أجندة مواعيد لقاءات المحاوريين -فرع الكويت

[وائل كيوان]

يرتني كنت معاكم والله كان نفسي اكون في الكويت بس ملحوقة اشوف عقد هناك واجلكم

بس انا بعتلكم واحد اظن ان الكل رحب بيه صح ولا لا

مش هنسى فضلك يا دكتور نو لانك كنت سبب فى انى اتعرف على المجموعة الرائعه اللى اجتمعت امس وفعلا كنت اخ وصديق حتى وانت مش موجود فى وسطنا واكيد فى يوم الوجوة تتقابل وانا بسافر دبى كتير فى شغل وفى اقرب فرصة اكيد ان شاء الله نتقابل .

[رمضان]

السلام عليكم ورحمة الله وبركاته

اولا انا بشكركم جميعا على الكلام الجميل ده الذي ان دل على شيء فانما يدل على كرم اخلاق شديد منكم

اخواني الاعزاء انتم بحق مجموعة رائعة جدا بارك الله فيكم جميعا ووفقكم الى الخير وأدام الله المحبة بيننا

[noureldonia]

بقالي يومين مش عارفة اكتب اي مداخله مش عارفة اية المشكله في المحاورات ، اولا مرسي ليكوا جميعاً انا لسه شايفة تعليق الجميع على لقاء يوم الاربعاء اللي فات ، والله انا ليا الشرف اكتر بمعرفتكوا جميعاً

بنت النيل : بجد بشكرك لانك شجعتني اني اجي اللقاء وقالتي هتلاقي ناس قمة في الأحترام والثقافة والحقيقة اللي قلتيه لقتوا.

نانو : كان نفسي اتعرف عليكي اكتر واتكلم معاكي اكتر بس الجيات اكتر من الريحات انشالله وبعتلك رساله على الخاص يارب تكون وصلتك :D .

د. ايهاب : اتشرفت بمعرفتك وعاوزين في اللقات الجاية نستفيد من معلوماتك الطبية.

mizoo : اتشرفت بمعرفتك ويسعدني انو يكون ليا اخ زيك كله ذوق وشهامة.

رمضان : بجد بنشكرك جداّ لانك انت اللي رتبت اللقاء وجمعتنا ببعض يعني بجد لولاك معكونش عرفت انكوا بتجتمعوا اصلاً ومكنتش اتعرفت على الناس الجميله ده.

ابو حميد : تشرفت بمعرفتك جداً ، وعلي فكرة انا كمان حسيت كاني بتكلم مع اخويا شخصية مالوفة للجميع بجد.

وائل كيوان : كمان اتشرفت بمعرفتك والحقيقة المرة اللي فاتت ملحقتش اتكلم معاكوا بس انشالله الجيات اكتر من الريحات.

داركر : اتشرفت معرفتك مع انك معقدتش كتير بس انشالله المرة الجاية نتعرف عليك اكتر.

النسر المصري : مرسي على ابيات الشعر اللي تعبت وانت بتالفهلنا سعيدة بمعرفتك مع انك جيت في الأخر بس حاستك عملت زوبعة بين الأهلوية والزملكوية ومعرفش انتهي الموضوع بنكوا ازي لما مشيت :) .

واخيراً رشا حبيبتي بجد القاء كان نقصك وبالنيابة عنها بتسلم على الجميع بنت النيل ، ابو حميد ، رمضان واكيد كان نفسها تتعرف على الباقين بس جم بعد ما مشيت انشالله المرة الجاية تتعرف عليكم وياريت المعاد الجي يكون بدري شوية كتير علشان نعرف نقعد معاكوا ، وكان انطباعي انا ورشا بجد انوا كاننا شيفنكوا ونعرفكوا من زمان .

