حسيت إنى عاوزة اتكلم فاتكلمت

[memo2007]

اتردد كتير قبل ما أكتب

بس أنا حاسه إنى عاوزة أتكلم معاكوا عنى نفسي

وعاوزة أغير من نفسي "وحاسه انكو هاتساعدونى فى كده "

صدقونى مش معنى كلامى انى انسانه مش كويسه وعاوزة اكون انسانه كويسه لأ

انا شايفه انى فيه عيوب وعاوزة اغيرها

المهم .........

انا شخصيه اجتماعيه جدا بتكلم مع معظم الاعمار ومتصاحبه على بنات كتير جدا

يعنى ممكن تلاقونى اتكلم مع امهات اصحابى وأهزر معاهم كأنهم أصحابي وهما حبينى كده ، ممكن تلاقون اتكلم مع جيرانا "الامهات "

.........اتعرف على كل البنات اللى فى الدفعه بتاعتى من أول يوم فى الجامعه

واتصاحبت على معظمهم مع العلم انى عندى اصحاب كتييييير من الثانوى والاعدادى

من النوع اللى بهزر وبضحك كتير وبتكلم كتير.......مش معنى بتكلم كتير انى اجيب فى سيره الناس اللى اعرفهم لأ

اقصد ....انى بثق فى الناس بسرعه فائقه وبتكلم معاهم بجرأ مش باخد فى بالى ان دى أول مرة اتكلم معاها او تانى مرة بالكتير ومفروض انى احط حدود لكلامى "يعنى لما اتعرف عليها اكتر ابقى اتكلم معاها بالشكل ده "

لأ ده ان أحس براحه ناحيه اللى بتكلم معاها اروح مدياها الثقه على طول "وده غلط طبعا "....

النوع اللى بتكلم مع ناس كتير مش بيعرف يحط حدود لكلامه

انا نفسي أعرف أحط حدود وماديش ثقتى لأى حد وبالسرعه دي لأن ده مش صح

تانى حاجه انا من النوع اللى بهزر وبضحك كتيييير

وفى الكليه بتكلم مع البنات بطبيعتى وبهزر بردوا بطبيعتى ومش بحط فى دماغي ان فيه ولاد قاعدين...."وده غلط"

وبعدين أكتر من واحده "إذا كان فى ايام الثانوى او الكليه " بعد ما اتعرف عليها وتعرفنى كويس الاقيها تيجيى وتقولى

"بصي انا عاوزة اقولك على حاجه بس اياكى تزعلى انا قبل ما اعرفك كنت فاكراكى انسانه عبيطه سطحيه ده طبعا بسبب كثرة هزارك

انما لما عرفتك عرفت انك عكس هذا تماما " ده كلام بنات كتيير وممكن يكونوا ما يعرفوش بعض بس اتفقو فى الرأي

ده طبعا يفرحنى ان اي واحده تعرفنى بتعرف ان حكمها على غلط

بس اللى بيضايقنى انها لو ما اتعرفتش عليا خالص هايفضل طول عمرها هو ده فكرتها عنى

نفسي ابقى انسانه هاديه ورزينه وعاقله

مشكلتى انى ماعنديش وسط ياإيما اكون بضحك واهزر واتكلم مع الناس يأيما اكون حزينه وما تكلمش مع حد خالص واقعد لوحدى

سرحانه مكتئبه ومضايقه

من النوع اللى بيقلب بسرعه وبدون سابق انزار من حاله الفرح لحاله الحزن او العكس

يعنى مش بعرف اكون الانسانه الهاديه العاقله المحبوبه

انا ممكن اكون محبوبه بين الناس كده

ساعات بحس بحبهم ليه بجد وساعات بحس انهم بيحبونى عشان الضحك والهزار

من النوع العصبي جدا وباخد الامور على اعصابي وده غلط وممكن اتعصب مش عشان حد ضايقنى لا ممكن اتعصب لو شفت حد عمل حاجه تغيظ لشخص تانى "طب وانا مالى "

لما يبقى واحده عاوزه تتكلم كلام بجد تقولى ممكن نتكلم بجد شويه

وانا كمان ساعات بقولها ياريت نتكلم جد

بس اللى بيخلينى اقعد اهزر لان وقت المحاضرات طويل وممل وبعدين بنروح البيت نقعد نذاكر وطبعا بنزهق با بنطلع كل اللى فينا فى اخواتنا فحرام ان كمان الوقت اللى بنقضيه مع البعض نتكلم فى مواضيع جد او نتكلم عن الدراسه

ممكن اكون بضحك وانا جوايا حزن

مش بحاول احكم على حد من غير ما اعرفه....ولما حتى احس ان فى واحده شكلها مغرورة اروح اتعرف عليها بدون تردد عشان اعرفها ولما احكم يبقى حكمى صح

مش بكدب وده لسببين:

