أجندة مواعيد لقاءات المحاوريين -فرع الكويت

[الحاج فوزى]

هوا النسر ماله ؟؟؟

انا سمعت خبر بتاع أنفلونزا الطيور والصقور اللى اصابت

لكن محدش قال النسور كمان !!

على العموم الف سلامة يا نسر ، وربنا يزيح عنك

ابعد عن السمك ولا البيض ، ونام وادفى وانت هتبقى فل ان شاء الله

حسين

[وائل كيوان]

بشكر الجميع على تلبية الدعوة وان شاء الله هكون فى انتظاركم ويا نسر متقلقش قولتلك هجبلك تعويض من الحكومة وبخصوص باقى الاعضاء انا لسة مش لاقى الدكتور ايهاب رد علينا ولا زيدان ولا نور الدنيا هما فين يا جماعة حد يقولهم ان انا منتظر ردهم .

اما بخصوص الاخ ابو ايمان اللى سأل على المطعم فانا هوصفلك وصفه توصل بيها على طول .

شوف يا سيدى : بانت لما تكون جاى من شارع الخليج يعنى جاى من اتجاة السالمية الى اتجاة الكويت وهتعدى الابراج وتعدى النفق وكل ده وهتوصل عند المستشفى اللى هى بتاع السكر او مش عارف هى بتاع اية بس هى مستشفى كبيرة تدخل شمال من قدام هذه المستشفى هتوصل لدوار دسمان الكبير بعد ميت متر واكيد الدوار معروف لكل وبعدين تاخد الدوار كلة يمين وبعد ما تدخل يمين هيجلك دخلة يمين تانى بتطلعك على شارع الخليج من تانى فاول ما تدخل اليمين هيقابلك دورا صغير هتعدية طوالى فقبل ما توصل لشارع الخليج تانى بميت متر هتلاقى المطعم على ايدك اليسار مكتوب علية مطعم ومنتزة قصر الشلال وهو جانبة ساحه كبيرة قوى فاضية وخلفة هتلاقى عمارة كبيرة قديمة شوية هو ده المطعم يمكن هو مش ظاهر قوى للناس بس مطعم راقى من جوة وقاعدتة لذيذة جدا واعتقد انه مش هيتوه خالص واللى يحس انه مش عارف يوصل يضرب على تليفونى هوصفه يوصل ازاى من اى مكان .

اصل خبرة فى طرق الكويت من كل اتجاة

مع خالص تحياتى

[وائل كيوان]

على فكرة يا جماعه انتوا عارفين انا كنت كاتب التاريخ 27 -2

هو التاريخ الصح 1-3 اصلى مش باخد بالى من التواريخ

سلام

[وائل كيوان]

يااااااميت فل ومرحب عالناس الحلوين والطعمين اللي في الكويت وبس :happy:

اما انت يا استاذ وائل طلعت حكاية بجد....يعني سيادتك اثبت نظريا وعلميا ومعمليا انك أهلاوي عظيم

بصراحة انا كنت ناوي ارد على رسالتك الخاصه الكريمه.....بس بأمانه لقيت ان من واجبي أن أشدو بك كالكروان والبلبل على شجر الصفصاف الأحمر...وساعة غروب كده وتجلي...وكان معايا سندويتش جبنه بمربى......وسيجاره ديفادوف.......وكوباية شاي كشري....... وهوووووب.....آم الوحي الشعري نزل علي وقالي ( خوود يااض يانصر البيطين ضول لعمك وائل.....عسى يوطمور في بطنك.) ..... انا طبعا اتحرجت بصراحة ...يعني حتى الوحي قرفان مني ومش طايقني .......انا طبعا بقيت اضرب اسداس في سبعات ......وقلت طب ازاي ممكن الواحد يرد للسيد وائل يعني كرمه وشهامته دي.......وخصوصا اانها جت في الوقت المناسب...خصوصا ان العين صابتنا بعد القلق اللي حصل الاسبوع اللي فات ده في المحاورات.....(كان اسبوع غم بعيد عنكم)......المهم انا عاوزكم ونتو جاين حفلة اخونا الفاضل (المبارك)...والذي يعلو (علاء) روحه المعنويه بمحبتنا له...وويبتسم (جمال) روحه الحلوه لنا.......وحتى (سوزان) قلبه الأحمر....فانني اقترح ان تحضرو الآتي

