بين خصوصية الزوج ... وبين خصوصية الزوجة

[Simba]

سؤال احب تشاركوني فيه

يا تري من حق الزوج يكون له ادراجه المقفولة بعيد عن زوجته تحت بند الخصوصية

والزوجة ايضا ممكن يكون لها مساحة من الخصوصية دي بالنسبة لأوراقها ومتعلقاتها

؟؟؟؟

[inas]

صعبه اوي

ليه يعني

ممكن الراجل يعملها والست لو ضعيفه متقدرش تتناقش او تسال حتى مش تعارض

لكن اي راجل بيمانع اكيد حاجه زي كده وبيفضل يكون له جزء من الخصوصيه مثال كثير من الرجال كل مشكلتهم والي بيدايقهم من زوجاتهم انه اول ميجي نازل تساله مراته رايح فين هتقابل مين جي منين كلمة مين بتكلم مين والى اخره فهل دا يقع تحت بند الخصوصيه؟؟؟ وممكن يكون الزوج مبيعملش اصلا حاجه غلط بس هو كده مش عايز يقول غتاته

بس ارجع واقول لو الاتنين واثقين من بعض ومخلصين لبعض وبيراعوا ربنا فمحدش هيهتم يفتش او يخبي

تم تعديل 26 فبراير 2007 بواسطة inas

[noureldonia]

انا في راي انوا المفروض مفيش حاجة اسمها خصوصية بين الأزواج يعني المفروض الطرفين يعرفوا كل حاجة عن بعض ما عدا علاقة الزوج بأهله وعلاقة الزوجة بأهلها لكن فيما يخص كل واحد فيهم لازم يعرفوا كل حاجةعن بعض بكل مودة وحب مش اجبار ولا فرض من احد الطرفين على التاني وإلا في راي اذا كان لكل طرف خصوصيتة يبقي اكيد في العلاقة الزوجية اللي بنهم فيها خلل مخلي مفيش ثقه بنهم ومخلي الزوج عاوز يبقي ليه اسراره والزوجة نفس الحكاية واكيد بيتخلق احساس سلبي بنهم اذا احد الطرفين عرف انوا الطرف التاني ليه خصوصية في حياته في الوقت اللي المفروض لو كان ليه خصوصية مع الدنيا كلها حتي مع اهلوا ميبقش مع شريك حياته خصوصية ابداً .

[وائل كيوان]

انا في راي انوا المفروض مفيش حاجة اسمها خصوصية بين الأزواج يعني المفروض الطرفين يعرفوا كل حاجة عن بعض ما عدا علاقة الزوج بأهله وعلاقة الزوجة بأهلها لكن فيما يخص كل واحد فيهم لازم يعرفوا كل حاجةعن بعض بكل مودة وحب مش اجبار ولا فرض من احد الطرفين على التاني وإلا في راي اذا كان لكل طرف خصوصيتة يبقي اكيد في العلاقة الزوجية اللي بنهم فيها خلل مخلي مفيش ثقه بنهم ومخلي الزوج عاوز يبقي ليه اسراره والزوجة نفس الحكاية واكيد بيتخلق احساس سلبي بنهم اذا احد الطرفين عرف انوا الطرف التاني ليه خصوصية في حياته في الوقت اللي المفروض لو كان ليه خصوصية مع الدنيا كلها حتي مع اهلوا ميبقش مع شريك حياته خصوصية ابداً .

بدايتا احنا سعدا ء بمداخلاتك اللى مش لقناها من فترة يا نور الدنيا وان شا الله ديما تشاركينا وتطمنينا عليكى

وبخصوص سؤال الاخ سمبا على موضوع الخصوصية بين الزوجين فأنا بأيد رأى اختنا نور الدنيا فى كل كلامها ومينفعش بعد ما بقوا شخص واحد يبقى فيه خصوصية وربنا قال فيما معناها ان جعل كل واحد من الزوجين سكن للاحر يعنى هما الاتنين شخص واحد لا يتجزأ كل طرف عن الاخر حتى فى أدق الاشياء وده بيولد نوع من الثقة المتبادلة بين الطرفين بتخلى حياتهم سعيده وده طبعا بيكون نتجته حب صادق متبادل بين الطرفين واحترام كل منهما للاخر .

اما جزئية نور الدنيا بخصوص الاهل فمش قدرت افهم هل هى تقصد ان كل واحد يبعد اهلة عن حياة العلاقه ما بين الزوجين ولا تقصد ان كل من الطرفين ميدخلش خصوصيات الاهل عن العلاقه الزوجية مابينهم .

