أجندة مواعيد لقاءات المحاوريين -فرع الكويت

[الحاج فوزى]

يا خلود يا سكر كل سنة وانت طيبة ويا رب تعيشى كتيير كتيير فى فرح وسعادة لحد ميجيلك الامير على الحصان الابيض ويخدك من بابا وماما وتخلفى صبيان وبنات وتخلى بنت النيل => تيته بنت النيل :lol:

رغم ان بنت النيل هتزعل من اعياد الميلاد وهتقولنا ده عيد مش اسلامى :lol:

ايه يا عم رمضان ليه كده .. ( طبعاً هتقولى بلاش انت بتيجى مرة ومرة لاء )

على فكرة الخميس فعلا احلى كتير من الاربعاء .. علشان لو واحد زى حلاتى عنده دوام الخميس الاربع بيكون متعب .

يا عم وائل .. ولا يهمك موضوع التواريخ ده . . انا مصيبة فى تذكر الاشياء والاسماء والمواعيد .. فالحال من بعضه :lol:

ان شاء الله يكون لقاء ممتع كالمعتاد

حسين

[mohamed nour]

الحقيقة يااخوانى لااخفى عليكم سعادتى عندما وجدت هذا الموقع بالصدفه والذى يعمل على توطيد العلاقات بين المصريين المغتربين كما انه متنفس محترم ولذلك فارجو ان تقبلونى عضوا معكم انا مصرى عمرى 40 عاما اعمل مدير مالى باحد الشركات وشكرا جزيلا لكم مقدما

[zedan]

اهلا بك الفاضل محمد نور ن نورت وشرفت المحاورين وأهلا بك عضو ضمن محاورين الكويت...

كل سنة وانتي طيبة يا خلود وعقبال كدة يارب ماشوفك في بيت العدل ، وتجيبلنا بنت نيل تانية :lol: .

وبعد ما عملنا الواجب وقدمنا التهاني،، ياريت يابنت النيل تبعديني عن الشيكولاته في التورتة خليكي في الكريمات لان ريقي نشف كل سنة وانتي طيبة والف مبروك عايزين دعم بأة ويستحسن حلة محشي كبيرة وصنية مكرونة بالبشمل علي حسبة إتنين تلاتة كيلو ريش وشوية ملوخية توفير وصحي :lol: ، وياريت يابنت النيل نعرف عيد ميلاد ابو حنفي امتي :lol:

اما بالنسبة للميعاد ففي إحتمالات كبيرة إني أتاخر، وفي حالة أنعقد مجلس الإدارة عندي في الشركة يبقا مش جاي :lol:

وتحياتي للجميع

[Alex Lover]

أنا جاية باذن الله انا واسرتي ... ياريت تفرشولي الارض رمل .... :lol:

[أبو حميد]

الحقيقة يااخوانى لااخفى عليكم سعادتى عندما وجدت هذا الموقع بالصدفه والذى يعمل على توطيد العلاقات بين المصريين المغتربين كما انه متنفس محترم ولذلك فارجو ان تقبلونى عضوا معكم انا مصرى عمرى 40 عاما اعمل مدير مالى باحد الشركات وشكرا جزيلا لكم مقدما

أهل بيك دايما يا أخ محمد وتنورنا بإذن الله أنت ربط مع واحد مننا عن طريق رسالة على الخاص وتدوا لبعض نمر الموبايلات علشان ما تتوهش مننا.

أنا جاية باذن الله انا واسرتي ... ياريت تفرشولي الارض رمل .... :lol:

الرمل أتفرش المرة اللي فاتت ومحدش جه من الجماعة الجداد علشان كده المرة دي من غير رمل يمكن تيجوا.

