أنت ليه مش بتمسك إيدي وإحنا ماشيين في الشارع؟

[احمد هادي]

أنت ليه مش بتمسك إيدي وإحنا ماشيين في الشارع؟

"لأ بلاش... افرضي حد من قرايبك شافنا؟ والا حد من أصحاب أخوكي في الكلية؟

إن شاء الله يا حبيبتي بكره نتخطب وامسك إيديكي ادام الدنيا كلها".

أنت ليه مش بتمسك إيدي وإحنا ماشيين في الشارع؟

"علشان مش عاوز حد يفتكر إننا علشان اتخطبنا هنصيع بقى ونعيش حياتنا... وبعدين بصراحة كده أنا مستحرم... إن شاء الله بكره نتجوز وامسك إيدك وإنتي مراتي حبيبتي في الحلال".

أنت ليه مش بتمسك إيدي وإحنا ماشيين في الشارع؟

"يا حبيبتي إحنا مش مراهقين بقى هنمسك إيد بعض في الشارع وكده... إحنا اتنين متجوزين ومحترمين وعندنا بيت نعمل فيه اللي عاوزين نعمله".

أنت ليه مش بتمسك إيدي وإحنا ماشيين في الشارع؟

"يعني امسك إيدك والا امسك إيد البنت والا اشيل الأكياس دي كلها؟".

انت ليه مش بتمسك إيدي وإحنا ماشيين في الشارع؟

"إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا وخرفنا؟"

*منقول من أفواه الحنس اللطيف

[التونسى]

ظريف جدا هذا الموضوع .. :lol:

[أبو حميد]

*منقول من أفواه الحنس اللطيف

فعلا معظم الرجالة بينسوا أساسا الحاجات الصغيرة زي مسك الإيدين والإهتمام بالمناسبات وتقديم الهدايا ولو حتى هدية رمزية وغيرها كتير وغالبا بيكون السبب المشاكل في العمل والمسئوليات الكتيرة ده غير العيال التي تفور الدم وليهم حق الستات يشتكوا.

المصيبة بقى في الستات التي بتنسى الحاجات الصغيرة ودول برضه كتير وبينشغلوا في العيال والبيت وينسوا الراجل خالص.

[mohamed_mido87]

ههههههههههههههههههههههههههههههههههههههههههه

جميل جدا الموضوع ده

شكرا جدا يا احمد وفى انتظار المزيد

[yacho]

*منقول من أفواه الحنس اللطيف

المصيبة بقى في الستات التي بتنسى الحاجات الصغيرة ودول برضه كتير وبينشغلوا في العيال والبيت وينسوا الراجل خالص.

دول بقى عزيزى ابو حميد الستات اللى يأسوا والحمدلله من الرجاله :blink:

[أبو زياد]

انت ليه مش بتمسك إيدي وإحنا ماشيين في الشارع؟

" يا حبيبتى إيدك مع إيدى فى الشارع و البيت و كل مكان "

نسيت شهر العسل يا شيخ ؟

[inas]

امال هيمسك ايدها امتى

وهي بتموت :lol:

ولا هيقول خلاص باه كبر ياراجل :)

[nora]

زمان كانت الستات بتددل و الراجل الي بيقى عايز يمسك ايدها ( عى راي فؤاد المهندس كنتى خليه يمسكها ) دلوقتي الستات مش عرفين امتى ممكن يتعطف عليها ويمسكها...:closedeyes:

[وائل كيوان]

انا بقى اكيد همسك ايدها على طول ومش هسيبها ابدا بس هى تيجى الاول .

[DARWEEN]

اسمحوا لي أتدخل ... معلش اصل انا قديم :closedeyes:

لمسة الأيد أحيانا بتكون أهم من قصايد شعر ... اهم من كلام كتير

بس المهم تكون لمسة أيد بمعنى ومشاعر ووضوح

[أبو زياد]

بجد يا جماعة موضوع لمس الإيد دة مهم جدا

لأن الرجل لا يفهم معناه كما تفهمه المرأة ..

قيمته بالنسبة للمرأة تعنى الكثير ربما لا تعنى مثله للرجل ..

موضوع التعبير عن المشاعر مهم جدا و كيفية إيجاد نقطة وسط للتعبير عن العلاقة بين الطرفين