- عدد واحد حبة خرزه زرقة أفغاني من عند عم كركر البقال

- عدد اثنين ورك فرخة سنغالي بصباع واحد

-عدد اربعة صورة ستة ف سبعة لزوم التسجيل

- عدد خمسة كيلو لحمة ضاني توضع في شنطة عربيتي فور القدوم

- عدد اي حاجة ف أي حاجة لزوم أي حاجة.... ( عقلي الباطن بيقول ...أما الواحد هيقش قشه من القعده دي....ياسلااام يا واد يانسر....واخيرا هتغتني وتفتح محل الروبابيكيا اللي كنت بتحلم بيه في شارع الشواربي)

:happy:

ايه ده :blink:

هو في ايه :blink:

انا مش فاكر انا كنت جاي هنا ليه :unsure:

المهم انا النص الأصلي مش فاكر كنت كاتبه عشان ايه

:blink: :blink:

اشوف وشكو بخير ياجماعه :blush:

على العموم انا بشكرك على الكلام الجميل اللى بتمتعنا بيه ديما كتير يا نسر يا طاير فى سما الكويت بتغرد مع ان النسور مش بيغردوا بس نعديها المرادى وبقولك انا لسه منزلتش بالتقيل ما خفى كان اعظم وليا ليك مفجأة مش هعلن عنها غير فى وقتها .

وعلى العموم بخصوص النهاية المأسوية لرسالتك العظيمة فمتقلقش هنشوف ليها حل اكيد .

واذا حضر الماء بطل التيمم ولا ايه يادكتور ايهاب رد علينا طيب .

مع خالص تحياتى

[الحاج فوزى]

يا عم وائل ، طالما انا اللى بسأل ، وانت بترد على ابو ايمان .. فالعتب على النظر :blush:

اما الوصفه ، ده وصفه سهله خالص (وش واحد تايه )

ويخوفى يطلع المطعم فى ابوحليفه وانت مش واخد بالك :blink:

يا عم انا عشت فى شرق سنتين بحالهم ، ومش عارف المطعم ده !

المستشفى اللى بتقابلك ، قصدك الاميرى ، ولا بتاعت ابحاث السكر اللى قصدها سفارة بريطانيا ؟

ابحاث السكر مبنى كبير ازرق .. على العموم ان شاء الله مفيش توهان

يعنى اكيد هنصل :unsure:

حسين

[بنت النيل]

يا عم وائل ، طالما انا اللى بسأل ، وانت بترد على ابو ايمان .. فالعتب على النظر :happy:

اما الوصفه ، ده وصفه سهله خالص (وش واحد تايه )

ويخوفى يطلع المطعم فى ابوحليفه وانت مش واخد بالك :blink:

يا عم انا عشت فى شرق سنتين بحالهم ، ومش عارف المطعم ده !

المستشفى اللى بتقابلك ، قصدك الاميرى ، ولا بتاعت ابحاث السكر اللى قصدها سفارة بريطانيا ؟

ابحاث السكر مبنى كبير ازرق .. على العموم ان شاء الله مفيش توهان

يعنى اكيد هنصل :blush:

حسين

متخفش يا حسين هتوصل بأذن الله ومفيش تواهان وهقولك على وصفه يمكن تكون اسهل شوية

ان تيجى من طريق محافظة الكويت اوكى وتكون بالظبط على واقف فى الاشارة اللى امام البورصه يعنى هتخلى البورصه على ايدك اليمين ولامسجد الكبير امامك مباشرة ماشى الحال

