أجندة مواعيد لقاءات المحاوريين -فرع الكويت

[وائل كيوان]

يا جماعة دلوقتي في ميعادين للقاء الاعضاء ببعض الاول قال عليه رمضان يوم الجمعة الساعة 6 عند سلطان السالمية والميعاد التاني هو اللي قال علية وائل يوم الجمعة بردة الساعة الرابعة منتزة الشعب الترفيهي طيب اي المعادين صح ممكن التوضيح

فعلا يا نور كان اللقاء من البداية متحدد بمنتزة الشعب بس لما مشيتى من اللقاء الثانى اتناقشنا كتير وفضلنا يكون اللقاء بمكان مفتوح بعيد عن الزحمة وقررنا ان اللقاء يكون بسلطان السالمية الساعه 6 .

[وائل كيوان]

ثانيا احب ان اوجه الشكر للادارة على اهتمامها بلقاءتنا وتنسيقها بشكل جميل جدا

وكان نفسي حد من الاخوة المشرفين يكتب لنا حاجة عن لقاءتنا دي يعني يقول لنا ايه رأيه فيها احنا برده يهمنا راي الادارة لان نجاح تجمعنا في الاول وفي الاخر بسبب المنتدى واعتقد تجمعنا ده شيء الادارة تفرح بيه

أصالة عن نفسي وأظن ( وليس كل الظن إثم ) أن كافة المشرفين يشاركونني الرأي .. أننا جميعا في منتهى السعادة بلقاءات أي من المتحاورين في أي لقاء بأي دولة ما فهذا لهو أكبر دليل على نجاح محاورات المصريين في أحد أهم أهدافها ألا وهو تجمع المصريين وإتحادهم في حب مصر وإخلاصا لها

تحية تقدير وحب لكل الأخوة في الكويت ونرجو لهم جميعا كافة وأطيب الأمنيات الجميلة بدوام التقدم والإستمتاع بكافة إجتماعاتكم التي نتابعها ونتابع نتائجها بكل شغف

وأعتقد أن عدم مشاركة أحد المشرفين بالموضوع سابقا كان ظنا منا أنه موضوع خاص بترتيب لقاءاتكم والتنويه عنها ... وكان يكفيني شخصيا شرف مجرد ترتيب مكان ليتفق فيه الجميع على هذه اللقاءات ... وما أجمل اللقاء تحت راية محاورات المصريين

خالص التحية للجميع :) ;)

داروين

كل مرة يا دارون باشا بتشعرنا بلمساتك الطيبة تجاه محاورى الكويت وبجد سعداء بيك وده بيتك قبل ما يكون يتنا ويكفينا حسن الاستقبال بالمحاورات وزى ما قال الدكتور هوبا انت صاحب بيت مش ضيف .

ولك ارق تحياتنا من الكويت

تم تعديل 5 مارس 2007 بواسطة وائل كيوان

[وائل كيوان]

يا جماعة انا نفسى بدأت اتلخبط مش نور بس هى اللى اتلخبطت فى موضوع لقاء الجمعه بمنتزة الشعب الكل قال اننا راحيين فيه وتم اتنوية من بنت النيل على البرنامج للقاء وبعدها فضل الجميع التغيير لشكل لقائاتنا بجو اللعب والمرح وفى لقاء مركز سلطان الكل قال برضه اننا هنحضر واملحوظ ان هما الاتنين فى نفس الموعد الرجاء التصويت على المكان والموعد بسرعه علشان اتخاذ القرار النهائى علشان عدم الخلط ونكون كلنا فى مكان واحد التصويت كالاتى :

الموعد رقم ( 1 ) منتزه الشعب الساعه 4 عصرا

الموعد رقم ( 2 ) مركز سلطان السالمية الساعه 6 مساءا

على الجميع التصويت برقم واحد او اتنين فى اقرب فرصه لتحديد الموعد والمكان لقرب يوم الجمعه وحسم المسألة .

وشكرا للجميع على التنسيق فيما بيننا

مع خالص تحياتى

[CAMPS]

اولا ارحب بالاخ أحمد هادي وامني يكون معنا قريبا صديق ومحاور

والاخت بنت النيل هتجيبلك الكابشتينو بعد شوية

تصويتي على اللقاء : رقم ( 1 ) منتزه الشعب

[ابو ايمان]

كده فعلا انا ايضا احترت اى الميعادين المنتزه الشعبى ولا مركز سلطان

على الرغم اننا اتفقنا يوم الخميس 1/3 الغاء فكره منتزه الشعب علشان حيكون هناك لعب وصعب اننا نجلس مع بعض

واستقر الراى على مركز سلطان.

