في الدنيا ...

[Tafshan]

في دنيا الهم نتلاقى ..

و نتفارق .. و بيننا وعود ..

و نطفح م العيون الدم ...

على لقمه .. و باب مردود ..

تكسرنا الدموع فينا ..

و تبقى شموع ليالينا ..

تقلبنا و تطوينا ..

على ناصية .. طريق مسدود

في دنيا الهم خطاوينا ..

بتتلاقى .. طريق مقصود

و ترجع تانى ترمينا ..

امانينا .. تراب مفرود ..

ماليش سلطان على الدنيا ..

و لا ف قوة ابن داود ..

جيوش الجن اسخرها ..

و اموت واقف بعود مسنود ..

في دنيا الهم حكاوينا ..

بتتكرر .. ميعاد موعود

بفرحه ف بحر .. امانينا

بنتصبر .. قدها و قدود !

يزيد القهر .. يغمينا

يلف الطور .. بحيل مهدود

يقول الصبر .. لحد القبر

يفوت العمر .. و يأكله الدود ..

تم تعديل 13 مارس 2007 بواسطة Tafshan

[nancy]

كلام جميل عن الدنيا الى لازم نعشها وبس

دائما تمتعنا بكلامك

فى انتظار المزيد :lol:

[Doofy]

===========================================================================

في دنيا الهم حكاوينا ..

بتتكرر .. ميعاد موعود

بفرحه ف بحر .. امانينا

بنتصبر .. قدها و قدود !

يزيد القهر .. يغمينا

يلف الطور .. بحيل مهدود

يقول الصبر .. لحد القبر

يفوت العمر .. و يأكله الدود ..

كلمات تنطق حال دنيا سواء عشنا قليلها او كثيرها ولكن

وبعد الدود اكيد في معنى

وطريق يخلينا...

للجنه نفوت...

زجل وحكاية اكثر من رائعة يا عم طفشان

واكيد في انتظار المزيد

تحياتي

تم تعديل 6 مارس 2007 بواسطة Doofy

[shahd]

صح لسانك روووووووعه

[Tafshan]

كلام جميل عن الدنيا الى لازم نعشها وبس

دائما تمتعنا بكلامك

فى انتظار المزيد

دنيا الهم هى جزء من الدنيا بشكل عام .. هى هم القوت و هم الستر و هم الحلم صعب المنال .. ربما تكون ليست الدنيا بشكل عام .. و لكنها جزء معتبر منها ....

تحياتى عزيزتى :)

===========================================================================

كلمات تنطق حال دنيا سواء عشنا قليلها او كثيرها ولكن

وبعد الدود اكيد في معنى

وطريق يخلينا...

للجنه نفوت...

زجل وحكاية اكثر من رائعة يا عم طفشان

واكيد في انتظار المزيد

تحياتي

العزيز دوفى :)

يسعدنى تواجدك :)

دنيا الهم للمؤمن كلها خير .. فاذا اصابه خير شكر .. و اذا اصابه الضر صبر ..

جعلنا الله و اياك منهم باذن الله :)

صح لسانك روووووووعه

شهد العزيزه صديقه دائمه للبرنامج :blink:

لا حرمنا الله من تواجدك و دعمك يا عزيزتى رقيقة القلب :D

[عبده بيه]

الجميل طفشان

دائما انت سريع الوصول الي الموضوع والقلب معا

روعة وانت اكتر من رائع كما عودتني ان اراك

[Tafshan]

الجميل طفشان

دائما انت سريع الوصول الي الموضوع والقلب معا

روعة وانت اكتر من رائع كما عودتني ان اراك

بل قلبك هو الجميل

شكراً لتشجيعك عزيزي

[أبو زياد]

مع تحياتى و تقديرى للشعر الرائع و الإحساس المرهف ,

إلا إننى تمنيت تصحيح العبارة القائلة :

ماليش سلطان على الدنيا ..

و لا ف قوة سيدنا داود ..

جيوش الجن اسخرها ..

و اموت واقف بعود مسنود ..