[zedan]

أنا جاية باذن الله انا واسرتي ... ياريت تفرشولي الارض رمل .... :lol:

ليا واحد صحبي عنده مجيرة ادينا انتي الأوكيه وهو هيظبط مسائل الرمل والزلط وخلافه :lol:

[رمضان]

تاني يا اليكس لفر كل مرة الشباب ما يقصروا ويفرشوا الارض رمل

[بنت النيل]

السلام عليكم

ابوحميد طبعا منور المكان مفيش كلام يعنى جاى جاى

الاستاذ حسين منتظرينك مع الامور الكتكوته اللى هتنور كلنا عقبال ما نحضر فرحها يارب

ايه ياعم رمضان خلاص حبكت الانشغالات والظروف والجوابات دلوقت :lol: :lol:

زيدان بذمتك بعد القائمه بتاعت البوفيه المفتوح :lol: اللى انت طالبها دى تقول مش جاى طب الاكل ده نوديه فين

اليكس حبيبتى احنا نفرش لك الارض ورد واحلى خبر حضورك والاسرة الكريمة :lol:

ياريت حد يشوف لنا ابوايمان كمان ياجماعة لو حد يعرف تلفونه وداركر وكمبس

اما بقى عن وائل ياريت ياابوحميد تطمن وتتأكد انه غير التاريخ مظبوط ،، اخاف ظبط التاريخ باليوم ويطلع فى سنة 2008 مش 2007 :lol:

[Alex Lover]

هههههههههههههههههااااا بقى بالزمة انتو اللي فرشتو الارض رمل ،،، رحتوا اقعدتوا على الشاطئ وقال ايه الرملة دي من عندكو واللللللللللللللللللله يا جماعة المرة اللي فاتت كان غصب عني صدقوني ، المرة دي باذن الله هاتشرف بمعرفتكم

[برو]

السلام عليكم على فكرة انا رايح مركز سلطان فعلا بكرة انا ابراهيم محاسب وهنا فى الكويت طب هعرف الجروب ازاي وممكن انضم ليكو لو ممكن ياريت تبعتولي الرد واتمنا اننا نتعرف على الناس كلها

[وائل كيوان]

الحقيقة يااخوانى لااخفى عليكم سعادتى عندما وجدت هذا الموقع بالصدفه والذى يعمل على توطيد العلاقات بين المصريين المغتربين كما انه متنفس محترم ولذلك فارجو ان تقبلونى عضوا معكم انا مصرى عمرى 40 عاما اعمل مدير مالى باحد الشركات وشكرا جزيلا لكم مقدما

يا اهلا يا سهلا بالاستاذ محمد نور تنورنا طبعا ومن غير ما تطلب اعتبر نفسك من الاسرة من دلوقت وهنستناك فى لقائنا الجاى يوم الخميس وطبعا مش هكتب التاريخ ليطلع يوم 21- 3 واتفضح اكتر من كدا وانت طبعا اكيد خدت بالك من تواريخى من زمان والنتيجه عندى مخرفه فمش هكتب تواريخ تانى يا استاذنا الفاضل

مع خالص تحياتى

تم تعديل 14 مارس 2007 بواسطة وائل كيوان

[وائل كيوان]

هههههههههههههههههااااا بقى بالزمة انتو اللي فرشتو الارض رمل ،،، رحتوا اقعدتوا على الشاطئ وقال ايه الرملة دي من عندكو واللللللللللللللللللله يا جماعة المرة اللي فاتت كان غصب عني صدقوني ، المرة دي باذن الله هاتشرف بمعرفتكم

يبقى كدا قشطة قوى هنضطر نشرك معانا فى الاسرة مقاول رمل وزلط علشان التكلفة والازى منه ولا تقطمش فينا اليكس لوفر وتذلنا بقعدتنا على الشاطئ .

وكل ده يا اليكس علشان نعيش جو اغنية بين شطين ومية عشقتهم عنيا

[وائل كيوان]

طب ايه رايك يا بنت الدنيا

أجمل حاجة في وائل أنه كل يوم بيجيبلنا أعضاء جداد زي "بنت الدنيا" و "نور النيل" ودول لسه جداد أول مرة معانا.

