الف مليون مبروك يا زمالك

[mohamed_mido87]

بسم الله الرحمن الرحيم

انا طبعا احب ابارك واهنى كل احبائنا الزمالكويه على العرض الرائع الى قدمه الفريق بجد الزمالك شرفنا على الرغم من انا اهلاوى بس بجد الزمالك حاجه تفرح والله والف مبروك مره تانيه

بهدف للعندليب في الدقيقة 56 حقق الزمالك فوزاً غاليـاً على أهلي بوعريج ليقتنص اول بطاقة التأهل للدور نصف النهائي لدوري أبطال العرب.

قدم الزمالك مباراة تكتيكية عالية المستوى على شوطي اللقاء و تمكن اللاعبون من تقديم مستويات متميزة على الميدان , فتألق لاعبي الوسط علاء عبد الغني و تامر عبد الحميـد الذي قدم أروع مبارياته بعد العودة من الاصابة , بالاضافة للمستوى المميز جدا للمدفعين يامن بن ذكري و وسام العابدي وزميلهم عمرو الصفتي الذي قدم لقاء كبير في الشوط الثاني.

الزمالك دخل اللقاء بتشكيل مكون من:

وحيـد

الصفتي – بن ذكري – العابدي

طارق السيد – علاء – تامر عبد الحميد – احمد غانم

حازم

حليم – جعفر

الزمالك بدء المباراة بشكل متوازن و تبادل الفريقان الهجمات و ان لم تصل الى الخطورة المطلوبه على المرمى الابيض او الاصفـر , الا ان الزمالك كان بمقدوره ان ينهي اللقاء في الدقائق العشرين الاولى من اللقاء لولا ضعف دقة التمريرات في الثلث الاخيـر , و في خط الظهر كان الثلاثي الابيض متفوق تماماً خاصة في ظل ضغط و مساندة مميزة من تامر عبد الحميد و علاء عبد الغني اللذان لعبا افضل أوقاتهم مع الزمالك.

بعد الدقيقة العشرين تراجعت خطوط الزمالك و امتلك اصحاب الارض الكورة بشكل اكبر و اقتربت الخطورة الصفراء من مرمى عبد الواحد السيد عند الدقيقة 35 بعد ان فشل عبد الواحد السيد من التعامل مع احد الكرات العرضيه و يتدخل معه مهاجم برج بوعريج الا ان الحكم يحتسبها خطأ لصالح وحيـد , و فيما عدا هذه الفرصة لاصحابي الارض لم يشهد الشوط باستثناء تصويبتين اقتربتا من المرمى الابيض.

و ينتهي الشوط الأول بالتعادل السلبي بين الفريقين.

و مع الشوط الثاني يكتشف الجميع ان الثعلب الفرنسي هنري ميشيل لا يريد الا الفوز وان تصريحاته في الصحافة الجزائرية برغبته في التعادل لم تكن الا تمويه ذكي منه ورغم ان اي من الفريقين تغييرات على التشكيل الا ان الزمالك اجرى تغييراً تكتيكياً مفاجأ من خلال اللعب السريع على الطرفين و خلف المدافعين و تمكن حازم امام من القيام بهذه التمريرات و كان اخطرها عند الدقيقة 52 عندما مرر حازم كرة بينيه خلف الجناح الايمن لاصحاب الارض و ينطلف حليم بالكرة الا انه يمررها بشكل سيء ليقطعها مدافع برج بوعريج قبل ان تصل للمنتظر مصطفى جعفر.

بعدها بثلاث دقائق فقط الهجمة ذاتها تكررت بتمريرة تامر لطارق السيد الذي يدخل المنطقة و يلعبها عرضيه مميزة ليحولها العندليب في المرمى ليعلن عن تقدم الزمالك بهدف أول في اللقاء القوي.

بعد الهدف يتوقف اللعب لاكثر من خمس دقائق بعد اعتراض غير مبرر من الجهاز الفني و اللاعبين لاصحاب الارض يسفر عنه طرد مدرب بوعريج مصطفى بسكري و اشهار البطاقة الصفراء لاحد اللاعبين.

وينجح اصحاب الارض في ارهاب الحكم الذي كان يقدم لقاءا رائعا ولكن بعد الارهاب الجزائري حاول الحكم الاردني امتصاص غضبهم علي حساب العديد من القررات الغريبة ضد الزمالك في اكثر من فاول واكثر من انذار غير مبرر

يحاول لاعبي الزمالك تهدئة الملعب و امتصاص حماس و ردة فعل اصحاب الارض و يجري هنري ميشيل التغيير الاول بإخراج مصطفى جعفر و اشراك محمد أبو العلا لتقوية خط الوسط و محاولة الحفاظ على التقدم الغالي ولكن ابو العلا لم يكن في افضل مستوياته وتاثر بالابتعاد لفترة عن الملعب واخرج جعفر كثير الحركة سمح للمدافعين الجزائرين باللعب بحرية بعدما خف الضغط عليهم واصبح حليم وحيدا.