لأن سيدنا سليمان عليه السلام هو المعنى بها وليس سيدنا داوود

فهل يمكن ذلك بدون فقدان القافية الشعرية ؟

[Alex Lover]

كلام جمييييل

كلام معقووووووووووول

مقدرش اقول حاجه عنه

[Tafshan]

مع تحياتى و تقديرى للشعر الرائع و الإحساس المرهف ,

إلا إننى تمنيت تصحيح العبارة القائلة :

ماليش سلطان على الدنيا ..

و لا ف قوة سيدنا داود ..

جيوش الجن اسخرها ..

و اموت واقف بعود مسنود ..

لأن سيدنا سليمان عليه السلام هو المعنى بها وليس سيدنا داوود

فهل يمكن ذلك بدون فقدان القافية الشعرية ؟

جزاك الله خيراًَ :wub:

الحقيقه انا فهمت استلهمت الصوره من الايات :"ولقد آتینا داوود منا فضلا یا جبال اوبی معه والطیر والنا له الحدید ﴿10﴾ ان اعمل سابغات وقدر فی السرد واعملوا صالحا انی بما تعملون بصیر ﴿11﴾ ولسلیمان الریح غدوها شهر ورواحها شهر واسلنا له عین القطر ومن الجن من یعمل بین یدیه باذن ربه ومن یزغ منهم عن امرنا نذقه من عذاب السعیر ﴿12﴾ یعملون له ما یشاء من محاریب وتماثیل وجفان کالجواب وقدور راسیات اعملوا آل داوود شکرا وقلیل من عبادی الشکور ﴿13﴾ فلما قضینا علیه الموت ما دلهم علی موته الا دابة الارض تاکل منساته فلما خر تبینت الجن ان لو کانوا یعلمون الغیب ما لبثوا فی العذاب المهین ﴿14﴾ (سبأ)

و لانى اعتمدت على الذاكره .. التبس عليا المعنى في جزئية "آل داود" .. و مع شيطان الشعر وقعت في الخطأ ..

عدلت الكلمات الى :

ماليش سلطان على الدنيا ..

و لا ف قوة ابن داود ..

جيوش الجن اسخرها ..

و اموت واقف بعود مسنود ..

شكراً مره اخرى لتشجيعك و توجيهك wst::

كلام جمييييل

كلام معقووووووووووول

مقدرش اقول حاجه عنه

لكن كلام خضرتك الموزون .... تيرا... رم

اجمل بكثير م اللى انا كاتبه wst::

[Ahmad Farahat]

بصراحة حضرتك جواهرجي..............

عامل عقد لولي من الكلمات..........

ربنا يديم عليك الجمال ده..........

[Tafshan]

بصراحة حضرتك جواهرجي..............

عامل عقد لولي من الكلمات..........

ربنا يديم عليك الجمال ده..........

الله يخليك يا ارسين و يخلي لنا تشجيعك :lol:

[أحمد رشاد شلبى]

بصراحه ياطفشان

إنت أكتر من رائع

وكلامك وأسلوبك

وحرفك جميل جمال

مالوش مثال ولا فى الخيال

أحمد رشاد شلبى

[Tafshan]

بصراحه ياطفشان

إنت أكتر من رائع

وكلامك وأسلوبك

وحرفك جميل جمال

مالوش مثال ولا فى الخيال

أحمد رشاد شلبى

العزيز احمد شلبي .. اسمك عزيز على قلبي لان لي صديق لديه نفس الاسم و لكن الغربه فرقت بيننا ... ادام الله عليك و عليه الصحه و السعاده ..

اشكرك عزيزي على مرورك و اطرائك الكريم

[bentmasria]

في دنيا الهم حكاوينا ..

بتتكرر .. ميعاد موعود

بفرحه ف بحر .. امانينا

بنتصبر .. قدها و قدود !

يزيد القهر .. يغمينا

يلف الطور .. بحيل مهدود

يقول الصبر .. لحد القبر

يفوت العمر .. و يأكله الدود ..

