الدعوة الاسلامية علم واسلوب ..

[doha]

الموضوع ده ناقص نسميه مراجيح

طيب ايه رأيكم في عنوان (الدعوى الاسلامية علم و اسلوب...لسنا كلنا دعاة)

عنوان كويس بس مع تحفظ بسيط على الجزئية الاخيرة

على فكره يفترض ان كلنا دعاة والدليل قوله عليه الصلاة والسلام

(( بلغوا عني ولو آية ))

انا معاك ان في ناس تفتقد تماما للاسلوب .. بس تعرف حاجة مهمه .. في ناس تانيه برضه للاسف مبتجيش غير بالاسلوب المنتقد الي حضرتك بتنفر منه

هديلك مثال

شفت مايطلق عليه غناء ( الراب ) انا شخصيا لا استسيغ النوع ده من الاغاني ابدا ولا احتمل الاستماع اليه بل اني اصاب بالاشمئزاز والنفور لو عرض علي صدفة .. عارفه ومتاكده ان النوع ده بالتحديد له جمهوره العريض كمان ولولا وجود مثل اولئك المستمعين الي "بتطربهم" هذه الطريقة في الغناء لما استمر الى وقتنا هذا

عودت نفسي لما اشوف حاجه زي كده من ( اعمال فنية ) لا تنال اعاجبي اني لا انتقد القائمين عليها ولا الومهم على اختيارهم لهذا الفن دون ذاك وانما ببساطه بقول انه ( فن ) موجه لفئة تانيه غيري وبالتاكيد له مريديه

عن نفسي برضه مدخلتش الجيش والحمد لله ولا اطيق اسلوب التعامل الي بسمع انه بيحصل فيه بس وفي ذات الوقت متاكده ان في ظل الاعداد الرهيبة والاختلاف والتباين الشديد في البيئات والثقافات فاسلوب الشده والحزم والقرارات التي لا تراجع هو الانسب في الظروف دي

قيس على كده هتلاقي ان الاسلوب المنفر الي حضرتك بتكرهه ـ احيانا ـ بيكون هو الحل الوحيد

ينطبق ده على الدعوة كما ينطبق على سواها

ان كنت حضرتك من الناس الي بتنفر من الاسلوب ده فبحييك انك مش محتاج للغلظه عشان تهتدي للحق ولكن هذا لاينفي ان في غيرك للاسف مبينفعش معاهم غير كده

[MZohairy]

كلامك حضرتك منطقي لكنه مضر على المستوى الانساني و الدعوي في آن واحد

و ده الفرق بين الجيوش التي تحترم العسكري و تشعره بآدميته و بين الجيوش التي تستعبده و تشتمه و تسبه و تهينه بالقهر و القوه و الغلظه

الهدى بالغلظه هو اكبر اثم

و تعميق الإيمان بالقوه هو اكبر ضعف

الايمان الصادق هو ما يأتي بالإقناع و الرويه و من الداخل

اما استعمال هذا النوع من المؤثرات الجبريه الايمانيه فهو كالأسبرين قد يقتل العرض و لكنه لا يقتل المرض

ابدا

[engmido]

ميردش عليك بأقسى مما تحتمله

مش فاهم قصدك ايه بالكلام ده؟؟؟!!!!!!!

وللعلم على حد معلوماتى حضرتك اكبر منى سنا وانا ما اتعودتش اغلط فى اللى اكبر منى سنا.... بالعكس فانا احترمك

وعموما ...انا لا اقبل نبرة التهديد هذه.....وشكرااااااااااااااااااااااااااااااااااااااااااااااااا

[MZohairy]

ميردش عليك بأقسى مما تحتمله

مش فاهم قصدك ايه بالكلام ده؟؟؟!!!!!!!

وللعلم على حد معلوماتى حضرتك اكبر منى سنا وانا ما اتعودتش اغلط فى اللى اكبر منى سنا.... بالعكس فانا احترمك

وعموما ...انا لا اقبل نبرة التهديد هذه.....وشكرااااااااااااااااااااااااااااااااااااااااااااااااا

و انا لا اقبل تلميحاتك و خصوصا فيما يخصني من مواضيع

و بالتالي ارجوا التوقف عنها حتى لا تتطور الأمور الى ما هو أسوء

شكرا

[engmido]

يا سيدى الفاضل انا مش عارف انت شايل منى ليه

عموما بلاش نبرة التهديد دى...لو سمحت

[doha]

