أجندة مواعيد لقاءات المحاوريين -فرع الكويت

[AhmedAli]

السلام عليكم ورحمه الله وبركاته

اخوانى المسلمون فى الكويت - انا احمد من مصر واريد ان اسافر خارج مصر لانى راتبى ضعيف جدا ولم اجد فرصه الا فيزه حره بالكويت اريد ان اعلم ما هى اضرارها وهل المخاطره كبيره لان هناك من حذرنى من الاتى

اولا : ان اكون على كفاله موسسه واعمل فى مؤسسه اخرى هذه مخالفه تستوجب الترحيل ان امسكونى

ثانيا: ان اغلقت المؤسسه او تم تصفيه اعمالها يتم ترحيلى ولا يسمح لى بنقل كفالتى

ثالثا: لابد ان تمر سنه على عملى لدى الموسسه الاولى حتى استطيع نقل كفالتى بعد ذلك على عمل اخر

رابعا: فرصه عملى بمؤهلى ( ليسانس تربيه علم نفس ) معدومه فى الكويت

خامسا: فرص العمل فى الكويت لا تتم الا بالمعارف وهى معدومه بدون المعارف حتى بالرغم من اجادتى للكمبيوتر والانجليزى وحصولى على شهادات دوليه

ارجو ارجو ارجو سرعه الرد حيث لابد من ان اقرر ساشترى الفيزه ام لا خلال ايام علما باننى ساشتريها بكل م امالك وبالمال المفترض اننى كنت ساتزوج به

وشكرا لكم وجزاكم الله خيرا

[darker19]

الأخ أحمد علي أحب أرد على حضرتك بنفس ترتيب التحذيرات:

أولا: صحيح في مخاطرة من انك تشتغل في مكان غير مكان اقامتك ومخالفتها الترحيل.

ثانيا: يسمح لك بالتحويل في حالة مرور أكتر من عام على حصولك على الإقامة.

ثالثا: نفس النقطة الي فاتت.

رابعا: فعلا فرصة العمل بهذا المؤهل صعبة جدا.

خامسا: هوا فعلا الوسايط بتلعب دور كبير جدا في التوظيف, بس خليها على الله.

البلد هنا حلوة وهادية وماشي حالها, وموضوع الشغل ده رزق من عند الله, أي حد بيسافر بيخاطر, فاشوف لو العملية مقفلة معاك في مصر تعالى وان شاء الله يكون الحال هنا أحسن.

[Dr.Know]

بصوا يا جماعه انا للاسف مش في الكويت انا في منطقه تانيه في الخليج برده

بس لي صديق بالكويت عنده شويه افكار حلوه للمصريين المقيمين بالكويت هو هيرسلكم ويتعرف عليكوا وياريت تتعاونه معاه

[أبو حميد]

بصوا يا جماعه انا للاسف مش في الكويت انا في منطقه تانيه في الخليج برده

بس لي صديق بالكويت عنده شويه افكار حلوه للمصريين المقيمين بالكويت هو هيرسلكم ويتعرف عليكوا وياريت تتعاونه معاه

أهلا بيك يا دكتور وبأصدقائك يا ريت كنت تقدر تقابلنا بس الجايات أكتر وبخصوص صاحبك خليه يشترك في المنتدى أحسن ويشارك معانا في المواضيع.

أما لو في صعوبات في الإشتراك ممكن طبعا يتفضل الأربعاء 21 / 2 / 2007 الساعة 8 بسلطان اللي على البحر وأكيد هايعرفنا أحنا بنبقى مالين المكان ويقولنا كلمة السر "دكتور نو بيسلم عليكم" وأحنا هنقوم بالواجب. أو أبعتلي تليفونه على الخاص وأنا هارتب معاه.