وازدحام الوسط الابيض بثلاثي ارتكاز اجبر الجزائرين علي تخطي الوسط عن طريق التمرير الطولي العالي ولكن ثلاثي الدفاع تعامل جيدا مع كثير من تلك الكرات ولكن حدثت بعض الهفوات نتيجة تقدم احمد غانم وطارق السيد للمساندة الهجومية واستغلال الجزائرين المساحات خلفهم لارسال كرات طويلة من اجل ارسال عرضيات

محاولات بوعريج الجزائري في الضغط على الزمالك كادت ان تسفر عن هدف التعادل في الدقيقة 80 عندما تباطيء يامن بن ذكري في اخراج كرة ليقتنصها مهاجم بوعريج على بعد 8 ياردات و يصوبها قوية جدا و لكن تعلو القائم الابيض , ويامن رغم مستواه الكبير جدا في اللقاء الا انه فشل في اخراج كرتين عرضيتين ارضيتين وهنا يجب ان يحاول الكابتن محمود سعد التركيز مع يامن علي التعامل مع الكرات العرضية الارضية

بعدها يحصل اصحاب العرض على خطأغهدية من الحكم الاردني على بعد 24 يارده و لكن يصوبها في الحائط الابيض و يتعامل الدفاع الابيض معها بشكل مناسب.

مع الدقيقة 83 يتدخل الجهاز الابيض مجدداً بإخراج حازم إمام و اشراك الغاني جونيور لتنشيط خط الوسط و محاولة الاستفاده من قدرته على الاحتفاظ بالكرة و استثمار المساحات الواسعة خلف دفاع اهلي بوعريج.

مع الدقيقة 88 عادت من جديد الخطورة الصفراء بعد خطا من وسام العابدي في اعدة الكرة لوحيد الذي خرج وديعا خوفا من ضربة جزاء ومر المهاجم الجزائري وسدد في المرمي الخالي من زاوية ضيقة الا ان عمرو الصفتي يقف حائلا بين الكرة و دخول الشباك.

مع الدقيقة 89 يتصدى وحيد لرأسية خطيرة من مهاجم بوعريج ثم يقوم القائم الايسر لوحيد بدور الحارس و يخرج رأسية أخرى لبوعريج.

في الدقيقة الأولى من الوقت بدل الضائع يحصل العابدي على كارت اصفر ثان دون ان نعرف السبب ليخرج من المباراة, و يجري الزمالك تغييره الاخير بإخراج حليم و اشراك ابو جبل, و يحاول اصحاب الارض الاقتراب و التعديل الا ان المحاولات كلها باءت بالفشل.

معظم اللاعبين قدموا مباراة طيبة الا ان التفوق كان واضحـاً لنجم الدفاع يامن بن ذكري بشكل متميز تماما عن باقي اللاعبين.

حصل من الزمالك كلاً من عمرو الصفتي على بطاقة صفراء و وسام العابدي على بطاقتين صفراويتين و خرج من اللقاء في الدقيقة الثانية من الوقت بدل الضائع.

بهذه النتيجة يصل الزمالك للنقطة العاشـرة و يحجز بطاقة التأهل الأولى عن المجموعة الأولى بينما يتجمد رصيـد بوعريج عند النقطة الخامسة.

واقترب الحلم العربي من الزمالك بعدما كان بعيدا في بداية المجموعة بعد ان حصل الزمالك علي نقطة واحدة في اول لقائين لكن زمالك ميشيل وسعد نجح في الحصول علي تسع نقاط متتالية تاهل بها الفريق قبل اللقاء النهائي ونتمني من الله ان تتكاتف جهود الجميع ادارة وجهاز فني ولاعبين من اجل اقتناص البطولة العربية التي تنادي الزمالك لتحقيق بطولة غالية تسهم في حل كبير في التفاف الجميع داخل الزمالك وعودة الثقة للجميع

والف مليون مبروك يا زمالك

[أبو حميد]

شكرا يا محمد على الروح الرياضية الجميلة منك كأهلاوي وبتهني الومالك وكمان شكرا على الوصف التفصيلي علشان مشوفتش المباراة وكده كأني شفتها بالظبط.

