مين مسافر مصر بالسيارة ؟؟؟

[Alex Lover]

اخواتي الاعزاء ..

السنة اللي فاتت نزلنا بالسيارة وكانت رحلة الذهاب ممتعة جدا برغم انها مرهقة بس والله ظريفة وطبع اوفر كتييييييييييير وبالاضافة لكل ده ان اللي معندوش سيارة في مصر بتنفعة كتير خصوصا مشارير المصايف والزيارات البعيدة

من هنا باوجه الدعوة لاي حد حابب يجرب وعنده اي استفسار ايا كان يسألني وانا عندي الجواب

وطبعا اللي مر بالتجربة وعنده تعليقات ايجابية أو سلبية يشرفنا ويفيدنا لعل الجميع يستفيد

:

:copied: :sofa: :fool: clwn: :old: lmo:

تم تعديل 11 مارس 2007 بواسطة Alex Lover

[أبو حميد]

وليه تسافري بالسيارة وعندك الجزيرة رخيصة جدا وعلى الإسكندرية على طول!!!!

[بنت النيل]

انا بأذن الله ناويه انزل بالسيارة فعلا بتبقى رحلة ممتعه

لانى جربتها قبل كدا وكمان بتفرق فى وجود السيارة معانا فى المشاوير والسفر لاى مكان

طبعا الكلام ده اذا نزلت السنة دى ادعولى لحسن بقالى سنتين منزلتش وربنا يستر شكلها كدا هيبقوا ثلاثه :copied: :sofa:

[Alex Lover]

مش مسألة رخص ولا حاجة ، الموضوع اننا ما شاء الله خمسة + خادمة وبنحتاج السيارة الكبيرة معانا لاننا بنتقل من مرسى مطروح لراس سدر واسكندرية السيارة بتنفعنا كتير ، ده الي جانب ان الجزيرة ايوه كويسة بس بتربطك بموعد ما ينفعش تلغي ولا ترجع التيكيت ولو هنبص لها من الناحية المادية الفرد 108 دينار × 6 = 650 دينار تقريبا لا طبعا السيارة اوفر كتير .

[Alex Lover]

بنت النيل اهلا بيكي

يارب تنزلي السنة دي وتروحي وتيجي بالسلامة ,,, انا المرة اللي فاتت نزلت عن طريق ضبا ولكن بعد حادث العبارة المشهورة خفت جدا وجوزي قالي ممكن نروح عن طريق الأردن افضل وأأمن ايه رايك ؟؟؟ وياريت تقوليلي رأيك في كلام أبو حميد

[ابو ايمان]

هو السفر البرى جميل جدا وخوصا لو فيه طرف اخر بيقود السيارة ويريحوا بعض

بس مرهق وخصوصا على الاولاد

فعلا فرصه لرؤيه مناظر جميلة فى الصحراء ومدن متعدده ثم عبور بالعبارة رحلة بحرية اخرى جميلة

سافرى بالسيارة وربنا يحميكم وتوصلوا بالسلامة وترجعوا ايضا بالسلامة

السيارة مفيده جدا فى مصر خصوصا والنزول فى الصيف

وربنا معاكم ودعواتنا ايضا لكم بالسلامه

[الحاج فوزى]

انا كمان بفكر فى الموضوع ده

بس مين اللى قال انه ارخص ؟؟ اخر مره حسبتها مكانتش ارخص ولا حاجة

يا ريت يا الكس تقوليلى بتحسبيها ازاى ارخص

وبعدين نوع السيارة بتفرق كتيير

يعنى انا كام معايا سيارة اميريكانى 3000 سىسى كانت تحفة ، كنت بروح العمرة مكة والمدينة واجى فى يومين واخد الطريق على 190 ومش حاسس بأى تعب

بس طبعاً بعد الحادثة ( بعد الشر عليكم وعلى السامعين ) ضاع الاميريكانى وبعتها سكراب :copied:

وجبت 1600 سى سى زيرو علشان مدفعش مليم غير القسط

فالـ 1600 سى سى فى السفر بتكون مش ولابد

ولازم كمان تكون سيارة جديدة نسبياً ، يعنى موديل 3 او 4 سنين بالكتيير ، علشان ميحصلش مشاكل على الطريق

بالنسبة للطريق ، اعتقد ان احسن طريق هو ضبا .. علشان الواحد يعمل عمرة قبل ما يسافر :sofa:

اخر حاجة ، بيكون لطيف ان الواحد مش ينزل لوحده ، يعنى يكون فيه اكثر من سيارة

وان شاء الله احتمال كبير الاجازة اللى بعد اللى جاية انزل بالسيارة مصر

حسين

[Alex Lover]

ابو ايمان شكرا على دعوتك الف شكر واتمنى للجميع رحلة سعيدة

حسين .. اهلا بيك ولو انك هتخليني اوضح لكم حاجة محدش خالص اخد باله منها وبعدين انا عارفه انكم هتهزأوني لو عرفتوها بس يالله اقول وأمري الى الله ..

محدش اخد باله اني قلت في اول الموضوع (رحلة الذهاب كانت ممتعة) ولم أذكر شيئا عن رحلة العودة وذلك لانه بعيد عن السامعين (يا حسين ) انقلبت بنا السيارة في طريق الغردقة ... وكانت حادثه مرعبة و كان معنا اطفال ولكن السبب كان انفجار اطار السيارة وبالتالي زوجي دهس الفرامل مع علمه ان ده خطر الا انه ارتبك ولكن ربنا ستر اننا كلنا بخير بفضل ((الله أولا وأياته التي لا تفارق المذياع طوال الطريق خاصة سورة البقرة)) ربنا كريم وعظيم

طبعا هتهزأوني وتقولولي كل ده وعايزة تسافري تاني بالسيارة ؟؟؟؟ والله الموضوع مش اكتر من ان لا حذر يمنع القدر واللي اتعرضنا له السنة اللي فاتت هناخد بالنا منه المرة دي

وعلى فكرة اللي شجعني هو حسين لانه تقريبا اتعرض لموقف مشابه وبرضه ما فقدش الامل ، بس عايزة اقولك ان سياراتنا باجيرو وهننزل بيها تاني السنة دي بعد ما غيرنالها الجهة الشمال كلها نتيجة الصدمة .

بالنسبة للمصاريف اديني فرصه يا حسين اقولك التكاليف بالضبط لو عن طريق ضبا ، ولكن على فكرة عن طريق الاردن تقريبا هتوفر 200 دينار كمان ..

مين تاني جاي معانا ..... :copied:

[se_ Elsyed]

أنا لها أنا لها

أخوكم سين سين جربها الصيف اللي فات فقط ومتردد إني أكرر التجربة ...

وحكايتي تعودي إلى العصور الوسطى .. حيث أنني كنت من أوائل المعترضين بالنزول بالسيارة لكثرة الأرهاق في الرحلة ..

لكن الصيف الماضي عملت إيه بقى :

1- الأولاد نزلوا من أول الصيف طيران طبعاً وجم بعد مني بشهر برضوا .

2- بعدها بشهر حصلتهم أنا وأخو المدام وأخويا الصغير فقط ... فكانت عبارة عن رحلة خلوية ممتعه وكل واحد كان بيضرب له ساعتين سواقه فقط ..

3- نزلنا عن طريق الأردن وكانت أكثر من رائعه وسهله جداً جداً وربكنا اللانش السريع اللي اخدها في ساعتين ونصف تقريباً .. وقعدنا في مينا نويبع نص ساعة فقط وكانت الإجراءات سهلة جداً جداً وده كان في نصف شهر يوليو تقريباً ..

4- في حركة إلتفافية أرتوازية ... حودنا على شرم الشيخ حيث كان صديق عمري الذي يعمل في مجال السياحة محضر لنا بروجرام أكثر من هايل واخترنا منتجع من النوع الفاخر وضربنا 4 أيام .. وكإننا في الجنة ..

5- في هذه الأثناء كلنا معانا رومينج في تليفوناتنا طبعاً وكل ما حد يتصل نعمل إننا لسه في الطريق .. وذلك من ضمن عمليات التموين - إسمها تمويه ... أنا بأقولك تموين بالنون - ... ماحدش بقى يقولي وفين العشرة الزوجية والحياة الأُسرية والكبدة المقلية .. مانا متجوز بقى لي 50 سنة .. أخدت إيه ؟

6- ما علينا .. العودة بقى كانت طيران وسيبت عربيتي لنسيبي يرجع مع نفسه لإني كنت لازم أرجع الشغل .

7- بالنسبة لي كانت مكلفة جداً جداً أكثر من تأجير سيارة في مصر .. لكن كونها سيارتي وعارفها فكانت مُتعه بالنسبة لي في مصر.