[وائل كيوان]

السلام عليكم ورحمة الله وبركات

اهلا بكل الشباب المصرى اللى نفسة نكون ايد واحده ديما انا اخوكم وائل محمد بالكويت ومن فترة بسيطة بكون رابطة والحمد لله حققت فيها شئ ولو بسيط وهو ان انا قدرت اجمع عدد 100عضو من داخل شركة واحده بالكويت اللى بعمل بها طبعا وبنحاول بجزء بسيط منا شهريا كتبرع اننا نجمع مبلغ كويس بنحاول بيه نساعد اى مغترب تحصلة لقدر الله اى ظرف طارق والجزء الثانى بنرسله ديما اما لدار ايتام داخل مصر او مستشفيات خيرية لمساعدة المحتاجين ويسعدنى انى اتقبلت فيكم واتعرفت عليكم جميعا وان شاء الله هحاول اكون متواجد يوم الاربعاء بمركز سلطان اللى بشرق اللى هتجمعه فيه ان شاء الله ونتعرف على بعض وكل واحد منا عنده حلم جميل لبلده يقولة ونحب بعض ديما ونكون ايد واحده وياريت تكلمنى يا استاذ رمضان لانى شايف انك المسئول المباشر لانى عايز اتناقش معاك ونكون اصدقاء مع كل المجموعه اللى هتكون موجوده تليفونى 9623514 وهنتظر ردك ضرورى وانا صديق الدكتور اللى قالكوا عليه وجت الفرصةانى اتعرف عيكوا وانا سعيد بكل ما تكبر القاعده لينا كمغتربين بنحب مصر

اخوكوا وائل مستشار قانونى

[mizooo]

أخي المستشار الفاضل تشرفنا بمعرفتك ومن الجميل تكون المجموعة فيها جميع التخصصات لمساعدة الأخرين ، اما بالنسبة للتجمع علي ما أعتقد انه مركز سلطان السالمية اللي عالبحر ، وزيادة للتأكيد الخ رمضان هيأكد تاني الموعد والمكان.

[وائل كيوان]

شكرا جزيلا لاهتمامك اخى والترحيب بالانضمام اليكم

بس ياريت تحددوا بالظبط وعلى الاخ رمضان يكون محدد كل شئ بالتحديد فى رسايلة

وشكرا

[أبو حميد]

بس ياريت تحددوا بالظبط وعلى الاخ رمضان يكون محدد كل شئ بالتحديد فى رسايلة

أهلا بيك يا أخ وائل بنرحب بيك في المنتدى وفي تجمع الكويت وفي لقائنا القادم يوم الأربعاء 21 / 2 / 2007 الساعة الثامنة مساء في مركز سلطان على البحر بالسالمية إنشاء الله.

[رمضان]

السلام عليكم

اخ وائل اهلا بيك معانا وان شاء الله تكون اضافة جميلة وبالنسبة للتحديد اعتقد ان الاستاذ احمد قد وضح الامر

على فكرة يا استاذ وائل احنا عبارة عن مجموعة من الاصدقاء وكلنا بننسق مع بعض علشان نعمل اي لقاء بس صادفت المرة دي ان انا اللي فتحت الموضوع .

اخوك رمضان

[رمضان]

على فكرة بالنسبة للجماعة بتوع دبي انا احتمال انزل دبي اغير جو في الاجازة الجاية دي وممكن نتقابل لو تحبوا ايه رأيكم

[أبو حميد]

على فكرة بالنسبة للجماعة بتوع دبي انا احتمال انزل دبي اغير جو في الاجازة الجاية دي وممكن نتقابل لو تحبوا ايه رأيكم

ماشي يا عم أنت بتعمل علاقات خارج الحدود براحتك المهم لقاء اليوم يتم مظبوط مفيش أعتذارات هل تتقبل والكل جاي إنشاء الله. أنا هكون في سلطان من 7:30 علشان أعوض تأخيري المرة اللي فاتت.

[وائل كيوان]

شكر خاص

أود ان انوه عن لقاء يوم الاربعاء بين محبى الترابط والتواصل بالكويت

شكر خاص للاستاذ رمضان عن ذلك القاء الممتع الذى لم شمل جزء من الجالية المصرية المتواجده بالكويت واحب اضيف كلمة شكر لكل شخص حضر ذلك الاجتماع الذى ان دل فيدل على حب صادق لترابط ابناء البلد الواحد بالنسبة : لرمضان لقد كسبت اخ جديد عن حق وربنا يديم المحبة والمصادفه الجميلة اننا من نفس المكان بمصر ولم نتعرف ببعض من قبل وجمعنا ذلك اللقاء فأوجه الية التحية .