هتدخل من الاشارة دى يمين وتاخد الشارع على طول لغايه ما يقبلك دسمان شوف بقى هو المطعم فى المنطقه دى لغايه كدا وتسأل او هتلاقيه بنفسك :unsure:

يارب اكون وضحت شوية المكان لانه ده اسهل وصف ليا لانى هاجى من الفروانية

تم تعديل 27 فبراير 2007 بواسطة بنت النيل

[رمضان]

ابو ايمان ده قدام الدوام ما تقلقش وما تخافش بس اعرف الوصفة كويس والنبي

وربنا يستر وما يطلعش مطعم وهمي قولوا أمين

تم تعديل 27 فبراير 2007 بواسطة رمضان

[الحاج فوزى]

عزيزتى بنت النيل

انا عارف المنطقة كويس ، بس مش عارف المطعم

بالاضافة الى ان شغلى اصلا فى ديوان الخدمة ، برج الشرق ، وزى ما قلت انا عشت فى شرق سنتين بحالهم

بس انت لو جايه من الفروانية فاسرع واحسن طريق ليكى الدائرى الخامس ثم مخرج الاحمدى (الاربعين ) ثم من الاحمدى يمين على الدائرى الاول - مخرج دسمان - وتخليكى دايماً فى الشمال لحد نهاية الدائرى الاول عند دوار دسمان .

حسين

تم تعديل 27 فبراير 2007 بواسطة Huss.

[وائل كيوان]

يا عم وائل ، طالما انا اللى بسأل ، وانت بترد على ابو ايمان .. فالعتب على النظر :blush:

اما الوصفه ، ده وصفه سهله خالص (وش واحد تايه )

ويخوفى يطلع المطعم فى ابوحليفه وانت مش واخد بالك :blink:

يا عم انا عشت فى شرق سنتين بحالهم ، ومش عارف المطعم ده !

المستشفى اللى بتقابلك ، قصدك الاميرى ، ولا بتاعت ابحاث السكر اللى قصدها سفارة بريطانيا ؟

ابحاث السكر مبنى كبير ازرق .. على العموم ان شاء الله مفيش توهان

يعنى اكيد هنصل :unsure:

حسين

يا عم حسين معلش العتب على النظر ومتخفش المطعم اكيد فى شرق خلف المستشفى الاميرى

بص يا عم حسن لو انت جاى من الدائرى الاول وتصل لدوار دسمان تاخد الدوار كلة شمال وبعد ما تاخد شمال هتلاقى بعد كده دخلة على ايدك اليمين تطلعك تانى على شارع الخليج ولما تدخل يمين هتلاقى دوار صغير عديه طوالى كانك راح شارع الخليج تانى هتلاقى ساحه كبيرة فاضية على ايدك الشمال وعلى ايدك اليمين مبنى له سور قديم شوية وبعده المستشفى الكبيرة الزرقه اللى انت قولت عليها هو المطعم هتلاقية مباشرة على ايدك الشمال اعتقد لو انت كنت من سكان شرق يا حسين هتكون كدا عرفت الوصف اللى قولتلك علية

ويارب اكون قدرت اوصفلك

تم تعديل 27 فبراير 2007 بواسطة وائل كيوان

[الحاج فوزى]

خلاص يا عم وائل ، الوصفه سهله ، وان شاء الله نتقابل على خير

وعلى العموم كل اللى هيتوه يبقى يكلمنى ، وانا عارف شرق كويس

تليفونى 6836092 ( الاتصال من نقال ( وش واحد بخيل ) :blink: :unsure: )

حسين

تم تعديل 27 فبراير 2007 بواسطة Huss.

[noureldonia]

يا جماعة يعني عرفين انوا معاكوا بنات مش بتعرف حاجة في الشوارع وحتي اذا اتوصف هتوه وبالتالي صعب اني انا ورشا نجي ويوم الخميس كنا عاوزين نلتقي بيكوا والله بسبب مش هنعرف نجي كمان في ظروف خاصة بينا احنا الاتنين ، وبعدين مالله سلطان إلى على البحر مش كفاية كنت هعمل حادثة عنده المرة اللي فاتت :blink: ابو حميد الوقت مناسب بس المكان مش مناسب ، كمان مش عاوزة انا ورشا نبقي بنفرض عليكوا ظروفنا فاانشالله نلتقي الاسبوع الجاي واستمتعوا بوقتكوا.

