هنا تقبل تعازي أهلوية مصر في أهلي أبو عريج !!!

[kokowawa1979]

ده توبيك مخصوص علشان حبايبي الأهلوية - لإن أنا عارف كانوا منتظرين المباراه دي بفارغ الصبر علشان ينفسنوا شوية على كوكو واوا - لكن ربك كبير .

وعلشان الأهلوية حبايبنا وعارف إنهم بيزعلوا على أي حاجة فيها اسم الأهلي يكون مسه والعياذ بالله سوء فقررت أفتح لهم التوبيك ده مخصوص لتقبل العزاء في أهلي بو عريج . :lol:

عاوزين نشوف بقى مين اللي هينورنا في العزا علشان العزا مسجل فيديو خللوا بالكم :lol:

[drhouba]

ربنا نجاك يا كوكو أحسن أنا كنت حاسس إن فيه مؤامره بتحاك فى الظلام لإغتيالك لو حصل اللى كان نفسهم فيه بس ربك كبير و إلى الأمام يا روميل

[وائل كيوان]

اخلاقنا الرياضية الجميلة ديما سبقانا للواجب

بس قولى اية الحكاية اصل مش واخد بالى هو انتوا كنتوا بتلاعبوهم وغلابتوا ولا ايه الحكاية عايز توضيح علشان نقدر نعزى

[kokowawa1979]

ولا حاجة ياعم وائل - إحنا فتحنا سرادق العزاء ده علشان الزمالك كسب أهلي بوعريج في الجزائر - وده خاص بالأهلوية بس طبعا .

الدكتور هوبة موجود بس لإجراء الإسعافات الأوليه لاحسن حد يغمى عليه واللا حاجة .

عموما سعيكم مشكور ياأخ وائل :lol:

[الحاج فوزى]

على رأى المثل

قال مش قادرين على اهلى جوا ، رايحين يغلبوا اهلى بره :lol:

واحد زملكاوى يقولى انت جاى تعزى ولا جاى تهرج ، طبعاً هقول انا جاى اهرج

على العموم يا واوا مبروك يا سيدى ، بعد التعادل 2 - 2 ، الفوز 1 - 0

وطبعاً مش هعلق على الهدف الملغى فى عبد الواحد ، علشان تعرف ان الاهلوية جدعان ،ومش بيقولوا اى كلام معاد ومكرر زى اللهم احفظنا الزملكاوية :lol:

حسين

[kokowawa1979]

حبيبي سحس سعيكم مشكور

القهوة ياولد لعمك سحس -علشان يعزمنا على افتتاح فيلته :lol:

تم تعديل 26 فبراير 2007 بواسطة kokowawa1979

[رمضان]

والله انا فرحت للزمالك وربنا يديم الانتصارات الخارجية

[وائل كيوان]

ايوا كدا يا يا واوا نورنا الله يفتح عليك انت عارف بقى الشغل هنا واخدنى ومش بنتابع الا المتشه الكبير ه اللى فى كاس القارات وكدا يعنى بس علشان تعرف بجد لو كنت اعرف ان الزمالك هيلاعب فرقة بره كنت اجزت من الشغل علشان اروح اشجعه والف مبروووووووووووووووووووووووووووووووووووووووك واحنا قلبنا كبير

وعقبال ما تبقوا تانى الدورى وتانى الكاس لحفظ ماء الوجه مش اكتر

[kokowawa1979]

وائل كتب :

مبروووووووووووووووووووووووووووووووووووووووك

ياعم وائل إحنا في عزا مش في فرح الناس تقول علينا إيه بس :lol:

[se_ Elsyed]

لا

ده الحالة وصلت لمرحلة خطيرة وما بقاش يتسكت عليها

اومال يا كوكو لو غلبتو الاهلي الاصلي اللي هو احنا يعني .. هاتعمل ايه ؟

تمشي لابس البيجاما وماسك العلم في الشارع وتقول ... اوعى السريعععععععععععععععع

على العموم يا سيدي الف مبروك للفوز على اهلي بوعريج المجهول الهوية في الجزائر واللي مهدد بالهبوط للقسم الثاني وعقبال ما تكسبوا البطولة يا سيدي عشان شكلكو بقى وحش ... 3 سنين دلوقت ما كسبتوش حتى د ورة رمضانية

بس ارجوك انك لا تزج باسمنا في الموضوع فالأهلي المصري ليس الاب الروحي لاي اهلي في العالم

[أبو حميد]

أنتقل إلى الرصيف المأسوف على اهدافه أهلي بوعريج بعد أن صدمه العندليب عبد الحليم بهدف قاتل في بدايات الشوط الثاني لم يستطع رده وقد جائت هزيمة القادسية الكويتي من اهلي جدة لتقضي على أنفاسه الأخيرة. وقد راح المأسوف عليه كنتيجة لغرورة وطمعه في حجز مكان بين الكبار ولكن تأتي الجولة الخامسة لتؤكد أن الكبير كبير.

هذا ويتقبل العزاء للرجال بميت عقبة ولا عزاء للسيدات.

تم تعديل 26 فبراير 2007 بواسطة أبو حميد

[تيتو]

الف مبروك بس المهم الاستمرار .

[Ahmad Farahat]

طب مش تاخد البطولة الأول...........

دي حتى الفرقة اللي لاعبتوها في المركز الحداشر في الدوري بتاعها............

ياه...........

لو خدتوا البطولة دي...........

دانتوا هيحصلكوا حاجة قريب........