اما الاخ : ابو حميد فعلا ثبت لى اليوم ان هناك اخوة نود دائما التقرب منهم فهو انسان ذات شخصية محترمة جدا وذات رائى صائب فى الامور فانت الحكمة لنا .

بالنسبة : لـ mizo انسان متطلع يحلم بالكثير فانت شخصية مهذبة جدا وكسبتك كصديق دائم .

اما بالنسبة للنسر فكان الفاكهه للاجتماع فكنت شخصية لذيذة جدا مع قصر الفترة التى قضيناها سويا .

بنت النيل : احسسنا معك بدفئ مصر والجو التى افتقدناه بغربتنا من يوم ان اتيناها .

الاخت نور الدنيا : حقا انرتى لنا الدنيا بحضورك فنتمنى ان تكون النور لنا دائما فرأيناك الاخت والصديقه .

اما الاخ احمد نتمنا ان نتواصل دائما فانت شخصية هايلة ومرح ويارب تدوم صداقتنا .

اما بالنسبة للاسرة التى امتعت اللقاء فكم كان الحديث معهم فى غاية الروعه ومعلش يا دكتور ان الاسم الحركى مش فاكرة قوى بس لازم اعطيك حقك بجد انا سعيد جدا بمعرفتك حقا كسبنا معكم بذلك اللقاء الجو الاسرى الرائع الذى نتمنى ان يدوم بيننا ورجاحة العقل التى افادتنى فى الرابطة التى طرحت فكرتها من قبل

وقدمت لى النصيحه التى ان دلت فتدل على حرصك على من تنصحه فكسبت منك تجار ب بالحياة .

وانا بدعوا كل المغتربين بكل البلاد العربية والاجنبية ان ينفذوا ما نفذناه فعلا هتلاقوا الامر افضل بكتير من كونها فكره بتطرح فانا بجد كسبت اسرة جميلة جدا وقضيت سهرة من اجمل ما يكون لاول مرة محسش بغربة حقيقية لوجودى بين اخوانى واخواتى كنا محتاجين الجو ده من زمان اننا نكون ايد واحده واسرة واحده بنخاف على بعضنا .

واوجه الشكر طبعا للدكتور نو الذى كان سببا جميلا لمعرفتى بكم فحقا له كل الشكر والتقدير منى وكان عايز يعرف منى اللقاء هيثمر عن اية فانا بعرفه وبعرف كل زوار واعضاء المنتدى اننا تحدثنا عن امور كثيرة مفيده لنا جميعا وضحكنا وكان الجو مرحا بيننا وانا شخصيا طلعت منهم بافكار جميلة تفيدنى فى اللى بنفذه وسوف نصبح جميعا من الان يدا واحده فى كل الظروف ويار ب اللقاءات القادمه بيننا ان نرى فيها اصدقاء جدد لنا واسرة كبيرة نفتخر بها امام العالم فى اى مكان وصدقونى يا جماعه فعلا حسيت بالامان والقوة واحنا متجمعين مع بعض وكأننا نعرف بعض من سنين مش من لقاء واحد وده لاننا متجمعين من قبل اللقاء على الخير والحب وده بان من اول لحظة لينا كلنا محدش حس انه غريب سواء الاعضاء القدامى اول المجموعة اللى انضمت لاول مرة بذلك اللقاء وانا اسف يا جماعه لعدم ذكر كل الاسماء اللى كانت موجودة لان كان معانا اصدقاء تانين طبعا قاموا لظروف بعد المسافات قبل نهاية اللقاء وبشكرهم لاستقبالنا بكل الحب والترحاب وقبولنا بهذه الاسرة الرائعه وان شاء الله تكون اللقاءات الجاية احسن واحسن واحسن وانا بشكركم جميعا اخوة واضدقاء ويارب ديما تستمر علاقتنا على الحب دائما وان نتواصل معا فى كل مناسباتنا وانا حبيت اشكركم على المنتدى علشان اعطى كل واحد منكم حقة وعلشان اصدقائنا اللى محضروش اللقاء يعرفوا قد اية ان بمشاركتهم فى اللقاءات الجاية هيتبسطوا معانا قد اية ويعرف جو الحب اللى كان محيط باللقاء والف شكر للجميع .

