محاورات المصريين (( بقطر))

[osmel33]

وسؤال أخير ماعلش يا أخ طنطاوى أنت عملك أيه ؟ علشان كمان نعرف هل الراتب مناسب بالنسبة لطبيعة العمل ولا لأ

[طنطاوي]

شكر الله لك

بالنسبة لعملي فهو مهندس برمجيات

لي سؤال

أقدر أحوش قد ايه في الشهر لو مسكت على نفسي انا و إسرتي

[osmel33]

شكر الله لك

بالنسبة لعملي فهو مهندس برمجيات

لي سؤال

أقدر أحوش قد ايه في الشهر لو مسكت على نفسي انا و إسرتي

مهندس برمجيات يبقى بصرة يا سيد طنطاوى بس أخوك عجوز شوية أنا محلل نظم ومدير مشروعات برمجية ، المهم خلينا فى موضوعنا أنت مشكلتك مبدئياً السكن بدل السكن ضعيف جداً نوفر الأول السكن شوف خليهم يحاولوا يحركوه لأن مش هاقدر أقولك تحوش كام وأنت أصلاً محتاج تحط فلوس على البدل ده من مرتبك علشان تجيب شقة معقولة

[Eng Mohammed Ali]

شكر الله لك

بالنسبة لعملي فهو مهندس برمجيات

لي سؤال

أقدر أحوش قد ايه في الشهر لو مسكت على نفسي انا و إسرتي

مهندس برمجيات يبقى بصرة يا سيد طنطاوى بس أخوك عجوز شوية أنا محلل نظم ومدير مشروعات برمجية ، المهم خلينا فى موضوعنا أنت مشكلتك مبدئياً السكن بدل السكن ضعيف جداً نوفر الأول السكن شوف خليهم يحاولوا يحركوه لأن مش هاقدر أقولك تحوش كام وأنت أصلاً محتاج تحط فلوس على البدل ده من مرتبك علشان تجيب شقة معقولة

اسمحولي ادخل في الموضوع

انا مهندس برمجيات في قطر وعايش هنا من سنين طويلة

وانا كنت ناوي اشترك في المنتدي النهاردة وقولت اول مداخلة تكون معاك خصوصا انك ابتديت مشاركتك بحديث نبوي شريف وبتسأل عن قطر البلد اللي بعرفها شبر شبر

وعندي كذا نقطة عاويز اوضحا ليك

بدل السكن المعروض عليك سيء جدا عشان تجيب شقة صغيرة غرفتين حتضطر تدفع مبلغ قد يوصل لمرتبك الأساسي ، حتي في احسن الأحوال لو لقيت ملحق في فيلا حيكون في حدود 3500 ريال بس لازم تجيب عربية لأن الأماكن ديه بتبقي بعيدة وتأسيس الملحق ده بالتلاجة والتكييف وطبعا تدفع تأمين الكهرباء.

المبلغ الأجمالي المعروض عليك مش كبير ده يعتبر مرتب عازب في شركة خاصة كويسه.

الوعد بالزيادة بعد 3 شهور ديه حيلة معروفة لجر الرجل ومالهاش اي قيمة في حالة عدم الذكر بالعقد. (انا مش عارف اسم الشركة ، الشركات اللي في المجال ده في الدوحة محدودة وفيهم الزفت وفيهم المحترم جدا وعلى فكرة انا عارفهم كلهم عشان بنتعامل مع بعض كتير.

لو المدام عندك ناويه تشتغل هنا حسب طبعا التخصص والخبرة، حيبقي الوضوع عندك أحسن بكتير.

الخلاصة بالوضع اللي انا شيفه ده حتحوش 1000 ريال بلكتير بعد حساب قسط عربيه بالطبع.

وانا جاهز لأي استفسار تاني.