[mizooo]

السلام عليكم ورحمه الله وبركاته،،،

وبما ان جميع الردود أكتملت والحمدلله الكل مرتاح نفسيا من لقاء الأخرين ، لهذا اقترح علي الاخوة والاخوات ان يكون يوم التجمع يوم الجمعة ، وليكن بنظام اليوم الكامل مثلا ، نخرج، نتكلم، نشوي، عشان يكون يوم ثابت والكل اجازة ومحدش يعترض علي المواعيد وميكنش حد عنده حجة للتاخير...... ده أقتراح ونرجوا التعليق

[zedan]

أخواني الأعزاء ، لما حدث من تشابه بالأسماء قمت بتغير الأسم من mizooo الي zedan

[يحى الشاعر]

*************************************

تم الحذف بمعرفتي لعدم وجود علاقه بالموضوع الاصلي

الإداره

داروين

[DARWEEN]

الفاضل زيدان

تغيير كنية الدخول بعد حصولك على إنذار وكذلك الدخول بأكثر من كنيه دون إخطار الإدارة إجراء غير صحيح وسيتم التعامل معه من قبل الإداره

الأستاذ يحي الشاعر

تم حذف مداخلتك لخروجها عن سياق الموضوع

الإدارة

داروين

[بنت النيل]

أخواني الأعزاء ، لما حدث من تشابه بالأسماء قمت بتغير الأسم من mizooo الي zedan

اوك يا زيدان فانت تعرف من غير شىء حتى لو ماكنتش فى اسم :unsure: بمجرد لمعه من خاتم الماس نعرفك على طول :happy: منور بكل الاسماء

طلب صغير من الاداره الاخ ميزو او زيدان واحد برده هو عضو جديد معنا

فنتمنى التماس العذر له كما تعودنا من ادراتكم الجميلة :ph34r:

[وائل كيوان]

- غير مسموح نهائيا بتوجيه اى اهانه او تلميح للادارة بالتحيز او سوء القرارات و لا تناقش اى مشكلة خاصه باى عضو فى اى باب فى المنتدى فى حالة وجود اى شكوى من فريق التنسيق نرجو ابلاغ : الادفايزر . عبر ماسينجر المنتدى او الايميل ..

لرجاء التفضل بقراءة قوانين المنتدى

لنتجنب المزيد من النقاش حول هذا الموضوع

الادارة

تم تعديل 25 فبراير 2007 بواسطة folana

[zedan]

سيدي المشرف الفاضل أشكرك علي تحذيرك والذي يدل علي اننا بمكان محترم من النواحي الإدارية ، ولي مداخلة خاصة بخصوص هذا الموضوع ، انا أعتمدت علي حُسن النية ولذلك أشارت علنية أني قمت بتغيير أسمي الحركي،،، ولك مني أرق تحية

[يحى الشاعر]

الأستاذ يحي الشاعر

تم حذف مداخلتك لخروجها عن سياق الموضوع

الإدارة

داروين

أسف أخى العزيز وشكرا على توجيهكم

يحى الشاعر

[وائل كيوان]

اللقاء الثانى

تسر اسرة المحاورين بالكويت بعد التنسيق مع الاخوة الاعزاء ان تدعوا باقى الاخوة للحضور باللقاء الثانى لها وعلى جميع محاورى اللقاء السابق ان يتم التنسيق فيما بيننا لتحديد المكان كى يعلم به الجميع وهناك دعوة للجمع بالحضور وموعد اللقاء الساعه 6 مساءا

تم تعديل 26 فبراير 2007 بواسطة وائل كيوان

[وائل كيوان]

الاستاذ رمضان - المهندس احمد - الدكتور ايهاب - بنت النيل - داركر - نور الدنيا - الاخت نانى - الاخت رشا - الاستاذ حسين - النسر المصرى - زيدان باقى الاخوة الاعزاء .

يرجوا التصويت على الموعد والمكان

الموعد : الخميس

التوقيت : 6 مساء

المكان : مطعم قصر الشلال بشرق خلف المستشفى الاميرى مباشرتة متفرع من شارع الخليج

مع خالص تمنياتى

تم تعديل 26 فبراير 2007 بواسطة وائل كيوان

[أبو حميد]

الموعد مناسب جدا إلا إذا أرادت نور الدنيا ورشا التقديم للساعة الخامسة نظرا لظروفهما فليس لدي مانع. ونلقاكم على خير.