[mizooo]

السلام عليكم ورحمة والله وبركاته،،

في البدايه احب أن اشكر كل من حضر هذا الأجتماع الرائع ، فعلا كنت حاسس ان اعرف المجموعة من زمان وحقيقي كنا اول مرة نحس اننا مش في غربه من سنتين عمل متواصل داخل الكويت اول مره احس ان لي اسرة كبيرة واحب انتهز الفرصة واوجه الشكر

الأخ رمضـــــــــــان : أخ فاضل قمه في الاحترام حريص علي ابناء بلده تشرفت بيك يا رمضان

أبو حميــــــــــــــد : أشعرتنا بلأخ الأكبر في هذا اللقاء اشكرك علي حُسن مقابلتك

داركـــــــــــــــــــــر : مشيت بسرعة وكنا نتمني نتعرف اكتر ولكن شكرا وسعدت بلقائك

النسر المصــــري : شخصية مرحة جدا كنت اتمنا اقضي معاك وقت اكبر من كدة ولكن انت عارف الدوام وأحكامة ولكنك بالفعل شخصية محترمة ولنا لقاء أخر يا نسر ، وليا طلب عندك شوف اي دواء للنسر بتاعك سمعنا انه مصاب بانفلونزا الطيور من بنت النيل :rolleyes:

بنت النيــــــــــــل : سعدت جدا بلقائك يابنت أخت محترمة وبنت بلد جدا ومشغولة بقضايا البلد

نورالدنيــــــــــــــا : نورتي الدنيا واتشرفت جدا بمعرفة شخصية مثلك يمتلكها الهدؤ

المستشار وائل : كنت اتشوق للقائك بعد مكالمتك الحماسيه شخصية مهذبه عقلانية متطلعة مشغولة بحقوق الأنسان تشرفت بيك يا وائل

الأسرة المرحة : نانو والدكتور الفاضل شكرا لحسن المقابلة وانا اعتقد ان اي شخص داخل الكويت يتشرف بمعرفتك لأفكاركم الناضجة لإحتوائكم للمجموعة بشكل عام تشرفت بيكم حقيقي وسعدت بلقائكم.

واخيرا احب ان اقترح ان يكون في شخص محدد مسئول عن تحضير الاجتماعات يقوم بالإتصال بالجميع ويكون علي دراية بمواعيد الجميع او يحدد يوم معين لهذه اللقائات...... واشكر الجميع

[الحاج فوزى]

للاخوة والاخوات جميعاً

اعتذر لكم بشدة عن عدم حضورى ،

بس والله انا جيت ووصلت لحد مركز سلطان بالفعل ، لكن للاسف اضطريت للانصراف فوراً بعد مكالمة هاتفية طارئة .

اعتذر مرة اخرى وفعلاً والله كان نفسى اقابلكم .. وان شاء الله المرة الجاية نتقابل.

حسين

[Dr.Know]

يرتني كنت معاكم والله كان نفسي اكون في الكويت بس ملحوقة اشوف عقد هناك واجلكم

بس انا بعتلكم واحد اظن ان الكل رحب بيه صح ولا لا

[أبو حميد]

شكرا لكل المحاورين الجداد اللي حضروا لقاء الأمس نور الدنيا ومدام رشا وميزووو ووائل كيوان وطبعا دكتور ايهاب وكلهم كانوا فعلا إضافة جديدة وجميلة للمجموعة وشكرا لكمبس ومانو وحسين اللي ماقدروش يحضروا لكن كلمونا وهايحضروا المرة الجاية إنشاء الله.

