أجندة مواعيد لقاءات المحاوريين -فرع الكويت

[الحاج فوزى]

الفاضل سكوربيون

اوافقك تماما بأنه لا يجب ان يتحول الى لوحة اعلانات .. وهو ليس كذالك بالتأكيد

واكيد انت تعلم انه اسرع واوقع الاتصال تليفونياً للتنسيق .. لكن كما قلتَ ، للمحاورات فضل علينا ، ومن ضمن هذا الفضل منح بعضنا (المغتربين بالكويت ) فرصة للتعارف ، لهذا كلنا نتخذ من المحاورات نقطة البداية والنهاية

اما بخصوص الاخ مانو .. ( اه بالمناسبة انا لسه لم اتعرف عليه حتى لا يقال ان صداقتى له هى سبب دفاعى عنه كالمتعاد )

يعنى بالله عليك ده لسه بيقول يا هادى ، لسه اول مشاركة ، فيكون مع اول مشاركة ندخل جوا قلبه ونستنتج هوا سجل ليه ونتكهن بذلك ، وبعدين نقوله على المتغطى كده التليفون كفاية مافيش داعى من وجودك على المحاورات

لا تعليق

حسين

[أبو حميد]

الأخوة الأفاضل داروين وسكوربيون

الأخ Manoo هو نفسه Mano المسجل من قبل في المنتدى الملف الشخصي لمانو للإطلاع عليه وعلى مشاركاته

وكان من أول مجموعة تقابلت في الكويت في شهر نوفمبر الماضي ولكنه ولظروف سفره وتعذر الوصول للنت لم يحضر أي لقاء أخر ولم يدخل على المنتدى سوى مرة او مرتين ولذلك أحدثه بالتليفون كل فترة للإطمئنان عليه ودعوته لحضور لقاءاتنا وقد ضاعت كلمة السر الخاصة به ولعدم معرفته بكيفية أسترجاعها قام بالتسجيل بأسم جديد وكنت انا موجود في المنتدى وقت دخوله وعرفت أنه هو مانو القديم لأنه تحدث عني وقمت بالإتصال به في نفس الوقت لأنبهه لخطأ التسجيل مرتين بالموقع ونصحته بإبلاغ أحد أفراد الإدارة ليحل به هذه المشكلة ولكنه كان قد خرج من على النت ووعد بأن يقوم بهذا الإتصال بأقرب فرصة.

هذا للتوضيح وشكرا.

[وائل كيوان]

الاخوة الافاضل الاداريين بالمحاورات

احب اولا ان اتوجه اليكم بالتحية

وانتم اصدقاء عزاز ومحبوبين بقلوبنا بس حبيت بس اوضح نقطة يمكن محدش واخد باله منها يا جماعه ان المحاورات مش بنستخدمها كشات للتعارف مع بعض والسلام .

ولو كانت المحاورات كذلك لكنا تعارفنا ببعضنا ونظمنا اجماعتنا وخرجنا منها ومرجعناش ليها تانى بس الموضوع وما فيها ان المحاورات جمعت مجموعة اصدقاء رائعة وكانت سبب لتواجد عدد من المغتربين يعيشون بمكان واحد فاجتمعنا على قلب واحد لنهون بيننا الغربة وناقش مشاكلنا فيها وموضوع اجندة المحاوريين فرع الكويت مثال ليعيشة كل المغتربين بالخارج وليجتمعوا على حب ومودة و كمان علشان يعرف كل المغتربين قد اية لقائاتنا فى الغربة بيكون لها تأثير رائع على كل شخص فينا يعنى متمتش اللقاءات دى علشان نتعرف على بعض وخلاص وصدقونى لو كل المغتربين اجتمعت مع بعضها هيكون لنا واجه مشرفه قدام الدنيا كلها مش قدام نفسنا بس ويعرف الجميع قد ايه احنا بنحب بعضنا كاخوات وطن واحد .

وبنشكر المحاورات انها كانت الواجه المشرفه لينا علشان توضح قدام الكل قد اية المصريين بالخارج متواصليين مع بعضهم فدى اعتقد فى نظرى فخر للمحاورات والا انتوا بقى شايفنها حاجة تانية .

وده اكبر دليل ان احنا مش واخديين من المحاورات شكل للدعاية والاعلانات عن لقائاتنا .

وانا بس حبيت اوضح الصورة للجميع وبنعلنها ان المحاورات اتاحت لينا الفرصه لنظهر وجه مشرف للمصريين بالخارج وقد ايه هما حبين بعض وقولبهم على قلوب بعض .

