في السفر والغربة

[عادل أبوزيد]

تعبير مغترب يطلق على من يعيش - أكرر يعيش - فى بلد غير بلده مثل مصرى فى السعودية أو فى البحرين أو كردفان إسمه مغترب بمعنى أنه يعيش فى بلد غير بلده و يعمل فيها و إذا كان يعيش فى بلد أجنبية بنية الإقامة الدائمة يسمى مهاجر.

ما سبق كان إستهلالا لابد منه

فى المناطق السياحية مثل الغردقة و الأقصر و ربما منطقة الأهرام و القلعة ظهرت مهنة أو نشاط يطلق عليه "الخراتى" و هو الشخص الذى يتطفل على الزوار الأجانب و هو غالبا يتطفل على الأجانب من أجل منفعة و هذا النشاط غير محترم و تكافحه شرطة السياحة فى كل مصر.

رغم أن فى مدينة مثل الغردقة نجد فيها أن عديد من هؤلاء "الخراتى" ينشئون علاقات مع السائحات الأجنبيات و تنتهى تلك العلاقات بالزواج ، و قيل لى أن هناك عدد متزايد من الزيجات بين شباب الغردقة "البسطاء" و سائحات أجنبيات.

مما سبق قد يكون مفهوما تدخل شرطة السياحة ضدك عندما توددت للسياح الأجانب.

لم أفهم بعد ماذا تقصد بطرائف المغتربين - بعد الإيضاح الذى أوردته - هل ما زلت تعنى المغتربين أم تعنى السياح الأجانب ؟

الموضوع بعنوانه هذا غير واضح و يثير اللبس هل المطلوب طرائف العلاقة مع السياح فى مصر ؟ أو طرائف المغتربين المصريين فى بلاد غربتهم ؟

الفاضل هشام الكندى هل أنت ضعيف فى إستخدام اللغة العربية بطريقة تبرر اللبس بين مغترب و بين سائح أو لعل مستغرق جدا فى فكرة الهجرة بطريقة تجعلك تنسى - بطريقة غير شعورية - أنك فى مصر غير مغترب ؟ مجرد تسائل بريء.

أرجو ألا تأخذ تساؤلى هذا بأى نوع من الحساسية.

[اسكندرية تانى]

قالي توم كلمه شفتها في حلم فيما بعد"

i think u 'll be a minister one day in canada, i really don't know why

i think i saw u b4, however i actually never did

then they kissed me and went."

هذا ما قاله عم هشام الكندى بعون الله

يبدو فعلا اننا امام ظاهرة تستحق الدراسة و البحث

و لا حول و لا قوة الا بالله العلى العظيم

[ام الفوز]

اسعد الله مساؤكم جميعا عجبت من عنوان طرائف المغتربين والله يابخت الى يقدر يحس بهيك شعور في الغربة يبقى صدره واسع ودايما باصص للنصف المليان من الكاس الغربة جنتها نار والاسية صعبة بتقهر

في بلدك احداث بتغطي بعضها الحلو مع المر لكن في الغربة بتحس كانك ممثل واقف على خشبة المسرح غلط والجمهور نازل فيه انا مرة اتاخرت عن عملى السيارة طفت من ماء الشتاء وخصوصا البلد ما كان فيها نظام لصرف مياه الشتاء لانه مافي شتاء وعلى ما تحركت وصلت متاخرة خمس دقائق متعصبة وزعلانة على ما سمعت من قائد السيارة معروف مين هو وايش حكي وعلى تاخيري سالتني المسئولة عن الدوام بكلام مستفز واتهام بالاهمال والكسل فقلت ونفسي عازة علي: انا عارفة عن شوارعكم كيف نظامها قلتها وانسترت ولا قلتها وانفضحت لقيت الادراة كلها بتقلي شوارعنا مو عاجبتك ياست .......يمكن الغلط مني لكن طول النهار وانا نفسي اقدر اجلس لوحدي وابكي ليه يارب وادعي دعاء الرسول يوم يثرب تحت النخيل000 في بلدي يقولو ايش ياحجة سهرانة على فيلم ولا رحت تسوقتي هاتي ايش جبتي.