وشكرا للكلام الجميل المذكور في المشاركات اللي قبلي وبعد تجمع أمس عرفت قيمة محاورات المصريين وقيمة المحاوريين المصريين لأني شخصيا قابلت سبعة في أول لقاء وأربعة جدد أمس وكل من قابلتهم يمثلون عينة جميلة من كل المحاوريين صحبة من ورد بلدي ينبت من أرض مصر طعم ولون ورائحة مصر كانت موجودة بمركز سلطان بالكويت أمس. تفتخر بأنتماء هذه المجموعة لبلدك مصر بدون مبالغة فعلا.

[drhouba]

صباح الفل أولا أنا سعدت جدا بإجتماع إمبارح و ما أخبيش عليكم أنا كنت متردد فى البدايه أروح و اللا لأ مش عشان مش عاوز أشوفكم أنا كنت عاوز أقابلكم من زمان و لكن بسبب أنى ما زلت بمرحله من عدم التوازن النفسى و إكتئاب خفيف لسه بأحاول الخروج منه فخفت أروح و يبقى دمى تقيل مع ناس حلوين بأشوفهم لأول مره و لكنى فى الآخر أخذت القرار و رحت و الحمد لله إنى أخدت القرار ده لأنى فعلا خرجت من حالتى النفسيه بعد دقيقتين بس من وصولى و إستمتعت بالكلام و الإستماع للناس كلها فرد فرد

أبو حميد : من أول ثانيه تشعر إنك قاعد مع أخوك و كأنك تعرفه من سنين

رمضان : طيبه شديده و عفويه إنسان جميل و على طبيعته

وائل : شهامه و قلب كبير و حب للغير ربنا يكرمك

ميزو : لما تقعد معاه تحب تعرفه أكتر

النسر : حبيبى دائما رغم إختلافاتنا الأيدلوجيه الكرويه العميقه و ما محبه إلا بعد إنذارات ( جاكته ب3 زراير مقفوله و سديرى و قميص ب 6 زراير و كرافته مربوطه و برضه إنذار !!!! )

بنت النيل : كما عهدتها دائما شجاعه و شهامه و طيبه مصريه مصريه يعنى ... و أى خناقه على الزمالك تلاقيها ورا ظهرك ... أى خناقه محتاجينك تأمنى ظهرنا يعنى حندخل و إحنا مطمنين

نور : نورتى الليله كلها

داركر : خفة دم و حضور المره الجايه تفضى لنا نفسك

نانو : كما عهدناكى دائما متألقه و بناتك الحلوين ربنا يخليهم لك و يحفظهم و جوزك اللذيذ بصراحه جوزك دخل قلبى من أول ثانيه يا بختك بيه :closedeyes:

تم تعديل 24 فبراير 2007 بواسطة drhouba

[النسر المصري]

بصراحة ياجماعة انا كنت هندم اكبر ندم في عمري لو ماكنتش جيت امبارح... ياااه قد ايه انا انكشحت وانبسطت وفرحت اوي بوجودكم

كانت متعة فعلا امبارح..

تناقشنا في مختلف القضايا المعاصرة ..سياسية..تاريخية.. وطنية...ترفيهية......رياضية (دي بالذات انا شايل في قلبي هم كبير ليها....فينك يادكتور هوبا اما ألقاك بس ....وحياة خالتي نبويه لجعلك تحلف بكل ماهو أحمر :sad: )

وبمناسبة هذه المناسبة اللي هي مناسبة المناسبات :closedeyes:

فانا هاقدملكم قصيده زوهيرية الطعم والرائحة..نسراوية المنبع....محاورية الملتقى

القصيدة بعنوان

بشكيلك ياما وغطيني...خدتي قرشيني وخدعتيني

لالالالا ياربي مش هي دي...هي فين الورقه....ايوه اهي

القصيدة بعنوان (التت) - اصل التت فيها كتير ) وهي بتقول

ألا يامحاورتيين الكويت تتقابلو...كلما تقابلتم كنتم تترائعو

فالروعة في قلوبكم محبةٌ....والمحبة فيكم تتراقصُ

فها أنت يارمضان تتفاخر...والمفخرة بأهلاويتك تتآزر

فأي رمضانا أنت يامفخرة...لكل أهلولايا تتشاكر

وانت يأبو حميد تتنوّر...وتنيرنا بعلمك الغزيرتا

فكم من ثقافة بها تريننا....،وكم من المحبة علمتنا

وأما أنت يا دكتورنا...ياهوبا يأبو المحبتا

كم جميل أنت في شخصك....ولكن زمالكاويتك تغيظنا

فيا هوبا أهب لنا قلبك...ولنجعله أحمراً مباركا

وهاأنت يابنت النيل تتلمعي...فانت كالنجمة في السماء تلمعي

النيل بك يسري ويجري...وبور سعيد بك تغني وتشجي

وأما بالنسبة للصورة...فلا تنسي كلمة السرِّ (السيكا في النناتي ..والننا في السيكاتي)

وإليكم ....هاهي نانو تتباهر....تتباهر بعقليتها الراجحةُ

فالعقل ينبهر لعقليتها....التي تناور بها الجهلُ

وكم لديها من بنات قمرات جميلاتَ....وانا على وعدي لهم باللولو كاتي

وياوردة الدنيا ونورها...نورك كان بالأمس يضيئنا

وسيظل نورك ينيرنا....لطالما سنظل هنا في بيتنا

فالمحاورات بك تتشرف...وكم سعدنا بك أن نتعرف

وأما انت ياوائل المستشار...... فنحن لن ننسى عزومتك لمطعم الفنار

أو حتى ميس الغانم او الابراج او الأقطار...فلاتخلف وإلا أطلقنا عليك جيش التتار

وأيا كان فنحن أحببناك ايها المستشار.....فانت جميل محب كريم... فاختر مطعمك ولاتحتار

وللحبيب ميزو قيمة تتوهج...فهو كالذهب يتوهج

فكم جميل انت تجلس معه وتتكلم... فالثقافة تملؤه بذهب متوهج

ولكل أخاً حبيب لم يأتي.....فنحن نبلغه سلاما محببا

فلا تنسو اننا سنتقابل..... مرة واثنين ومائةً

فالكويت عامرة بمحاورتيها...والسعوديه....ياعيني....إهيء....مش فيها!

فإلى اللقاء القادم......أكل وشرب ومعازم :blink:

[بنت النيل]

بصراحة ياجماعة انا كنت هندم اكبر ندم في عمري لو ماكنتش جيت امبارح... ياااه قد ايه انا انكشحت وانبسطت وفرحت اوي بوجودكم

كانت متعة فعلا امبارح..

تناقشنا في مختلف القضايا المعاصرة ..سياسية..تاريخية.. وطنية...ترفيهية......رياضية (دي بالذات انا شايل في قلبي هم كبير ليها....فينك يادكتور هوبا اما ألقاك بس ....وحياة خالتي نبويه لجعلك تحلف بكل ماهو أحمر :closedeyes: )

وبمناسبة هذه المناسبة اللي هي مناسبة المناسبات :closedeyes:

فانا هاقدملكم قصيده زوهيرية الطعم والرائحة..نسراوية المنبع....محاورية الملتقى

القصيدة بعنوان

بشكيلك ياما وغطيني...خدتي قرشيني وخدعتيني

لالالالا ياربي مش هي دي...هي فين الورقه....ايوه اهي

القصيدة بعنوان (التت) - اصل التت فيها كتير ) وهي بتقول

ألا يامحاورتيين الكويت تتقابلو...كلما تقابلتم كنتم تترائعو

فالروعة في قلوبكم محبةٌ....والمحبة فيكم تتراقصُ

فها أنت يارمضان تتفاخر...والمفخرة بأهلاويتك تتآزر

فأي رمضانا أنت يامفخرة...لكل أهلولايا تتشاكر

وانت يأبو حميد تتنوّر...وتنيرنا بعلمك الغزيرتا

فكم من ثقافة بها تريننا....،وكم من المحبة علمتنا

وأما أنت يا دكتورنا...ياهوبا يأبو المحبتا

كم جميل أنت في شخصك....ولكن زمالكاويتك تغيظنا

فيا هوبا أهب لنا قلبك...ولنجعله أحمراً مباركا

وهاأنت يابنت النيل تتلمعي...فانت كالنجمة في السماء تلمعي

النيل بك يسري ويجري...وبور سعيد بك تغني وتشجي

وأما بالنسبة للصورة...فلا تنسي كلمة السرِّ (السيكا في النناتي ..والننا في السيكاتي)