كلامك حضرتك منطقي لكنه مضر على المستوى الانساني و الدعوي في آن واحد

و ده الفرق بين الجيوش التي تحترم العسكري و تشعره بآدميته و بين الجيوش التي تستعبده و تشتمه و تسبه و تهينه بالقهر و القوه و الغلظه

الهدى بالغلظه هو اكبر اثم

و تعميق الإيمان بالقوه هو اكبر ضعف

الايمان الصادق هو ما يأتي بالإقناع و الرويه و من الداخل

اما استعمال هذا النوع من المؤثرات الجبريه الايمانيه فهو كالأسبرين قد يقتل العرض و لكنه لا يقتل المرض

ابدا

وهو في حد من الدعاه استعبد حد او شتمه او سبه وقهره ؟؟

استشهدت بالجيوش عشان اثبت لك ان الي لايجوز في التعامل مع الافراد ممكن يكون مقبول في التعامل على مستوى الجماعات

وزي ماقلت لك قبل كده الاسلوب الي لا يقنعك ممكن ببساطه ميكونش موجه لك انت شخصيا وانما لغيرك الي لا يقتنعوا الا بهذا الاسلوب

[MZohairy]

أخي ابو عمراخي مكاوي.....اخي زعلان ...وباقي الاخوة

.....نصيحة ......ريحوا أنفسكم ........

اظن ان الأخ زوهيري ..عارف كل حاجة....ولا يحتاج إلى نصائحكم....

واحيانا عدم المشاركة في مواضيع معينة.....معلوم هدفها.....وأنها لن تقدم ولن تؤخر...يكون افضل...من ...تحقيق هدف...فاتح الموضوع

ده اللى انا بقوله من زمااااااااااااااااان

كلوا يوفر على نفسه المناهدة واعملوا زى مانا عملت ...واتفق مع مصرية متغربة

عايز اعرف رأيك بصراحه

لما يتوصل الجميع الى اتفاق بتهدئة الاجواء و هدوء الحوار

و تيجي حضرتك بعدها تقتبس مداخله سابقه لأبو ريم كانت اثناء احتداد الموقف و بها كلمات من الكبيره فوق و ما فيها من تلميح شديد الوضوح بأهداف صاحب الموضوع الغير طيبه بالتأكيد حسب سياق الكلام

يبقى قصدك ايه و عايز ايه؟

يا سيدى الفاضل انا مش عارف انت شايل منى ليه

عموما بلاش نبرة التهديد دى...لو سمحت

يارب تكون مداخلتي اللي فوق وضحتلك انا شايل منك ليه

شكرا

[MZohairy]

وزي ماقلت لك قبل كده الاسلوب الي لا يقنعك ممكن ببساطه ميكونش موجه لك انت شخصيا وانما لغيرك الي لا يقتنعوا الا بهذا الاسلوب

و هل الاقتناع بالقوه او بالغلظه بيكون اقتناع ام فرض لطريقة تفكير و فرض ثوابت بدون قناعه حقيقيه مما يترتب عليه ان اي رأي آخر مخالف يأتي من بعده قد يتمكن منه ببساطه؟

يعني لو مثلا جينا على واحد من الغلابه دول اللي ما ينفعش معاهم الا الغلظه و فهمناهم بالغلظه ان الاسلام هو الحق

و بالتالي وافقوا على كلامنا بدون قناعه و لكن بسبب الاسلوب الغليظ اللي حضرتك قولتي عليه

مش شايفه ان الناس دي ما اسهل التأثير عليهم و تغيير عقائدهم و افكارهم من جهات اخرى غير اسلاميه مثلا؟

[doha]

وزي ماقلت لك قبل كده الاسلوب الي لا يقنعك ممكن ببساطه ميكونش موجه لك انت شخصيا وانما لغيرك الي لا يقتنعوا الا بهذا الاسلوب

و هل الاقتناع بالقوه او بالغلظه بيكون اقتناع ام فرض لطريقة تفكير و فرض ثوابت بدون قناعه حقيقيه مما يترتب عليه ان اي رأي آخر مخالف يأتي من بعده قد يتمكن منه ببساطه؟

يعني لو مثلا جينا على واحد من الغلابه دول اللي ما ينفعش معاهم الا الغلظه و فهمناهم بالغلظه ان الاسلام هو الحق

و بالتالي وافقوا على كلامنا بدون قناعه و لكن بسبب الاسلوب الغليظ اللي حضرتك قولتي عليه

مش شايفه ان الناس دي ما اسهل التأثير عليهم و تغيير عقائدهم و افكارهم من جهات اخرى غير اسلاميه مثلا؟

هقولك ياسيدي الفاضل مثال شهير بقوله دائما ..

