده اللي بيدي كرة القدم طعمها وحلاوتها

على فكرة السنة اللي فاتت أبو تريكه إتحسب له ضربة جزاء في مباراة حرس الحدود تهلك من الضحك فبالرغم من إنها كانت بره منطقة الجزاء بفدان إلا إن الحكم أعتقد محمد فاروق إحتسبها بالداخل وكسب الأهلي المباراة

ولكن مع ذلك أنا ضد إتهام الحُكام إنهم متواطئين مع نادي مُعين أو بيقبضوا أو ما إلى ذلك لإن دي سُمعة ناس وأعراض برضوا

[kokowawa1979]

تصدقوا إن بسبب ضربات جزاء الأهلي قشر الموز بقى له سعر !!!

ياعم محمد هي ضربة جزاء حسام حسن اللي فضيحة ؟؟؟

وضربة جزاء أبوتريكة في الحرس زي ماقال حبيبنا الحاج سي السيد مش فضيحة ؟؟

وضربة جزاء أبو تريكة في مباراة الاتحاد اللي كانت خارج منطقة الجزاء مش فضيحة ؟؟

وضربة جزاء محمد جودة في مباراة الأهلي مش فضيحة - واللي طلب الحكم أحمد السيد فيها الاستتابة وقال أنا راجل ظالم مش دي كمان فضيحة ؟

وضربتين جزاء للأهلي منها واحدة لابو تريكة برضه في مباراة ضد المحلة علشان الأهلي يتعادل مش فضيحة ؟

وإلغاء أهداف صحيحة بالجمله للزمالك ومنحه ضربة جزاء مشكوك فيها مش فضيحة ؟

هو مين اللي أفسد التحكيم في مصر صحيح - ؟؟؟؟؟؟؟

لك على المرة الجاية أنزل لك رابط بضربات الجزاء ذات الفضائح الحقيقية ؟؟؟

ياعم سي السيد أرجوك أبعد الأهلوية عني أحسن مش هايحصل طيب :closedeyes:

[drhouba]

يا محمد ميدو

الله يكرمك بلاش العناوين اللي بتفكرني بالصُحف أياها دي وتقرأ العنوان تحس إن في مصيبة ..

أنا قمت بتعديل العنوان ليُعبر عن الموضوع

اللي انا شايفه خطأ عادي جداً بيحصل وهايحصل لإن هي كده كرة القدم

الصفارة بتخرج من الحكم في نانو ثانية وده اللي بيدي كرة القدم طعمها وحلاوتها

على فكرة السنة اللي فاتت أبو تريكه إتحسب له ضربة جزاء في مباراة حرس الحدود تهلك من الضحك فبالرغم من إنها كانت بره منطقة الجزاء بفدان إلا إن الحكم أعتقد محمد فاروق إحتسبها بالداخل وكسب الأهلي المباراة

ولكن مع ذلك أنا ضد إتهام الحُكام إنهم متواطئين مع نادي مُعين أو بيقبضوا أو ما إلى ذلك لإن دي سُمعة ناس وأعراض برضوا

صديقى سى السيد بجد لم أستطع بعد قراءة ردك إلا الرد عليك لتسجيل إحترامى الشديد لموضوعيتك رد محترم لا تستطيع إلا أن تتمنى إن ناس كتير فى البلد يبقى عندهم ربع الشجاعه دى

تحيياااااااااااتى

[se_ Elsyed]

عشان ربنا يحبك يا كوكو حاول أنا بأقول حاول تبقى حقاني وأتكلم برضوا عن مهازل التحكيم في مباريات الزمالك اللي ماحدش بيتكلم عليها وكأنها حقوق مكتسبة أو تعويض للي فات ومنها الفاول الخزعبلي اللي كان صورة تيبيكال من ضربة جزاء حسام لما لاعب الزمالك - أعتقد جمال حمزه - أتكعبل في خياله والحكم حسبها فوال بره منطقة الجزاء واللي أسامه حسن أحرز منها الهدف الوحيد للزمالك في الدور الأول أمام الأهلي

