روبابيكيا

[Alex Lover]

ياترى دى قصيدة مقاومه والا قصيدة استسلام ؟

ياترى دى قصيدة مكتوبه لرفع الهمه ولا لتخليص الذمه؟

بصراحه .. ما تفرقش.. اقراها زى ما تقراها وافهمها زى ما تشوف وسيبنى ف بلوتى التقيله أزق قدامى عربية الروبابيكيا اللى متستفه عليها خيبتنا المتلتله من المحيط للخليج .. واسمعنى وانا بازعق وانادى واقول:

شعوب للبيع

معايا سلاطين عادة ولوكس

وملوك بتتجرجر فى البوكس

عمم وطراطير وطواقى

بخلاء وحاتم مش طائى

دقون لطاف ودقون بتعض

وجنرالات شنباتها تخض

معايا ناس مش زى الفل

مستأنسه وأدمنت الذل

معايا تابلوه للفنان

عيزرا شارون شيمون ديان

تابلوه لأشخاص سمر وبيض

لايق على حيطان المراحيض

حكام عرب ضاربين سلامات

ومشمرين البنطلونات

ومشلحين الجلابيات

حاضنين جزمهم تحت الباط

بيخوضوا فى دم الأطفال

من مسلمين أو من أقباط

بيقولوا قدام العدسات

وف كل نشرات الأخبار :

'' مافيش حلاوة من غير نار

مافيش سلام من غير أضرار

ونحن نوصى بضبط النفس ''

أنا بابيع الساكسونيا

كراكيب فى صندرة الدنيا

واللى مايشترى يتفرج

الأراجوزات هنا بتهرج

بتشدها خيوط وهميه

والدم سايل حنفيه

والمسرحيه بدون تصنيف

تراجيديا هزليه وتخريف

عنوانها كان '' كوميديا الموت ''

أو كان '' كوميديا لحد الموت ''

مكتوب على هدد الجدران

وعلى غسيل مبلول بالدم

وعلى المداخل والشبابيك

والمخرج المتمكن قال :

'' الضحك عندى منك ليك

فى مسرح المرايات والشمس

العرض بكرة زى الأمس

حافرجك على نفسك بس

تقوم تموت على طول م الضحك ''

أوطان قديمة

شعوب للبيع ..

حافضل أدور طول عمرى وألف

واشوف بعينى الناس بتتف

واسمع شتيمه بكل لغات

كل الأمم فى البلكونات

وافضل أدور وأدور وألف

ولاحد يوم نفسه حتهف

مين يشترى بفلوسه الداء ؟

عربية الروبابيكيا وباء

زى النفاية النووية

مالهاش مكان بين الأحياء

منقـــــــول

[DARWEEN]

الأخت ألكس لوفر

تحياتي على هذا المستوى الحسي الرائع والمستوى المتميز

أتوق لقراءة المزيد

خالص التحية

[نانو]

اليكس اختيارك للقصيده رائع ....تسلم اديك

[Alex Lover]

ميرسي يا نانو على ردك .... وحمد لله على السلامة

[Ahmad Farahat]

حلوة قوي يا أليكس...............

وفعلا إختيار ممتاز...............

شكرا..........