زماااان لما كنت بدرس دورات ويندوز الي هو أ . ب الكمبيوتر

كان بيكون تحت ايدي طالبات متعلمات ومتنورات وفيهم خريجات جامعيات

دائما وابدا وتعودت .. في الدروس الاولى .. فتح ملف جديد .

اقولها اعملي كليك يمين واختاري جديد يطلع عندك فولدر ضعي له اسم ..

السؤال الي تعودت فورا على سماعه دائما وابدا وعلى مدار الايام واختلاف الطالبات

نسميه ايه يااستاذه ؟

لما كنت في السعوديه

ولما رجعت مصر حصل تغير طفيف

نسميه ايه ياباشمهندسه ؟؟

في ناس كده .. تعودت لما تتلقى العلم انها تلغي مخها تماما وتخليه مستودع للحفظ لا للفهم .. تاخذ بدون نقاش وتركن على الرف لحين الحاجه اليه

الحكايه دي كانت بتلفت نظري في البدايه وكانت بتثير استيائي ان شئت الدقة .. كنت بستغرب يعني للدرجه دي منتظرين مني كل شيء حتى انهم مش واخدين بالهم ان الاسم ده حاجه اختياريه راجعه للمستخدم نفسه مفيش سلطه للاستاذ عليها ولا في قانون اصلا يفرض لها قيود

هو العلم في بدايته بيكون كده والعلم الشرعي مش استثناء على فكره

في ناس في بدايه تعرفها على الدين لازم تاخذه كده افتح مخك وادلق واحفظ .. في ناس تانيه بتبقى متميزه شويه دي ممكن في بداياتها زي نهاياتها تسأل وتستفسر وتنقد وتعترض قبل ماتقبل

المحصلة النهائية ان الشخص الي في بدايته ده ومجرد مااخذ دينه صح ونزل الحياه واعترك معاها وتقابل بالفكر المضاد الي حضرتك متخوف منه صدقني مش هيتاثر بيه لانه خلاص ( رمى ) الي سبق وتلقنه في اللاوعي وبقى صعب جدا انه يتقبل غيره . .هو اخذه كقواعد وعقائد غير قابلة للنقاش فصعب بل لنقل مستحيل انه يستبدلها باخرى

الحكايه دي ممكن تسبب مشكلة للناس الي زي حالاتي وحالاتك الي بتحب تسأل وتقول ليه لكن في الحقيقة هي انسب طريقة لتعلم ناس تانيه زي حالات تانيه معندهمش المعضلة دي وعاوزين بس يأنتخوا على الكرسي ويسألوا

هنسميه ايه ..

اقصد

هتسميه ايه ..

[MZohairy]

في ناس كده .. تعودت لما تتلقى العلم انها تلغي مخها تماما وتخليه مستودع للحفظ لا للفهم ..

تاخذ بدون نقاش وتركن على الرف لحين الحاجه اليه

في ناس في بدايه تعرفها على الدين لازم تاخذه كده افتح مخك وادلق واحفظ ..

طيب مفيش خوف يا ضحى على الناس دي انها تفضل متعوده على الطريقه دي باقية حياتها؟

يعني تعيش طول عمرها تفتح مخها و تدلق و تحفظ؟

و ماتقدرش تستعمل مخها ابدا نتيجة عدم التمرن على استخدامه؟

فالعضو الغير مستعمل يضمر

فإيه الحل؟

[engmido]

اظن ان الأخ زوهيري ..عارف كل حاجة....ولا يحتاج إلى نصائحكم....

هذا هو ما اردت التاكيد عليه ....اما النية وان كانت واضحة من الافعال فانه لا يعلمها الا الله

ثم يعنى انت مش زعلان من اللى بيدعى زعلان من اللى بيقول آمين؟؟!!!

اما عن رايى....فانا لم اتراجع عنه فانا مازلت انصح الاخوة بان يوفروا مجهودهم طالما حضرتك لا تقبل النصح من كل هؤلاء الناس

وشايف انهم كلهم غلط وبيهتموا بالكم.....مش عارف جبتها ازاى دى ؟؟!!

[doha]

في ناس كده .. تعودت لما تتلقى العلم انها تلغي مخها تماما وتخليه مستودع للحفظ لا للفهم ..

تاخذ بدون نقاش وتركن على الرف لحين الحاجه اليه

في ناس في بدايه تعرفها على الدين لازم تاخذه كده افتح مخك وادلق واحفظ ..

