الموسوعة الموسيقية

[Sherief AbdelWahab]

في هذا الموضوع أطلب من زملائي أصحاب الخلفية الموسيقية أن يخصصوا هذه المساحة كقاموس أو دائرة معارف موسيقية مختصرة لأهم المصطلحات الموسيقية الشرقية والغربية ومعانيها..

خلص الكلام

[Sherief AbdelWahab]

إلى عشاق الموسيقى في المحاورات.. أدعوكم مرة أخرى لإثراء هذا الموضوع بتعريفات مختصرة ومبسطة لأهم مصطلحات الموسيقى الشرقية والغربية.. رجعونا للسلم الموسيقي تاني :-)

خلص الكلام

[حسام يوسف]

الفكرة رائعة يا أخ شريف

لكن انا محب للموسيقى

ولست متخصصا فيها

وارجو من الزملاء اثراءنا

[Folana]

السلام عليكم ورحمة الله....

بما أنى كنت بأتعلم العزف على الكمانجة والجيتار ..وبالتالى اتعلمت النوتة الموسيقية...وبالبحث داخل الذاكرة عما تحتفظ به من الزمن البائد حول هذا الموضوع...

حاحاول عرض شرح مبسط عن النوتة الموسيقية..واللى بتعتبر الوسيلة اللى بنحفظ بها الالحان وتوزيعاتها ..

ولو نفتكر ..كراسة الموسيقى ايام الدراسة..كانت عبارة عن خمسة أسطر متدرجة ورا بعض..بنسميها المدرج الموسيقى...وتبدأ من السطر الاسفل للاعلى

النغمة بتتكب على السطر او فى الفراغات بين السطور...وللاسف مش حاعرف اضيف صور توضيحية...

لكن خلينا نتخيل شكل السلم الموسيقى..اول سطر من اسفل اسمه "مى"....

الفراغ بين السطر الاول والثانى يسمى "فا"

السطر الثانى "صول "

الفراغ الثانى "لا"

السطر الثالث.."سى"

الفراغ الثالث.."دو"

السطر الرابع .."رى"

الفراغ الرابع .."مى"

السطر الخامس .."فا"

ويمكن نكون سمعنا عن مصطلح "نوار"............"بلانش"..."روند"

المصطلحات دى تتعلق بزمن النغمة...يعنى ايه؟...يعنى مثلا ناخد كلمة "نوار"

عندنا النغمة بيكون لها زمن...مثلا اربع حركات..كانك بتصفق بايدك ..تصفق مرة وترفع ايدك تنطق النغمة تانى وتصفق مرة كمان وانت بتنطق النغمة وترفع ايدك تانى وانت بتنطق النغمة..

يعنى مثلا ممكن نكون .."فا ..صول ..لا ..سى "...دول اربع نغمات باربع ازمنة..يعنى كل نغمة لها زمن واحد...وده اللى اسمه "نوار"

لكن لو قلنا مثلا.."دو..وو....رى..ى ى" كده احنا قسمنا الاربع ازمنة لجزئيين فقط...الدوو اخدت زمنيين..والرى اخدت زمنيين..وده اللى اسمه "بلانش"

لكن لو النغمة الواحدة اخدت الاربع ازمنة مثلا نقول " دو..وو..وو..وو" ده يبقى اسمه "روند"

ازاى نعرف الكلام ده فى النوتة...لو تفتكروا برضه كانت النغمة بتترسم على شكل دائرة لها عصاية .."فاكرين؟"

النوار..بيكون لونه اسود يعنى الدايرة مظللة...اربع ازمنة كل نغمة بزمن واحد او صقفة واحدة على الايد

البلانش ..بتكون الدائرة بيضاء زى ماهى وطالع منها خط رأسى زى العصاية ..الاربع ازمنة مقسومة جزئيين ..كل نغمة تاخد زمنيين..يعنى صقفة على الايد ونرفع ايدنا لباقى النغمة ونخبط تانى بالنغمة التانية ونرفع الايد تانى

روند..دائرة بيضاء من غير عصاية..نفس النغمة تبقى جزء واحد باربع ازمنة..

طبعا لو اى حد من حضراتكم يعرف يضيف صور توضيحية يبقى كتر خيره..

عندنا كمان الكروش..وهو نصف الزمن...يعنى كل نغمتين تاخد زمن واحد..يعنى النوار ينقسم لاتنين كروش..نقول مثلا

"دورى...مى فا...صول لا...سى دو"

عندنا كمان "دبل كروش"..وده ربع زمن...يعنى النوار تنقسم لاربع اجزاء..ومن هنا نسمع النغمة سريعة...يعنى بيتطلب سرعة فى العزف..

وبيكون شكله واضح على السلم الموسيقى..يعنى الكروش بنلاقى فى اخر العصاية دى شرطة مايلة على تحت..والدبل كروش بيكونوا شرطتيين..

يبقى الزمن ده بيحدد لنا طول النغمات..واللحن الموسيقى..يعنى بنستخدم نفس النغمة فى الالحان المختلفة حسب زمنها

عارفين طبعا كلنا مفتاح "صول"..أو مفتاح ميلودى...اللى بيترسم على جانب السلم الموسيقى...سُمى مفتاح صول لان نهايته بتكون على سطر نغمة صول..ووجوده بيدل على ان الجملة اللحنية اساسية..