8- السنة دي لسه باعمل دراسة جدوى لإني مستحيل أنزل سايق لوحدي ومستحيل انزل أولادي بالسيارة معايا عشان ما أتعبهمش فأمامي عدة إختيارات :

1- أشحن العربية فروم دور تو دور وأستلمها وأسلمها في السويس وأنا أروح وارجع طيران بس لسه بأشوف هاتكلفني كام .

2- أشحن العربية من الرياض لغاية تبوك وأضرب 200 ك من تبوك لحد الأدرن وانزل أسوق 700 ك في مصر لوحدي والعكس صحيح.

3- نفس الإختيار السابق بس أخلي أخويا يقابلني في الغردقة ويضرب معايا الـ 700 ك بتوع مصر .

4- أنزل أأجر عربية وامضي شيك على بياض وممكن أقضي بقية حياتي في السجن .

5- أفوت لاحمد محمود بنيزة يا معنمي وأستغل عربيته بالسواق طول الاجازة ويرجع هو للشعبطة في الأتوبيسات وفي الترام .

6- أسمع كلام قناة ناشونال جيوجرافيك اللي بيقولوا لك أجر سيارة في مصر بأستخدام الماستر كارد بـ 115 ج في اليوم أعتقد من بادجت لما هايجننوني وشاكك في السعر ده تماماً ..

هما دول الست أسباب ..

مع كريم حلاقة إنجرام .. أنت نجم النجوم

[وائل كيوان]

انا ناوى اسافر المرادى بالسيارة وده مش لسبب انها ارخص يا اليكس ولا حاجة هى ارخص بالنسبة لعدد كبير زيكوا يعنى انتوا ست افراد يعنى توفر معاكى كتير بس معايا مش هتوفر خالص لان انا فرد براسى يعنى لو سافرت طيران هتكلفنى اية يعنى 150 دينار مع العلم ان تكلفة تربتك السيارة 3 شهور بيوصل لـ 300 دينار خلاف بقى البنزيين وقطع الغيار اللى تدبهدل صاحبها وده لان السيارات اللى بننزل بيها بتكون غير اللى فى مصر خالص وكلها اتو ماتيك وسفرى المرادى هيكلفنى كمان ان اغير السياره لانها تويوتا فاحب اسافر بامريكى لانها هتكون اريح فى السفر كتير .

بس السبب اللى هيخلينى انزل بيها هو ان انا عايز انزل اتجوز ان لقيت حد يرضى بيا اصلا فتكون معاك السيارة لزوم الفسح وكدا يعنى دا ان خطبت اصلا بس اهى محاولة والسلام .

ورحلة موفقه لكل من ينوى للنزول برى

[zedan]

انا نزلت مرة واحدة بس بالسيارة وتوببببببببببة لو تحصل تاني الرحلة كانت ممتعة حقا ولكن الرجوع صعب صعب ، وبعدين انا الحمدلله جبت سيارة في مصر فالطيارة بالنسبة لي راحة ، اما بالنسبة للأسر اللي معندهاش في مصر سيارة بتكون النزلة مهمة بيها ولكن مش اوفر ولاحاجة.

[deemuck]

السلام عليكم ورحمة الله وبركاته ،،،

شكرا على الموضوع الرائع Alex lover

عندي ميركوري 95 هل هي مجدية في مصر ، و أحب اعرف سعر التربتك كام وتكلفة الاجراءات من داخل السعودية.

والله موفق،،،

[أسد]

كان هناك موضوع سابق بنفس المحتوى

ويحتوي على الكثير من التفاصيل الدقيقة ..

في حال وجود أي إستفسار إضافي بعد قراءة الموضوع أنا على استعداد للإجابة عنه تفصيلياً ..

http://www.egyptiantalks.org/invb/index.php?showtopic=20072

[car]

السلام عليكم

انا سافرت قبل كده من البحرين الى مصر

وكانت رحلة ممتعة

بس اخدت طريق البحرين جده السويس

السواقة قليلة جدا - تخيل المسافة التي سقتها من البحرين الى جده حوالي 1550كيلو في 14 ساعة

وفي مصر سعتين فقط

فيه ناس يقلك ده طريق بتاخد العبارة في يومين

اسألهم المسافة الى ضبا او الاردن مده السواقة اد ايه

لا تقل عن 2800 كيلو ويمكن تصل الى اكثر

ده غير مخاطر الطريق

لكن الطريق من الدمام لجده ممتاز وواسع ومريح

وميخدش اكثر من 14 ساعة على سرعة 120 كيلو في الساعة

ولو حتمشي اسرع ممكن تصل في 10 ساعات

لكن الطريق الى ضبا والاردن طويل وفيه جزء منه وسط الجبال وجزء طريق مفرد كل شاحنات وقطورات

عموما الافضل في رايي طريق جدة السويس

الباخرة جميله جدا

وتاخدلك غرفة ب4سراير وحمام خاص

وبتحس انك في رحلة تستمتع بيها

ولكن هذ الطريق مكلف والكثير من المصريين يقولك بالاش وهذا بسبب ارتفاع التكلفة ليس لشئ اخر

وانت وظروفك

اما الذي يقولك العبارة سكة طويلة على العكس انت بتخدها نوم وفرجة على التلفزيون وفرجة على البحر

وما الذي يقولك العبارة حتغرق اقول له الطيارة حتقع والاتنين موته اختر مبينهم00 ونصبينا حنشوفه بعنينا

فعلا الطرق التانية اقل تكلفة لكن مخاطرها اكثر

بس لازم تحجز لو حتروح على طريق جده علشان متتعطلش

تحياتي

تم تعديل 21 مارس 2007 بواسطة car

[car]

على فكرة احنا بنطلع التربتك من البحرين ب 40 دينار يعني 400 ريال انا سامع انه في السعودية اكثر من ذلك على فكرة الكلام ده كان العام الماضي وما زال اما الضريبة في مصر 500 جنيه بخلاف الذي منه

تحياتي

[مومو الامور]

ايها السادة

اليكم النبأ الهام

معكم محدثكم من المملكه العربيه السعوديه

تحيه خاصه لكل مواطن مصرى بالخارج

تحيه لكل من يحمل الجنسيه المصريه

تحيه لكل مواطن كادح سواء بالغربه او ببلدة

اود ان اشكر من طرح هذا الموضوع الجميل

السفر بالسيارة الى بلدنا العزيزة مصر

اود اولا ان ابكى رثاءا لكل من سافر بالسيارة وتعرض للتعذيب فى اوقات الزحام

واليكم احد الحلول المجربه من خلال خبرتى بالنزول بالسيارة اكثر من 14 مرة

عندما تجد الزحام فى المنافذ المصربه

خد عيالك ونام فى سيارتك لحد ما بخلصوا كل السيارات

وبعدها هيندهوا عليك علشان تخلص

ودة سر لحد متعرف حد فى المنفذ بخلصك وبدبك لوحه مميزة

اود ان احيى اخى الفاضل سى السيد تحيه عطرة

واود ان اكون مع النازلين بالسيارة هذة السنه

وستعرفوننى اذا شفتومنى على الطريق من الرياض الى ضبا

سيارتى مكتوب عليها من الخلف

متبصليش بعين رضيه شوف الاقساط اللى عليا

مع تحياتى

اخوكم المواطن

مومو الامور دوت كوم

وبجوارى واحد مصرى اسمه هشام بوحه الصباح وهوا اللى بيملينى هذة القافيه

صبح صبح يا عم الحج

ارجو الاهتمام بالردود المميزة

ولكم وافر التحيه والتقدير والاحترام

موسيقى

وووووووووووووووشششششششششششششششششششششششششش

اقفل التليفزيون من فضلك

[se_ Elsyed]

إنت كنت فين يا جدع إنت ؟

أنا قلت إنت أتحبست ولا حاجه ؟

على فكرة يا مومو

أخوك سين سين اللي عامل زي الحيطة وبلغ من العمر أرذلة ما ماعهوش رخصة مصرية لحد دلوقت مع إني بأسوق في أي حته سواء بالرخصة السعودية أو الدولية أما في مصر فبأسوق في الهبل

ما علينا أنا قررت بإذن الله إني انزل طيران وأأجر سيارة

بإسم أخويه

[حاتمباشا]

سبق لي أن عملت عمرة بطريق البر من الإمارات.. وكانت رحلة جميلة باستثناء مشكلة واحدة كادت تفسد علي حياتي أثناء الرحلة وهي مشكلة عدم وجود دورات مياه نظيفة على طول الطريق إلا ما ندر.. فهل هناك من حل لهذه المشكلة خاصة أنني أنوي النزول بالسيارة مع أسرتي هذا العام؟ أفيدوني أفادكم الله

[weh263]

ابعتلي ايميل على fathelbab75@hotmail.comبرقم تلفونك وانا اديلك الحل مجانا (اشتريته من الرياض السنه الي فاتت واستعمله ابني مره واحده فقط)