فلو تقصد بعد الاهل فلازم من ترابط صلة الرحم ما بين اسرة الزوجين وده يكون شئ اساسى فى الحياة

ولو تقصد بعد خصوصيات الاهل فانا بأيدها تماما ومعاها فى كل كلمة .

تم تعديل 26 فبراير 2007 بواسطة وائل كيوان

[noureldonia]

استاذ وائل انا اقصد بان ممكن يكون في خصوصية بين علاقة الزوج باهله وعلاقة الزوجة بأهلها انوا مش من حق اي طرف من الطرفين في را ي انوا يدخل في خصوصيات اهل التاني طبعاً صله الرحم مطلوبة ولكن في راي في حدود بدون اي تدخلات في خصوصيات اي من الطرفين .

[رمضان]

السلام عليكم

والله يا جماعة انا من وجهة نظري الشخصية البحتة ان الزوج من حقه يعرف كل حاجة عن زوجته طبعا ما عدا علاقتها بأهلها بس من ناحية اخرى مش من حق الزوجة تعرف كل شيء عن زوجها .

[Simba]

السلام عليكم

والله يا جماعة انا من وجهة نظري الشخصية البحتة ان الزوج من حقه يعرف كل حاجة عن زوجته طبعا ما عدا علاقتها بأهلها بس من ناحية اخرى مش من حق الزوجة تعرف كل شيء عن زوجها .

وهو ده رايي والله يا استاذ رمضان :lol:

بس كل ما اقوله لحد يعارضني :)

[noureldonia]

رمضان وسمبا مع احترامي لرأيكوا بس مفيش حاجة اسمها كدة المفروض الراجل يعرف كل حاجة عن مراته بس مراته متعرفش عنه إلا إلى هو عاوز يقوله اولاً في راي الاسلوب دة منفر جداً في العلاقة الزوجية اللي المفروض مبنية على الصراحة الوضوح والثقه والتكامل يعني بدل ما هتولد محبه بنكوا وبين بعض هتخلق عدم ثقة وشك وهتحسسها انها مهمشه في حياتك ودة اكيد هيوسع دائرة الخلاف بنكوا وهتوصل لاحاسيس سلبية انت كنت في غني عنها ، يعني بجد انا في راي اذا الشخص مكنش واثق ومتأكد انوا يقدر يثق في زوجته لدرجه انها تكون مرايا ليه ومخبأ اسراره بجد بيتعب نفسوا ويتجوز ليه ، ولا ايه هو معني اصلاً شريك الحياه يعني يشركك في كل شيء مفيش بنكوا حاجة اسمها خصوصياتي وخصوياتك وبعدين سؤال ياريت الاستاذ رمضان وسمبا يردوا علية مين ادي الحق للراجل بس انوا يعرف خصوصيات مراته وليه الست معندهش نفس الحق يعني نقصها ايه عنوا علشان هيا كمان تقولوا انا كمان ليا خصوصياتي نقطة انتوا اتكلمتوا فيها بس مش واضحة بالنسبة ليا على اي اساس دة من حق الراجل .

[قديم]

الحقيقه كل شي ممكن ..

ولكل انسان اعتقد كامل الحريه في اسراره الشخصيه . سواء علم شريكه الاخر بهذه الخصوصيه او لم يعلم

يجب ان نفرق بين خصوصيتين ..

الاولي خصوصيه_ الزوج او الزوجــه _ لاتباطه باعمال اوبالوظيقه .. فاعتقد هذا راجع لسر العمل . وليس لها او له حق الاطلاع عليه

الثانيه الخصوصيه الشخصيه .

واعتقد انه بقدر ما يكون لكل منهم خصوصيه(.سريه )عن الطرف الاخر .. بقدر ما هو نتيجه عكسيه على علاقه الحب بينهما

فكلما كبرت هذه الخصوصيه فهي دليل على عدم التوافق بين الزوجين.. وكلما صغرت هذه الخصوصيه . يكون الحب غالبا اعمق

تم تعديل 28 فبراير 2007 بواسطة قديم

[Alshiekh]

سؤال احب تشاركوني فيه

يا تري من حق الزوج يكون له ادراجه المقفولة بعيد عن زوجته تحت بند الخصوصية

والزوجة ايضا ممكن يكون لها مساحة من الخصوصية دي بالنسبة لأوراقها ومتعلقاتها

؟؟؟؟

لا والف لا

ليس عن عدم ثقة ، ولكن لان الفضول لمعرفة المخبأ من طبيعة النفس البشرية ، ولا يجب ان يعانى احد الزوجين رغبته فى معرفة مايخبأه شريكه

الا اذا كانت اوراق وأشياء تخص العمل

[nancy]