[ايهاب سالم]

حد يبوس لي قطر يا جماعه عشان و حشتني

[osmel33]

حد يبوس لي قطر يا جماعه عشان و حشتني

هانبوسهالك يا سيد ايهاب بس كنت عايز أسألك أيه أخبار كندا والشغل فيها أنا أبن عمى خلاص أتوافق عليه فى الهجرة وهايعمل الكشف الطبي الشهر الجاى ان شاء الله

[ايهاب سالم]

حد يبوس لي قطر يا جماعه عشان و حشتني

هانبوسهالك يا سيد ايهاب بس كنت عايز أسألك أيه أخبار كندا والشغل فيها أنا أبن عمى خلاص أتوافق عليه فى الهجرة وهايعمل الكشف الطبي الشهر الجاى ان شاء الله

كندا زي الفل

والشغل متوفر لكن بشروط

[osmel33]

حد يبوس لي قطر يا جماعه عشان و حشتني

هانبوسهالك يا سيد ايهاب بس كنت عايز أسألك أيه أخبار كندا والشغل فيها أنا أبن عمى خلاص أتوافق عليه فى الهجرة وهايعمل الكشف الطبي الشهر الجاى ان شاء الله

كندا زي الفل

والشغل متوفر لكن بشروط

لأ ده أحنا جامدين قوى على فكرة ابن عمى مخلص دكتوراه فى الكيمياء الحيوية ومراسل جامعات فى كندا علشان لما يروح وأخوك محلل نظم كبيوتر ومدير مشروعات بس باحاول أنا وزوجتى مع أمريكا مقدمين على القرعة وربنا يسهل الحال

[طالب علم]

الاخوة الاعزاء العاملين في قطر

السلام عليكم ورحمة الله وبركاته

معلش انا هارجع الحوار تاني لنقطة المدارس عشان عدت بسرعة في الحوار ولم يتم تناولها بالشكل الكافي - رغم اهميتها للكثيرين وانا منهم - ياريت نعمل تقييم كامل للمدارس في قطر من حيث المستوى والمصاريف والمعادلة عند العودة الي مصر وياريت كل من له اطفال في المدارس يفيدنا برأيه ومايبخلش علينا بوقته

انا دورت في النت كتير عن الموضوع ده وسمعت عن المدرسة المصرية !!!! وعن مدارس الارقم والشويفات والمها والاكاديمية الامريكية ونور الخليج بس الكلام كتير ومتداخل وبالعربي كده متنتور في اكتر من مكان فياريت كلنا نشارك في هذا الموضوع لانه مفيد جدا لكل من له اولاد وبيفكر الاقامة في قطر

وجزاكم الله خير

[osmel33]

الاخوة الاعزاء العاملين في قطر

السلام عليكم ورحمة الله وبركاته

معلش انا هارجع الحوار تاني لنقطة المدارس عشان عدت بسرعة في الحوار ولم يتم تناولها بالشكل الكافي - رغم اهميتها للكثيرين وانا منهم - ياريت نعمل تقييم كامل للمدارس في قطر من حيث المستوى والمصاريف والمعادلة عند العودة الي مصر وياريت كل من له اطفال في المدارس يفيدنا برأيه ومايبخلش علينا بوقته

انا دورت في النت كتير عن الموضوع ده وسمعت عن المدرسة المصرية !!!! وعن مدارس الارقم والشويفات والمها والاكاديمية الامريكية ونور الخليج بس الكلام كتير ومتداخل وبالعربي كده متنتور في اكتر من مكان فياريت كلنا نشارك في هذا الموضوع لانه مفيد جدا لكل من له اولاد وبيفكر الاقامة في قطر

وجزاكم الله خير

الأخ الفاضل الجميل طالب علم انت جيت على الجرح وغرست دبوس تلم ;) ده يمكن أحسن تعبير أقولهولك فى موضوع المدارس فى قطر ده اللى أنا بافكر جدياً أعمله فيلم درامى وحزاينى كمان أسمع كلام أخوك اللى اتبهدل فى الموضوع ده وعلى فكرة أنا كنت عامل توبيك تحديداً عن المدرسة المصرية للغات بس ماحدش سأل في كأنى جاى من كوكب تانى