[بنت النيل]

الاخ وائل الموعد مناسب جدا كما قال الاخ ابوحميد

وانشاالله نكون موجودين والدعوة مقبولة بأذن الله

مع تحياتى

[zedan]

الموعد بدري عليا بس هحاول بقدر المستطاع اجي إن شاءالله

[ابو ايمان]

مرحبا بكم

باذن الله ساكون معكم وخصوصا ان ظروف قهرية منعتنى من اللقاءات السابقة وكمان دخول النت

والموعد والمكان واليوم مناسب جدا وشكرا على الدعوه

[الحاج فوزى]

عزيزى وائل

بإذن الله اتمكن من الحضور ، ويا رب يبعد عنا الاتصالات التليفونية الطارئة والخلافات الزوجية :lol:

بس فين المطعم ده ؟ خلف الاميرى لا يوجد مطاعم ؟!

حسين

[النسر المصري]

يااااااميت فل ومرحب عالناس الحلوين والطعمين اللي في الكويت وبس :happy:

اما انت يا استاذ وائل طلعت حكاية بجد....يعني سيادتك اثبت نظريا وعلميا ومعمليا انك أهلاوي عظيم

بصراحة انا كنت ناوي ارد على رسالتك الخاصه الكريمه.....بس بأمانه لقيت ان من واجبي أن أشدو بك كالكروان والبلبل على شجر الصفصاف الأحمر...وساعة غروب كده وتجلي...وكان معايا سندويتش جبنه بمربى......وسيجاره ديفادوف.......وكوباية شاي كشري....... وهوووووب.....آم الوحي الشعري نزل علي وقالي ( خوود يااض يانصر البيطين ضول لعمك وائل.....عسى يوطمور في بطنك.) ..... انا طبعا اتحرجت بصراحة ...يعني حتى الوحي قرفان مني ومش طايقني .......انا طبعا بقيت اضرب اسداس في سبعات ......وقلت طب ازاي ممكن الواحد يرد للسيد وائل يعني كرمه وشهامته دي.......وخصوصا اانها جت في الوقت المناسب...خصوصا ان العين صابتنا بعد القلق اللي حصل الاسبوع اللي فات ده في المحاورات.....(كان اسبوع غم بعيد عنكم)......المهم انا عاوزكم ونتو جاين حفلة اخونا الفاضل (المبارك)...والذي يعلو (علاء) روحه المعنويه بمحبتنا له...وويبتسم (جمال) روحه الحلوه لنا.......وحتى (سوزان) قلبه الأحمر....فانني اقترح ان تحضرو الآتي

- عدد واحد حبة خرزه زرقة أفغاني من عند عم كركر البقال

- عدد اثنين ورك فرخة سنغالي بصباع واحد

-عدد اربعة صورة ستة ف سبعة لزوم التسجيل

- عدد خمسة كيلو لحمة ضاني توضع في شنطة عربيتي فور القدوم

- عدد اي حاجة ف أي حاجة لزوم أي حاجة.... ( عقلي الباطن بيقول ...أما الواحد هيقش قشه من القعده دي....ياسلااام يا واد يانسر....واخيرا هتغتني وتفتح محل الروبابيكيا اللي كنت بتحلم بيه في شارع الشواربي)

:happy:

ايه ده :blink:

هو في ايه :lol:

انا مش فاكر انا كنت جاي هنا ليه :lol:

المهم انا النص الأصلي مش فاكر كنت كاتبه عشان ايه

:blink: :blink:

اشوف وشكو بخير ياجماعه :blush:

[أبو حميد]

ايه ده :happy:

هو في ايه :lol:

انا مش فاكر انا كنت جاي هنا ليه :lol:

المهم انا النص الأصلي مش فاكر كنت كاتبه عشان ايه

:happy: :blink:

اشوف وشكو بخير ياجماعه :blush:

نسر أنت لازم تروح للدكتور حالا أنت أكيد سخن وبتخرف.

يا جماعة حد يشوفله عروسة وإلا .........................