ولا ماتش الزمالك والإسماعيلي وكمان قدام المحلة والاهداف اللي أوفسايد من أول إمبارح وعدت على أساس مباديء الثورة لافرنسية " دعه يعمل .. دعه يمر "

إنت ما بتاكلش كرانشي ولا إيه ؟

بالمناسبة بقى يا كوكو

عايزك تقف دقيقة مع نفسك كده وتشوف الزمالكوية سايبين بلاويهم المتلتلة وبيتكلموا عن أي حاجة تخص الأهلي قد إيه .. تعرف يا كوكو ... لقيت جرنان جديد في مصر إسمه والعياذ بالله " زملكاوي " آه والله وبيتباع عادي عند بتوع الجرايد من غير رقابة lol المهم قلت أقرا المانشيات في الصفحة الرئيسية ... تخيل لقيت إيه ؟

4 عناوين .. منها 3 عن الاهلي من عينه ... جوزيه مش عارف إيه هايسيب الاهلي ... غعتزال أبو تريكه للإصابة .... إلخ

ما تفهمونا يا جماعه هي إيه الحكاية ؟

بلاش كده : يوم ما بيعملوا سبق صحفي ويقولك فضيحة أهلاوية زي بلاتر ما كان قاعد مع ممدوح عباس على قهوة كتكوت في امبابة وقال له : شوفت يا دوحه مش الولا أبو تريكه والعكروت متعب طلعوا بيضربوا بانجو ومنشطات وخصوصاً قدام الصفاقسي وإحتمال نسحب منهم كأس أفريقيا ونديلهم بداله غطى كازوزة ؟

وعدها بيوم أو يومين لما يتم تكذيب الخبر رسمياً من الفيفا على موقعه الرئيسي اللي العالم كله بيشوفه .. لم يجد اي زملكاوي عنده شجاعة ادبية او علمية عشان ينزل تكذيب ولو في اخر الصفحة حتى ويقولك إحنا كنا غلطانين ...

كذلك لما طلعت صحف أهلاوية تقول إن عمرو زكي وقع للاهلي وبعدين راح الزمالك عملوا عليها أفلام هندي ساقطة وقولك " فاوض يا أهلي .. إشتري وخلص يا زمالك "

إنما لما يطلع دوحه نفسه ويقول إن أحمد عادل زملكاوي إبن زملكاوي وأقطع دراعي من لغلوغه لو راح الأهلي وتاني يوم الولد يلعب مبارايات رسمية مع الاهلي .. برضوا لم يخرج زملكاوي يجري في عروقه دم ويقول تلت التلاته كام ..

وكمان محمد شوقي ومفاوضات دوحه معاه وقالك خلاص ده رايح الزمالك وعرض عليه 2 مليون جنيه في الموسم ويتكلموا عن المباديء في مواقعهم الرسمية ويقولك " الأهلي أجبر شوقي إنه يقول إنه وقع وجدد للاهلي والواد يا عيني مظلوم وما وقعش وهايسيب الأهلي وإن الأهلي كذاب وحسام البدري آفاق " لكن لما أتحاد الكورة نفسه -الأهلاوي برضوا - يقولك إن عقد اللاعب موقع من أربع نسخ أصلية من يناير اللي فات ... برضوا لم يجرؤ زملكاوي ويقولك إحنا كنا كذابين يا جماعة ولكم عندنا حق عرب ..

وخد دي كمان

نادي القرن وإن الزمالك بطولاته أكثر من الأهلي وإزاي إتحسبت والتواطؤ ونظرية المؤامرة والاهلي يا سيدي طلع بيدفع لعيسى حياتو ولعبد السلام مماتو عشان يختاروه نادي القرن ... شوفت الكوسه ؟

ولم يُكلف زملكاوي واحد في إنه يخطف رجله لحد مقر الإتحاد الأفريقي ويقوله إنتو حسبتوها إزاي وعلي أي أساس ؟

وأنا عمال أقرأ الكلام ده من زمان وسايبكو تنفثوا عن كبتكم وقهرتكم حيث إن الزمالك بقى ملطشة لفرق الدوري ومافيش فرقه فيكي يا مصر ما هزمتش الزمالك في السنوات الثلاث الأخيرة اللهم إلا حبايبكو وولاد عمكو الإسماعلاوية أما الباقون ومنهم الهابطون زي المنصورة والبلدية والكروم فأكلوا على قفا نادي الزمالك عيش للصبح ...

