الدعوة الاسلامية علم واسلوب ..

[mekkawy]

خد دي :) عشانك

لا أنا لما بأستذوق بأستذوق يعني و تلاقي ورد و شيكولاتة و بسكوت لوكر ... تاكل لوكر بالبندق ؟؟

مكاوى

[عبير يونس]

زي ما دهشتك معلومة ان تلاوة القرآن تعتمد تماما على الموسيقى و رفضتها بعنف رغم حقيقتها الواضحه

اراك تقوم بالأمر نفسه هنا و ترمي اتهامات لا حصر لها لي و للإداره

انا عن نفسي مسامحك عليها مراعاة لغضبك الغير مبرر و سوء نيتك التي اعتدنا عليها ممن يتبع نهجكم الفكري

فالمخالف عدو للأسف

طريق الجهاد طويل و ربنا يصبرني و يصبرك عليه

انا لا أرمى اتهامات لا حقيقة لها ... و لم أرمِ اتهامات للإدارة و اترك الادارة ترد عليها ان رأت أني اتهمتها فلم ترشحك الادارة وكيلاً عنها

أنا لست غضبان بالمناسبة ... أنا فقط حزين ... ولا أعلم من أين جئت بسوء نيتي التي اعتدتم !!! عليها ... أترك هذه الجملة للأعضاء للرد عليها

و المخالف ليس عدوا كما تزعم ... و هنيئاً لك نجاحك في التحزيب و التفريق.... ممتاز ... انت بارع في ذلك

أشهد لك بالبراعة أيضاً في اثارة المزيد من البلبلة و تحصيل المزيد و المزيد من الشهرة و الجذب بأي وسيلة كانت

طريقتك في الاستفزاز و الالتفاف حول الحقائق لا تروق لأحد ولن تنطلي على أي عاقل ... فحاول تغييرها ... و اللجوء إلى وسيلة أشد فتنة و فتكاً بالدين

مكاوى ..... خسارة يا محاورات

الأخ الفاضل مكاوي

المؤمن لا يحزن و لا يفقد الأمل في الإصلاح

و الحزن هو أول طريق اليأس

و ها قد يئست سريعا يا أخي الفاضل

المؤمن لا يستفز و لا يسمح لأحد بأن يستفزه

و عليه أن يتسم بالمثابرة و حمل الأذى

أسوة برسول الله عليه أفضل الصلاة و أتم التسليم

تخيل كده لو كان الرسول عليه الصلاة والسلام

حزن مما حدث له من أهل الطائف

و قال

خسارة يا أهل الطائف

كان ايه اللي حيحصل؟؟؟

كان ملك الجبال أطبق علينا الأخشبين

و انتهت الدعوة من أساسها

حتى لو الفكر اللي بيطرحه الأستاذ زوهيري مش عاجب البعض

الا اني بصراحة شايفة انه متبع الطريقة السليمة في الدعوة (لما يطرحه من أفكار)

و بغض النظر عن الأفكار التي يطرحها

فهو مثابر

و يحمل الأذى بشكل لا يحتمله أحد

و لا يحزن و لا ييأس لسنوات و سنوات

و على فكرة بقى

ليه اللي شايف انه بيجادل بيدخل و يرد عليه؟؟؟!!!

بصراحة الشخص اللي نشوف انه بيجادل يبقى ما ندخلش و نرد عشان الموضوع يخلص

ما هو أكيد مش حيقعد يجادل نفسه

و كده الموضوع حينام من عدم المشاركة و خلصنا

أفضل وسيلة تخللي حد يسكت هو عدم الرد

كانوا بيعلمونا ان لو حد عاكسنا في الشارع

مانردش عليه و نمشي في طريقنا

انما لما التفت و اقوله

:) يا سم

يبقى بأفتح مجال مش حيتقفل

بصراحة بقى كل مرة همة همة نفس المجموعة أول اما تشوف موضوع للأستاذ زوهيري تدخل على طول

و هات يا هجوم و محاولات للإفحام

اذا حضراتكم فاكرين انكم لما تدخلوا و تهاجموه حيسكت و يهتدي فاسمحوا لي

{إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاءُ وَهُوَ أَعْلَمُ بِالْمُهْتَدِينَ }القصص56