يا طفشان

الحيل مهدود من سنين

والهم غمى القلوب وعمى الارواح

لكن رغم كل الاحزان يا غالى لازم اقولك

فى دنيا الهم حكاوينا

بتتكرر معاد موعود

وبكره الشجرة حتخضر

فى قلب الروح بصوت مولود

ومهما الهم بيكدر

تعود الروح بصبر وجود

وتطرح مهما تتعكر

نهار صافى ومعنى وجود

مسيرها ياصاحبى تتيسر

وتطلع شمس بكره تعود

ومهما الحزن بيكدر

مسير الفرحة ...مرة تعود

ولا ايه ياصاحبى :ninja:

[Tafshan]

في دنيا الهم حكاوينا ..

بتتكرر .. ميعاد موعود

بفرحه ف بحر .. امانينا

بنتصبر .. قدها و قدود !

يزيد القهر .. يغمينا

يلف الطور .. بحيل مهدود

يقول الصبر .. لحد القبر

يفوت العمر .. و يأكله الدود ..

يا طفشان

الحيل مهدود من سنين

والهم غمى القلوب وعمى الارواح

لكن رغم كل الاحزان يا غالى لازم اقولك

فى دنيا الهم حكاوينا

بتتكرر معاد موعود

وبكره الشجرة حتخضر

فى قلب الروح بصوت مولود

ومهما الهم بيكدر

تعود الروح بصبر وجود

وتطرح مهما تتعكر

نهار صافى ومعنى وجود

مسيرها ياصاحبى تتيسر

وتطلع شمس بكره تعود

ومهما الحزن بيكدر

مسير الفرحة ...مرة تعود

ولا ايه ياصاحبى :amb:

يسمع من بقك ربنا ..

معلش دوز الاكتئاب عالى شويه معايا اليومين دول ..

و انا بقرأ كلامك بصيت لمادا و افتكرت بنتِ .. الحقيقه في حاجات صغيره كلها امل اتعودنا ما نشوفهاش ..

بوسه لمادا .. و بوسه لجمانه بنتِ لحسن تفضحنى :ninja:

[هشام الجنيدى]

فى دنيا الهم يا صاحبى ....

مكانا خلاص مهوش موجود

مكانا فى دنيا يا صاحبى ...

مفيش فيها بيبان ولا دود

ولا زنازين ولا غابة....

ولا ديابة.... ولا فى قيود

مكانا يا صاحبى فى الاخرة

فى حضرة ربنا المعبود

فى جنة رحمته اللى اوسع.....

من اوسع براح ووجود

مصيرنا الجنة لو نصبر عالى البلوى

على الشوك اللى متنتور على السكة

على الوحلة .. فى طين الظلم ..و العكة

فى بعد الوحل والعكة ربيع وورود

وانا يا صاحبى مستنى ...

ومش خايف ... وسيفى سليم مهوش متنى

اصيب واتصاب....

واحارب بيه لحد ما اموت......

وبعد ما اموت منيش خايف على حقّى .....

عارف ليه ...... لانى هموت ..... و يفضل ربنا موجود

شكرا اخى طفشان على ابداعك وكالعادة استوقفتنى كلامتك وكتبت ما كتبت ارجو ان يرقى لما ابدعت انت .....

ودمت بكل خير

[Tafshan]

فى دنيا الهم يا صاحبى ....

مكانا خلاص مهوش موجود

مكانا فى دنيا يا صاحبى ...

مفيش فيها بيبان ولا دود

ولا زنازين ولا غابة....

ولا ديابة.... ولا فى قيود

مكانا يا صاحبى فى الاخرة

فى حضرة ربنا المعبود

فى جنة رحمته اللى اوسع.....

من اوسع براح ووجود

مصيرنا الجنة لو نصبر عالى البلوى

على الشوك اللى متنتور على السكة

على الوحلة .. فى طين الظلم ..و العكة

فى بعد الوحل والعكة ربيع وورود

وانا يا صاحبى مستنى ...

ومش خايف ... وسيفى سليم مهوش متنى

اصيب واتصاب....

واحارب بيه لحد ما اموت......

وبعد ما اموت منيش خايف على حقّى .....

عارف ليه ...... لانى هموت ..... و يفضل ربنا موجود

شكرا اخى طفشان على ابداعك وكالعادة استوقفتنى كلامتك وكتبت ما كتبت ارجو ان يرقى لما ابدعت انت .....

ودمت بكل خير

الله

اسلم ايدك عزيزي .. افضل من ما كتبت