لاه مش ممكن انا اتنشلت

[nora]

من فترة اتعرضت لعمليت نصب وجلا جلا كان الغرض منها سرقتي لكن على من افشتهم هحكيلكم الحكايه وهي اقرب لعملية نصب وكل واحد يدخل يقول لو حصل ليه موقف مماثل او اتعرض لعملية نصب ....

من فترة كده كنت نزله الشارع اشترى لبن لابني من الصيدليه وشفت عربيه كارو بتاعت طماطم وعليها مجموعه اطفال اكبرهم 15 سنه المهم واحد منهم ندهني وقالي لوسمحت يا مدام معكيش تصححيلي خمسين جنيه انا قلت له لا ممعيش غير هيا 100 المهم قالي مش مشكله المهم قلت اشتري طماطم منهم منا كده كده هفك اشتري طماطم وافكلهم بالمرة المهم مش عرفه ليه وانا بنقي الطماطم قلبي انقبض ورحت قلت له لاه مش هفك فقالي والنبي احنا بيطلعم علينا قطاع الطريق ويسرقونا!!

سكت وقلت اكسب فيهم ثواب ....

شويه ببص لقيتو بيديني الفلوس جنيهات فقلت له اييييييييييييييييه هو انا هشحت يبني مش هفك فقالي لاه متخفيش هصححهملك المهم اداني الفلوس وحاسبتو على الطماطم وانا من عادتي مش بعد فلقيتو بيقولي عدي الفلوس عديت خمسين و اربع عشرات واتفضل جنيهات كتير فقلت له صح فقالي اتاكدي من الجنيهات فعديت لقيتهم نقصين جنيه اقوله نقصين جنيه يقولي ازاي المهم اخد مني الفلوس كلها فقلت هات الصحيح فاداني الخمسين في اللحظه دي العيال التنيين كانو بيشاغلوني بكيس الطماطم الي اشتريتو!! المهم شويه لقيتو بيقولي خدي اهي الفلوس وهو بيدهالي بيسالني اساله غبيه زي انا اطلع من هنا للزتون فقلت معرفش فقالي طب رمسيس فقلت معرفش مع العلم انا في طريق المطار !!

المهم اخدت الفلوس وبجري من التعجب من اسلوبهم ولاول مرة في حياتي اعد الفلوس ابص الاقي الفلوس نقصه 30 جنيه رجعلي الاستاذ عشرة وفي النص جنيهات بس فلفيت وبصتلو فاول ما شافني قالي الفلوس وقعت منك يا مدام !!! طب ازاي هو مدهالي ملفوفه وكنت مسكاها في ايدي كويس بس كل الي قلتو هات الميه مش هفكلك حاجه !!

بس واخدت فلوسي طبعا بعد ما سبتو ورحت للصيدليه الدكتورة الي هناك قالت ليا انهم نصابين وعلطول بيسرقو الناس كده وساعتها ندمت اني مبلغتش عنهم والقسم جمبنا خالص بس معرفش هل الخضه هي السبب !! ولا الخوف بس كل الي اعرفو ان ركبي فضلت سايبه لساعات !!

اه المبلغ تافه بس الموقف مكنش سهل عليا بجد!!

وفي موقف تاني بس مستنيه اشوف مواقفكم!!

[عازفه على أوتار الذهب]

شوفي يا نورا يا حبيبتي اذا كان على مواقف النصب فانا اتعرضتلها كتيروخصوصآ في السوبر ماركت....

وده لأني دايمآ ما بعدش الفلوس.....وفي احدهم واللي غالبآ ماكنت بتعامل معاه...

وكنت متعوده اخد الفلوس وامشي وخلاص على اساس الضمير...

وعلى اساس كمان اني بشتري من عنده دايمآ....

ومره عديت بعد ما مشيت ولقيت الفلوس ناقصه بس مش كتير فما اهتميتش ومشيت....

وكنت با اتحرج طبعآ ارجع عشان اقوله الفلوس ناقصه لاني مشيت خلاص......

ومره بعد ما اداني الفلوس لقيته فاتح الدرج ومستني ولما بدأت اعد الفلوس قالي شوفي كده.....

ولما طلعت ناقصه لقيته كان ماسك المبلغ الناقص في ايده ومن غير ما يسالني ناقص كام؟؟؟؟

اداهملي وكانت اخر مره اشتري منه.....

تم تعديل 26 فبراير 2007 بواسطة عازفه على أوتار الذهب