مش عارفة انا كده عارفة اوضح ولا الذاكرة مغيمة شوية لسه..

لو حد فاهم حاجة يرفع ايده...

ولى عودة....

[عبير يونس]

السلام عليكم ورحمة الله....

بما أنى كنت بأتعلم العزف على الكمانجة والجيتار ..وبالتالى اتعلمت النوتة الموسيقية...وبالبحث داخل الذاكرة عما تحتفظ به من الزمن البائد حول هذا الموضوع...

حاحاول عرض شرح مبسط عن النوتة الموسيقية..واللى بتعتبر الوسيلة اللى بنحفظ بها الالحان وتوزيعاتها ..

ولو نفتكر ..كراسة الموسيقى ايام الدراسة..كانت عبارة عن خمسة أسطر متدرجة ورا بعض..بنسميها المدرج الموسيقى...وتبدأ من السطر الاسفل للاعلى

النغمة بتتكب على السطر او فى الفراغات بين السطور...وللاسف مش حاعرف اضيف صور توضيحية...

لكن خلينا نتخيل شكل السلم الموسيقى..اول سطر من اسفل اسمه "مى"....

الفراغ بين السطر الاول والثانى يسمى "فا"

السطر الثانى "صول "

الفراغ الثانى "لا"

السطر الثالث.."سى"

الفراغ الثالث.."دو"

السطر الرابع .."رى"

الفراغ الرابع .."مى"

السطر الخامس .."فا"

ويمكن نكون سمعنا عن مصطلح "نوار"............"بلانش"..."روند"

المصطلحات دى تتعلق بزمن النغمة...يعنى ايه؟...يعنى مثلا ناخد كلمة "نوار"

عندنا النغمة بيكون لها زمن...مثلا اربع حركات..كانك بتصفق بايدك ..تصفق مرة وترفع ايدك تنطق النغمة تانى وتصفق مرة كمان وانت بتنطق النغمة وترفع ايدك تانى وانت بتنطق النغمة..

يعنى مثلا ممكن نكون .."فا ..صول ..لا ..سى "...دول اربع نغمات باربع ازمنة..يعنى كل نغمة لها زمن واحد...وده اللى اسمه "نوار"

لكن لو قلنا مثلا.."دو..وو....رى..ى ى" كده احنا قسمنا الاربع ازمنة لجزئيين فقط...الدوو اخدت زمنيين..والرى اخدت زمنيين..وده اللى اسمه "بلانش"

لكن لو النغمة الواحدة اخدت الاربع ازمنة مثلا نقول " دو..وو..وو..وو" ده يبقى اسمه "روند"

ازاى نعرف الكلام ده فى النوتة...لو تفتكروا برضه كانت النغمة بتترسم على شكل دائرة لها عصاية .."فاكرين؟"

النوار..بيكون لونه اسود يعنى الدايرة مظللة...اربع ازمنة كل نغمة بزمن واحد او صقفة واحدة على الايد

البلانش ..بتكون الدائرة بيضاء زى ماهى وطالع منها خط رأسى زى العصاية ..الاربع ازمنة مقسومة جزئيين ..كل نغمة تاخد زمنيين..يعنى صقفة على الايد ونرفع ايدنا لباقى النغمة ونخبط تانى بالنغمة التانية ونرفع الايد تانى

روند..دائرة بيضاء من غير عصاية..نفس النغمة تبقى جزء واحد باربع ازمنة..

طبعا لو اى حد من حضراتكم يعرف يضيف صور توضيحية يبقى كتر خيره..

عندنا كمان الكروش..وهو نصف الزمن...يعنى كل نغمتين تاخد زمن واحد..يعنى النوار ينقسم لاتنين كروش..نقول مثلا

"دورى...مى فا...صول لا...سى دو"

عندنا كمان "دبل كروش"..وده ربع زمن...يعنى النوار تنقسم لاربع اجزاء..ومن هنا نسمع النغمة سريعة...يعنى بيتطلب سرعة فى العزف..

وبيكون شكله واضح على السلم الموسيقى..يعنى الكروش بنلاقى فى اخر العصاية دى شرطة مايلة على تحت..والدبل كروش بيكونوا شرطتيين..

يبقى الزمن ده بيحدد لنا طول النغمات..واللحن الموسيقى..يعنى بنستخدم نفس النغمة فى الالحان المختلفة حسب زمنها

عارفين طبعا كلنا مفتاح "صول"..أو مفتاح ميلودى...اللى بيترسم على جانب السلم الموسيقى...سُمى مفتاح صول لان نهايته بتكون على سطر نغمة صول..ووجوده بيدل على ان الجملة اللحنية اساسية..

مش عارفة انا كده عارفة اوضح ولا الذاكرة مغيمة شوية لسه..

لو حد فاهم حاجة يرفع ايده...

ولى عودة....

[عبير يونس]

منتظرة عودتك يا قمر

و اسمحوا لي أضيف درس على السلم الموسيقى

http://www.youtube.com/watch?v=tZVA-2wC6_E

[عبير يونس]

و دي سلسلة دروس للنوتة الموسيقية

اتفضلوا

http://www.youtube.com/watch?v=2Lg9JXEbRh4&feature=related

يمكنكم متابعة باقي الفيديوهات على اليوتيوب