وكمان بتلخبط في أسماء عضوات المنتدى التورتة بقت تورتين وشوية حبشتكنات والمشاريب عليك. وخد دي

يا شماتت ابله ظاظا فيا :happy:

يا لهوىىىىىىىىىىىىىىىىىىىىىىى

يادى الفضايح كدا برضه يا ابو حميد دانت قاعدلى فى الدرا بقى

طب هودى وشى فين من نور الدنيا وبنت النيل ......... على العموم كلة بحسابه دى مش هتبقى دروس فلك بس دا هتبقى دروس فى الفلك ودروس فى الطب علشان الظهيمر وكدا يعنى

ومش هكتب تواريخ تانى ولا اذكر اسماء لا تبقى خل على الاخر

يا شماتة ابلة ظاظا وانتصار وكل الستات اللى فى الدنيا

تم تعديل 14 مارس 2007 بواسطة وائل كيوان

[رمضان]

مساء الخير

تم بحمد الله لقاء الخميس وكان اكثر من رائع كالعادة وما زاده جمالا انضمام اعضاء جدد للمجموعة وعيد ميلاد الامورة خلود والتورتة الجميلة اللي كانت موجودة الـ 20 دور بلاش مبالغة 10 أدورا بس بس اللي زعلني اني كنت مرتبط بمواعيد ومقدرتش اكمل اللقاء

[وائل كيوان]

السلام عليكم اهل المحاورات الكرام

ايه ده انا ماشى بنادى فى حارة ولا اية المهم

انا بحب اشكر المجموعة الرائعه اللى تواجدت بلقاء الخميس بجد نحن سعداء بانضماء اعضاء جدد وبنشكر الاخت اليكس لوفر بانضمامها لينا هى واسرتها جميعا وزوجها اللى اتشرفنا بيه اليوم وياريت يكونوا انبسطوا معانا اليوم وكان بجد لقاء رائع زى كل مرة .

وميت مليون ورده على خلود البنوتة اللى احتفلنا بعيد ميلادها اليوم

عيد ميلاد سعيد يا خلود وعقبال مليون سنة يا جميل

:blink:

وبنهى ابوها وامها بعيد ميلادها اللى هى بنت النيل طبعا

وبنقول للاعضاء الجداد اللى محضروش احضروا المرة الجاية هتتبسطوا قوى معانا

مع خالص تحياتى

[MANOO]

السلام عليكم بعد التحيه

اولا احب ان اعتزر لكم عن غيابي عن المنتدى وده طبعا لظرف غامضه خارجه عن ارادتي

ثانيا احب ان اوجه شكر خاص للبشمهندس ابو حميد علشان افتاكرني بتلفون

تقبلوه اعتزاري وانشالله في الفاء القادم امون معاكم واتعرف على الاعضاء الجدد

شكرا

[DARWEEN]

السلام عليكم بعد التحيه

اولا احب ان اعتزر لكم عن غيابي عن المنتدى وده طبعا لظرف غامضه خارجه عن ارادتي

ثانيا احب ان اوجه شكر خاص للبشمهندس ابو حميد علشان افتاكرني بتلفون

تقبلوه اعتزاري وانشالله في الفاء القادم امون معاكم واتعرف على الاعضاء الجدد

شكرا

الفاضل ( ه ) مانو

بداية ارحب بك في المحاورات عضوا جديدا ... ولكن

كنا نود أن نتعرف عليك أولا ... فتكون عضوا فاعلا في المحاورات

ولكن الأمر يبدو وكأنك سجلت لدينا لمجرد الإتفاق على اللقاءات

فإن كان ذلك كذلك فأظن أن الهاتف يفي بالغرض

تحياتي

[بنت النيل]

السلام عليكم بعد التحيه

اولا احب ان اعتزر لكم عن غيابي عن المنتدى وده طبعا لظرف غامضه خارجه عن ارادتي

ثانيا احب ان اوجه شكر خاص للبشمهندس ابو حميد علشان افتاكرني بتلفون

تقبلوه اعتزاري وانشالله في الفاء القادم امون معاكم واتعرف على الاعضاء الجدد

شكرا

الفاضل ( ه ) مانو

بداية ارحب بك في المحاورات عضوا جديدا ... ولكن

كنا نود أن نتعرف عليك أولا ... فتكون عضوا فاعلا في المحاورات

ولكن الأمر يبدو وكأنك سجلت لدينا لمجرد الإتفاق على اللقاءات

فإن كان ذلك كذلك فأظن أن الهاتف يفي بالغرض

تحياتي

بداية اتمنى ان يتسع صدركم لما سأقول والاهم الا يفهم كلامى هذا على انه دفاع عن العضو او لانه صديق ولكن اعتبروه محبه للاعضاء وللمحاورات

بس حبيت اقول ان الاخ مانو كان ليه مشاراكات فى عده مواضيع وليس فقط فى اللقاءات لانه مسجل كعضو قبل ان يتم بيننا اى اتفاق على لقاءات

ده غير انه فى بدايه مداخلته توجه بالاعتذار اولا للمنتدى عن عدم مشاركته ولذلك لظروف يعلمها الله

ولو كنا مسجلين هنا للقاءات فقط لكنا نفذنا ما طلب منه جميعا وهو الاكتفاء بالتلفون

ولكننا هنا اعضاء بالمحاورات من قبل هذا ولحبنا وتعلقنا بالمحاورات

مع تحياتى لكم

[DARWEEN]

الأخت بنت النيل

new Member

المجموعة: Members

المشاركات: 1التسجيل: أمس, 04:37 PM

رقم العضوية.: 12120

لا أرى أن الأخ كان مسجل سابقا ومحاورات المصريين تسعد بأن تفتح الباب لكافة المصريين في كل مكان وتسعد بلقاءات الجميع تحت مظلة المحاورات وبين أعضاءها

ولكن لن نسمح أن تتحول إلى مكان للتعارف

تحياتي

[Scorpion]

الفاضلة بنت النيل ...

باديء ذي بدء ... هو شيء رائع بالفعل ما أفرخت عنه معرفة زملاء قلم في محاورات المصريين لتتحول الي علاقة صداقة و مودة لمجموعة كاملة بعيدآ عن مصر مثل ما قمتم به في الكويت .... حقيقي انه شيء رائع ... اتمني بالفعل ان يصبح مثالآ لجميعنا في الغربة ... و أن يتكرر في أماكن أخري ... و يكون لمحاورات المصريين دائمآ يدآ في تأصيل تلك العلاقات ...

ترين أختي الفاضلة ان تواجد موضوع أجندة المواعيد هذا بالرغم من انه لا يمثل جانب مهم لبقية الأعضاء.. و لكن يكفي انه هام بالنسبة لمجموعة مننا حتي يكتسب أهمية لدينا ايضآ .... و لكن توافقيني ايضآ انه لا يجب أن يتحول الي لوحة اعلانات عن مواعيد الرحلات التي كانت تضعها اسر الجامعات ... أعتقد ان للمحاورات حقآ علينا جميعآ في ان لا نستخدمها فقط كلوحة اعلانات ... و مثلما تشاركين انت و جميع الأخوة في المواضيع الأخري .. ما طلبه الفاضل داروين ان يفعل الجميع نفس الشيء و بالأخص الأعضاء الجدد....

الفاضل مانو ( و له كل الترحيب بأنضمامه الي المحاورات ) عدد مداخالاته واحدة فقط ... و هي التي كتبها عاليه .... فمن الطبيعي ان نشعر ان هناك شيئآ غير منطقي ... و ان المحاورات يتم استخدامها بأسلوب يبعد عن الهدف الأساسي منها .....

تحياتي ...