التوبيك

بص يا سيدى الوضع الراهن

المدرسة المصرية للغات = تعليم بمناهج قوية (ما فيش كلام ماناهجنا وأحنا عارفينها) + إدارة فـــــــــــــــــــــــــــــاشـــــــــــــــــــلة + مدرسين ما عندهومش ريحة الخبرة فى التدريس ده إذا كانوا أصلاً مدرسين + عيال فيهم جزء كبير بايظ نوصل لأيه من المعادلة دى ولاد وبالذات واحد زى أبنى الصغير اللى خد كل السوكيات الفاشلة والقبيحة ده زائد أنه ماخدش علم اللى المفروض فيه أنه قوي (لو عايز مواقف حصلت فى المدرسة دى أنا مستعد أكتب مجلدات)

مدرسة الأرقم للبنات = (بعد العملة السودا اللى انا عملتها فى أولادى الولاد أنى دخلتهم المصرية طبعاً ما حبتش أورط حبيبة باباها فى الموضوع فدخلتها الأرقم للبنات على أمل أنى أحول الولاد بعد كده مدارس تانية) المدرسة جيدة المنهج IGCSE بريطانى معترف بيه + أخلاق البنات هايلة + المدرسين فيه منهم native يعنى أمريكان بريطانين بس مسلمين وملتزمين جداً

النور = منهج مصرى + التربية والأخلاق معقولين + بالكتير بيدو ربع المنهج = ماحصلناش علم

المدارس المستقلة = علم على قدهم تعبان جداً بما فيها المدرسة اللى بيقولوا عليها المدرسة العلمية (أنا شوفت مناهجهم وأتقيمت من مدرسين أوائل) + سلوكيات أعتقد منضبطة

المدارس الدولية = لغة محادثة عشرة على عشرة + مناهج الرياضيات والعلوم تعبانين كلهم (عملنا تجربة على ولد يحل مسألة رياضة من أحد المدارس بس المسألة من المنهج المصرى حاص ولاص + عملنا امتحان reading and writing+ grammer بين ولد بيدرس المنهج المصرى وواحد بيدرس الدولى اتفرج لقينا بتاع الدولى تاه فى الجرامر وبوظ الدنيا فى الكتابة ) + أخلاقيات بختك يابوبخيت بقى

بس للأسف انا ولادى حالياً نزلتهم كلهم مصر السنة دى علشان يظبطوا العك اللى عكوه فى المصرية السنين اللى فاتت وعلشان أفكر فى مدارس تانية وأشوف حل

الخلاصة الموضوع صعب وأنا مبسوط جداً أن فيه حد فتحه

[طالب علم]

الاخ العزيز الغالي

بداية انا سعيد جدا بأهتمامك وردك -ومنتظر من جميع الاخوة في قطر انهم يشاركوا بخبرتهم فى الموضوع - لان مافيش في الدنيا اهم من اولادنا ومستقبلهم واللي بيسافر وبيتغرب في الاول والاخر بيكون علشانهم عشان كده انا بكرر ياريت ماحدش يبخل بتجربته ويشاركنا فيها

تعال نبدء بيك واسمحلي انخور بالدبوس زي مانت بتقول وهاقسمها نقط علشان مانتهوش :

اولا المدرسة المصرية انا رأي اننا نستبعدها نتيجة كلامك عن مستواها ( رغم انها تجمع ميزتين مهمين اولا عدم الحاجة للمعادلة وثانيا السعر المعقول )

ثانيا انت بتشكر فى الارقم السؤال هل هي بنات بس ؟ وكما مصاريفها تفصيلا ( مصاريف الدراسة والكتب والباص )

ثالثا انا سمعت ناس كتير بتشكر في المها للبنات هل عندك فكرة عنها وبرضه الاكاديمية الامريكية !!!!!

رابعا المدارس الدولية حقيقة انا مقدرش احكم عليها لاني ماقبلتش حد فيها بس انا مش موافق على فكرة اني احكم على المدرسة من واقع تلميذين فقط خاصة انت عارف احيانا بيكون اتنين في نفس الفصل وواحد بيجاوب وواحد بيروح في حيص بيص

احيرا انا شاكر جدا لردك - واتمنى تقولنا على مصاريف الارقم واي مصاريف مدارس اخرى انت عارفها

واتمني على الاخوة مرة تانية انهم يشاركوا معانا

[Virus]

أنا من خبرتي القليلة في موضوع المدارس ممكن أقول الآتي...

- مدارس المها عليها اتفاق كامل من كل من قابلتهم..منهج بريطاني + التزام + عربي وإسلام..حاجة ممتازة

بالنسبة للمدارس الدولية ..وطبعاً لازم يكون الشغل بيدفع..فهي مستويات

- المستوى الأول فيه دوها كوليج و قطر أكاديمي و DESS و بارك هاوس ودول اصلا شبه مستحيل تلاقي فيهم مكان فاضي

- بعد كده مدارس تختلف في مستواها زي نيوتن وقطر الدولية والخليج والإنجليزية الحديثة وغيرهم

- الشويفات طبعاً منهج منفصل لوحده خاص بالشويفات وده من أقوى المناهج على الإطلاق لدرجة إن الأطفال مبتلحقش تتنفس من كتر ما وراهم شغل

وطبعاً معروف إن المنهج البريطاني منهج ضعيف ويعتمد على تطوير شخصية الأطفال وتنمية مهاراتهم والفرق بيظهر فوي بالذات في الرياضة من أول إعدادي وانت طالع

لكن في ناس ومنهم أنا..شايفين إن المنهج القوي ده مالوش لازمة-على الأقل في ابتدائي- والمهم إن الأطفال تعيش طفولتها وفي نفس الوقت تتطور بس على رواقة من غير شدة

[osmel33]

الأخوة الأفاضل وبالذات الأخ الكريم virus مسألة أن المنهج فى ابتدائي مش لازم يبقى قوى ونقضيها فسح مع العيال الكلام ده مردوده لما يكبروا هايخدوا على المنهج الضعيف فالبتالى مش هاتعرف تظبط الأمور معاهم فى مذاكرتهم وهاياخدوا على الدلع وبالمناسبة أنا شوفت منهج الشويفات برضه ضعيف وعلى فكرة أنا عارف منهجهم اللى بيدرسوه فى مصر وللأسف لقيتهم بيختصروا هنا فيه كتير (على فكرة أنا قديم فى سوق مقارنة المناهج وده كله علشان المحاريس اللى عندى) وعلى فكرة مسألة ضعف المناهج فى دول الخليج واضح أنه مقصود برضه العيال هنا مش واخدة على الكفاح والبهدلة اللى عيالنا بتتبهدلها واللى احن اتبهادلناها قبلهم

الأخ الكريم طالب علم المشكلة ان المدارس فعلاً الدولية واللى بتدرس مناهج بريطانية مثلاً عندى الأرقم للبنات (على فكرة مدرسة بنات فقط وما فيش ليها للأولاد) كانت المحروسة فى KG1 بندفعلها 12500 ريال فى السنة وفى ابتدائى أعتقد 14000 وزود كل سنة حوالى 1500 ريال ده طبعاً بخلاف اليونيفورم

زى ما الأخ الكريم virus قالك ان مهم تكون فى عمل بيوفرلك مصاريف المدارس أو حتى جزء منها (يا ريت يكون جزء كبير شوية)

ويالا ربنا يعينا على تربيتهم وعلى تعليمهم كمان

ملحوظة:

فيه حل تانى بس أنا مش باميل ليه لكنه موجود وفيه ناس بتعمله بتدخل ولادها أى مدرسة خاصة حاجة تكون بسيطة وخلال السنة تدرسلهم المنهج المصرى طبعاً عن طريق الدروس وفى آخر السنة تسجلهم فى إمتحان أبناؤنا فى الخارج ويروحوا يمتحنوا وخلاص على كده (وعلى فكرة امتحان أبناؤنا فى الخارج من الصف الثالث الإبتدائي)

[شاب مصري]

اخواني الاعزاء المصريين المقيمين داخل قطر

انا محتاج خدمة من أي حد منكم

والموضوع يتضمن مشوار بسيط جدا داخل مدينة الدوحة للسؤال عن شئ هام والموضوع بسيط جدا

أي شخص منكم لديه الرغبة في المساعدة في هذا الأمر فليتكرم بارسال رسالة خاصة لي بها ايميله في الماسنجر

شكرا يا حبايب .

[elshafey]

يا جماعة بدل ما انتو بتقولوا عايزين نعمل اتحاد .....عايزين نعمل اتحاد ......عايزين نعمل اتحاد

ما تتقابلوا الاول عشان يفعل الاتحاد ومايبقاش كلام وبس زي ما احنا العرب دايما بنعمل

ورجاء راجعو الرابط ده واعملوا زيه

http://www.egyptiantalks.org/invb/index.php?showtopic=65478

[osmel33]

يا جماعة بدل ما انتو بتقولوا عايزين نعمل اتحاد .....عايزين نعمل اتحاد ......عايزين نعمل اتحاد

ما تتقابلوا الاول عشان يفعل الاتحاد ومايبقاش كلام وبس زي ما احنا العرب دايما بنعمل

ورجاء راجعو الرابط ده واعملوا زيه

http://www.egyptiantalks.org/invb/index.php?showtopic=65478

والله يا اخوانا انا مع الاتحاد ده اللى نادى بيه أخونا amelshafey وياريت نقدم اقتراحات بخصوص الموضوع ده وانا هافكر وأشوف ايه اللى ممكن نعمله وكل واحد فينا يفكر ويقدم اقتراحه وعلى فكرة الموضوع ده مش بس هايخلى انه فيه اتحاد للمصريين فى قطر (على فكرة فيه حاجة اسمها رابطة الجالية المصرية هنا وليها كمان رئيس بس للأسف الشديد الرابطة دى رسمية قوى يعنى مابنشفهومش غير فى المناسبات وفى حضور السفير وللأسف أنا شخصياً ما قدرتش أعرف هما بيعملوا أيه غير أنهم بيلموا فلوس ويدبحوا فى عيد الأضحى :happy: ) فيا ريت نشوف ممكن نعمل أيه وأصدق مثال على تجمع الجاليات هنا افتكروا الهنود والفلبينين اللى عند الفردان (جيش يا خوانا)

[طالب علم]

الاخوة الاحباء

هي عادتنا والا هانشتريها !!! اننا نبدء موضوع بحماس وبعدين نسيبه من نصه وننتقل لموضوع تاني وهكذا لانكمل موضوع الي نهايته wst::

طبعا انا بشكر الاخين العزيزين الي شاركونا بتجاربهم في موضوع المدارس - جزاهم الله خير - ومعلوماتهم كانت مفيدة وقيمة ولكن !!!!!!!! هل هي ده بس كل تجارب المقيمين مع المدارس !!!! هل لايوجد من متابعى المنتدى العاملين بقطر اخرين لهم تجارب مع المدارس

اتمنى من الجميع المشاركة حتى تصبح هناك قاعدة بيانات متكاملة لكل من يهمه هذا الامر

موضوع اللقاء والتجمع - رغم اني مازلت على ارض المحروسة - الا اني ارى انه من افضل الاقتراحات التى طرحت ويمكن تنظيمه تدريجيا عن طريق التجمع الكترونيا في جروب على الفيس بوك مثلا ثم بعدها يتم ترتيب اللقاء الفعلى

[osmel33]

الاخوة الاحباء

هي عادتنا والا هانشتريها !!! اننا نبدء موضوع بحماس وبعدين نسيبه من نصه وننتقل لموضوع تاني وهكذا لانكمل موضوع الي نهايته :lol:

طبعا انا بشكر الاخين العزيزين الي شاركونا بتجاربهم في موضوع المدارس - جزاهم الله خير - ومعلوماتهم كانت مفيدة وقيمة ولكن !!!!!!!! هل هي ده بس كل تجارب المقيمين مع المدارس !!!! هل لايوجد من متابعى المنتدى العاملين بقطر اخرين لهم تجارب مع المدارس

اتمنى من الجميع المشاركة حتى تصبح هناك قاعدة بيانات متكاملة لكل من يهمه هذا الامر

موضوع اللقاء والتجمع - رغم اني مازلت على ارض المحروسة - الا اني ارى انه من افضل الاقتراحات التى طرحت ويمكن تنظيمه تدريجيا عن طريق التجمع الكترونيا في جروب على الفيس بوك مثلا ثم بعدها يتم ترتيب اللقاء الفعلى

الأخ الفاضل طالب علم الكلام اللى اتقال عن المدارس اعتقد كافى أنك تكون كونت صورة واضحة للوضع هنا وإذا كان ليك أى استفسارات اكتبهم وأنا والأخوة الأفاضل إن شاء الله هانجاوبك عليها وباستفاضة كمان وأعتقد أنا قولتلك فى ملخص كده عن مستوى المدارس من (المصرية - المستقلة - الدولية) انت عايز ايه تانى يا راجل ياطيب الحاجة الوحيدة اللى ما قولتهاش المدارس الحكومية والمدارس دى أصلاَ غير متاحة إلا للقطريين أو العاملين فى جهات حكومية وللأسف ضعيفة جداً حتى القطريين ما باقوش يودوا ولادهم فيها (كانت زمان كويسة) وطبعاً دى مصاريفها حاجة ببلاش كده :lol: ، أما بخصوص الكتابة للموضوع لنهايته أنا معاك أسأل بس أنت وأحنا حاضرين

[Abu Reem]

الاخوة الاحباء

هي عادتنا والا هانشتريها !!! اننا نبدء موضوع بحماس وبعدين نسيبه من نصه وننتقل لموضوع تاني وهكذا لانكمل موضوع الي نهايته

طبعا انا بشكر الاخين العزيزين الي شاركونا بتجاربهم في موضوع المدارس - جزاهم الله خير - ومعلوماتهم كانت مفيدة وقيمة ولكن !!!!!!!! هل هي ده بس كل تجارب المقيمين مع المدارس !!!! هل لايوجد من متابعى المنتدى العاملين بقطر اخرين لهم تجارب مع المدارس

اتمنى من الجميع المشاركة حتى تصبح هناك قاعدة بيانات متكاملة لكل من يهمه هذا الامر

موضوع اللقاء والتجمع - رغم اني مازلت على ارض المحروسة - الا اني ارى انه من افضل الاقتراحات التى طرحت ويمكن تنظيمه تدريجيا عن طريق التجمع الكترونيا في جروب على الفيس بوك مثلا ثم بعدها يتم ترتيب اللقاء الفعلى

الأخ الفاضل طالب علم الكلام اللى اتقال عن المدارس اعتقد كافى أنك تكون كونت صورة واضحة للوضع هنا وإذا كان ليك أى استفسارات اكتبهم وأنا والأخوة الأفاضل إن شاء الله هانجاوبك عليها وباستفاضة كمان وأعتقد أنا قولتلك فى ملخص كده عن مستوى المدارس من (المصرية - المستقلة - الدولية) انت عايز ايه تانى يا راجل ياطيب الحاجة الوحيدة اللى ما قولتهاش المدارس الحكومية والمدارس دى أصلاَ غير متاحة إلا للقطريين أو العاملين فى جهات حكومية وللأسف ضعيفة جداً حتى القطريين ما باقوش يودوا ولادهم فيها (كانت زمان كويسة) وطبعاً دى مصاريفها حاجة ببلاش كده ، أما بخصوص الكتابة للموضوع لنهايته أنا معاك أسأل بس أنت وأحنا حاضرين

[Abu Reem]

بسم الله والصلاة والسلام على رسول الله

بداية أحيي جميع الإخوة في هذا المنتدى ، وكل الشكر للمستشار محمد ، على هذه المبادرة الطيبة،،، وأتشرف بأن أنضم لهذا المنتدى وأن يكون هذا أول موضوع لي:

بخصوص موضوع المدارس الذي سأل عنه الأخ طالب علم ،،، عن المدارس بقطر ،، وأعتقد أن هذا الموضوع بالإضافة إلى موضوع السكن والإنتقالات في قطر هي من أهم المواضيع التي تهم الكثيرين الذين يعملون بالدوحة الأن أو الذين يريدون الحضور للعمل بها.

أنا لي تجربة حول المدارس بقطر بصفتي أب ل 3 بنات بالإضافة إلى أنني كنت أعمل بالتدريس سابقا بمصر ، ولكن الان مجال عملي مختلف تماماً

المهم أنا كنت أعمل بالرياض منذ فترة طويلة قبل أن أتي للعمل بقطر منذ أكثر من سنة و3 أشهر ،،،

في البداية نظرا لحضوري في وقت قبل بدء الدراسة بشهر ونصف لم أجد خيارات متعددة ، وبالعافية وجدت أمكان لبناتي الثلاثة بمدرسة الدوحة أكاديمي بمنطقة المعمورة،،، ولكن هذا العام أخرجتهم من الدوحة أكاديمي ( عالمية) وأدخلتهم مدرسة مستقلة حيث أن عملي شبه حكومي مما يتيتح لي بتسجيهلم في المستقلات. وطبعا تعتبر المصاريف صفر ( 150 ريال )

- بحسبة بسيطة حيث أن أطفالي بنات وليس ذكور ( وفي هذا فرق) فرأيت أن ما يدفع في المدارس العالمية التي يتراوح سعرها من 5000 إلى 15000 لا تستحق أبدا هذه المبالغ التي تدفع فيها مقارنة بما يقدم فيها من مستوى تعليمي

المدارس التي فوق 15000 قد يكون بعضها مستواه من متوسط إلى جيد جدا وطبعا هذه المدارس قليلة جدا وقد لا تجد فيها أماكن أو قد لا يقبلوا أولادك في المدرسة.

- الفرق بين المستقلة والمدارس الدولية في عدة أشياء فلهذه مميزات ولتلك مميزات والعكس

- التجهيزات والنظام والمعامل والمكتبة وصالات الرياضة والكومبيوتر ، أشياء لا تتواجد في معظم المدارس الدولية باستثناء التي تكون رسومها 20000 ريال

- إذن التعليم الجيد = مدرسة مصاريفها 20000 في السنة للمرحلة الابتدائية للطفل الواحد × 6 سنوات = 120.000 ريال

- 120000 بالجنيه تساوي الآن 180.000 جنيه مقابل ماذا ؟؟؟ مقابل تعليم جيد + لغة ،،، السؤال هل التعليم الجيد + اللغة لا يتوافر إلا بهذه الأرقام الفلكية ؟؟؟ الإجابة أنه العديد من المدارس في مصر أو أي بلد أخر يحصل الطالب فيها هذا المستوى دون دفع كل هذه المبالغ التي لو وفرناها للطفل بعد تخرجه من أي مدرسة معقولة ستكون أفيد له لأنه قد يحصل على التعليم الجيد واللغة ولكنه قد يجلس لا يجد فيه عمل كغيره الكثيرين الذين يمتلكون اللغة والعلم والمؤهل ولا يجدون شغل ، ويعدين لا يستطيعوا الإنفاق أو الجواز

- إذن هي حسبة شائكة لها العديد من الجوانب لأن هذه المبالغ ليست سهلة وأنا أرى أن العديد من المدارس العالمية لا تساوي أبدا هذه المبالغ التي تدفع لها مقابل شوية لغة زيادة بيتعلمها الولد أو البنت

(( على العموم هذا يكفي الأن وانا على استعداد لأي سؤال في قدر استطاعتي أن أجاوب عليه سواء عن ظروف المعيشة في قطر أو في السعودية حيث قضيت بها سنوات عديدة ))

ولكن تحياتي ،،، (( أبو ريم ))