[zedan]

يا جماعة يعني عرفين انوا معاكوا بنات مش بتعرف حاجة في الشوارع وحتي اذا اتوصف هتوه وبالتالي صعب اني انا ورشا نجي ويوم الخميس كنا عاوزين نلتقي بيكوا والله بسبب مش هنعرف نجي كمان في ظروف خاصة بينا احنا الاتنين ، وبعدين مالله سلطان إلى على البحر مش كفاية كنت هعمل حادثة عنده المرة اللي فاتت :huh: ابو حميد الوقت مناسب بس المكان مش مناسب ، كمان مش عاوزة انا ورشا نبقي بنفرض عليكوا ظروفنا فاانشالله نلتقي الاسبوع الجاي واستمتعوا بوقتكوا.

يانور انا عايز أفهم هي المشكلة دلوقتي إنك عندك ظروف مش هتقدري تيجي ، ولا المشكلة في الوصول للمكان نفسه....؟

[وائل كيوان]

يا جماعة يعني عرفين انوا معاكوا بنات مش بتعرف حاجة في الشوارع وحتي اذا اتوصف هتوه وبالتالي صعب اني انا ورشا نجي ويوم الخميس كنا عاوزين نلتقي بيكوا والله بسبب مش هنعرف نجي كمان في ظروف خاصة بينا احنا الاتنين ، وبعدين مالله سلطان إلى على البحر مش كفاية كنت هعمل حادثة عنده المرة اللي فاتت :lol: ابو حميد الوقت مناسب بس المكان مش مناسب ، كمان مش عاوزة انا ورشا نبقي بنفرض عليكوا ظروفنا فاانشالله نلتقي الاسبوع الجاي واستمتعوا بوقتكوا.

على العموم يا نور احنا كلنا لازم نحترم اراء الجميع ومقدريين ظروفكوا ولو على راى زيدان المشكلة فى الوصول نقدر اى حد وهو جاى يمشى قدامكوا وتوصلوا معاه وده بالتنسيق بالتليفون وحنا كلنا طريقنا واحد لنفس المكان فيه اللى جاى من حولى وفية اللى جاى من الفروانية وانا جاى من الاندلس يعنى كلنا هيبقى طريقنا واحد لشرق انما لو فيه ظروف تانية احنا مقدريين وان شاء الله فيه لقاءات جاية ونتمنى حضوركوا

تم تعديل 28 فبراير 2007 بواسطة وائل كيوان

[noureldonia]

محمد ووائل مرسي على الأهتمام وانشالله المرة الجاية نلتقي بالجميع بس عند سلطان السالمية اذا امكن وطبعاً اذا الجميع وافقوا واستمتعوا بوقتكوا

[وائل كيوان]

بما ان نور الدنيا ورشا اعتذروا عن المجئ وكان تقديم الموعد رغبة من الجميع عشان يقدروا يجوا فدلوقتى اعتقد ان موعد الساعه 6 مساء مناسب لجميع الحضور وهنتقابل ان شاء الله فى هذا الموعد علشان زيدان كان بيقول الموعد بدرى شوية لانه فى الدوام وبكدا يكون الموعد والمكان اتحددوا بناء على رغبة الجميع

المكان : مطعم ومنتزة قصر الشلال ونتصل ببعض لتنسيق الحضور وعلشان محدش يتوه عن المكان

الموعد : الساعه 6 مساء وهكون فى انتظاركم ولو حد راح بدرى شوية يسال عن حجز تربيزات المستشار وائل كيوان وهتلاقوا كل الناس بكرة فى انتظاركم وعلى الرحب والسعه من خدمتكم .

