موقع قطاع شؤون الهجرة والمصريين بالخارج

[nora]

موقع قطاع شؤون الهجرة والمصريين بالخارج قلت يمكن حد يحتاجه فحطتو للافاده

http://www.emigration.gov.eg/

[The Professor]

والله كتر خيرك - اخوانا النازحين من ليبيا هذه الأيام في حاجة لمثل هذا الموقع المهم -

اصل السفير بيقولهم " وإيه اللي كان جابكوا ماتروحوا " :) ;)

[nora]

وهما راحو هناك ليه :)

[Alex Lover]

شكرا يا نورا على الموقع الحلو ده .. يارب يفيد الجميع وربنا ما يحكم علينا بالهجرة اكتر من كده

[الحازم حسن]

لموقع ده يجيب الشلل مفيهوش اي حاجة شغالة

[nora]

بجد يا حازم والله انا مجربتوش اصلي عيشه في مصر :blink: :)

[الحازم حسن]

بجد يا حازم والله انا مجربتوش اصلي عيشه في مصر :blink: :)

حتقولي لي عليه دا انا حافظه صم

هو وموقع القوي العاملة ده واخد المركز الاول ودوكها واخد المركز التاني في مسابقة أفضل المواقع الحكومية المصرية والاتنين يجيبوا القلب ويرفعوا الضغط بطريقة لا يتصورها بشر

في موقع القوى العاملة والهجرة كان في عقود عمل متوفرة عن طريق الوزارة للعمل في ايطاليا وفضلت حوالي سبع شهور ارفع في السيرة الذاتية بتاعتي وأزقها برجلي يمكن تكون معصلجة ولا حاجة ولا حياة لمن تنادي وروحت على contact us وبعت رسالة لكل البشر اللي في الموقع عشان اقولهم ان الموقع مش شغال لكن كل الرسايل رجعت failure وفشل الموقع في استقبال رسالة واحدة.

انه نعم المولى ونعم النصير

والسلام عليكم ورحمة الله وبركاته

[Alshiekh]

مقتبس من القنصلية المصرية العامة بنيويورك

تعليمات استخراج جواز سفر مصري جديد

بدل جواز سـفــر ســابق

استيفاء بيانات الاستمارتين التاليتين: استمارة تجديد جواز السفر + استمارة التسجيل بكل دقة إحضارها للقنصليةأو في حالة إرسالها عن طريق البريد، يجب توثيقها من الموثق العمومي ومكتوب عليها Sworn and Subscribed before me مع ما يلي:

أصل جواز السفر المنتهي.

عدد 4 صور فوتوغرافية بخلفية بيضاء.

إثبات الموقف من التجنيد لمن هم في سن التجنيد (ترفق أصل مستند التجنيد لمواليد ما بعد 1941/4/17 وحتى 18 سنة إلا إذا كان مختوماً في جوازالسفر بخاتم "غير مطلوب للتجنيد" أو "معاف نهائى" فيكتفى بذلك دون الحاجة الى تقديم مستند التجنيد) أو موافاة القنصلية بشهادة قيد موثقة من الجامعة أو المعهد الذي يدرس فيه المواطن، حيث يجوز طبقاً لأحكام المادة "8" من القانون رقم 127 لسنة 1980 تأجيل تجنيد الخدمة العسكرية الإلزامية للدراسة في وقت السلم للطلبة النظاميين والمنتسبين المتفرغين للدراسة بشرط ألا يزيد سن الطالب خلال فترة التأجيل عن ثمانية وعشرين عاماً.

بالنسبة لتغيير المهنة يلزم إرفاق مستندات موثقة من جهة العمل تدل علي المهنة الجديدة.

مبلغ 75 دولار (يضاف لها مبلغ 20 دولار رسوم التسجيل بالقنصلية، إذا لم يكن قد تم التسجيل خلال المدة القانونية وهي الـ 6 أشهر الأولي من الإقامة بالولايات المتحدة، وتدفع مرة واحدة، ويكون إعادة التسجيل بعد ذلك مجاناً) ويتم الدفع نقدا أو بحوالة بريدية US Postal Money Order أو بشيك مقبول الدفع Cashier's Check باسم القنصلية المصرية بنيويورك وتعتذر القنصلية عن عدم قبول الشيكات الشخصية.

بالنسبة لطلبات البريد يلزم إرسال مظروف بحجم مناسب بأي وسيلة بريد يختارها صاحب الشأن عليه الاسم والعنوان وطوابع البريد اللازمة لإرسال جوازي السفر القديم والجديد.

يستغرق استخراج جواز السفر الجديد 3 أيام عمل، بشرط إستيفاء كافة المستندات المطلوبة، بخلاف الوقت اللازم للإرسال إذا تمت بالبريد.

تخيلوا انهم لايقبلون شيكات شخصية ، علما بأنك تدفع كل معاملاتك بدءا من شراء علبة سجائر لشراء سيارة مرورا بالضرائب والاقساط وفواتير الماء والكهرباء والتليفون عن طريق الشيكات الشخصية !!!!

تخيلوا أيضا انه بعد دفع الـ 95 دولار لتجديد جواز السفر فأنت مطالب بأن ترسل لهم مظروف عليه اسمك وعنوانك وطوابع البريد كمان !!!!!

صحيح ..... يبقى انت اكيد بتتعامل مع سفارة مصر

تم تعديل 8 مارس 2007 بواسطة Mohammad

[عبده بيه]

اولا الشكر للعزيزة نورا

ثانيا الاخ محمد اضيف الي ما قاله ان القنصلية المصرية اللي هموت قبل ما اشوف اي نوع من التطور فيها طبعا هي قنصلية مصرنا في باريس علي الرغم من روعة العمارة الفرنسية من الخارج الا ان من الداخل تشعر انك في مراحيض عمومي وطوابير وصداع و احنا كلنا لا نتعدي العشرة افراد المعاملة سيئة جدا الاسلوب متخلف ووقح في المعاملة مع المواطنين

هم هنا ايضا يحبون التعامل بالنقدي لانه سهل التوزيع بين المصالح لا وجود للشيكات ولا الكارد البنكي

اما جواز السفر فممكن تعد ولا حرج لانه بيجي من مصر في طائرة خاصة وعامة الحقيبة الدبلوماسية بتكون ملينة بجوازات المصريين الذين تخلصوا من جوازتهم اثناء عبورهم السري الي اوروبا اما بالقطع او بالقائه في تواليت الطائرة قبل النزول منها

والله الموضوع كبير واسف للاطاله تحياتي

[كمبورا 6]

حسبى الله ونعم الوكيل

[Ghost]

نصيحة .. محدش يعتمد على المواقع الرسمية المصريه في اي شئ