بالمناسبة هيه الكاس بتاعتها مبتفكركشي يا س.س بالسلطانية

[kokowawa1979]

سحس و س.س كتبا:

اومال يا كوكو لو غلبتو الاهلي الاصلي اللي هو احنا يعني .. هاتعمل ايه ؟

ماتستعجلوش على رزقكم - كله جاي في السكة :blink:

س.س كتب :

بس ارجوك انك لا تزج باسمنا في الموضوع فالأهلي المصري ليس الاب الروحي لاي اهلي في العالم

أيوووووووه عليكم ياجدعان مرة تقولوا شوفوا كام نادي باسم النادي الأهلي في الدول العربية ودلوقت تتنصلوا منهم ؟؟؟؟ لأ لأ ياسي السيد مش دي مبادئ النادي الأهلي اللى بتقولوا عليها. الناس تقول إيه عليكم بقى :huh:

أرسين لوبين كتب :

طب مش تاخد البطولة الأول...........

دي حتى الفرقة اللي لاعبتوها في المركز الحداشر في الدوري بتاعها............

ياه...........

لو خدتوا البطولة دي...........

دانتوا هيحصلكوا حاجة قريب

أهو هو ده رئيس أركان الدفاع الحقيقي أرسين لوبين - مش تقول لي أرسين لوبين اللي كتب بفنط عريض زي بلتكانة السرير في توبيك حبيبنا محمد ميدو ألف مبروك - وحياتك ياأرسين ياخويا أنا عرفت وقتها إنك بتهزر معانا :lol:

حبيبنا أرسين كتب تاني :

بالمناسبة هيه الكاس بتاعتها مبتفكركشي يا س.س بالسلطانية

هي بالضبط زي ماقلت كدة ياخويا أرسين - بس ماتنساش إن الأهلي نفسه كسب البطولة دي لما كان السلطانية فيها شوية طرشى - لكن من ساعة مابقت 7 مليون والأهلي انسحب منها أمام الزمالك اتقطعت رجله من بعدها وحرمت عليه !!

ماتقول حاجة يا سي السيد :lol:

على فكرة أنا قررت استثمر في فتح معهد لتدريس تاريخ الكورة لجماهير الأهلي - أحسن بجد أنا زعلان lol:

[se_ Elsyed]

فاقد الشيء لا يُعطيه يا كوكو

أكاديمية إيه اللي هاتعلموا فيه االكورة ؟

مش لما يبقى عندكو كوره

وبعدين لم يدعي أي أحد أن أي نادي يحمل إسم الاهلي يبقى له علاقة بالاهلي أو حتى نفتخر به ...

ومبروك يا سيدي مره تانية وعقبال ما تكسبوا البطولة العربية وتاخدوا بها قرشين تسددوا منهم الديون اللي عليكو :blink:

[kokowawa1979]

سي السيد كتب :

أكاديمية إيه اللي هاتعلموا فيه االكورة ؟

ياعم قلنا تاريخ الكورة مش فنون الكورة :blink:

يابني واحد قهوة ساده محوجة بالباباظ لسي السيد بسرعة قبل مايستأذن :huh:

[Ahmad Farahat]

[

أرسين لوبين كتب :

طب مش تاخد البطولة الأول...........

دي حتى الفرقة اللي لاعبتوها في المركز الحداشر في الدوري بتاعها............

ياه...........

لو خدتوا البطولة دي...........

دانتوا هيحصلكوا حاجة قريب

أهو هو ده رئيس أركان الدفاع الحقيقي أرسين لوبين - مش تقول لي أرسين لوبين اللي كتب بفنط عريض زي بلتكانة السرير في توبيك حبيبنا محمد ميدو ألف مبروك - وحياتك ياأرسين ياخويا أنا عرفت وقتها إنك بتهزر معانا :lol:

شوف يا كوكو

أرسين لوبين هوا هوا...............

فيه فرق كبير ما بين توبيك الأستاذ محمد وتوبيك حضرتك............

الأستاذ محمد لازم نبارك عنده...........

إنما حضرتك عامل توبيك سخيف لازم يبقى الرد فيه كده..........

لامؤاخذه...........

أما الأهلي أيوة خد البطولة دي أيام ما كان ليها هدف نبيل والزمالك برضه خدها مرة أيام نفس الهدف

إنما دلوقتي الهدف بقى الربح والربح فقط............

بس خلاص

[الحاج فوزى]

يا عم كوكو ، الفجر قرب يطلع والراجل بتاع الفراشه عايز يلم النصبه :lol:

يلا يا عم الكوتكووت ( حلوه الكوتكوت ديه :) )

يلا قفل العزاء بقه ولم النصبه وروح ..

ونتقابل فى يوم الاربعين <_<

[kokowawa1979]

أرسين لوبين كتب :

إنما حضرتك عامل توبيك سخيف

ونعدي دي كمان لاخونا وحبيبنا أرسين علشان مبادئ الزملكاوية :closedeyes:

[Ahmad Farahat]

أرسين لوبين كتب :

إنما حضرتك عامل توبيك سخيف

ونعدي دي كمان لاخونا وحبيبنا أرسين علشان مبادئ الزملكاوية :closedeyes:

إنت زعلت من توبيك سخيف ولا إيه.............

بس هوا فعلا سخيف وملوش معنى..........

أصلي أنا مزعلتش علي أهلي البرج عشان أعزي فيه..........

زي ما ناس زعلت وشجعت الصفاقسي قدامنا.............

وعموما ده رأي بريء