وللجميع جزيل الشكر على تلبى الدعوة

مع خالص تمنياتى

تم تعديل 1 مارس 2007 بواسطة وائل كيوان

[اسكندرية تانى]

اتمنى لكم لقاء جميل لاحلى تجمع مصرى فى الكويت و كان نفسى اكون معاكم بس معلش عشان انا نبطشى فى المستشفى النهاردة

[CAMPS]

جميل هذا التواصل...

انا كنت من اعضاء اللقاء الاول لمحاوريين الكويت ... بس مش عارف فين جماعة اللقاء الاول مش ظاهريين ليه

فين داركر و النسر ونانو ومانو وابوحميد وبنت النيل هتروحوا ولا لأ

ويسعدني التعرف على الاخوة الجدد

[أبو حميد]

كمبس

كل المجموعة هاتحضر إنشاء الله اليوم وأنا هأكد عليهم بالتليفون. وأنت لازم تيجي لو عندك وقت ولو معنكش تتصرف وتيجي برضه.

[الحاج فوزى]

انا جاى النهارده على الدوام ، عديت شفت المطعم ،

ممكن اوصفه للتأكيد

لو جاى من الدائرى الاول

اخر الدائرى الاول دوار دسمان ، بتلف مع الدوار ربع لفه ، وتدخل فى اول يمين الشارع اللى فيه فندق هوليداى ان

وتدخل تانى اول يمين - اليمين اللى قبل الفندق - هتلاقى دوار صغير ، تعديه وتكمل على طول مسافة 50 60 متر

تلاقى المطعم على الشمال ، ومبنى اليونيسكو على اليمين .. خلى بالك لو كملت علطول تطلع الخليج .

لو جاى من الخليج - اتجاه السالمية

بعد الابراج وبعد ميس الغانم الاشارة اللى قبل اشارة سوق شرق ، تدخل منها شمال ، هتلاقى على الناصية مركز الابحاث لمرض السكر ، تدخل اول يمين ، بيكون المركز على يمينك ، تعدى اول دوار وتكمل علطول ، تلاقى تانى دوار تدخل منه يمين

تلاقى المطعم على الشمال ، ومبنى اليونيسكو على اليمين .. خلى بالك لو كملت علطول تطلع الخليج .

لو جاى من الخليج - اتجاه الشويخ

تعدى اشارة سوق شرق ، وبعدين تفوت اول يمين ( اليمبن بتاع المستشفى الاميرى ) وتدخل تانى يمين وتعدى اول تقاطع

تلاقى المطعم على اليمين ، ومبنى اليونيسكو على الشمال ، وهتلاقى نفسك شايف من بعيد فندق هوليداى ان

لو جاى من نواحى الفروانية

احسن واسرع طريق بعيد عن الاشارات ، الدائرى الخامس اتجاه الكويت ، وتخرج من مخرج الـ 40 ، المغرب السريع (يعرف بطريق الاحمدى ) اتجاه الكويت

وتخليك دائما فى الشمال تكمل علطول وتعدى الرابع والتالت والتانى ، وتخرج مخرج الدائرى الاول ، مخرج دسمان وبرضو تخليك فى الشمال .. تكمل علطول وتعدى الاشارة تلاقى نفسك فى دوار دسمان

انا كده عملك اللى عاليه ، ومحدش له حجه انه يتووه :closedeyes:

حسين

[وائل كيوان]

السلام عليكم

الاخوة الاعزاء كلا باسمة وباللى اتعرفت عليهم لاول مرة اليوم

ابو حميد : زى ما عودتنا ديما شخص يقدر يحتوى الجميع حولية وفعلا اخ نقدر نعتمد عليه فى ما لا نستطيع معرفته

دكتور هوبا : كل ما نقعد معاك تمتعنا بارائك وبدماغك الكبيرة وفعلا سعيد بيك اليوم

رمضان : اول مرة اعرف انك مناهض للرجال قوى كدا ولو فضلت كدا يا روميوا مش هتتجوز بنحبك يا روميوا

النسر المصرى : خطف الحضور بخفة ظله دائما وقربنا من بعض اكتر وحسيت بجد انى مع اخويا وبطل كلام فى التليفونات كتير وفنك طغى على المكان اليوم .