طيب مفيش خوف يا ضحى على الناس دي انها تفضل متعوده على الطريقه دي باقية حياتها؟

يعني تعيش طول عمرها تفتح مخها و تدلق و تحفظ؟

و ماتقدرش تستعمل مخها ابدا نتيجة عدم التمرن على استخدامه؟

فالعضو الغير مستعمل يضمر

فإيه الحل؟

بالعكس الناس دي مفيش عليها اي خوف لان هتفضل طول عمرها مرتاحه ضميرها مرتاح فما تعودت عليه هتعيش عليه

الخوف على الي بيحاول يغيرهم هو ده الي هيتعب وهو ده الي احتمال كبير يفشل في مهمته ..

يمكن لو حضرتك جربت تتعامل قبل كده مع اولئك الي بيطلق عليهم ( قاع المجتمع ) او المهمشين فيه .. لو جربت انك تكلم حد فيهم ( بذوق ) او بما تعودت انك تكلم بيه الناس عاده هتتفاجأ برد فعله الي ممكن تطالك انت شخصيا بالاذى .. بعكس لو كلمته بالاسلوب الي هو اعتاد عليه من تعالي او بذاءة ستجد منه كل احترام لك والانصياع لما تقول ..

لا اقصد نهائيا ان من اعتاد اسلوب الحفظ والتلقين هم من القاع وانما قصدت ان ( تخاطب الناس على قدر عقولهم ) لا على قدر عقلك انت مهما كان قدره ..

على كل حال وطالما مناهج التعليم عندنا بتعتمد اجمالا على الحفظ والتلقين وطالما الغالبية العظمى مننا للاسف طالعه حافظه مش فاهمه في كل مجالات الحياه فاعتقد ان مش من الحكمه ابدا اننا نستثني الدين من القاعده الي تعودوها دي ونحاول نفهمهم ببساطه لانهم ( مش هيفهموا ) في الغالب .. الناس دي مفيش عليها خطر ولا خوف برضه لان لما حد تاني من برا يحاول يفهمهم دين تاني او حاجه تانيه برضه بنفس المنطق مش هيفهموها لانهم اصلا معتادوش على استخدام خواص الفهم ..

اذا وان كان في ناس مبتجيش الا بكده فكويس اوي ان يبقى في خطاب ديني واسلوب دعوي لهم ..

وطالما ان في ناس تانيه مبتجيش ابدا بكده فمهم جدا يكون للناس دي برضه خطابهم الدعوي ..

ويمكن لهذا السبب تحديدا قالها عليه افضل الصلاه والسلام بلغوا عني ولو آية عشان نبقى كلنا دعاه فكل واحد مننا تعلم الدين بطريقته الخاصه واقتنع بيه بهذه الطريقة فبالتاكيد وحينما يحاول تعليمه او نقله لآخرين بذات طريقته الي اثرت فيه والي اقنعته اكيد هيلاقي ولو من فرد واحد على الاقل استجابه .وانك تعتق رقبة واحد بس من النار .. واحد .. بالدنيا ومافيها

الهدف قد يبدوا متواضع والعمل فيه شاق لكن الاجر بالتاكيد جزيل .. ويستحق ..

ربنا يكتبهالنا جميعا ..

[الدكتورة أم أحمد]

معلش يا أستاذ زوهيري

بجملة حمل الأذي يافندم

احنا بدأنا بداية جديدة مش عايزين نعكر صفوها

و على فكرة

ممكن جدا يكون الأخ ما قرأش كويس الاقتباس اللي هو مقتبسه

أو خانه التعبير

نلتمس له العذر

ده الرسول الكريم صلوات الله و سلامه عليه

بيوصينا

" التمس لأخيك سبعين عذرا فإن لم تجد فالعيب فيك"

ربنا يهدينا جميعا لسواء السبيل

و بعدين ياريت نسكافيه يا أستاذ مكاوي لو سمحت

:cry1:

الفاضلة مصرية متغربة

هو ليس حديث ولكنه أثر عن بعض السلف

وجزاك الله خيرا ونفع بك

[عبير يونس]

معلش يا أستاذ زوهيري

بجملة حمل الأذي يافندم

احنا بدأنا بداية جديدة مش عايزين نعكر صفوها

و على فكرة

ممكن جدا يكون الأخ ما قرأش كويس الاقتباس اللي هو مقتبسه

أو خانه التعبير

نلتمس له العذر

ده الرسول الكريم صلوات الله و سلامه عليه

بيوصينا

" التمس لأخيك سبعين عذرا فإن لم تجد فالعيب فيك"

ربنا يهدينا جميعا لسواء السبيل

و بعدين ياريت نسكافيه يا أستاذ مكاوي لو سمحت

:cry1:

الفاضلة مصرية متغربة

هو ليس حديث ولكنه أثر عن بعض السلف

وجزاك الله خيرا ونفع بك

بوركت يا غاليتي و جزاكي الله الجنة

أعتذر عن الخطأ الغير مقصود

في رعاية الله

[عبير يونس]

كلامك جميل يا ضحى

ربنا يبارك في عقلك

طب ايه رأيكم في العنوان ده

خاطبوا الناس على قدر عقولهم

:cry1:

[MZohairy]

اظن ان الأخ زوهيري ..عارف كل حاجة....ولا يحتاج إلى نصائحكم....

هذا هو ما اردت التاكيد عليه ....اما النية وان كانت واضحة من الافعال فانه لا يعلمها الا الله

ثم يعنى انت مش زعلان من اللى بيدعى زعلان من اللى بيقول آمين؟؟!!!

اما عن رايى....فانا لم اتراجع عنه فانا مازلت انصح الاخوة بان يوفروا مجهودهم طالما حضرتك لا تقبل النصح من كل هؤلاء الناس

وشايف انهم كلهم غلط وبيهتموا بالكم.....مش عارف جبتها ازاى دى ؟؟!!

لو انت قاصد كده فعلا يبقى الاقتباس اللي انت اقتبسته وسع منك شويه و شمل طوبتين مالهومش لزوم

و بعدين حاول تفهم لجل النبي ان اللي بيدعي كان بيدعي وقت الخناقه و ده طبيعي

انما اللي جه يقول آمين قالها بعد الخناقه ما خلصت و ده اللي مش طبيعي و لا يمكن وضعه في خانات النوايا الحسنه

الموضوع ده صعب استيعابه لهذه الدرجه؟ :cry1:

حفترض فيك حسن النيه الى ان يثبت العكس

شكرا

[الباشمهندس ياسر]

و بعدين حاول تفهم لجل النبي ان اللي بيدعي كان بيدعي وقت الخناقه و ده طبيعي

هذه الجملة لا تصح

هل تريد دليلا يا اخي..؟

:cry1:

[MZohairy]

و بعدين حاول تفهم لجل النبي ان اللي بيدعي كان بيدعي وقت الخناقه و ده طبيعي

هذه الجملة لا تصح

هل تريد دليلا يا اخي..؟

:cry1:

ليه يا ياسر بتاخد الطعم اللي مش بتاعك؟

رجع الطعم لو سمحت :D

[mekkawy]

السلام عليكم

صباحكم فل منعاص بفل ... و جشطة مدهوكة بزبدة

ايه يا شباب الصواريخ المرسلة دي .. ايه يا عم زهيري البلطجة دي .. يا ابن الايه يا لذينة .. اناملي ست ساعات ارجع الاقيك مشيب البشر و مثبتهم كدة بالمنظر ده .. و أختنا المسكينة ضحى اللي ايديها ورمت من الكتابة .. و اخوانا الدكتور المهندس ميدو ... و آخرتها أخونا بالتبني ياسر ... هدي أعضائك يا عمدة و قول هديت ... الدنيا حلوة ... و جايلك انا بس لما أنام و أصحى إن شاء الله .. دونت ووري :cry1:

اه بالمناسبة .. اختيارك الجديد لاسم الموضوع حلو و جميل .. بس شيل (لسنا كلنا دعاة) .. ليه بأة يا عمدة ... عشان احنا كلنا دعاة ببساطة ... مش لازم الداعية اللي واقف على المنبر يوم الجمعة .. لا انت داعية بأخلاقك و أنا داعية بعلمي و ضحى داعية بفكرها و مصرية متغربة داعية بحكمتها و ياسر داعية بآرائه و هكذا ... كل المسلمين دعاة و كل يجود بما لديه ...

كام سؤال على جنب: ألا الطعم كان لمين؟ و ليه طعم؟ و ما الهدف وراء الطعم؟ و تفتكر الطعم جاب نتيجة؟ .. اسمحلي ازززززنق ... و أححححشرك ... و أحححححرجك و أخخخخنقك و أحوط السيخ المحمى في صرصووووور ودنك .... و تجاااااوب ع الاسئلة؟

مكاوى ....

تم تعديل 7 مايو 2010 بواسطة mekkawy

[MZohairy]

يا عم بهزر مع ياسر و الله

انا عارف انك صاحي بدري عشان تصلي الفجر

ياريت ماتنسانيش بالدعاء

صباحك ورد مزروع في حوض قرنفل