اما بخصوص الاخ مانو فانا برضه يا حسين لسة معرفتوش لانى كنت من المنضمين للقاءات قريبنا يعنى مش عضو قديم ولا حاجه بس من اللقاءات اللى انا حضرتها اعرف من الحضور ان هو شخص قديم بالمحاورات وباللقاءات وده اكده كمان اعتذارة قبل بدء حديثة عن عدم الحضور .

اما بخصوص تسجيلة مرتين او هو دخل باسم تانى او شئ او نسى كلمة المرور فلن اتطرق ليها حتى لا يعتبرنى الجميع اننى ادافع عنه لشئ ولكن انا ادافع عن وجه النظر السليمة .

وشكرا على سعة صدركم لسماعى

مع خالص تحياتى

[Scorpion]

توضيح واجب .... لا جدال ان السبب الوحيد فقط .. و اضع تحت فقط ميت سطر ... للملاحظة التي وضعها العزيز داروين.. و أكدتها انا نفسي هو الجانب الخاص بالمحاورات و اهتمامنا جميعآ ... أعضاءقبل منسقين ..علي استمرارها في القيام بالدور الجدير بها مثلما فعلت حتي الآن ...

لذا ما يخص الفاضل مانو ... مع تأكيدي بأنه ليس هناك شيء شخصي... فقط هو أمر تنظيمي بحت .... و هو ما كان ظاهر للجميع بما فيهم اعضاء فريق التنسيق ايضآ ... كونه له اسم آخر وجد صعوبة في تذكر كلمة السر الخاصة به .. لا أعتقد انه يوجد من كان يعرف ذلك .... سوي البعض من اصدقائه ....

و تعلموا جميعآ مدي اهتمامنا بالأعضاء الجداد .. لذا لآ اعتقد اننا بتوجيه عنايتهم بمسائل المحاورات التنظيمية نكون قد دخلنا في نيتهم أو قررنا اننا " ندبحلهم القطة " من الأول ... قليل من التفهم و من حسن النية يعطي دائمآ نتائج رائعة ....

أرجو ان نعتبر الموضوع انتهي عند هذه النقطة ... و اشارك الكثير فضولهم لمعرفة كيف كان لقاؤكم الأخير و هل كانت التورتة بالشكولاتة ام بالكريمة

[DARWEEN]

حسما للنقاش في هذا الأمر

أولا : نحن لا ندخل في السرائر لنعلم إن كان الأخ سبق له التسجيل أم لا وكل مالدينا أن أول مشاركة له كانت مجرد إعلان عن حضوره للقاء

ثانيا : لن يسمح بإتخاذ المحاورات كموقع للتعارف ولا لوحة إعلانات

ثالثا : الحصول على كلمة السر المفقوده أمر معلوم للجميع

رابعا : المحاورات بها ما يزيد عن خمسة آلاف عضو ولا يمكن متابعة ملفات الأعضاء السابقة عند تسجيلهم بإسم جديد

خامسا : للمرة الأخيرة سيسمح بهمز ولمز السيد حسين فلا يدخل في قلوب العباد إلا المولى عز وجل ونحن هنا نتبع قواعد للحفاظ على المحاورات بشكلها المحترم الذي أعتاده الجميع وهذا تحذير إداري أخير

الإدارة

داروين [/b]

[الحاج فوزى]

تعريف الهمز واللمز للكلمات هى الكلمات التى تحمل اكثر من معنى او تنقل بقصد مواربة

اما كلماتى فهى صريحة ومباشرة لا تحمل من الهمز واللمز ( اللهم الا اذا اطلع متطلع على نيتى واخبرنى بما لا اعرف )

اما بمناسبة القواعد ، يفضل عند مخالفة اى عضو لأى قاعدة ما ، ان ترفق تلك القاعدة مع رد المشرف الفاضل حتى يكون الكلام على بينة ، طبعاً هذا فى حالة عدم اتباع اسلوب الرسائل الخاصة و طبعاً ده مجرد اقتراح

اخيراً .. ،

وهذا تحذير إداري أخير

..

بجد لا تعليق

..

حسين

[بنت النيل]

الفاضلة بنت النيل ...

باديء ذي بدء ... هو شيء رائع بالفعل ما أفرخت عنه معرفة زملاء قلم في محاورات المصريين لتتحول الي علاقة صداقة و مودة لمجموعة كاملة بعيدآ عن مصر مثل ما قمتم به في الكويت .... حقيقي انه شيء رائع ... اتمني بالفعل ان يصبح مثالآ لجميعنا في الغربة ... و أن يتكرر في أماكن أخري ... و يكون لمحاورات المصريين دائمآ يدآ في تأصيل تلك العلاقات ...