و اذا غيرة على الدين

و خوف من الفتنة

فربنا سبحانه و تعالى قال على غير المسلمين

{وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ إِلَّا الَّذِينَ ظَلَمُوا مِنْهُمْ وَقُولُوا آمَنَّا بِالَّذِي أُنزِلَ إِلَيْنَا وَأُنزِلَ إِلَيْكُمْ وَإِلَهُنَا وَإِلَهُكُمْ وَاحِدٌ وَنَحْنُ لَهُ مُسْلِمُونَ }العنكبوت46

و طبعا الأستاذ زوهيري على ما نعلم جميعا مسلم

و لو معتبرين انه له أغراض و بيبث سموم الغرب الكافر

فالأمر الإلهي أن يقال

{فَسَتَذْكُرُونَ مَا أَقُولُ لَكُمْ وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ }غافر44

و طبعا ربنا قادر على نصرة دينه

بس لما ننصر احنا ربنا الأول

{يَا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ }محمد7

ربنا عايزنا نحب بعض فيه و نكون عباد الله إخوان

الأستاذ زوهيري أخ مسلم

نحسبه على خير و لا نزكي على الله أحدا

لو بتحبوه في الله ادعوا له

و بدلوا طاقة الهجوم دي

لطاقة محبة في الله بنفس القوة

و بجد ياريت يبقى عندنا صبره و مثابرته و تحمله الإساءة

فهي دي مقومات الدعوة

استخدموها لطرح افكاركم

ملحوظة:

طبعا يا استاذ زوهيري أكيد حضرتك فاهم اني باتكلم عموما

و كلامي ليس له صلة من قريب أو بعيد بشخص حضرتك

و لا ينبغي اعتباره هجوم أو حتى دفاع

هو محاولة موضوعية للتخلص من التباغض السائد في حياتنا في الاونة الأخيرة

تحياتي للجميع

في رعاية الله

[mekkawy]

الفاضلة مصرية مغتربة

لو مكة بتعمل كدة في الناس ... اتمنى أعيش في مكة

أتفق معاكي في كل كلمة كتبتيها و ربنا اهو فرحك بهدوء الأجواء سبحان الله و أثناء ما بتكتبي مشاكرتك

ايه باة احساسك بثمرة إخلاصك ؟!!

مكاوى ... ربنا يبارك فيكي

[عبير يونس]

ما شاء الله

ايوة كده

شكلكم كنتم سامعين المداخلة و أنا بأكتبها

يارب أتم عينا نعمة التآخي

{ وَنَزَعْنَا مَا فِي صُدُورِهِم مِّنْ غِلٍّ إِخْوَاناً عَلَى سُرُرٍ مُّتَقَابِلِينَ}الحجر47

اللي عايز يعيش في الجنة و هو لسه في الدنيا

يلتزم بذلك

اللهم اجعلنا

أذلة على المؤمنين أعزة على الكافرين

آمين

:)

[عبير يونس]

الفاضلة مصرية مغتربة

لو مكة بتعمل كدة في الناس ... اتمنى أعيش في مكة

أتفق معاكي في كل كلمة كتبتيها و ربنا اهو فرحك بهدوء الأجواء سبحان الله و أثناء ما بتكتبي مشاكرتك

ايه باة احساسك بثمرة إخلاصك ؟!!

مكاوى ... ربنا يبارك فيكي

أخي الكريم

حضرتك فيك خير كثير ما شاء الله

بس شوية أمل و يقين في الله أكتر و نبذ للحزن

حتوصل لما تتمناه

و تأكد ان كل شيء عند ربنا سبحانه و تعالى بقدر

و تذكر أنه سبحانه و تعالى هو

المُقيت

كل شيء بأوان

فقط لا تفقد الأمل

:)

[MZohairy]

انت عظيمه يا مصريه

ربنا يكتر من امثالك

بس الله يخليكي قوليلهم ما يتلموش عليا تاني عشان اتنين على واحد فاول و انا غلبان :)

[mekkawy]

يا باشا محدش يقدر يتلم عليك و الله ... انت كفائة أمة بحالها تتلم عليك ... كلنا إخوات يا عمدة و لو اختلفنا

بس ممكن رجاء من أخوك الصغير ... لو تسمح تغير اسم الموضوع ... بالله عليك تغير اسم الموضوع ... فكر و نفكر معاك في اسم يخدم الفكرة بس بلاش الاسم المثير ده ... لو تسمح يعني ... لو ما تسمحش بأة و هتكسفني ... يبا الله المستعان ... و بحبك بردو

و خووووووووود شم في دي :)

مكاوى

[okwaitme]

:) للجميع

[MZohairy]

يا باشا محدش يقدر يتلم عليك و الله ... انت كفائة أمة بحالها تتلم عليك ... كلنا إخوات يا عمدة و لو اختلفنا

بس ممكن رجاء من أخوك الصغير ... لو تسمح تغير اسم الموضوع ... بالله عليك تغير اسم الموضوع ... فكر و نفكر معاك في اسم يخدم الفكرة بس بلاش الاسم المثير ده ... لو تسمح يعني ... لو ما تسمحش بأة و هتكسفني ... يبا الله المستعان ... و بحبك بردو

و خووووووووود شم في دي :)

مكاوى

حاضر يا سيدي تحت امرك

بس الموضوع للقرضاوي عنوانه ان منكم منفرين

تقترح ايه الاسم المناسب بحيث يعبر عن محتوى الموضوع و ميضايقش حد في نفس الوقت؟

[okwaitme]

عنوان مقترح:

تدارسوا الإسلام بحب وود

[عبير يونس]

الله أكبر

بجد سعادتي لا توصف

{رَبَّنَا أَتْمِمْ لَنَا نُورَنَا وَاغْفِرْ لَنَا إِنَّكَ عَلَى كُلِّ شَيْءٍ قَدِيرٌ }التحريم8

[MZohairy]

هل عنوان الموضوع الأصلي للشيخ القرضاوي (ان منكم منفرين) مقبول؟

[عبير يونس]

اقترح

ادع إلى سبيل ربك بالحكمة والموعظة الحسنة

ما رأيكم؟

[engmido]

أخي ابو عمراخي مكاوي.....اخي زعلان ...وباقي الاخوة

.....نصيحة ......ريحوا أنفسكم ........

اظن ان الأخ زوهيري ..عارف كل حاجة....ولا يحتاج إلى نصائحكم....

واحيانا عدم المشاركة في مواضيع معينة.....معلوم هدفها.....وأنها لن تقدم ولن تؤخر...يكون افضل...من ...تحقيق هدف...فاتح الموضوع

ده اللى انا بقوله من زمااااااااااااااااان

كلوا يوفر على نفسه المناهدة واعملوا زى مانا عملت ...واتفق مع مصرية متغربة

[MZohairy]

أخي ابو عمراخي مكاوي.....اخي زعلان ...وباقي الاخوة

.....نصيحة ......ريحوا أنفسكم ........

اظن ان الأخ زوهيري ..عارف كل حاجة....ولا يحتاج إلى نصائحكم....

واحيانا عدم المشاركة في مواضيع معينة.....معلوم هدفها.....وأنها لن تقدم ولن تؤخر...يكون افضل...من ...تحقيق هدف...فاتح الموضوع

ده اللى انا بقوله من زمااااااااااااااااان

كلوا يوفر على نفسه المناهدة واعملوا زى مانا عملت ...واتفق مع مصرية متغربة

اقتباسك و ما يشير له ضمنيا من سوء هدف فاتح الموضوع اسجل عليه اعتراضي بقوه

و لن افسد ما وصلنا اليه جميعا بردي عليك

شكرا

[MZohairy]

اقترح

ادع إلى سبيل ربك بالحكمة والموعظة الحسنة

ما رأيكم؟

انا موافق

و لو الجميع موافقين بلغوني و انا اطلب ذلك من الاداره بشكل رسمي

[عبير يونس]

الحمد لله

يارب دايما الأجواء صافية و جميلة كده في بيتنا الكبير المحاورات

شكرا للجميع

و طبعا شكرا خاص جدا للأستاذ الفاضل زوهيري صاحب القلب الكبير

و شكرا جزيلا للإدارة الجميلة على سرعة الاستجابة

في رعاية الله

:)

[mekkawy]

يا سلااااااااااام

ايه العنوان الجميل الرائع ده ... أهو كدة يسعدني و في كل مرة أشوف الموضوع في مقدمة البانر و أساعد على كدة بنفسي ... و مش بس كدة ... بحول الله و قوته هأحاول كل يوم أبعث بأفكار دعوية .. ندعو بها للإسلام جميعاً في كل مكان في العالم كله ... أفكار عملية تطبيقية ... و مش بس كدة mfb: ... كمان هنحكي كل يوم حكاية دعوة إلى الله ... سواء كانت دعوة سمحة و مبشرة و نستفاد منها و نكررها ... او كانت دعوة غليظة و منفرة و نستفاد و نتعلم من أخطائها ... كل ده بدون تجريح أو شماتة أو تشنجات gsp_) ... كل ده هنشوفه مع بعض ... و هتقولولي جايبه منين يا جلال ... قصدي يا مكاوى ... هأقولكم ... و أعيدلكم و أقول ... مواقف و طرائف دعوية :lol:

رسائل خاصة:

أخي زهيري ... جزاك الله خيراً على تجاوبك و استجابتك لطلب تغيير الموضوع ... و لسة مستنيك في العمرة على فكرة.