المهم ما فيش زملكاوي واحد مُثقف يكلف نفسه يدخل على موقع الأتحاد الأفريقي ويعرف إن النادي أو المنتخب الذي تم إختياره للقب بطل القرن وهما " الاهلي كنادي والكاميرون كمنتخب ) تم إحتساب النقاط على أساس الإشتراك في البطولات الأفريقية والوصول للإدوار النهائية من الأول إلى الرابع وكل دور كان عليه نقاط وبيتم تجميع ذلك في الأخر

فحتى لو كان الزمالك فاز بكأس الأندية أبطال الدوري 4 مرات في القرن العشرين والاهلي كان مرتين فقط فهذا لم يشفع للزمالك حيث أن الاهلي أحرز المركز من الثاني إلى الرابع عدة مرات وبالتالي فاز بأكبر عدد من النقاط

هاتروح بعيد ليه

مصر وغانا مش فازوا بكأس أفريقيا 5 مرات .. منها 4 لمصر في القرن العشرين أخرها 98 مع الجوهري... طب ليه إختاروا الكاميرون بطل القرن كمنتخب مع إنها فازت مرتين بس ؟

شكراً كوكو : أنا سامعك وإنت بتتكلم من ورا شجرة الباباز وبتقول : ما هي كوسه .. أصل عيسى حياتو كاميروني وبالتأكيد أكل بتوع اللجنة الفنية اللي قيمت تللك الإحتفالية او المناسبة وزنقوا إسم الكاميرون ؟

أقولك : كل باباز زين .... وأقرا الفاتحة للحسين يا كوكو وأعرف الكاميرون وصلت للدور النهائي كام مرة او أحرزت المركز الثالث أو الرابع وإنت تعرف هما ليه إختاروها

وأخيراً قبل ما أروح أتغدا شوية البامية اللي طبخاهم المدام أحب أقولك ... نفسي قبل ما أموت يا كوكو يابني أقرا لك مواضيع عن سُبل النهضة بفرقة الزمالك وإنتشاله من المشاكل اللي واقع فيها من ساسه لراسه والسبب أبناءه المخلصين الأبرار ولاعبيه اللي ماحدش عارف يلمهم ...

بالمناسبة قبل البامية : عرفت إن عمرو زكي إتحكم عليه بسنتين سجن مع إيقاف التنفيذ وغرامة ماليه عشان ضرب شُرطي عشان تجرأ وقاله غنت راكن عربيتك في نص شارع جامعة الدول العربية ليه .. وكمان ماشي بها من غير نِمر ؟

ولم نسمع أيضاً تعليق واحد يا كوكو واوا على إعتداء الأشاوس يامن بن ذكر ووسام العابدي على امين الشرطة اللي كان في حراسة الفندق اللي نزلين فيه ؟

توب يا كوكو إنت بكره هاتقف قدام ربنا ومش هاتلقي حاجه تقولها -_-

اللهو الخفي رجع لكوكو تاني وكله هايبقى ضرب بعده كده ومافيش شتيمه :huh: -_- :closedeyes:

[otaka]

تصدقوا إن بسبب ضربات جزاء الأهلي قشر الموز بقى له سعر !!!

ياعم محمد هي ضربة جزاء حسام حسن اللي فضيحة ؟؟؟

وضربة جزاء أبوتريكة في الحرس زي ماقال حبيبنا الحاج سي السيد مش فضيحة ؟؟

وضربة جزاء أبو تريكة في مباراة الاتحاد اللي كانت خارج منطقة الجزاء مش فضيحة ؟؟

وضربة جزاء محمد جودة في مباراة الأهلي مش فضيحة - واللي طلب الحكم أحمد السيد فيها الاستتابة وقال أنا راجل ظالم مش دي كمان فضيحة ؟

