فن الاتيكيت فى ايام الخطوبه

[mohamed_mido87]

بسم الله الرحمن الرحيم

ده موضوع بيهم كل الشابات فى ايام الخطوبه و والله مقصد بيه اى اهانه لحد وياااااااااااارب يعجبكم

آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..

أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ....

1 - الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا

2 - العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....

3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..

بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....

4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..

5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..

6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة

بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..

8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..

9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....

10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..

أنا أودامي أسبوع.. هابطل أكل فيه.....

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..

وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا

ياااااااااااااااااااااارب يعجبكم وعايز اشوف ردودكم وتعليقاتكم

منقـــــــــــــــــــــــــــــــــــــــول

تم تعديل 9 مارس 2007 بواسطة folana

[أبو حميد]

الأخ محمد ميدو

جميل جدا الموضوع رغم تحفظي على اللغة المستخدمة. ولكن يجب عليك التنبيه أن هذا الموضوع منقول إذا كنت نقلته من موقع أخر.

[memo2007]

:) :wub:

بجد موضوع شربااااااااااااات

انا مش عارفه ليه أكدب عليه بس ياربي وليه من الاساس اوافق على عزومه بره البيت بناكل فى بيتنا كافين خيرنا وشرنا ونريح

انت فكرتنى بمره اتعزمت انا وأخويا على الفطار "كنا فى رمضام "وكانت عزومه تبع الشغل بتاعوا

وهو قعد يقولى ميمو تاكلى بالشوكه والسكينه وماما تقولى نفس الكلام ............"مش عارفه على أيه تقريبا عشان اطلع بعريس من المشوار ده"

المهم روحت معاه ...ولما نزلوا الاكل والكل بدأ ياكل بصيت عليهم... المعظم ماسك الشوكه والسكينه ومحتار "وبصراحه شكلهم يضحك"

أنا بأه حطيت الشوكه والسكينه على جنب وأكلت بأيدى وبراحه ومن غير بهدله وخلصت أول واحده والباقى ياعينى عمالين ياكلوا بالشوكه والسكينه على أيه موش عارفه

المهم لما روحنا البيت أخويا قعد يتريق عليا تريقه :lol:

يا ناس خليكوا على طبيعتكوا

تم تعديل 8 مارس 2007 بواسطة memo2007

[otaka]

انا بقى من انصار اللى مش عاجبه يسمعنا سلامو عليكوا

هو انتوا كمان هتقفولنا فى الاكل

انا راجل طبيعى و بحب كل شئ على اصله

يعنى الفطير المشلتت لازم يتاكل بالايد

و الملوخيه تتغمس

صنيه البطاطس تتاكل بالمعلقه مع الرز

اللى مكسوف من حاجه ميعملهاش و هو لوحده

و اللى مش مكسوف يعمل اللى فى نفسه

[سهيلة]

اكيد لازم الواحد يبقى على طبيعتة مع خطيبة لان لو حاولنا التظاهر موش هنقدر نستمر لان كل شىء هينكشف ويبان بعد الجواز

ولكن اللى عاوزة اعلق علية

ان الواحد لما يكون معزوم على اكل مثلا لازم يراعى شعور الناس اللى حوالية بمعنى

ياكل بطريقة الناس اللى عازمينة ع الاكل

فمثلا فى احدى المرات كنت معزومة انا وطبيبة ف المستشفى عند عاملة بالمستشفى صممت تعزمنا وعلى السفرة ما فيش غير ملاعق ولا يوجد شوك ولا سكاكين

ولكن زميلتى طلبت من الست اللى عازمانا شوكة لانها موش بتعرف تاكل من غيرها

وكانت الست غاية ف الاحراج لعدم وجود ها ومكسوفة جدا لانها موش قد المقام الست الدكتورة اللى بتاكل بالشوكة

اللى اقصدة ان كل واحد يبقى على طبيعتة وممكن يتتظاهر بغير طبيعتة عادى جداااااااااااا حفاظا على شعور الاخر

[kokomen]

اكيد لازم الواحد يبقى على طبيعتة مع خطيبة لان لو حاولنا التظاهر موش هنقدر نستمر لان كل شىء هينكشف ويبان بعد الجواز

ولكن اللى عاوزة اعلق علية

ان الواحد لما يكون معزوم على اكل مثلا لازم يراعى شعور الناس اللى حوالية بمعنى

ياكل بطريقة الناس اللى عازمينة ع الاكل

فمثلا فى احدى المرات كنت معزومة انا وطبيبة ف المستشفى عند عاملة بالمستشفى صممت تعزمنا وعلى السفرة ما فيش غير ملاعق ولا يوجد شوك ولا سكاكين

ولكن زميلتى طلبت من الست اللى عازمانا شوكة لانها موش بتعرف تاكل من غيرها

وكانت الست غاية ف الاحراج لعدم وجود ها ومكسوفة جدا لانها موش قد المقام الست الدكتورة اللى بتاكل بالشوكة

شكرا دكتورة سهيلة

تعليقك على الموضوع رائع .. يحب ان يتصرف الانسان على حسب طبيعة الناس الموجوده في المكان

فأن كان المكان بسيطا نتصرف ببساطة ولطف مع المضيف وأن كان راقيا نتصرف ايضا بطريقة مناسبة للحدث

مثلا دعيت للغداء في مطعم خمس نجوم وللأسف قدمت لنا الملوخية ..وكلنا يعرف كيف تأكل الملوخية بالطريقة التقليدية

لكنى وجدت الطريقة مختلفة فتعلمتها..وهي تقطيع الخبز قطع صغيرة في طبق الملوخية ثم نستخدم الشوكة لألتقاط قطع الخبز

من الطبق ؟؟؟؟ حاجة بايخة مش كده والا أيه...وطبعا كانت حوسه ...ههههههههههه

أبوأحمد الأسكندراني

اللى اقصدة ان كل واحد يبقى على طبيعتة وممكن يتتظاهر بغير طبيعتة عادى جداااااااااااا حفاظا على شعور الاخر

[badroora]

بسم الله الرحمن الرحيم

ده موضوع بيهم كل الشابات فى ايام الخطوبه و والله مقصد بيه اى اهانه لحد وياااااااااااارب يعجبكم

آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..

أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ....

1 - الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا

2 - العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....

3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..

بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....

4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..

5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..

6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة

بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..

8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..

9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....

10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..

أنا أودامي أسبوع.. هابطل أكل فيه.....

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..

وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا

ياااااااااااااااااااااارب يعجبكم وعايز اشوف ردودكم وتعليقاتكم

منقـــــــــــــــــــــــــــــــــــــــول

يا رب ياميدو خطيبتك تطلع كدا

وابقي خليك ناصح وفتش شنطيتها شوفها دافسة السندوتشات فين

ويسلام بقي لو طلعت مفتحة واتغديت قبل ماخرج من البيت يبقي عال عال عال

نقل جميل تسلم ايدك

مشوهنا تمام يا ميدوا بس يلا ولا يهمك

نجفة

[Ghost]

و الله الواحد لو لقى خطبته بتعمل كدة الواحد ما راح يشفها تاني

هو الواحد بيتجوز علشان يقطع في نفسه و لا علشان مراته تفرسه