1.ان الرسول "ص" نهى عن الكدب ولأن المسلم عمره مايكون كداب

2.ان الكدب ضعف وانا مش ضعيفه وماحبش أشوف نفسي ضعيفه

فى الاخر

انا قولت حاجات كتير عن شخصيتى مش فاكرة اذا كنت نسيت حاجه ولا لأ

بس كل اللى انا عارفاه انى عاوزة اتغير

عاوزة ماديش ثقتى لأى حد لأن ممكن وده محتمل انى اتجرح وده صعب "اتجرح بقى من بنت من ولد "المهم انه جرح

وعاوزة احط حدود لكلامى

تانى حاجه اتمنى اكون عاقله وهاديه ورزينه ازاى مش عارفه

ده انا حتى لما بحاول ابقى كده ولو بالتمثيل مش بعجب البنات وبيقولو مش لايقه عليه

برغم انى شكلى يدي انسانه عاقله "لبس محترم جدا وحجاب كبيير ونظاره ....وإلخ"

فيلريت تنصحونى اعمل ايه عشان اتغير

[أبو حميد]

الضحك الكتير والهزار والثقة بالناس مش عيب كبير بالعكس في مميزات لكن لابد يكون بأعتدال وطبيعي كل ما تكبري هاتلاقي نفسك بتتغيري وبتتخلصي من العيب ده مع الأيام.

علشان الواحد يتخلص من عيب في شخصيته لازم الأول يكون محدده وعاوز يغيره وأنتي حددتي أنتي عاوزة أيه وده هايساعدك مش هاتدوسي على زرار تغيري الشخصية لكن مرة تاخدي بالك و 5 مرات ما تاخديش بالك وبعد شوية هتقل عدد المرات اللي مخدتيش بالك فيها لحد ما توصلي لهدفك كل المطلوب منك تصري عليه.

[وائل كيوان]

اختى العزيزة

اعتقد انك فى سن صغيرة يعنى فى الجامعه وضحك ولعب وده مش عيب ناس كتير ممكن تحسدك على خفة دمك بس طالما انك اكتشفتى انها زياده عن اللزوم اكيد هتقدرى توصلى الى الاعتدال فيها اللى ميخليش حد ينتقدك وانا مع راى ابو حميد فى انك لما تقليلى الهزار الكتير واحدة واحده المسألة هتوصل لحد الاعتدال فى التصرفات المهم ان من جواكى تكونى حبه توصلى لنتيجه بس الثقة المبالغ فيها لكل الناس اعتقد انها مش مطلوبه خالص اللى لما تعرفى البنى ادم اللى قدامك علشان ميكونش فكرة سيئة عنك هى مش فيكى اساسا وبعدين حالة الحزين اللى بتيجى وتروح مرة واحده دى عادى كلنا كدا بنحزن ونفرح ونضايق ونكتئب يعنى انتى حاولى تتصرفى بطبعتك مع اقرب الناس ليكى اما بالنسبة للغريب فالمسالة لازم تكون محسوبة كويس ومش كل واحد هيشوفك هيقول عليكى انها بتهزر كتير والا ممكن يقولوا حاجه تانية والناس دماغه تعبانة خلقة بيحطوا اى حاجه فى دماغهم على طول فحاول انتى اللى تغيرى من نفسك وواحدة واحدة هتلاقى المسألة عادية جدا

مع خالص تحياتى

[anhidonia]

بصي يا حبيتى كونك شخصية اجتماعية وحبوبة فدا مش عيب بالعكس دا شيء جميل اوى بس الوحش هما هو انك ممكن تأخدى الناس عليكي بسرعة وكمان من السهل انهم يستهتروا بيكى عشان انتى طيبة وممكن مش تزعلى منهم وكمان مينفعش انك تجي مثلا النهارده تبقي شخصية جاده وتكشرى ومتكلميش ومتهزريش لا بالعكس خليكي معتدلة فى كل شيء فى ضحك فى هزارك فى كلام وقت الجاد خليكي جاده وقت الضحك اضحكى وافرحى بس دائما لا تنسي تضعى حدود للناس لانك من السهل تلاقي ناس تخترق خصوصيتك وانتى تصدمى لو بس فكرتى تخترقيهم فعشان التصادم دا ميحصلش خليكي معتدله

وتجبني تلومى نفسك لانك كل متلومى نفسك هتكتئبي فنصحيتى ليكي انك كونى معتدلة وطبيعيه وبالوقت والتعود هتلاقي نفسك اتغيرتى وبقيتيى تقيله وعاقلة

وخليكي حازة مع اولاد بالذات :lol: الولاد اترسمي عليهم وعالى بريستيجك اوى ومتأخديش اي ولد عليكي حتى ولو كان اخوكى وابقي طمنيني

[Tafshan]

دى طبيعتك الشخصيه و ما فيهاش حاجه تخجلى منها ..

لازم تحطى ده في اعتبارك ..