وضربتين جزاء للأهلي منها واحدة لابو تريكة برضه في مباراة ضد المحلة علشان الأهلي يتعادل مش فضيحة ؟

وإلغاء أهداف صحيحة بالجمله للزمالك ومنحه ضربة جزاء مشكوك فيها مش فضيحة ؟

هو مين اللي أفسد التحكيم في مصر صحيح - ؟؟؟؟؟؟؟

لك على المرة الجاية أنزل لك رابط بضربات الجزاء ذات الفضائح الحقيقية ؟؟؟

ياعم سي السيد أرجوك أبعد الأهلوية عني أحسن مش هايحصل طيب :closedeyes:

http://www.youtube.com/watch?v=V8YHJzk2bm8

[kokowawa1979]

اللهو الخفي--يووووه قصدي سي السيد كتب :

فحتى لو كان الزمالك فاز بكأس الأندية أبطال الدوري 4 مرات في القرن العشرين والاهلي كان مرتين فقط فهذا لم يشفع للزمالك حيث أن الاهلي أحرز المركز من الثاني إلى الرابع عدة مرات وبالتالي فاز بأكبر عدد من النقاط

ماهو ده مربط الفرس ياسي السيد - اختراع النقط كان من تفكير واحد كله خبث ينتمي للأهلي اسمه مصطفى مراد فهمي - هو فيه حاجة اسمها من الثاني إلى الرابع !!!

أعرف حاجة اسمها بطل القارة زي انتم مابتقولوا دلوقت !!!

يعني واحد يطلع بطل القارة 5 مرات وتقولي أصله نقطه في المركز الثاني ماتسمحش يبقى بطل القرن !!

ده العملية بقت خروب وخل !!!!!!

المهم ما فيش زملكاوي واحد مُثقف يكلف نفسه يدخل على موقع الأتحاد الأفريقي ويعرف إن النادي أو المنتخب الذي تم إختياره للقب بطل القرن وهما " الاهلي كنادي والكاميرون كمنتخب ) هاتروح بعيد ليه

مصر وغانا مش فازوا بكأس أفريقيا 5 مرات .. منها 4 لمصر في القرن العشرين أخرها 98 مع الجوهري... طب ليه إختاروا الكاميرون بطل القرن كمنتخب مع إنها فازت مرتين بس ؟

أمال فكرة الثاني للرابع وافق عليها حياتو ليه ؟ قول انت بقى ياعم السيد !!!!!

يانهار زي بعضه ياعم سي السيد هو الموضوع ده ماخاطرش على بالك - ماهو شيلني واشيلك وصدقني ياعم سي السيد الخبث في التفكير ده خبث أهلاوي لإن جماعة التيتسي والهوتو دول عايشين على الفطرة !!!

أقولك : كل باباز زين .... وأقرا الفاتحة للحسين يا كوكو وأعرف الكاميرون وصلت للدور النهائي كام مرة او أحرزت المركز الثالث أو الرابع وإنت تعرف هما ليه إختاروها

هي البطولة في المركز الثالث واللا الرابع !!!!

يعني لو ليبيا فضلت تطلع في المركز الثالث على طول في البطولات تبقى بطلة أفريقيا !!!

ولم نسمع أيضاً تعليق واحد يا كوكو واوا على إعتداء الأشاوس يامن بن ذكر ووسام العابدي على امين الشرطة اللي كان في حراسة الفندق اللي نزلين فيه ؟

أولا يامن بن ذكري ولد بسم الله ماشاء الله عليه حافظ القرآن - واحد أمين شرطة غتت أهلاوي من بتوع تلقيح الجتت - فاكر نفسه كان هايطلع بقرشين من ركنة العربية لقى مفيش فايده جر شكلهم- حصلت خناقة وطبعا علشان الاسطى شوشو ومستكة واخواتهم الموضوع يخص الزمالك - نفخوا في الكير علشان الموضوع يولع :::

مع إن الشماشيرجي عماد متعب كان راجع مسطول ومعاه مطرب مخنس من حفلة .... جماعي وعماد كان بيتطوح بالعربية - ولما وقفه الكمين مكانش قادر يميز الكمين من مدخل الأهلي في مدينة نصر :closedeyes:

فنزل ضرب في الضابط هو والمساطيل اللي معاه لحد ماراح القسم واتعمل المحضر اللازم والا انت ناسي ياعم سي السيد :huh:

هنا بقى الفارق بين اللي بياكل الباباظ واللي بياكل اللي باظ -_-

تم تعديل 26 فبراير 2007 بواسطة kokowawa1979

[se_ Elsyed]

مددددددددددددد يا شيخ كوكو مدد

كوكو بقى مكشوف عنه الحجاب يا جماعه وبقى يقول حاجات ما حصلتش أو لسه هاتحصل

أولا يامن بن ذكري ولد بسم الله ماشاء الله عليه حافظ القرآن

علي يدي ي ي ي ي ي

حتى بالامارة يامن بن ذكري كان ماشي ومعاه المصلية في إيده وقال أخطف العصر قدام باب الفندق .. فجه الواد أمين الشرطة الملحد وضربه وعذبه وقال له قول : احد أحد وانا اسيبك

بس كوكو فاتت عليه يتكلم عن وسام العابدي .. هو كمان حافظ كتاب الله ومطلق لحيته ولا من الإخوان الشيوعيين ؟

واحد أمين شرطة غتت أهلاوي من بتوع تلقيح الجتت

دي كرامة من كرامات الشيخ كوكو ... فعلاً التحاليل المعلمية أثبتت إن الولد كان أهلاوياً يكتم إيمانه وحب يغلس على الفتوات التوانسة حبايب كوكو ويطلع له بقرشين أو يعلق دبوره على الأقل فأحتك بهم وفضل يضرب فيهم لحد ما عدمهم العافية ..

وما تعليقك يا شيخ كوكو على واقعة عمرو ذكي التي أغفلتها أو تغافلت عنها .. فتح الله عليك

يعني لو ليبيا فضلت تطلع في المركز الثالث على طول في البطولات تبقى بطلة أفريقيا

ليه هو اللي بيفوز بالبطولة بياخد نُقط زي بتاع المركز الثاني لحد الرابع قوموا يتسواووا مع بعض يابو الكرامات ؟

مع إن الشماشيرجي عماد متعب كان راجع مسطول ومعاه مطرب مخنس من حفلة .... جماعي وعماد كان بيتطوح بالعربية

بركاتك يا شيخ كوكو ... دستتين شمع على مقامك يا راجل يا بركه

يا جماعة أنا عايز أعترف

يوم الحادثة المشئومة كوكو كان راجع من صلاة الفجر وماشي على طريق المُقطم فلقى عربية عماله تطوح يمنةٌ ويساراً فقال : يا ساتر يارب وده مين اللي عامل دماغ ده وماشي يبرطع بالعربية .. فلقى كمين شرطة واقف في وسط الشارع يسهر على راحة الشعب راح مبلغ عن الولد العربيد .. الشرطة بقى وقفته فاكتشفت إنه عماد متعب ولقيته في حالة سُكر بين وهو ما أثبتة كوكو بنظرته الثاقبة ولم يأتي ذكره لا من بعيد ولا قريب في محاضر الشرطة أو النيابة ..

ومرة أخرى مددددددددد يا كوكو مددددددددددددد

[kokowawa1979]

سُكر بين وهو ما أثبتة كوكو بنظرته الثاقبة ولم يأتي ذكره لا من بعيد ولا قريب في محاضر الشرطة أو النيابة

وحياة غلاوتك ياعم السيد ده اللي ذكر في المحضر الرسمي - لكن علشان عماد متعب بيتبع النادي الاحمر فتحليل الدم له أثبت أنه كان شارب فينيك ( المادة المطهرة لحد يفهمها غلط :closedeyes:

) بدلا من الخمر والحشيش علشان ماياخدش تأبيدة !! :huh:

صدقني ياعم سي السيد الواد يامن ولد محترم ومتدين يعني حاجة كدة زي ربيع ياسين سابقا في الأهلي - أحسن أنا بصراحة أحب العيال المتدينه حتى لو كانت في اللي أشوف فيه يوم الأهلي -_-