[Ahmad Farahat]

ألف مبروك

[وائل كيوان]

الف مبروك لكل الزملكوية اللى موجودين مشجع اهلاوى جدا وفرحنالكوا من قلبنا والله مهو طلما بيلعب بره مصر يبقى بيمثلنا كلنا انما لو بيلعب فى مصر معروف بيحصلكوا اية اوعى الشياطين الحمر

تم تعديل 27 فبراير 2007 بواسطة وائل كيوان

[أبو محمد]

ألف مبروك للزمالك .. وعقبال الوصول إلى النهائى والفوز به

الفوز على أرض الخصم له مذاق خاص .. يُشعر المتفرج "المصرى" بالفخر

[kokowawa1979]

محمد ميدو كتب :

انا طبعا احب ابارك واهنى كل احبائنا الزمالكويه على العرض الرائع الى قدمه الفريق بجد الزمالك شرفنا على الرغم من انا اهلاوى بس بجد الزمالك حاجه تفرح والله والف مبروك مره تانيه

يعني عايزني أعمل فيك إيه بس - أفتح سرادق عزاء الاقيك طلعت لي بصالة أفراح 7 نجوم :blink:

على فكرة بقى ياميدو ( مش انت ميدو 87 برضه ياشقي :huh: ) على الرغم من أنك مستجد يادفعة لكن أسلوبك كدة يخللينا نرشحك مشرف عام لقسم الرياضة -على الرغم من إن القسم كله أهلاوية كمشرفين - طبعا بس تسيبك بقى من عقدة الأهلي مضطهد اللي انت ماسكها لنا على طول :lol:

أخونا سي السيد زعيم الأهلوية ممكن يحتضنك لإنشاء صف تاني من المشرفين الرياضيين - ودي بجد مش بهزار.

عموما ياعم محمد ميدو أنا قررت نوقف العزا مؤقتا ونستقبل المهنئين . ولو إن دي صعبة على قوي ياخويا محمد .

أرسين لوبين كتب :

ألف مبروك

نفسي أصدق :lol:

قل لي بقى ياعم أرسين إزاي بتخللي الفنط بتاع الخط عريض لإن من يوم ماحصل التطوير أنا لاعارف أكبر الخط ولا ألونه - باتكلم جد - رد على النقطة دي .

وائل كتب :

الف مبروك لكل الزملكوية اللى موجودين مشجع اهلاوى جدا وفرحنالكوا من قلبنا والله مهو طلما بيلعب بره مصر يبقى بيمثلنا كلنا انما لو بيلعب فى مصر معروف بيحصلكوا اية اوعى الشياطين الحمر

والله ياعم وائل متأكد من شعورك وشعور الأهلاويةحبايبنا كلهم بلا استثناء- آه ياني منك ياواد ياكوكو واوا يابو لسان زالف - لو تخف بس شويه كانت الأمور تبقى أحسن من كدة كمان وكمان . عموما ياعم وائل أي فوز خارجي للأهلي هاكون أول واحد أفتح له توبيك بس بطريقتي طبعا ( خللي بالك برة بس يعني جوة مفيش تغيير :lol:

نيجي بقى لاخونا الفاضل أبو محمد

ألف مبروك للزمالك .. وعقبال الوصول إلى النهائى والفوز به

الفوز على أرض الخصم له مذاق خاص .. يُشعر المتفرج "المصرى" بالفخر

الكلمتين دول هما السبب في تعليقي على هذا التوبيك - بالكلام اللي انتم طبعا زمانكم بتضربوا أخماس في أسداس معقول كوكو يطلع منه الكلام ده ؟

لكن بصراحة كلام أخونا أبو محمد وعلى الرغم من أختلافي السابق معه وبشدة إلا أنه وللأمانه أحسست أنه نابع من القلب - وقد كنت في السابق أحاول أن أتحاشى التعليق على كلامه حتى لانضع البنزين على النار لإنني كنت أعلم علم اليقين أنه لن يتقبل ردي مثل س.س أو أرسين أو داروين أو سحس أو وائل أو كل حبايبنا الأهلوية الذين كانوا يتقبلون ردودي المرحة بأفظع منها لكي نضحك في النهاية .

عموما أخي أبو محمد أنه قد آن الأوان لكي أعتذر لك عن كلامي الذي استفززتني إليه - وبالمناسبة أنا مش من دور عيالك :lol:

[أبو محمد]

كوكو واوا كتب :

الكلمتين دول هما السبب في تعليقي على هذا التوبيك - بالكلام اللي انتم طبعا زمانكم بتضربوا أخماس في أسداس معقول كوكو يطلع منه الكلام ده ؟

لكن بصراحة كلام أخونا أبو محمد وعلى الرغم من أختلافي السابق معه وبشدة إلا أنه وللأمانه أحسست أنه نابع من القلب - وقد كنت في السابق أحاول أن أتحاشى التعليق على كلامه حتى لانضع البنزين على النار لإنني كنت أعلم علم اليقين أنه لن يتقبل ردي مثل س.س أو أرسين أو داروين أو سحس أو وائل أو كل حبايبنا الأهلوية الذين كانوا يتقبلون ردودي المرحة بأفظع منها لكي نضحك في النهاية .

عموما أخي أبو محمد أنه قد آن الأوان لكي أعتذر لك عن كلامي الذي استفززتني إليه - وبالمناسبة أنا مش من دور عيالك

ياااااااااه .. يعنى طول الفترة دى وانت مش مصدق إنى لا أهلاوى ولا زملكاوى ؟ .. يعنى أعمل إيه ؟ أبعت لك صورتى وانا بالتى شيرت الاخضر ومتصور وانا فى وسط بوبو وأحمد صالح ؟ (بالمناسبة إدعوا لبوبو ربنا يخرجه من ورطته بالسلامة)

ياكوكو أنا اتحاداوى من صغرى .. ولا أخفى إعجابى بالأهلى .. ومش عاوز أقول ليه تانى خوفا من إثارة حفيظتك .. (خلى بالك حفيظتك دى متعوب عليها لحد ما لقيتها :blink: ) ..

طبعا مباركتى للزمالك طالعة من القلب .. فمصريتى أقوى مليون مرة من أى انتماء كروى .. والله أنا أتمنى الزمالك يرجع زى الأول لأن ده حيخلى الفرجة على الكورة أحلى بكتير

عموما أخي أبو محمد أنه قد آن الأوان لكي أعتذر لك عن كلامي الذي استفززتني إليه - وبالمناسبة أنا مش من دور عيالك

ده ينم عن كرم أخلاقك ، وانا آسف إذا كنت اعتبرت أى كلمة منى استفزاز لك .. لأن استفزاز الغير ليس من طبعى .. واعتبر ياسيدى إن أنا اللى من دور عيالك (حتى دى حاجة تفرح :huh: )

[kokowawa1979]

حبيبنا أبو محمد كتب :

ده ينم عن كرم أخلاقك ، وانا آسف إذا كنت اعتبرت أى كلمة منى استفزاز لك .. لأن استفزاز الغير ليس من طبعى .. واعتبر ياسيدى إن أنا اللى من دور عيالك (حتى دى حاجة تفرح )

عمرها ماتوصل لكرمك وأخلاقك انت يابومحمد - عيال إيه وبتاع إيه ياعم إنت على راسنا من فوق .

لك تحياتي وخالص شكري لقبولكم اعتذاري

[otaka]

الاسماعيلى و الزمالك اخوات :blink:

[ahmed_tito91]

شكرا جدا يا ميدو على الشرح التفضيلى للمباره وانا اهلاوى جدا ولكن حنقفل باب التعازى شويه ونفتح باب التهنئه الف مبروك لنادى الزمالك على الانتصار العظيم وكده يبقى الزمالك فتح مدرسه الفن والهندسه فرع الجرائر بس طبعا مش حيفتح فرع القاهره

[kokowawa1979]

أوتاكا كتب :

الاسماعيلى و الزمالك اخوات

لأ وألف لأ ياعم أوتاكا الزمالك والاسماعيلي عمرهم ماكانوا اخوات !!!!

دول طول عمرهم واحد :blink:

[ابو ايمان]

بصفتى احد مشجعى وعضو برابطه مشجعى نادى الاهلى اقول مبروك لنادى الزمالك ولجماهيرة وان شاء الله السنه القادمه نلاقيه هو وفرقتين او اكثر مع الاهلى يتنافسون على المركز الاول ونشوف كوره جميله وتنافس بجد ... ومره اخرى مبروك للزمالك وعقبال الحصول على البطوله العربية باذن الله ..

[الحاج فوزى]

ايه .. فيه ايه ؟!

مين ؟!!

ااااه الماتش بتاع واحد صفر .والهدف الملغى .. . اه اه عارفه ، ماله ؟!

اه بتباركوا للزملكاوية ؟ طيب يا سيدى مبروك :huh:

بس الزملاكاوية بعد الماتش عملوا عزا ، ونصبوا سرادق لتقبل العزاء ، تقريباً مش مصدقين نفسهم :huh:

واتعودا على الحزن من باب العاده يعنى :)

على العموم مبروك يا زمالكاوية ويا رب ميقطعلكوش عاده :sad:

بس مش شايفين ان الف مليون مبروك كتير عشر حبات ؟!

يعنى مبروك واحده ولا اتنين كفايه ، امال لو غلبتم 4 ولا 5 هتقولوا ايه ؟!! مش قصدى حاجه يعنى ، اسكت يا لسانى

حسين

تم تعديل 28 فبراير 2007 بواسطة Huss.

[Diab]

يا رجل يا طيب بقي الزمالك كان بيلعب كويس

ده مفيش باصة طلعت صح

تم تعديل 28 فبراير 2007 بواسطة Diab

[otaka]

ايه .. فيه ايه ؟!

مين ؟!!

ااااه الماتش بتاع واحد صفر .والهدف الملغى .. . اه اه عارفه ، ماله ؟!

هو حد جاب سيره ماتش الصفاقص يا حسين بيه