الفاضلة مصرية مغتربة ... عاجز لساني عن شكرك ... اختيار موفق جداً لاسم الموضوع و مساعدة كبيرة في تهدئة الأجواء .. جزاك الله خيراً

أخي أبو محمد ... ننتظر مشاركتك البناءة و المعتدلة فلا تحرمنا منها في كل جمع لنا

أخي أبو ملك ... الجندي المجهول .. جزاك الله عنا خير الجزاء

مكاوى .. أخوكم الصغير

[أبو محمد]

بعد تدخلى "الإدارى" اضطررت للخروج من الموقع .. وعدت مساء الأمس لاستئناف القراءة .. أسعدتنى عودة الهدوء إلى النفوس بعد مداخلات شابها التوتر مما أغرانى بالتدخل "الإدارى" مرة أخرى "لحذفها" ..

ولكن ..

سرعان ما صرفت النظر عن ذلك بعد أن قرأت وساطة كريمة من الأخت الفاضلة "مصرية متغربة" سرعان ما استجاب لها الفاضل "مكاوى" بعد تمرين "الشهيق والزفير" mfb: وبادر إلى العودة إلى ما تميز به قلمه الراقى .. ثم قابل المايسترو دى زوهيرى تلك المبادرة الطيبة بمبادرته الفورية بالموافقة على تغيير العنوان ..

ستظل المداخلات المتوترة ، والمداخلات التى تلتها درسا لنا وتصديقا للأمر الإلهى : "إدفع بالتى هى أحسن" إلى آخر الآية الكريمة

أردت أن أوجه التهنئة إلى جميع زملائى أعضاء "محاورات المصريين" على هذه البداية الجديدة لروح "المحاورات"

وكعضو فى هذا الموقع الرائع – وليس كمشرف – أتوجه بالرجاء إلى جميع الزملاء ألا يحملوا الموقع وفريق الإشراف ما لا يجب تحميلهم إياه .. فالقواعد التى وافقنا عليها "جميعا" تنص على الآتى :

ما ينشر علي صفحات "محاورات المصريين" من حوارات لا يمثل الرأي الرسمي للموقع أو إدارته ... بل هي آراء للكتاب يتحملون هم تبعتها ... و تقع عليهم وحدهم مسئولية الدفاع عنها أو شرحها

المهمة الأساسية لفريق الإشراف هى تهيئة الجو المناسب لحوار هادف يخلو من المشاحنات والمخاشنات ليتيح لجميع الأفكار فرصة التفاعل ..

الاتفاق فى الرأى ليس هدفا للحوار .. بل "العلم" بالآخر و "معرفة" فكره هو الهدف

حرية الرأى والعقيدة مكفولة بكل القوانين (الدينية والدنيوية) ، وهى حرية مطلقة لا سلطان لأحد عليها ..

أما حرية "التعبير" عن ذلك الرأى وتلك العقيدة على صفحات "المحاورات" فليست مطلقة ، بل تنظمها القواعد المنشورة ..

ولقد أتاحت "المحاورات" الحرية الكاملة لكل الاتجاهات الفكرية "للتعبير" عن رأيها .. ولكن فى الإطار الذى وافق عليه – مسبقا وكشرط لازم - كل من اكتسب العضوية فى مجتمع "محاورات المصريين"

كنا بنقول إيه بقى قبل الفاصل ؟ gsp_)

[زعلان]

ملناش كده عيش في الموضوع ده

ادعو الى سبيل ربك بالموعظة الحسنة

مش بس كده وادعو الى فكرتك او رأيك الي بتبناه برضه بالموعظة الحسنة

مينفعش اعمل موضوع كده و بعدين اهاجم الناس لازم احدد الغرض من تصرفاتي و اهدافي وانا عايز ايه

وبعدين اسأل نفسي هل الطريقة الي باستخدمها وماشي عليها تصلح ام لا

اخيرا منك لله يا زهيري