[وائل كيوان]

-_-

سُكر بين وهو ما أثبتة كوكو بنظرته الثاقبة ولم يأتي ذكره لا من بعيد ولا قريب في محاضر الشرطة أو النيابة

وحياة غلاوتك ياعم السيد ده اللي ذكر في المحضر الرسمي - لكن علشان عماد متعب بيتبع النادي الاحمر فتحليل الدم له أثبت أنه كان شارب فينيك ( المادة المطهرة لحد يفهمها غلط :closedeyes:

) بدلا من الخمر والحشيش علشان ماياخدش تأبيدة !! :huh:

صدقني ياعم سي السيد الواد يامن ولد محترم ومتدين يعني حاجة كدة زي ربيع ياسين سابقا في الأهلي - أحسن أنا بصراحة أحب العيال المتدينه حتى لو كانت في اللي أشوف فيه يوم الأهلي -_-

ههههههههههههههههههههههههههههه :D

هه ابعد عن كوكو لا تتعور مش دى مقولتلك ليا سابقا ما أنت سى سيد عورك وخلاص وحتى لون دمك احمر :D

ينصر دينك يا سى السيد ايوا كدا ياراجل اصل كوكو قصدى الشيخ كوكو مددددددددددد يا سيدى مدددددددد

اللى مكشوف عنه الحجاب بيحسب الاهلوية مش موجودين يا كوكو ابعد انتى لا تتعور الجبهه قويت ومش هتسلك مع سى السيد ولا مع النسر ولا ....... ولا ....... ولا مين ولامين لان اللى عندك خلص واللى جاى من الاهلى اكتر

الاهلى حديد وانا ركبى حديد .

ولك تحيااااااااااااتى

[otaka]

واحده من ال 99

[DARWEEN]

واحده من ال 99

مش فاهم اللي خدوا الدوري مره واحده بيتكلموا على أيه ؟

[kokowawa1979]

ياعم داروين ماتاخدش على خاطرك - ده بس أخونا أوتاكا بيمسي وبيقول إن هدف حسن شحاتة الملغي ده بيعني ضياع بطولةدوري من الزمالك وإهداءهاللأهلي لإن دي كانت آخر مباراه في الدوري وكان الأهلي متقدم بنقطة على الزمالك ( يوم أن كان الفوز بنقطتين ) وإلغاء الهدف اللي ربنا يفضحهم محمد حسام وعبدالرؤوف عبدالعزيز ( أبو ياسر عبدالرؤوف بتاعكم برضه) بحجة التسلل أهدى الدوري للأهلي بدلا من الزمالك !!!!

وإيه يعني ياعم أوتاكا - صحيح كان من ده كتير لكن العبرة بالنهاية اتحسبوا برضه عشرمية وتسعين بطولة :lol:

تسلم إيدك ياأوتاكا علشان الأهلوية المستجدين يعرفوا إن نادي القرن من يومه وهو بيلعب 11 لعيب و3 حكام :lol:

[otaka]

واحده من ال 99

مش فاهم اللي خدوا الدوري مره واحده بيتكلموا على أيه ؟

هو حضرتك شايفنى لابس فانله الاوليمبى و متصور تحت صوره الكابتن الجوينى و هو بيسلم على محمود بكر

[DARWEEN]

ياعم داروين ماتاخدش على خاطرك - ده بس أخونا أوتاكا بيمسي وبيقول إن هدف حسن شحاتة الملغي ده بيعني ضياع بطولةدوري من الزمالك وإهداءهاللأهلي لإن دي كانت آخر مباراه في الدوري وكان الأهلي متقدم بنقطة على الزمالك ( يوم أن كان الفوز بنقطتين ) وإلغاء الهدف اللي ربنا يفضحهم محمد حسام وعبدالرؤوف عبدالعزيز ( أبو ياسر عبدالرؤوف بتاعكم برضه) بحجة التسلل أهدى الدوري للأهلي بدلا من الزمالك !!!!

وإيه يعني ياعم أوتاكا - صحيح كان من ده كتير لكن العبرة بالنهاية اتحسبوا برضه عشرمية وتسعين بطولة :lol:

تسلم إيدك ياأوتاكا علشان الأهلوية المستجدين يعرفوا إن نادي القرن من يومه وهو بيلعب 11 لعيب و3 حكام :lol:

طيب ماتيجي نتكلم عن الفوز بالأهداف الأعتباريه وطوبة عمر عبدالله ...

أيه رأيك تيجي نعد ؟؟؟

[Ahmad Farahat]

شوف يا كوكو كح.................

مع الإعتذار للقصيدة بتاعتي!!!!!!!!!!!! :lol:

أنا مش عايز أدخل عشان س.س موجود بس رجاء خاص والنبي إقرا شهادة الشهود في القضية بتاعت متعب بعدين إزاي واحد شارب خمرة ومتكسر ويعوج ضهر مدحت عبد الهادي في الكاس

بالمناسبة ....كنت حلو في البرنامج :lol:

[أبو محمد]

نادي القرن وإن الزمالك بطولاته أكثر من الأهلي وإزاي إتحسبت والتواطؤ ونظرية المؤامرة والاهلي يا سيدي طلع بيدفع لعيسى حياتو ولعبد السلام مماتو عشان يختاروه نادي القرن ... شوفت الكوسه ؟

ولم يُكلف زملكاوي واحد في إنه يخطف رجله لحد مقر الإتحاد الأفريقي ويقوله إنتو حسبتوها إزاي وعلي أي أساس ؟

المهم ما فيش زملكاوي واحد مُثقف يكلف نفسه يدخل على موقع الأتحاد الأفريقي ويعرف إن النادي أو المنتخب الذي تم إختياره للقب بطل القرن وهما " الاهلي كنادي والكاميرون كمنتخب ) تم إحتساب النقاط على أساس الإشتراك في البطولات الأفريقية والوصول للإدوار النهائية من الأول إلى الرابع وكل دور كان عليه نقاط وبيتم تجميع ذلك في الأخر

فحتى لو كان الزمالك فاز بكأس الأندية أبطال الدوري 4 مرات في القرن العشرين والاهلي كان مرتين فقط فهذا لم يشفع للزمالك حيث أن الاهلي أحرز المركز من الثاني إلى الرابع عدة مرات وبالتالي فاز بأكبر عدد من النقاط

هاتروح بعيد ليه

مصر وغانا مش فازوا بكأس أفريقيا 5 مرات .. منها 4 لمصر في القرن العشرين أخرها 98 مع الجوهري... طب ليه إختاروا الكاميرون بطل القرن كمنتخب مع إنها فازت مرتين بس ؟

شكراً كوكو : أنا سامعك وإنت بتتكلم من ورا شجرة الباباز وبتقول : ما هي كوسه .. أصل عيسى حياتو كاميروني وبالتأكيد أكل بتوع اللجنة الفنية اللي قيمت تللك الإحتفالية او المناسبة وزنقوا إسم الكاميرون ؟

أقولك : كل باباز زين .... وأقرا الفاتحة للحسين يا كوكو وأعرف الكاميرون وصلت للدور النهائي كام مرة او أحرزت المركز الثالث أو الرابع وإنت تعرف هما ليه إختاروها

تهدئة للنفوس أرجو مطالعة الموضوع الآتى .. والله شفته امبارح بالصدفة ولم أكن أدرى أننى سأرى المعلقات بتاعة سى السيد فى موضوع نادى القرن ..

http://forum.kooora.com/f.aspx?t=3607118&pg=1

الكلام بالأرقام .. وسيناريوهات مختلفة .. ومع كل المعقولية فيه .. فالجدال لن ينقطع ..

[وائل كيوان]

http://forum.kooora.com/f.aspx?t=3607118&pg=1

الكلام بالأرقام .. وسيناريوهات مختلفة .. ومع كل المعقولية فيه .. فالجدال لن ينقطع ..

اعتقد يا ابو محمد انك وفيت وكفيت بالرابط ده على كل المشككين المهم هما يقتنعوا ويسكوتوا