مصري زيكم عايز يعرف حاجة واحدة بس.............

[taqy]

السؤال:

مصر خربت و لا لسة؟؟؟

[أبو حميد]

السؤال:

مصر خربت و لا لسة؟؟؟

الأخ تقي

برحب بوجودك معانا وأشتراكك لأول مرة بالمنتدى ومع أنك داخل داخلة جامدة فينا والسؤال موجه لينا كلنا بس أنا هارد عليك وأقولك رأيي في الموضوع وإنشاء الله باقي الزملاء يقولوا رأيهم.

مصر لسه ما خربتش ولا عمرها هاتخرب طول ما فيها ناس زيك وزيينا خايفين عليها وزعلانين على حالها. مصر مرت قبل كده بمراحل أسوء من المرحلة اللي بنمر فيها بكتير وخرجت منها والأمثلة كتير وأخرهم النكسة 67 مفيش ولا انسان في العالم أو حتى خبير كان يتوقع أننا نحارب في خلال 6 سنين لكننا قدرنا وحاربنا ومحدش يعرف المصريين ممكن يعملوا أيه؟ كل الموضوع أننا صدرنا واسع شوية وبنستحمل زيادة عن اللزوم وده اللي بيوصلنا لحالة زي اللي أحنا فيها دلوقت ولما تشتد علينا الظروف بنتصرف.

[رمضان]

اولا اهلا بيك معانا في المنتدى

يا اخي بلاش النظرة التشاؤمية دي وزي ما قالك الاستاذ ابو حميد مصر عمرها ما هتخرب طول ما احنا فيها وطول ما فينا نفس

يا اخي مصر مش حكومة ونظام مصر ارض ونيل وهوا وشعب عايش على ارضها وأكم مرت على مصر انظمة ومر عليها ظلم واستبداد وكله زال وفضل الشعب المصري الاصيل .

مصر طول عمرها عظيمة وهتفضل عظيمة للابد ان شاء الله

[se_ Elsyed]

أخي الكريم

هل هذ سؤال إستفهامي أم إستنكاري ؟

وهل أنت مصري يعيش داخل مصر ام خارجها ؟

فنصيحة أخوية ... حاول ان تطلع على العديد من موضوعات هذا المنتدى وكثيرً من المنتديات المصرية الجادة لكي تعرف أنن شعب يمر بكبوة ومرحلة تغيير إلى الأفضل إن شاء الله .

[التونسى]

مصر اخى العزيز فى مرحلة مخاض صعب جدا .. وخطير .. ومؤثر .. ومحتاجه من ابناءها اللى بيحبوها .. واللى اختاروا بإرادتهم انهم يفضلو ا فيها . انهم يساندوها بكل قوه

مصر مخربتش .. بس اللى بيحصل فيها من مهازل وفساد حاليا فاق كل التصورات .. لكنها لسه بخير .. بإذن الله وفضله ورحمته

انا مش ببث التفاؤل فى قلبك على فكره .. انا بكلمك بكل صدق وايمان واقتناع .. رغم انى ساعات بنقد الوضع الحالى بكل قسوه .. لكن بيبقى قسوة المحب .. وعمر حنقى وضجرى ما جعلنى اكفر ببلدى مصر .. لانى واثق ومتأكد أن هويتى حتفضل مصرى .. مهما وجدت فى بلاد الله الاخرى الحياه الافضل والاكثر رفاهيه وراحه ... متأكد ان حضن بلدى اكيد هو اللى فى يوم حيسعنى لو حصل ليا أى ظرف سيئ فى الغربه

[أبو زياد]

السؤال:

مصر خربت و لا لسة؟؟؟

الجواب :

بتخرب

ولو مالحقناهاش استحملوا اللى يجرالكم ..

( محدش يسألنى إزاى نلحقها لأنى ماعرفش )

[Tafshan]

مصر عمرانه او خربانه باهلها .. و احنا اهلها .. لو شايفنا خربانين تبقى خربت .. لو شايف فينا الرمق .. يبقى في امل !

[أبو زياد]

بتخرب و فينا الرمق

فيه أمل ما بقيت الحياة

بس لو سبناها تخرب ...

مش عارف إيه اللى هيحصل

[anhidonia]

بتخرب و فينا الرمق

فيه أمل ما بقيت الحياة

بس لو سبناها تخرب ...

مش عارف إيه اللى هيحصل

انا فيه شيء لاحظته بما انى خارج مصر ان معظم المصريين الذين يعملوا ويقيمون خارج مصر دائما الشكوى من مصر وابراز عيوبها وكان البلد اللى ميقيمون او بيشتغلوا فيها ديمالهم

ويسلام لو واحد او واحده نزلت اجازة ورجعت والناس رايحه تسلم عليها وتطمئن على مصر وعلى اخبار مصر

يا الله تبدا بالسلبيات وكل حاجه بقت فى مصر غلط والناس اتغيرت والبركة انزاحت والحياة غالية والناس بقوا وحشين والتلوث ذاد والتوكتوك علامة من علامات انحدار مستوى الحضارة وتحسسنى ان مصر خلاص المفروض الواحد ينساها تماما

لاء يا جماعة مصر مش هى حسنى مبارك والاسعار والظلم مصر هى امى وامك اخواتى واخواتك احنا جذورنا مصرية مصر هى النيل هى الشمس والاهرامات هى الحضارة اللى الناس بيحسدونا عليها ومهما سافرنا واخدنا جنسيات تانية برده دمنا مصرى

ويا ريت كل ما تتخنق من الظلم والحياه فى مصر تأمل فى نيلها وشمسها

وانا عن نفسي مستنية اليوم اللى ارجع فيه مصر واديها العلم الللى اتعلمتة وافيد الناس بلااشياء اللى اتكتسبتها لانى مهما اروح وارجع انا مواطنة مصرية انتى لمصر

محدش يقول على خياليه وباكت عشان بره مصر ومرتاحه لا فعلا اللى عاوز يعرف قيمة مصر يبعد عنها بس لازم يكون مصري اصيل :Al:

تم تعديل 24 مارس 2007 بواسطة anhidonia

[Ahmad Farahat]

لو قلت لأ...........

أبقى كداب..........

ولو قلت آه...........

يبقى باحكم على كل الحاجات الحلوة بالإعدام...........

لسه فاضل شوية

كتيييييييييييييييييييييييييييييييييييير

[النمر الأسود]

[size="7"]اخي الشاعر ارسين لوبين لو عايز تعرف خربت ولا لسه اقولك تسئل مين اسئل سائقين الميكروباص عندما تسحب رخصهم بسبب او بدون سبب اسال من ينتهك حرمت بيوتهم اثناء النوم بعد او قبل الفجر بحجت انهم ملتحيين واسالهم ماذا يفعل بكم في السجون لا اسال من يسرقون الملايين بل عفوا البلايين ويهربون ثم يعدون رجال اعمال تفخر البلد بهم

اخي .................................. ارسين هذا سوال يحتاج الي الكثييييييييييييييييييييييييييييييييييييييير من الردود اننا خربنا بلادنا باييدينا نحن اه

عفوا................................................................................................................ اساااااااااااااااااال

اليهود عندما دخلو مصر في سيناء باامولهم بعد ما خرجوووووووووو منها بدمائنا

حسبنا الله ونعما الوكيل [/size]

هذه اقل قليل مما يقال لان المفروض يقال يجب انا تفتح له دواويين

[ابو محمود]

انا هردلك بسؤال ممكن ترد علية براحتك شوف ياسيدى ؟

العراق خرب ؟

ولالسة

اية رايك فى الرد دة يبقى سؤال حضرتك متوقف على نتيجةالعراق

لأن بكرة قريب اقرب من ما تتخيل

[zedan]

اخي الكريم،،،

مصر لسة بخير ،ومخربتش ولا حاجة ، مصر تمر بتعديلات جذرية في مستقبلها وهي جديدة وفريدة من نوعها ، فالكل مستغرب الحال ومش عارف اين الصح من الخطأ ، جزء موافق ، وجزء معارض ، وجزء لا يهتم ، ونحن وانت نتابع عن كثب مايتم من احداث جارية ، المهم ان مصر هتفضل مصر ولا قلق من هذا .

تحياتي،،،

[gharibforever]

ﻤﺻﺮ ﺨﻼﺺ ﺨﻟﺻﺖ

[كمبورا 6]

الزميل غريب للابد

مصر عمرها ما تخلص

[متمردة]

مصر حرة والحر لازم يجيلوه يوم ويفوق مهما طال الزمن والحر لا يستهان وهيجى يوم هتشهد ليه الدنيا كلها

بس امته فين ازاى ؟

اعتقد الاجوبه بادينا هنسطرها

[DARWEEN]

طول نهر النيل ما بيجري وعلى ضفافه هؤلاء البسطاء ممدودي اليد للسماء يطلبوا من المولى الخالق رزق يومهم ..

طول ما الشمس بتشرق في السماء تنير حياة المتزاحمين سعيا وراء رزقهم

فلن تموت مصر أبدا

ربما تكبس الطواغيت على أنفاس البشر حينا ... ربما نعاني تشريدا في الكون ... لكن تظل مصر دائما حيه بهيه كما هي

نحن شعب طيب وعاطفي وحنون نلعن البلد ونموت دفاعا عن شبر من أرضها

نسخط على كل شيء وننهي هذا السخط بإبتسامة أو بنكتة ساخرة

نحب حتى من يظلمنا ونطيع حتى من يستغلنا

شعب بهذا الجمال ... لايمكن يخلص أبدا

[مصرية يعني مصرية]

طول نهر النيل ما بيجري وعلى ضفافه هؤلاء البسطاء ممدودي اليد للسماء يطلبوا من المولى الخالق رزق يومهم ..

طول ما الشمس بتشرق في السماء تنير حياة المتزاحمين سعيا وراء رزقهم

فلن تموت مصر أبدا

ربما تكبس الطواغيت على أنفاس البشر حينا ... ربما نعاني تشريدا في الكون ... لكن تظل مصر دائما حيه بهيه كما هي

نحن شعب طيب وعاطفي وحنون نلعن البلد ونموت دفاعا عن شبر من أرضها

نسخط على كل شيء وننهي هذا السخط بإبتسامة أو بنكتة ساخرة

نحب حتى من يظلمنا ونطيع حتى من يستغلنا

شعب بهذا الجمال ... لايمكن يخلص أبدا

يسلم فمك يا عزيزي داروين

:lol:

:lol:

:lol:

:lol:

:blink:

:lol:

[أبو محمد]

يأسك و صبرك بين إيديك و انت حر

تيأس ما تيأس الحيـاه راح تــــــــمر

أنا دقت مندا ومندا عـجبي لقيــــت

الـصبـر مـر و بـرضـك اليـأس مــــــر

عجبي !!

صلاح جاهين

[gharibforever]

ﺴﯿﻣﻮﺕﻓﺭﻋﻮﻦ ﺍﻷﻜﺑﺭ

ﻭ ﺴﻴﺄﺗﯽﻓﺮﻋﻮﻦ ﺍﻷﺻﻏﺮ

ﻮ ﯿﺟﻒﻤﺍﺀ ﺍﻟﻨﯿﻞ

ﻭ ﺴﻨﺮﻭﯼﺍﻠﻗﻤﺢ ﻗﯿﺤﺎ