وإليكم ....هاهي نانو تتباهر....تتباهر بعقليتها الراجحةُ

فالعقل ينبهر لعقليتها....التي تناور بها الجهلُ

وكم لديها من بنات قمرات جميلاتَ....وانا على وعدي لهم باللولو كاتي

وياوردة الدنيا ونورها...نورك كان بالأمس يضيئنا

وسيظل نورك ينيرنا....لطالما سنظل هنا في بيتنا

فالمحاورات بك تتشرف...وكم سعدنا بك أن نتعرف

وأما انت ياوائل المستشار...... فنحن لن ننسى عزومتك لمطعم الفنار

أو حتى ميس الغانم او الابراج او الأقطار...فلاتخلف وإلا أطلقنا عليك جيش التتار

وأيا كان فنحن أحببناك ايها المستشار.....فانت جميل محب كريم... فاختر مطعمك ولاتحتار

وللحبيب ميزو قيمة تتوهج...فهو كالذهب يتوهج

فكم جميل انت تجلس معه وتتكلم... فالثقافة تملؤه بذهب متوهج

ولكل أخاً حبيب لم يأتي.....فنحن نبلغه سلاما محببا

فلا تنسو اننا سنتقابل..... مرة واثنين ومائةً

فالكويت عامرة بمحاورتيها...والسعوديه....ياعيني....إهيء....مش فيها!

فإلى اللقاء القادم......أكل وشرب ومعازم :sad:

النسر المصرى شق السما وكتب ونظم اعظم ملحمه

الكويت اتزلزلت والمحاورات جلجلت

والاعضاء بحالها قامت بالفرحه وهللت :blink:

عاملى فيها شاعر ياخويا :angry2:

السيكا في النناتي ..والننا في السيكاتي)

ياشماتت ابله ظاظا فينا

تم تعديل 23 فبراير 2007 بواسطة بنت النيل

[وائل كيوان]

بصراحة ياجماعة انا كنت هندم اكبر ندم في عمري لو ماكنتش جيت امبارح... ياااه قد ايه انا انكشحت وانبسطت وفرحت اوي بوجودكم

كانت متعة فعلا امبارح..

وأما انت ياوائل المستشار...... فنحن لن ننسى عزومتك لمطعم الفنار

أو حتى ميس الغانم او الابراج او الأقطار...فلاتخلف وإلا أطلقنا عليك جيش التتار

وأيا كان فنحن أحببناك ايها المستشار.....فانت جميل محب كريم... فاختر مطعمك ولاتحتار

فإلى اللقاء القادم......أكل وشرب ومعازم

على العموم يا نسر متقلقش هنعالجك من انفلونزا الطيور بيقولوا اكتشفوا له علاج وده مش اشاعه يا جماعه ومتقلقش كمان هرفعلك دعوى قضائية اطلب فيها تعويض عن الانفلوزا ولو هى مضيقاك الوقتى خد حبيتين فلورست وهى تروح وياسيدى انت مفكر انك بتورطنى على الهوا مباشرتا بالعزومة بس عشان تعرف ان احننا جدعان قوى ومش بنتهدد وهختار من غير ما احتار وهتتعزم فى احلى مكان انت والاسرة كلها وياسيدى انا مقدر انك مش قبضت راتبك من خمس شهور وهخليها فطار وغدا وعشا ليك والباقى نخليها عشا بس عشان اكيد قابضين رواتبهم ولا اية يا دكتور هوبا اكيد انت تعرف اكتر منى .