ايه اللى حصل سلطان والمنتزه علشان نظبط امورنا وخصوصا انه ثانى يوم دوام

يا ريت الرد بسرعة

[noureldonia]

انا رأي انوا يكون مركز سلطان اللي على البحر ، منتزة الشعب لالالالالالالالالالالالالالا

[رمضان]

يا جماعة الموضوع منتهي وايه الديمقراطية دي يا استاذ وائل مفيش تصويت احنا اساسا اتفقنا على الميعاد والمكان كلنا حددناه اللي هوه يوم الجمعة بمركز سلطان اللي على البحر في السادسة مساء والجميع اتفق وخلاص

[zedan]

علي فكرة أنا بدأت أدوخ :) ، وقرروا وانا أكيد هعرف

[أبو حميد]

يا جماعة الموضوع منتهي وايه الديمقراطية دي يا استاذ وائل مفيش تصويت احنا اساسا اتفقنا على الميعاد والمكان كلنا حددناه اللي هوه يوم الجمعة بمركز سلطان اللي على البحر في السادسة مساء والجميع اتفق وخلاص

أيه يا جماعة

أولا: فين المشكلة؟ الموعدين غير متعارضين المهرجان الساعة 4 واللي هايروح مش هيقدر يقعد أكتر من ساعتين بالكتير وبعدين نتقابل في مركز سلطان الساعة 6 زي الإتفاق ومكملين ل 11 مساء والمسافة بين منتزه الشعب وسلطان خمس دقائق بالسيارة.

ثانيا: اللي ها يعجبه المهرجان وهايقعد ساعة زيادة مفيش مشكلة هايلاقينا مستنينه في سلطان.

ثالثا: الأخوات والأخوة الأفاضل اللي هايشرفونا اول مرة رجاء ارسال رسالة على الخاص لأي واحد من المجموعة القديمة علشان ياخد رقم الموبايل علشان اول مرة ومتحصلش لخبطة.

[Alex Lover]

المهم مين اللي عازم هههههههههههههههههههههههه

[رمضان]

ما تخافيش دي مش مشكلة الحمد لله

[وائل كيوان]

المهم مين اللي عازم هههههههههههههههههههههههه

متقلقيش يا بنت الاسكندرية الخير كتير والواجب متوفر ومش هتحسى باى غربة وسطنا خالص وبعدين لو اتزنقنا هنستلف منك مش الجيب عمران برضه :lol: :lol: :lol: :lol:

[Alex Lover]

تستلف مني ؟؟؟؟؟؟؟؟؟؟؟ دي اخرتها .... ماشي عموما انا اللي عازمة المرة دي ... سمعتوا عن عزومة المراكبية ههههههااااااا

[رمضان]

بس لو ما كنتيش تحلفي خلاص احنا قبلنا العزومة ده حتى كل الحكاية مش هتعدي الـ 50 دينار بس

[Alex Lover]

بس لا بسيطة ... بس مش ممكن تسلفني تلاتة جنيه :(

[وائل كيوان]

بس لا بسيطة ... بس مش ممكن تسلفني تلاتة جنيه :(

بتفكرينا بالجنية لية .........؟ والذى مضى مخلاص راحت ايامة سيبى الجنية فى حالة مش تبكية على اللى بيجرالة ....؟ المهم خلاص اللى بيعزم بيكون قد عزومتة ومتخفيش هسلفك انا المرادى بس لحد 3 دينار مش 3 جنية لانى كريم شويتين .

[البحري]

يا جماعه انا بصوت واول يا لهوي علشان نروح منتزه الشعب

والسبب وجيه جدا احنا عندنا اطفال ولما نتقابل بنعد ونتناقش مع بعض بس الاطفال يعملوا ايه ( :rolleyes: )

[كمبورا 6]

الزملاء الاعزاء

محاورى الكويت

يا جماعة اى مكان مش مهم المهم وجودكم مع بعض

الله يبارك لكم فى تجمعكم وبالتوفيق دايما ان شاء الله

مع الاحترام

[noureldonia]

خلاص يا جماعة يبقي زي مقال ابو حميد المكانين متوفيرين للي عاوزين يروحوا منتزة الشعب وبعد كدة يجوا علي سلطان يعني ممكن نخلي المكانين في نفس اليوم ، بس انا بردوا بفضل سلطان وبرحتكوا في الاخر

[أبو حميد]

يا جماعه انا بصوت واول يا لهوي علشان نروح منتزه الشعب

والسبب وجيه جدا احنا عندنا اطفال ولما نتقابل بنعد ونتناقش مع بعض بس الاطفال يعملوا ايه ( smk: )

يا سيدي الفاضل

أهلا بك ومرحبا وخدلك :rolleyes: :) لزوم الترحيب وبخصوص الأولاد متخافش أحنا بنتعبر الأولاد أهم مننا حضرتك وديهم الأول منتزه الشعب وخليهم يلعبوا وبعد ساعتين تلاتة تتفضلوا على مركز سلطان وهناك برضوا هيلعبوا بالألعاب الموجودة وهايلعبوا مع الأولاد التانين زي ما بيحصل كل مرة.

متخافش عليهم هايفرحوا ويزقططوا.