ترين أختي الفاضلة ان تواجد موضوع أجندة المواعيد هذا بالرغم من انه لا يمثل جانب مهم لبقية الأعضاء.. و لكن يكفي انه هام بالنسبة لمجموعة مننا حتي يكتسب أهمية لدينا ايضآ .... و لكن توافقيني ايضآ انه لا يجب أن يتحول الي لوحة اعلانات عن مواعيد الرحلات التي كانت تضعها اسر الجامعات ... أعتقد ان للمحاورات حقآ علينا جميعآ في ان لا نستخدمها فقط كلوحة اعلانات ... و مثلما تشاركين انت و جميع الأخوة في المواضيع الأخري .. ما طلبه الفاضل داروين ان يفعل الجميع نفس الشيء و بالأخص الأعضاء الجدد....

الفاضل مانو ( و له كل الترحيب بأنضمامه الي المحاورات ) عدد مداخالاته واحدة فقط ... و هي التي كتبها عاليه .... فمن الطبيعي ان نشعر ان هناك شيئآ غير منطقي ... و ان المحاورات يتم استخدامها بأسلوب يبعد عن الهدف الأساسي منها .....

تحياتي ...

الاخ الفاضل سكروبيون لا يسعنى سوى الشكر لشخصكم الكريم وللتوضيح

وايضا جميعنا لا ننسى ان المحاورات لها كل الفضل فى تجمعنا هذا

وايضا الشكر لها بالسماح بتواجد اجنده مواعيد لقاءاتنا ولها فى هذا الشكر والتقدير

مع تحياتى واحترامى لكل قواعد المحاورات وما تراه فى الصالح لنا جميعا

على فكرة يا سكروبيون التورته كانت بالكريمة انما ايه تستاهل بوقك bv:- :lol:

تم تعديل 16 مارس 2007 بواسطة بنت النيل

[Alex Lover]

اولا انا اود ان اشكركم على دعوتي للقاءكم امس وبالفعل كنت سعيدة انا واسرتي بالتواجد معكم جميعا ولكنني كنت اشعر ببعض الحرج (لا اعرف لماذا ) واعتذر عن الاسئذان مبكرا وذلك لاننا كنا مرتبطين بموعد مع بعض الاصدقاء ...

[رمضان]

السلام عليكم ورحمة الله وبركاته

ردا على الاحداث والمداخلات الاخيرة في موضوع اجندة لقاءات محاورين الكويت انا لي كلمة سأقوم بتوجيهها الى الاخوة المشرفين والاخوة الاعضاء ان شاء الله لتوضيح وجهات النظر ولتصحيح بعض الاخطاء التي وقع فيها البعض وانا عن نفسي غير راضي عما حدث في الفترة الاخيرة .

[وائل كيوان]

اولا انا اود ان اشكركم على دعوتي للقاءكم امس وبالفعل كنت سعيدة انا واسرتي بالتواجد معكم جميعا ولكنني كنت اشعر ببعض الحرج (لا اعرف لماذا ) واعتذر عن الاسئذان مبكرا وذلك لاننا كنا مرتبطين بموعد مع بعض الاصدقاء ...

الاخت الغالية اليكس لوفر كنتوا منوريين القاعده وبعدين اول لقاء تتعرفى فيه على اشخاص اخريين الطبيعى لا بد ان يكون هناك بعض الخجل وده علشان يمكن حضرين معانا لاول مرة وكمان فيه مجموعه رائعه مكنوش موجوديين امس لما هتتعرفى عليهم تفرحى بيهم قوى وهم نور الدنيا ورشا وغيرهم بس حصل ليهم ظروف طارئه مقدروش ييجى اللقاء .

وبعدين لكوا منا الف تحية على حضوركوا وياريت يكون الرمل اللى فرشناه امبارح قد المقام ولا انتى اية رايك نغير المقاول ولا نوعية الرمل كانت كويسة نسيبه .

وهننتظركوا المرة الجاية

مع خالص تمنياتى

[MANOO]

يجماعه انا بجد اسف جدا على المدخله بتاعتي وياريت تعزروني

شكرا

[Alex Lover]

الأخ وائل ,,, عندك حق في اللي بتقوله اكيد علشان أول مرة اشوفكم بس حقيقي كان نفسي اتعرف على باقي الأعضاء .. متعوضه انشاءالله ,,, نسيت اقولك يا بنت النيل بنتك أمورة خالص ربنا يحميهالك يارب وعقبال مليون سنة .. ومحمود كمان عسول وسيف ابني بيسألني عليه ، نانو حاسه اني شفتك قبل كده ومش عارفه فين ولغاية دلوقتي مش قادرة اعرف بس يمكن الاسكندرانية دمهم بيحن لبعض ولا ايه :sad:

حسين ولو اني باتأسف على ما يحدث الا اني انا وزوجي اجتمعنا على ان روحه خفيفة جدا مثل اخي الصغير ، ربنا يارب يخليك للمنتدي ومايحرمهومش منك ابدا

الاخ وائل طبعا عارف رأيي فيه انه انسان مهذب وخدوم جدا وبيخليني احس ان ليا اخ في الكويت ،

رمضان وأبو حميد دمكم خفيف جدا واتمني تكونوا تقبلتوني انا واسرتي اصدقاء جدد

اخيرا الأخ مانو اللي محضرش انا شايفة ان الموضوع كبر من غير داعي وطبعا احنا بنرجي بيك ولكن هتتحسن الأمور بمداخلات جديدة ومواضيع جديدة واتمنى ان لا يحدث سوء تفاهم (اكتر من كده )

[CAMPS]

:sad:

ان شاء الله موفقين ياجماعة فى لقاءاتكم wst::

واعذروني مقدرتش آجي بسبب ظروف الانذار wst::

اللى محدفكر يجيبلى عيش ولا حلاوة :wub:

عموما HUSS حسين دلوقتي معاي ومونسني :blink:

عيد ميلاد سعيد لخلود

وانا باشكر الادارة والله على الفرصة دى wst::

[برو]

اية ياجماعة مش كدة انا حسيت اني سراب ولا واحد قال وعليكم السلام ولا رد على التحية على العموم شكرا للكل

[وائل كيوان]

اية ياجماعة مش كدة انا حسيت اني سراب ولا واحد قال وعليكم السلام ولا رد على التحية على العموم شكرا للكل

يا معالى الباشا احنا نقدر على زعلق

وعليكم السلام ورحمة الله وبركاته اهو ردينا السلام يا عمنا ومتزعلش مننا لان حدث سوء فهم فى مداخلاتنا هنا بالاجنده وده اللى زعلى الواحد ان احنا نكون اخوات ونترق لموضوع سار فيه جدال وانتهى على خير وكل طرف فهم وجة نظر التانى والاختلاف فى الرأى لايفسد للود قضية .. حلوة قضية دى بما انى محامى تلاقينى بذكره كتير متحطش فى بالك ... بس احنا طبعا سعداء بيك وسطنا وتقبل اعتذارى عن الجميع وانك اخ عزيز طبعا ومنقدرش نطنشك ابدا

مع خالص تحياتى

clwn:

[أبو حميد]

اية ياجماعة مش كدة انا حسيت اني سراب ولا واحد قال وعليكم السلام ولا رد على التحية على العموم شكرا للكل

برو

أنت فتحت موضوع أسمه "عضو جديد بيسلم عليكو" وجالك أربع ردود أنا واحد منهم وأنت اللي مرديتش علينا كأننا سراب بس باين عليك نسيت مكانه أو مخدتش بالك من الردود على العموم أحنا كلنا كنا زيك في البداية مش بنعرف نتابع الموضوع

دوس هنا وأقرأ الردود ورد علينا

[برو]

شكرا للاستاذ وائل والاستاذ ابو حميد وفعلا انا حطيت موضوع بس فعلا مش عارف هو فين ومتشكر جدا على الترحيب واتمنا اننا نتعرف اكتر وفرصة سعيدة جدا لكل الاصدقاء الجدد فى المنتدي

[رمضان]

بعد المشاورات والمناقشات ورأي الاغلبية تقرر باذن الله ان يكون اللقاء القادم للجماعة بتوع المحاورات فرع الكويت يوم الخميس القادم بنفس المكان الساعة السادسة ان شاء الله .

على فكرة احنا قررنا نشتري مركز سلطان لحسابنا

[Alex Lover]

طيب مش ممكن تغيروا المكان .. انا بس مشكلتي ان الاولاد الصغيرين الالعاب بتاعتهم بعيد عن مجالس الكبار ، ثانيا البحر مفتوح وممكن لو طفل جري يقع (انا بتكلم عن اولادي) لانهم صغار خالص زي ما شوفتوا ... فيه مكان ظريف جدا اسمه سيتي كافيه على الخليج والاطفال لهم العاب مجانية قدامكم على طول والمكان آمن ومش مزدحم ايه رأيكم ؟؟؟؟

[وائل كيوان]

طبعا احنا نتمنى تحقيق طلب يا اليكس بس المشكلة هل هيكون فية موافقه من الجميع ولا اية لان فيه ناس كتير من المجموعه مش تعرف غير سطان بس

وعلى العمم هنعرض الامر فيمابيننا ونتشاور لدراسة الموضوع واللى له راى يا جماعه يقلنا ويطرحه الان