انحراف الشباب .. مسئولية من؟

[zedan]

السلام عليكم ورحمه الله وبركاته،،،

الأخوه والأخوات الأفاضل،،،

إنحراف الشباب يزداد يوم بعد يوم في المجتمعات المصرية ، بل أصبحت الشباب تتباهي أمام بعضها البعض بنسبة الإنحراف .

ولهذا مسؤلية من انحراف الشباب؟؟؟

هل المسئولية ملقاة على الأسرة بعد أن فشل الإعلام وقصرت المدرسة؟

هل المجتمع يصنع بيئة تساعد على الانحراف ثم يتهم الشباب؟!!.

هل تراجع دور الاسرة أدي الي نسبة 25% من طالبات الجامعة مدخنات!!!

التدليل الزائد والمال الكثير في يد الشباب .. بداية طريق الانحراف؟

ولكم التحية

[عازفه على أوتار الذهب]

الاخ الفاضل زيدان.....

يمكن حضرتك جاوبت على السؤال بإختلاف اسباب الانحراف والوصول لهذه النتيجه......

ومنهم المجتمع يصنع بيئة تساعد على الانحراف ثم يتهم الشباب....

لكن في البدايه خلينا نتكلم عن دور الاسره قبل المجتمع.....

الاسره هي المجتمع الصغير الذي يستقبل الشاب ويزرع بداخله اسباب الانحراف

سواء اكان بالتدليل الزائد والمال الكثير واذا اجتمع التدليل الزائد مع المال فهذا اكبر سبب كافي

للخروج للمجتمع دون وعي او التزام لكن المال وحده ليس سببآ للانحراف اذا كان معه التزام

بالدين وبمبادئ صحيحه.....

وبعد ذلك دور المجتمع اذا كان وكما ذكرت يصنع بيئة تساعد على الانحراف ولكن ذلك ايضآ راجع

لمتابعة الاسره للشاب عند خروجه للمجتمع......

أسباب الانحراف كثيره لكن لو رجعنا للسبب الاساسي وهو نقص الوازع الديني

وعدم اهتمامنا بالدين وبنشأة اولادنا عليه.....

تحياتي.....

تم تعديل 10 مارس 2007 بواسطة عازفه على أوتار الذهب

[memo2007]

السلام عليكم ورحمه الله وبركاته

سبب انحراف الشباب مش مسئوليه الاسره بس

ده المجتمع والبيئه والاعلام والاسره كل ده بيأثر على الشاب او الشابه وغيره كتيييييييييييييير

انا من رأيي انه ده كله بيكون سبب لانحراف الشاب......وياريت تلاحظوا انى مخليه الاسره اخر حاجه

لانكو لو حسبتو عدد الساعات اللى بيقضيها الشاب فى البيت هاتلاقوها قليله جدا بالنسبه للوقت اللى بنقضيه فى الجامعه والشارع ومع الاصحاب ومع المجتمع وبيئات مختلفه

ده مش معناه ان البيت والاسره مالهمش تأثير لأ ليهم بس مش زى تأثير المجتمع والاعلام

يعنى الواحد بيخرج كل يوم وعايش مع شباب طريقه كلامهم كلها تبع القاموس اللغوى الجديد ........ بعد فتره وواحده واحده هانلاقي طريقه كلامه بقى زيهمده من ناحيه وهنلاقي سلوكه بقى زيهم من ناحيه تانيه

انما بالنسبه للإعلام:

لما يكون الشباب رايحين جايين سامعين الاغانى الراقيه جدا ذات الكلمات المفهومه والمحترمه وطبعا من كتر تكرارها بيحفظوها وبيرددوها .........وشايفين الفيديو كليبات المحترمه والمطربات المحتشمات والمطربين المحتشمين طبعا

وشايفين الافلام الهادفه والبرامج الهادفه ذات قيمه

"طبعا انتو فاهمين قصدي"

على فكر في حاجات فى الاعلام كويسه بس مش كتير او ممكن تكون كتير بس الشباب مش بيتفرجوا عليها

ده طبعا ليه تأثير كبييييير جدا على انحراف الشباب

بالنسبه للمجتمع للشباب المتخرجين لما يتخرجوا وبيقعدوا فى بيتهم مش لاقين حاجه يعملوها هايحسوا بفراغ بينحرفوا يعنى يضيعو وقتهم فى حاجه هايفه

ده كله بيأثر على الشباب فعلا بس اللى بيمشي ورا الكلام ده والاسباب دى وينحرف فعلا ده انسان ضعيف

وعلى فكرة موضوع الانحراف ده مسئوليه الشاب نفسه

انما لو كلن متدين وعارف ربنا وعارف دينه كويس كان عمره ماينساق ورا الكلام ده وكان عمره ماهايحس بالفراغ

ولا هايعرف يضيع وقت فى حاجه تافهه لانه فى اللحظه دى هايستحقر نفسه

يعنى فى الاول والاخر نتمسك بعقيتدنا وبدينا