نانو : كل يوم بتثبتى ان المرأة تقدر تحقق حاجات حلوة للمجتمع بارائها الحكيمة وفعلا اسعدنا وجودك معانا اليوم

داركر : النهارده عرفناك اكتر ومش كنت مستعجل زى المرة اللى فاتت وطلعت دماغك كبيرة وتقدر تمثلا فى حاجات كتير فاهم ولا ........ . ؟ وهنرشحك هه :victory:

زيدان : كل يوم بيزيد اعجابى بشخصك جدا وفعلا كسبت صديق متمناش ان علاقتنا تنقطع ونكون على تواصل ديما

سحس : بجد انا اتعرفت اليوم على شخصية جديرة جدا بالاحترام وشرفنى فعلا حضورك انت والاسرة اليوم وان شاء الله متفتكش قاعده تانية معانا .

كامبس : ياراجل كنت حرمنا منك المرة اللى فاتت ليه وبطل العاب خطر فى الهوا بجد كسبنا شخص عزيز اليوم

بنت النيل : ديما متالقه فى كل شئ فى المحاورات وفى حضورك وبجد ربنا يكرمك ويخليلك حوده يارب وعلى فكرة ياريت لو اللى وصلك واص للجميع تصححى الخطأ زى ما فهمتية وبجد فرحنين بيكى وسطنا .

نور الدنيا: فعلا نورتينى بحضورك وبجد ديما صاحبة تالق فى القعده وعلى فكرة عرفناكى اكتر وسعدت جدا ان حد يثنا عرفنا ببعض اكتر انسانه مثقفة وواعية جدا وتفكيرك ناضج بس مكناش عرفناكى المرة الاولى قوى اليوم عرفنا مين نور الدنيا نورتى بجد القعده كلها .

رشا : على فكرة اكتشفت فيكى شخصية اليوم لازم اى واحد يحترمها فى الدنيا انسانه حمولة وتقدر تقول انها تفيدك فعلا بارائها اللى بتدل على شخصيتها كسبناكى فعلا بينا ويارب تكونى ديما معانا بس بلاش 250 الف هه

بجد يا جماعة كان معانا اطفال يارب يارب يحرسهم من العين بنات زى القمر ربنا يخليكهم وحوده اللى البنات دوخته النهارده من الجرى وراه .

على فكرة يا جماعه انا اسف انى خرجت بدرى شوية والله العظيم كان غصب عنى وضايقنى جدا ان يجينى اتصال من الشغل ويقولى ان فية واحد مسافرر اضطرارى ولازم ارجع الشويخ علشان اعطية جواز سفرة لان الجوازات معايا انا وكنت مضايق بجد لان المفروض انى اسيب الصحبة الحلوة واقوم اه قعدنا وقت كبير مع بعض بس كنت اتمنى انى استمر للاخر معاكوا لان القعده كانت ممتعه جدا جدا ويارب ديما نكون متجمعين وشوفوا هتحددوا المعاد الجاى امته لان حقيقى وحشتونى بعد ما خرجت وضقتى يمكن ظهرت عليا فى الاخر ويعلم الله من قلبى زعلت انى همشى وكان نفسى اخرج من غير ما حد يحس انى مضايق بس الظرف ضايقنى جدا ويمكن حد حس انى متكلمتش الاخر كتير لان ده كان الموقف واتمنى يارب تسمحونى وان شاء الله نقعد مع بعض اكتر واكتر .

وبشكركوا كلكوا على تلبية دعوتكوا ويا رب يكون المكان عجبكوا وتكونوا فعلا استمتعوا معانا بالوقت الجميل اللى ميتنسيش ابدا والله وربنا يكتر لقائاتنا ونكون على تواصل ديما .

مع خالص تمنياتى