انا مع ان الزوج والزوجه يكون بنهم صراحه كامله انما مش من حقها ولا من حقه ان حد يدعبس وراء الاخر يعنى لو حبت تخبى او حب يخبى ميبقاش حد فيهم اجرم

يعنى فيه صراحه وتفاهم انما محدش يدور وراء الطرف الاخر بمعنى الشك مرفوض بنهم

[m4samak]

السلام عليكم و رحمة الله و بركاته

أزيكم جميعا، أنا محسن أول مرة أشارك و لم أعرف بالموقع إلا من أسبوع واحد و عجبنى جدا انى أقابل مصريين على النت من غير ما أقابلهم شخصيا لإنى مغترب من حوالى 12 سنة و خبرتى ليست جيدة بالمصريين فى الخارج و أأسف لهذا كثيرا لكنه واقع مريت بيه طوال فترة الغربة رغم انى مازلت بأقول ان المصريين من أحسن شعوب العالم لكننا نمر بظروف صعبة حاليا مخليانا نطلع من جلدنا وده على فكرة ممكن يكون موضوع جديد للمناقشة لكن بعد ما أضيف تعقيب على موضوع الخصوصية

المهم ، الخصوصية بين الزوجين أنا أعتبر انه يجب ان يكون فيه مساحة خاصة لكلا الزوجين تزيد هذه المساحة للرجل و ذلك بسبب العاطفة الزائدة عند المرأة و التى أحيانا تجعلها تفسر الأمور بطريقة غير واقعية و العكس صحيح

طبيعة هذه الخصوصية و حجمها تختلف باختلاف الأشخاص بمعنى أن الزوجة الغيورة مثلا لا يصح ان يحكى معها زوجها عن زميلاته فى العمل لأنها بسهولة ممكن تتأثر بهذه الحكايات و تفسرها تفسير غلط حتى و ان كان الزوج من النوع السوى المحترم

كذلك الزوجة الحريصة مثلا لا يجب أن تعرف عن دخل زوجها و إن كان يساعد اهله مثلا أم لا

الزوجة مثلا مش المفروض أن تقص على زوجها الأحاديث الدائرة بينها و بين أصحابها لأنه بإختصار قد يعطى للزوج معلومات غير لائقة عن نساء أخريات و الإنسان لايضمن الضعف البشرى

أن يكون هناك أبواب مغلقة لكلاهما، لا أحب هذا لأن الشيطان له مداخله و مثل هذا يمكن ان يفتح بابا لعمل الملعون

أفضل أنواع الخصوصية أن يكون لكل منهما وقته الخاص الذى ينفرد فيه بنفسه و يتأمل و يفكر

أرجو أن يكون هذا الرد فيه إضافة مش بطالة

[memo2007]

السلام عليكم

والله يا جماعة انا من وجهة نظري الشخصية البحتة ان الزوج من حقه يعرف كل حاجة عن زوجته طبعا ما عدا علاقتها بأهلها بس من ناحية اخرى مش من حق الزوجة تعرف كل شيء عن زوجها .

ده اسمه تفرقه عنصريه

وليه هو يعرف عنها كل حاجه ومايسمحش ليها انها تخبى عليه أي حاجه ولو ضئيله

وهو مايقولهاش حاجه عنه

المفروض إن ما فيش واحد يخبي على التانى أي حاجه "على الاقل يلاقوا حاجه يتكلمو فيها "

وبعدين مش عاوزين تفرقه

[عبده بيه]

بين الزوجين حاجات كتيرة جميلة ولذيذة وذكريات ولازم يكون بينهما الدفء والحب والامان ومن هنا ياتيء الثقة والاحترام واحترام الاخر في اي شيء خاص لو بعض الشيء لكن مفيش حاجة اسمها درج ولا دولاب مقفول الزمن تغير ولازم يكون في ثقة يعني انا زوجتي عمرها ما حاولت تقراء في اوراقي وشغلي وانا دايما بحكي علي كل شيء ده بيولد نوع من الامان

وعمري ماشوفت ايه في شنطتها حتي لو بدافع المزاح لانه مش من الذوق خصوصا بين الزوجين لكن ممكن علي الاولاد نفتش طبعا

تحياتي

[امانى]

بسم الله الرحمن الرحيم

انا شايفه ان مفيش سر بين الرجل وزوجته

ولكنى احترم الخصوصيات

وبالفعل انا لو استلمت رسالة لزوجى مفتحاش حتى لو الفضول قتلنى

لانه هو كمان بالمثل يحترم خصوصيتى وان كنت مبخبيش عليه حاجة

لكن بستنى هو يقولى ايه اللى بالرسالة

امانى