[هشام الكندي ان شاء الله]

بسم الله الرحمن الرحيم

الموضوع يتشخصن كالمعتاد و يتحول الي حلبه سجال و تشكيك في المواقف و تشكيك في الهولوكوست مع انه في الاصل موضوع للفكاهه و التسليه

للعلم انا ادرس اللغه الانجليزيه من الحضانه فكوني في المرحله الاعداديه فقد وصلت الي مرحله متقدمه في اللغه و كنت اسمع الاغاني الاجنبي من سن 14 و كنت افهم معظم الاغنيه

و كنت بكلم مدرسين الانجليزي بالانجليزي

بعدين الموضوع مش موضوع غسيل (...) دا موضوع حقيقه

يمكن دي المشكله الحقيقيه في مصر ان اي عيب نقول عليه غسيل (...) و عيب ننشره

و اللي بيزمر مش بيخبي دقنه

و بالنسبه لابن البلد فهي كلمه امبيجوس غامضه, قلتها للعيال المصريين علشان ابين اني قال ايه خايف عليهم و لكنها تعني اني ابن بلد كندي فحلم الهجرة الي كندا تبلور في راسي من اعدادي برضه

الاخت قرنفل:

وضحت مساله ان الموضوع وسع لكن لي عتاب عليكي

قلتي في موضوع سابق اننا لازم نكسر الجدار لكنك لم تشاركي فيما بعد رغم اني حاولت كسر اول لبنه قريبه مني

الاخت بدريه مكاوي:

بدعيلك طبعا و عمري ما هدعي علي حد و ربنا يجمعنا في كندا ان شاء الله

مواقفك مواقف جميله جدا و ارجو كتابه بقيه المواقف عندما تسنح الفرصه

بالنسبه لارائك حول التشكيك و معالجه بعض الاعضاء لبعض المواضيع فكلامك كلام قيم جدا و محترم و ارجو ان ياخذه الاعضاء ماخذ الجد

مشكله الناس في مصر انهم مش بيعرفوا امتي يفصلوا بين الجد و الهزار

و دايما بيعيطوا

واحد ينجح يعيط

واحد او واحده بيتجوزوا اهلهم يعيطوا

واحد يموت طبعا بيعيطوا

الاخ عادل ابو زيد:

المغترب كما قلت هو شخص يعيش في بلد غير بلده الام

انا لم اعيش خارج مصر, لكني شهدت مواقف لمغتربين داخل مصر و هم السياح كما قلت

انا اخترت لفظ المغترب بعنايه حتي يكتب كل مصري في الخارج او كل مصري شهد موقف لاجنبي داخل مصري

فكلمه مغترب اعم و اشمل من كلمه سائح

فكل سائح مغترب و ليس كل مغترب سائح

الموضوع بعنوانه واضح و لا يثير اللبس فالمطلوب طرائف العلاقة مع السياح فى مصر أو طرائف المغتربين المصريين فى بلاد غربتهم او غير ذلك مع من هو مغترب

بالنسبه لموضوع اللغه فانا كنت شاعر باللغه العربيه لفتره من الفترات ثم تحولت للشعر الانجليزي ثم تركت هذا و ذاك و تفرغت لدراسه فلسفه الدين و الفكر الاوروبي في القرن ال 19

و لعل سبب اخفاقي في استخدام الالفاظ يرجع كما قلت الي استغراقي في موضوع الهجرة لدرجه اني اشعر بالفعل اني مغترب

اي حادث عارض يحدث لي في مصر اقول هانت كلها كام سنه و نسافر مش مستاهله

بالنسبه لموضوع الحساسيه فنحن اخوة يا اخ عادل و طالما الموضوع طرح لقضيه حتي لو كانت شخصيه لكن باحترام و مراعاه لمشاعر الاخرين فاهلا بكل الاراء الاخري

اسلوبك في الكلام عجبني جدا و طريقه توصيلك للمعلومه من خلال اللغه اكثر من رائعه

الاخت ام الفوز:

اين حدث هذا الموقف الطريف؟ في اي بلد؟

يا جماعه اكيد فيه مواقف و طرائف حصلت كتير معاكم

اللي عنده موقف يضحك يا ريت يكتبه خلونا نضحك شويه و لا انتوا هتبخلوا علينا بالضحكه

اخوكم

هشام الكندي ان شاء الله

[Ghost]

لا يا هشام

انت هنا لازم تقف و تراجع نفسك شويه

مش ممكن الناس او معظمهم يقولوا شئ لاحظوه كويس و يكون عندك جدال لا طائل من ورائه

انا متابع الموضوع من الاول و حصل لبس بسبب ان هناك خلطا بين المغترب اللي كل الناس فهماه وعرافه و يتبادر الى الذهن بسرعه انه المصري اللي عايش بره مصر

و بين ابن البلد اللي عايش فيها و هو المصري

محاوله تبرير و عكس المواقف و الالماني يكون المغترب اضعف موقفك

و اصرارك على الجدال سوف يمحي الكثير من رصيدك

و اعتذارك او رجوعك للخلف هيكون كويس و يخلق تعاطف اكثر معك

و حكياتك و انت صغير مع الاجانب و البرنس و ازيك يا مان .......... ديه لغه قهاوي و شباب واقفة في الشارع مش مكانها هذا المنتدى الذي يختلف تماما عن كل المنتديات التي اعرفها

الناس هنا محترمه و اغلبهم مغتربين و حاصلين على درجات علميه في مختلف المجالات

و هذا النوع من الحكايات لا تصلح بالنسبه لك على اساس انك ما جربتش الغربه

فكيف تتكلم عن شئ لم تجربه

و اسف اني اقولك ان الحكايات ديه مكانها الجامعة او مع صحابك مش هنا خالص

ارجوك انا بحاول اصلح الموقف و لازم تكون متفهم كويس اني مش ضدك ابدا

انا بحاول افهم كيف يفكر الطرف الاخر حيال كتابتك و كيف ان مقال عادي جدا ينقلب بكل سهوله الى انتقادات لك

تقبل تحياتي

[هشام الكندي ان شاء الله]

الاخ جوست:

انا عرفت المغترب لكن يبدو انك تعرف المغترب بانه مصري فقط لا غير و هذا خطأ كبير الا و هو اختصار العالم كله في مصر

انا ايضا لا اصر علي الجدال و لكنه شرح لموقف معين

و بالنسبه لموضوع البرنس و يا مان فدي لغه الشباب اللي كانوا عايزين يسرقوا الكنديين فعلا, انا مش بقول كلام عليهم هما ما قالهوش

و شكرا ليك يا اخ جوست

علي فكرة الموقع الروسي جميل جدا جدا و الي الامام دائما

[إيزيس]

الاخت قرنفل:

وضحت مساله ان الموضوع وسع لكن لي عتاب عليكي

قلتي في موضوع سابق اننا لازم نكسر الجدار لكنك لم تشاركي فيما بعد رغم اني حاولت كسر اول لبنه قريبه مني

أخي هشام إحنا معاك فعلا لمساعدتك لأنك وماتزعلش من صراحتي مشتت وبتدور حول فكرة بعينها تكلمنا فيها كتير

نصيحة من قلبي اكتب من قلبك وبصراحة وبعيد عن أي حساسيات أو خلفيات سببت خلاف سابق مفيش مشكلة يكون رأيي غلط و ابدأ

أفند أفكاري وأصححها على خلفية إني باتحاور مع ناس بجد محترمين وبجد خايفين عليك من أفكارك لكن خللي بالك انت ساعات بتخبط في ناس أكبر منك وبطريقة لا تليق بثقافتك اللي كلمتنا عنها

أهلا بيك

[محمد مباشر]

شكراً ياهشام عن الموضوع الجميل وانا احب اضيف موقف أو اتنين كانوا في الامارات..

مرة واحد صحبي كان لسة جاي جديد الامارات وكان نيلة في الانجليزي فكنّا ماشيين في الشارع وكان عايز يولع سيجارة فبيقول لواحد اجنبي واقف

please can you fire me

طبعا انا سمعت الكلمة دي من هنا وفطست علي نفسي من الضحك والاجنبي قالو وهو بيضحك You are Fired بعدين رحت قايلة he means he wants a lighter :)

موقف تاني كنا في المطار وانا كنت مسافر وهو رايح يودعني وبعدين كان في اتنين شكلهم هنود واقفين ومعاهم العربية الي بيحطوا عليها الشنط ... واحد منهم ماسك شنطة وبيحطها فوق التانية وعمال يظبط فيها ويعدل فيها فقام صحبي دا قالو بتريقة وبصوت عالي اية ياعم انت هتبني ... وقعدت اضحك انا وهو وبعدين قلتلة علي فكرة دول مصريين مش هنود قام بصلي كدة ووشة اتخطف وقبل مكمل الكلمة جة واحد منهم وقالو ابقا خلي تعليقاتك لنفسك يا كابتن لو سمحت ... :big_boss: :old:

موضوع جميل وبيخلينا نسترجع ذكريات جميلة وياريت يا جماعة بلاش الهجوم في موضوع زي دا خلي روحكوا حلوة ومحدش يدور لحد علي غلطة بملقاط... :Icecream:

تم تعديل 25 فبراير 2008 بواسطة محمد مباشر

[هشام الكندي ان شاء الله]

الاخت قرنفل:

انا عمري ما بخبط في حد اكبر او اصغر مني انا كنت برد العدوان فقط لا غير

حاليا, لو تلاحظي, انا بطلت ارد علي بعض الاعضاء اللي طريقه كلامهم مستفزه

بسيبهم يتكلموا و انا هنفذ اللي في دماغي

هعمل الجبهه و خليهم هما يتكلموا, اللي بيتكلم كتير عمره ما بيعمل شئ

يا ريت تحكي لنا عن كام موقف مغتربيني كدا حصلوا معاكي

الاخ محمد مباشر:

مواقف جميله جدا و كلامك ممتاز, احنا لازم نضحك شويه و نبطل ندور علي اخطاء بعض

[badroora]

استعنى عالشقا بالله

خالى بالك يا هشام انا هاحجز اول 10 صفحات من الموضوع عشان احكى مغامراتى :Icecream: فى بلاد الفرنجة

نبدأ باول حدث .

انا جبت عربية قبل الحصول على رخصة السياقة وكنت ركنها لحد مانجح فى الامتحان وبعدين لاقيت الحصول على الرخصة هياخد وقت حيث ان المرور البحرينى كان مصتئصدنى انا بالذات :) وانا بقي ايه قولت مش عيب يبقي عندى عربية مركونه واخد تاكسي والله هاسوق واللى بحصل يحصل واخدت القرار بس قولت اشهد حد على كلامى اجس نبض الناس يعنى اول واحدة بحرينية قالتلى ان اللى يسوق بدون رخصة والبوليس يئفشه هيدخل السجن ويدفع غرامة ويحرم من الرخصة لمدة سنه .

قولت لا دى معقدة سألت واحد تانى قالى لأ هى غرامة 500 دينار بس

واحتمال سجن قمت انا قولت اوك انا هاتصرف

صحبتى بقي كانت دخلت قبلي الامتحان وحصلت على الرخصة بعد 4 محاولات يعنى كانت خبرة اتصلت بها قولتلها تعالى نخرج بعربيتى قالتلى انتى مجنونة قولتلها لأ انتى اللى هتسوقيها مش معاكى رخصة :happy: المهم هى بقي انشكحت وقالت اخيرا هامارس السياقة

كانت فى الشقة اللى تحت شقتى عديت عليها وجينا عند السيارة قولتلها لا خلينى انا اسوق وانتى جنبي بالرخصة لو عملنا مصايب ابقي قولى انتى اللى عملتيها عشان معاكى رخصة وكدا نبقي فى امان الحمدلله انها مركزتش فى كلامى ووافقت .

فى شارع بقي اسمه شارع المعارض زى وسط البلد عندنا الشارع بقي دا كله ملغم بالامن وفيه قسم البوليس .

مواصفات الشارع

طريق رايح جاى والناس عاليمين راكنين عربيتهم واللى واقف انتظار يعنى عشان تمشي لازم تجور على الحارة اللى جنبك بتاعة المقابل ليك عشان تعدي

المهم انا بقي كان على يمينى عربية ميكورباص بتاعة فندق واقفة وكان فيها عطل ومجموعة هنود حوالى 4 واقفين بيصلحوها وانا بقي جاية وقتها كنت ملتزمة جدا بقواعد المرور يعنى امشي فى حارتى واللى يحصل يحصل لانى خوفت امشي فى المقابل عربية تقابلني ولا حاجة فكرت بسرعة وبذكائي

قرت ادخل فى الهنود بدا مادخل فى عربية الهنود بقي لاقونى داخلة عليهم ولا مفر راحوا واقفين ورافعين اديهم على العربية اللى بيصلحوها وادونى ضهرهم زى بالظبط لما تقول لحد ايدك فوق ووشك فى الحيطة هما بالظبط عملوا كدا قومت انا مشيت عادى ومراية عربيتى خبطتهم فى ضهر كل واحد خبطة بسيطة لا وانا بقي كنت متعصبه اوى كنت فاكرة انى صح وهما اللى غلطانين:blink:

صحبتى بعد ماعدينا منهم صرخت في وقالتلى ايه دا لو كنتى دهستيهم دلوئي كنت هتعملى ايه وشويه لاقيتى دخلت فى بوابة القسم اللى فى الشارع انا شوفت العسكرى وتنحت وتجمدت مع انى كنت عمله 7 رجالة فى بعص .

الراجل طلع بن حلال وقالى استنى وقف فى الشارع وقالى ارجعى للخلف خطوتين وبعد كدا اطلعى على طول :big_boss:

صحبتى زعلت وقالتلى لاااااااااااااااا الخروج معاكى ريسكي عشان ارضيها قولتلها لا خالص انتى سوقي وانا هاعلم منك يا سيتى

المهم وصلنا المكان واحنا اجعين قولتلها سوقي طبعا هى بالنسبة لى البروفيسور ابو رخصة ماشين وانا عشان ارضيها بقولها ماشاء الله سوقتك كويسة وشوية وماشين ولاقيت كل العربيات مقابلانا وقنا فى الشارع وصرخنا :blink: اتابي الهانم بدل ما تدخل فى الشارع بتاعنا دخلت فاللى مقابل لينا والناس وقفوا لما رجعنا ومشينا فى المسار الصحيح

وانا بقي كنت سعيدة جدا :lol: انى مش لوحدى اللى غبية يعنى

ودا كان اول موقف بالسيارة لسه بقي فيه مواقف تانية كل مرة كدا ابقي اكتب صفحة .

:old:

الاستاذ محمد مباشر

موقفك موتتنى من الضحك لانها بتفكرنى بمواقف لينا مشابهه .

فعلا مافيش اخف من دم المصريين وقفشاتهم

ربنا يديم علينا نعمة خفة الدم والقفشات والسماحة

تم تعديل 25 فبراير 2008 بواسطة Badria Mekkawy

[مزاميزو]

بما إن الأخت بدرية اتكلمت عن الرخصة والسواقة في الخليج .... فهتكلم عن يوم ما رحت امتحان الرخصة في الكويت وكنت في مرور الأحمدي تحديدا وبعد ما قدمت ورقي في الشباك للامتحان النظري لقيت موظفة بتنادي اسمي وتقولي (دش - بكسر الدال) وأنا وقفت زي الدونكي مش فاهم لقيت واحد من ايلي كانوا واقفين بيقولي (دش) والدونكي لسه راكب دماغه معايا :happy: لحد ما واحد ابن حلال قالي ادخل وعرفت بعدها معنى كلمة (دش) حيث إني كنت لسه مستجد هناك :lol:

رجعت لأختي في البيت وقولتلها على كلمة (دش) فضحكت وقالتي على موقف حصلها مع مدربة للسواقة عشان تعرف الامتحان ... المهم قالتي إن المدربة دي كانت راكبة العربية معاها وقالتلها (دشي يمين) فعملت نفسها ما سمعتش حاجة ولما المدربة سألتها ليه ما دشتيش يمين فأختي قالتلها مش فاهمة ... ردت المدربة وقالتلها يعني خوشي صح ودشي غلط :lol:

هتتخانق عشان اللهجات :lol:

[م.سامح المصرى]

بدات كلامي معاهم عن كندا و اخبار دوله كندا الشقيقه و رايهم في مصر لاقيتهم بيقولوا ان مفيش وجه مقارنه بين كندا و مصر

اكيد غلطة مطبعية ما تنرفز ولا حاجة :happy:

بقولك يا اتش

واحد صاحب اعد معايا وانا بتصفح باب المغتربين

لقي موضوعك قالى ادخل كدة نشوفة انا الصراحة قلتله بلاش بس هوا اصر

على فكرة عجبة طريقتك في السرد (حكاية برنس ويا نجم وكدة )

المهم هوا كان عايز يكتب قصصك بس بأسلرب تانى قلتله لا طبعا بس هوا اصر

فقلت اسالك الاول بما اننا بنضحك بقي .... دا احنا هانضحك ضوحك

تسمح لصاحبى يا إتش

[هشام الكندي ان شاء الله]

بسم الله الرحمن الرحيم

الاخت بدريه مكاوي:

ممكن اسالك سؤال

انتي دستي كام واحد بالعربيه لحد دلوقتي؟ :happy:

اوعي تعملي كدا في كندا احسن تبقي مشكله

الاخ مزاميزو:

ما تدش لينا كام موقف تاني كدا :lol:

اخوكم

هشام الكندي ان شاء الله

[Scorpion]

الفاضل هشام..

فقط هي نقطة تنظيمية حتي لا نكرر مواضيع متشابهة.. ففي البداية كانت فكرة هذا الموضوع تدور حول تجارب السائحين في مصر من واقع مشاهداتنا لها او اشتراكنا فيها بصفة شخصية ... و لكن بشرحك الأخير بجعلها تجارب جميع المغتربين في الغربة جعلت من هذا الموضوع فكرة مكررة لموضوع مماثل للفاضل أبو حميد..

لذلك نستسمحك في ضم الموضوعين نظرأ لتطابق المحتوي .. و كلنا ثقة في تفهمك انت و جميع الأفاضل الذين شاركوا في هذا الموضوع.

عن فريق المشرفين

سكوربيون