انتِ انسانه عندها ذكاء اجتماعى صدقينى يحسدك عليه الكثيرين .. قدرتك على صنع صداقات ده شئ محمود و ح ينفعك لو نميتِ فيكِ موهبه اخرى دفينه و هى الكتابه - على ما اعتقد - لديك مخزون كبير من الشخصيات و المواقف و لديك خبره كبيره في الناس ستنمو مع الوقت .. يمكن يكون العيب هو كثرة المشاكل المترتبه على هذا الاختلاط .. و مشاكل ثانيه مثل الغيره و الحسد و الغيبه من قرنائك .. و يمكن يكون ده سبب زعلك و تفكيرك في تغيير نفسك .. الحقيقه ان ما انت فيه هو نجاح في حد ذاته و ما يحدث من احباطات هو نوع من الحقد من اصحاب النفوس المريضه .. جربي تكتبي مذكراتك عن كل واحده .. ثم تقرأيها بصوت عالى و تحكمى عقلك فيها و تتسائلي : من المخطئ .. في اغلب الاحيان ستجدى ان الطرف الاخر هو الخاسر و لا يستحق حتى ان تتذكريه ... و صدقينى مع الوقت هذه الخصله ستتغير و تتحول الى خبره حقيقيه يحسدك عليها كل من حولك .. ان شخصيتك الحاليه هبه من عند الله فلا تفرطى فيها ..

على فكره .. واضح من اسمِك انك شقيه حبتين عامله زي بنتِ جمانه :lol: .. سيبك من اللى بيضايقوكِ و خليكِ نفسك :lol:

تحياتى

[memo2007]

متشكره جدا ليكم كلكم

وبجد كلامكم جمييل، انا ممكن اكون عاوزة اتغير لانى هاكون مدرسه والمدرسه المفروض انها تكون هاديه بالذات مدرسيين الرياضيات

وخليكي حازة مع اولاد بالذات wacko.gif الولاد اترسمي عليهم وعالى بريستيجك اوى ومتأخديش اي ولد عليكي حتى ولو كان اخوكى وابقي طمنيني

على فكرة يا anhidonia انا فى الكليه ماليش علاقه مع اولاد ولو حصل واتكلمت مع اي شاب بيبقى فى الدراسه يعنى هات وخد

يعنى معامله مصلحه عاوز منى حاجه خدها وانا عاوزة منك حاجه هاتها مش بهزر

ورغم انهم شايفنى بهزر مع البنات كلهم ماحدش فيهم جالتلو الجرأة انو يتكلم معايا بهزار او بطريقه غير محترمه وده حاجه عجبانى جدا

انما مع البنات مش بتعامل معاهم بمعامله المصلحه نهائى باعتمد على نفسي

دى طبيعتك الشخصيه و ما فيهاش حاجه تخجلى منها ..

ازيك يا استاذ طفشان ....انا مش بخجل منها خالص بالعكس ده انا بحبها أوى

بس شغلى فى المستقبل يضطرنى للتغير واهلى نفسهم يشوفونى هاديه

ويعنى ماينفعش بدل ما دخل اشرح اقعد اهزر

وصدقونى هاحاول ويارب انجح

تم تعديل 14 مارس 2007 بواسطة memo2007

[رمضان]

نصيحة واحدة لازم تعملي بيها ( كوني نفسك ) لا تحاولي ان تغيري في طبيعتك اي شيء

[ليالي الغربة]

[/font

والله ذكرتيني يا اختاه بالذي مضى من ايام الجامعة وحلاوتها وشقاوتها :ninja: كاااااااانت ايام . صدقيني هذا شئ عادي في عمرك وانا عندما كنت في الجامعة كانت معظم صديقاتي هكذا وانا كنت مثلهم مع بعض الاختلافات اذ انني بصراحة لا اثق بسهولة بالشخص ولكنني كنت مرحة ولكن ابشرك wst:: بكرا بعد ما تتجوزي وتجيبي عيال هتبقي شايلة هموم ومسؤوليات على كتافك :sad: وهتتمنى ضحكة تطلع من قلبك خصوصا لو كنت مثلي في الغربة فساعتها هتترحمي على ايام الجامعة وشقاوتها وعمرك فعلا هو عمر الربيع الجميل الملئ بالحياة فاستمتعي بكل لحظة فيها ما دمتي لا ترتكبين اي خطأ وتبعدين عن الحرام فلم الخوف ولكن طبعا الوقار والحزم والجد مطلوبين خصوصا امام الشباب ولكن مع صديقاتك فلا مانع من روح المرح ولكن نصيحة اخوية لا تثقي ثقة عمياء ولا تكوني صفحة مفتوحة يقرأها الجميع بسهولة وربنا يوفقك وتكون ايامك كلها سعادة وهناء وفرح حتى بعد تحمل المسؤوليات والأعباء اصلي مش عايزة اخوفك من الزواج انا بس بهزر معاكي mfb: