محاورات المصريين (( بقطر))

[alaa elshafiey]

السلام عليكم ورحمه الله

اخوكم ابو جاسر مهندس جديد في قطر الخير

تقبلو مروري

منور الدوحة والمنتدى كلة وأهلا بيك كصديق لنا

[Abu Reem]

كل عام وانتم بخير يا رجالة ،،،،

معلش اللحمة كانت كابسة زي ما الزعيم قال ،،،،

وألف مرحبا بالأعضاء الجدد ونرجوا منهم دوام التواصل ،،،،،

وسلم لي على اليوم الوطني ،،،، وعلى غلق طريق الكورنيش بدون داعي إلى الساعة 12 ،،،،

[osmel33]

بصوا يا رجالة أنا نويت والنية لله أنى اعمل توبيك كده يكون فيه صور من الدوحة بخاصة كورنيش الدوحة علشان الراجل ده عزيز على

ماتبصوش بعيد أنا باكلم عن الكورنيش مروراً بفترة عيد الأضحى وصولاً للعيد الوطنى ماشى يا شباب بس معلش يمكن نتأخر شوية علشان فيه صور هاخدها من فيديو وفيه صور هاصغر حجمها شوية لأنى عندى كاميرا فيديو مستقوية شوية برزوليوشن عالى حبتين فهحاول أقلله ماشى يا شباب بس عايزين تشجيع كده وتصفيق حاد زى الراجل ده وهاحاول أخلى حدوتة مغامرات علاء الدين اللى هو أنا ومعاى الفاموليا فى اليوم الوطني على حلقات علشان الضغط....

أنتظظظظظظظظظرونا ....

[alaa elshafiey]

انا مستنى أهوووووووووووووووووووووووووووووووووووووووووووووووووووووووووووووووووووووووووووووو

وووووو يا زعيم

وبجد فكرة حلوة موت وبجد انت راجل زاى الفل

وانا يأخى بعزك من غير ما أشوفك انت

[أبو جاسر]

الله يبارك فيكم يا رجاله وشكرا عالترحيب.......

[osmel33]

على ما الإنترنت يرجع لحالته الطبيعية :wub:

أنتظظظظظظظظظرررررررررررونا..... :lol:

[osmel33]

عقبال ما موضوع الانترنت يتحل ونعرف نعمل أبلوود للصور ممكن نحكى واقعة اليوم الوطني :lol: ونبتدى الحكاية من الأول علشان الناس تعرف قد ايه الواحد عانى فى اليوم ده أنا عرفت أنهم هايعملوا عرض عسكرى :lol: الصبح بدرى فقعدت قبلها بيومين أجيب الخرايط :) علشان أعرف هايقفلوا أيه :stop: وهايفتحوا أيه وطبعاً أماكن المواقف وكان العرض هايبتدى فى تمام الساعة التاسعة فعملت نوبة صحيان للولاد وقرف :wub: على الصبح الساعة سبعة tot:: طبعاً علشان نلحق نجهز السندوتشات والمشروبات والذي منه وطبعاً لكم أن تتخيلوا ولادى كان شكلهم عامل إزاى خاصة أنهم فى إجازة وما بيناموش إلا قرب الفجر طبعاً العيال قامت مش شايفة حاجة قدامها وقعدت تخبط فى بعضها علشان يدخلوا حمام واحد وكل واحد منهم مصر عليه على الرغم من أن عندى ثلاث حمامات بس ماشى هانقول تهييس على الصبح وطبعاً المقروضة الصغيرة :lol: يا بابا مش عايزة أصحى يابنتى أصحى ده فيه حركات كويسة النهاردة يا بابا لأ طيب هانسيبك مع الأشكيف وجمايكا wst:: "ولاد أمنا الغولة وأبو رجل مسلوخة على أيامنا" واللى بنتى بقت متصاحبة عليهم طبعاً هيهات المهم بعد طلوع الروح قامت لما أمها قالتلها عملتلك كوكو بوبس يا حبيبتى "حاجة كده بنى بيتحط عليها لبن" كوكوبوبس ؟ cr((: أنا اللى عمال أحايلها ساعة علشان تصحى يجى الحاج كوكو يصحيها من أول هزة المهم بعد الإصطباحة الحلوة دى نزلنا وركبنا العربية وطلعنا على الكورنيش

يتبع...

[osmel33]

طبعاً الكورنيش كان تحفة المهم لقينا طبعاً الكورنيش مقفول من :stop: دوار الديوان لحاد دوار الشيراتون وده كان زاى الخرايط اللى معايا ما قالت وأنا جاى من جهة دوار الديوان ركنت العربية فين فى مدخل اللسان اللى قدام دوار الديوان وسيبناها ودخلنا على المشى طبعاً لقينا هوجة كبيرة وبشرية أسيوية كتيرة أتريهم كانوا مانعين دخول العزاب المهم قعدنا ماشين جنب الشط لغاية أما بقينا تقريباً قبل حديقة البدع "مكان العرض" ولقينا بقى عرض مشاة وعرض عربيات من أيام الريال الجبس أقصد الروبية الجبس وبعدين شوية عربيات عسكرية على دبابات وبعدين عرض طائرات كان أكثر من تحفة بصراحة وعرض بحرى بالمركبات البحرية وعملية تخليص سفينة من مختطفين شغل على مية بيضة فكروني بموشن أمبوسيبول :knight: وأنتهى العرض بعرض لمراكب الصيد القديمة وكانت برضه تحفة المهم بعد العرض الولاد طبعاً جاعوا وعملوا زى آكلى لحوم البشر فى أكثر الأفلام رعباً :danger: طيب يا حبايبى هانروح العربية ونشوف مكان على الشط ناكل فيه وخير اللهم أجعله خير ننوسة عين بابتها المرة دى زغرتلى حتة زغرة mc:

مع شهيق جامد وزفير مخيف فى صورة أأأأأييييييييييييييـــــــــــــــــــــه "نظام نعم يا دلعدى وكلام من

ده" أحنا هانمشي تانى ؟ قولتلها يا حبيبتى ماهو مافيش حل إلا المشى طب شيل أنا قعدت أبص حولى وأقول مين اللى يشيل ؟ ويشيل أيه ؟ عملت نفسى صيني chn: ومش فاهم قالتلى أنت شيلنى... مين ؟ ليه ؟ ... وطبعاً للأسف الشديد مارست صلاحياتى وديكتاتورياتى وفى الأخر شيلت المقرودة على اكتافى وطبعاً تخيلوا شايلها من أول حديقة البدع لغاية اللسان اللى عند الديوان الأميرى وقابلت أحد أفراد "لخويا" وقولتله والنبي يا خويا هو الطريق هايتفتح على طلول قاللى طبعاً وبثقة شديدة وهايبقى فى عروض على الكورنيش وعرض فى المسا فيروركس وكلام من ده قولتله طيب الله يطمنك روحنا فطرنا وأنبسطنا وشربنا شاي كرك طبعاً وبعدين قولنا نروح البيت نريح شوية من معركة المشي اللى حصلت دى وبعدين ننزل تانى على العصر وكان الكلام ده الساعة 2 تقريباً وهنا كل شيء تمام التمام

وبعدين نزلنا تانى وهنا بقى المعركة اللى بحق وحقيق والقصة اللى محتاجة وصف تفصيلى واللى يحبنا ما يضربش نار

أنتظرونا....

[طنطاوي]

أهلاً بكم جميعاً

أنا لسه جديد بقطر منذ ما يقرب من اسبوع

محتاج أستخرج رخصة دولية لان الاقامة محتاجة وقت على ما تطلع وانا محتاج سيارة والرخصة المصرية معايا

في حل ولا لازم انتظر لحد ما الاقامة تطلع

بارك الله فيكم

وسلامي للباش مهندس الكبير اسامة

[osmel33]

أهلاً بكم جميعاً

أنا لسه جديد بقطر منذ ما يقرب من اسبوع

محتاج أستخرج رخصة دولية لان الاقامة محتاجة وقت على ما تطلع وانا محتاج سيارة والرخصة المصرية معايا

في حل ولا لازم انتظر لحد ما الاقامة تطلع

بارك الله فيكم

وسلامي للباش مهندس الكبير اسامة

أزيك يا سيد محمد الشهير بطنطاوى للأسف الشديد الرخصة الدولية حتى لو جايبها من مصر ماتمشيش مع نوع التأشيرة أنها إقامة لكن أيه حكاية أن الإقامة

محتاجة وقت الإقامة كبيرها أسبوع وتخلص

[alaa elshafiey]

والله فعلا مش عارف اقوللك اية غير انى بجد حاسس انى كونت معاك انت بتحكى بطريقة جامدة جدا ااااااااااااااااااااااااااااااااا :D

بجد ربنا يخليك أولادك يارب وانت أب طيب ليهم وبجد بنتك الصغيرة ربنا يخليها ليك وتفضل تشليها كدة على طول

وانا منتظر بقية الحكاية وانت راجل بجد جميل :)

[alaa elshafiey]

أبو ريم ازيك عامل اية يا رجل ياطيب يأخى طمنا عنك واخبار الحياة والدنيا عاملة معاك اية

[Abu Reem]

أخي طنطاوي

حاول ان الاقامة تخلص بسرعة لان عن طريقها تستطيع ااشتراك في مدرسة تعليم القيادة لان عن طريقهم تستطيع النجاح في امتحان الرخصة وهذا هو الحل الوحيد السريع للأسف لكنه يأخذ شهور إلا اذا عندك واسطة لتحديد موعد قريب في مدرسة تعليم القيادة

أخي ( أسامة ) الزعيم

نحن في انتظار باقي مغامراتك في اليوم الوطني ،،، ولا داعي لموضوع الصور لأنه يأخذ وقت ، وبصراحة اسلوبك أحسن من أي صور ،،، ده انت بصراحة احسن من اسامة انور عكاشة ،،، في انتظار الحلقة الثانية سريعا

[Abu Reem]

أبو ريم ازيك عامل اية يا رجل ياطيب يأخى طمنا عنك واخبار الحياة والدنيا عاملة معاك اية

أخي الحبيب علاء

كل عام وانت بخير ،،، وأشكرك كثيرا على السؤال ،، بصراحة جالي إحباط لأن الحماس هبط في موضوع اللقاء ،،، واتمنى بأن ألتقي بناس محترمة زيكم ،، على العموم أنا في انتظار اقتراحكم بموعد قريب وكل واحد حسب ظروفه ، ودائما الطلعة الاولى بتبقى صعبة

[osmel33]

أبو ريم ازيك عامل اية يا رجل ياطيب يأخى طمنا عنك واخبار الحياة والدنيا عاملة معاك اية

أخي الحبيب علاء

كل عام وانت بخير ،،، وأشكرك كثيرا على السؤال ،، بصراحة جالي إحباط لأن الحماس هبط في موضوع اللقاء ،،، واتمنى بأن ألتقي بناس محترمة زيكم ،، على العموم أنا في انتظار اقتراحكم بموعد قريب وكل واحد حسب ظروفه ، ودائما الطلعة الاولى بتبقى صعبة

الأخ العزيز جداً (نائب رئيس التجمع سابقاً وكبير اليوران حالياً) أبو ريم أياك تحبط من اللقاء هايحصل أن شاء الله بس هاتلاقى اليومين دول الناس عندها نهاية سنة وتقفيل ميزانية وكلام من اللى بيقولوه فى آخر كل سنة ده أن شاء الله هانتجمع وممكن نتفق على نهاية الأسبوع اللى جاي خميس جمعة أى حاجة ويكون الناس اللى مسافرة رجعت كمان

[osmel33]

أخي طنطاوي

حاول ان الاقامة تخلص بسرعة لان عن طريقها تستطيع ااشتراك في مدرسة تعليم القيادة لان عن طريقهم تستطيع النجاح في امتحان الرخصة وهذا هو الحل الوحيد السريع للأسف لكنه يأخذ شهور إلا اذا عندك واسطة لتحديد موعد قريب في مدرسة تعليم القيادة

أخي ( أسامة ) الزعيم

نحن في انتظار باقي مغامراتك في اليوم الوطني ،،، ولا داعي لموضوع الصور لأنه يأخذ وقت ، وبصراحة اسلوبك أحسن من أي صور ،،، ده انت بصراحة احسن من اسامة انور عكاشة ،،، في انتظار الحلقة الثانية سريعا

تعقيب بسيط لحبيبي أبو ريم دلوقت مدرسة الراية بتاخد 150 ريال زيادة وبينزلوا المتدرب من تانى يوم على طول مابقاش فيه الحاكاوى القديمة بتاعة زمان واللى احنا عانينا منها انك تستنى شهور علشان تبداً الحصص لأ ولو انت جايب الرخصة من مصر المرور بيعملك حاجة اسمها فحص رخصة وممكن يقوله امتحن على طول أو ياخد 12 حصة بتقريباً 1250 ريال فى الراية وبعدين يمتحن والإمتحانات بقت على طول المشكلة بس لو حد طب فى الإمتحان فبيبعتوه شهر ولا حاجة بس من المدرسة نفسها ممكن يكلم المدير ولا حاجة يحاول يزقه فى امتحان قريب

بخصوص الصور أنا بس نزلت منها شوية بس على موقع استضافة صور بس طبعاً لما حصل اللى حصل الدنيا بقت توقع كتير وبصراحة انا هانزل الصور علشان لي حبايب سابوا قطر من فترة وحابين يشوفوا بقت أيه دلوقت وبالذات الكورنيش وعلشان الناس المبختة اللى قعدت فى البيت فى احتفالية اليوم الوطنى يشوفوا ايه اللى حصل

[أبو جاسر]

السلام عليكم ورحمه الله

الاخوه الكرام المشاركون

تحيه طيبه ونسال الله لكم جمعيا دوام الصحه والعافيه

عندي رئى ياريت تتقبلوه انشاء الله

انا قريت الموضوع ده من الاول وبصراحه استفدت كثيرا من الاساله والاجابات التي تمت عن قطر واحوال قطر بالنسبه لينا كمصرين

لكن مؤخرا لاحظت انه تحول الي منتدي شبيه بالشات

سؤال عن الاحوال ( وان كان ده مش مشكله ) وسرد لقصص حدثت وصور

الحقيقه انا لا اري اي فائده من ه>ا الكلام قد تعود علينا كمغتربين في قطر

ارجو العوده لحاله الموضوع عند بدايته من اساله واجابات تكون عونا لنا ولكل مصري مغترب في قطر

كتلك الاساله التي تفضل مشكورا الاخ المستشار محمد نبيل بالاجابه عليها في بدايات الموضوع

وتقبلو تحياتي

اخوكم ابو جاسر

[osmel33]

السلام عليكم ورحمه الله

الاخوه الكرام المشاركون

تحيه طيبه ونسال الله لكم جمعيا دوام الصحه والعافيه

عندي رئى ياريت تتقبلوه انشاء الله

انا قريت الموضوع ده من الاول وبصراحه استفدت كثيرا من الاساله والاجابات التي تمت عن قطر واحوال قطر بالنسبه لينا كمصرين

لكن مؤخرا لاحظت انه تحول الي منتدي شبيه بالشات

سؤال عن الاحوال ( وان كان ده مش مشكله ) وسرد لقصص حدثت وصور

الحقيقه انا لا اري اي فائده من ه>ا الكلام قد تعود علينا كمغتربين في قطر

ارجو العوده لحاله الموضوع عند بدايته من اساله واجابات تكون عونا لنا ولكل مصري مغترب في قطر

كتلك الاساله التي تفضل مشكورا الاخ المستشار محمد نبيل بالاجابه عليها في بدايات الموضوع

وتقبلو تحياتي

اخوكم ابو جاسر

الأخ الكريم أبو جاسر أنت لو لاحظت أن الجزء ده من المنتدى هو لحوارات المصريين فى الدوحة وطبعاً أكيد أن مش كل الحوارات بتكون جادة لأن اللى هايحصل أن كل الأمور الجادة هاتخلص والتوبيك ده هايروح فى طى النسيان لأن طبعاً لو مادخلناش واتكلمنا فيه هايتراجع وأنا لما اتكلمت على موضوع الصور فى الدوحة عملتلها توبيك خاص بيها علشان دى بقى صور توضح معالم الدوحة ودى خارج المواضيع الجادة لف كده لفة ويمكن فى منتديات كندا هاتلاقى ده الطبع الغالب بس علشان يخلوا التوبيك فى المقدمة وأنه فعال وبالطبع أى طرح جاد فى التوبيك كل الموجودين بيكونوا فى منتهى الجدية وشكراً

[أبو جاسر]

[

الأخ الكريم أبو جاسر أنت لو لاحظت أن الجزء ده من المنتدى هو لحوارات المصريين فى الدوحة وطبعاً أكيد أن مش كل الحوارات بتكون جادة لأن اللى هايحصل أن كل الأمور الجادة هاتخلص والتوبيك ده هايروح فى طى النسيان لأن طبعاً لو مادخلناش واتكلمنا فيه هايتراجع وأنا لما اتكلمت على موضوع الصور فى الدوحة عملتلها توبيك خاص بيها علشان دى بقى صور توضح معالم الدوحة ودى خارج المواضيع الجادة لف كده لفة ويمكن فى منتديات كندا هاتلاقى ده الطبع الغالب بس علشان يخلوا التوبيك فى المقدمة وأنه فعال وبالطبع أى طرح جاد فى التوبيك كل الموجودين بيكونوا فى منتهى الجدية وشكراً

الأخ العزيز

اشكرك جدا عالرد وانشاء الله يبقي التوبك ده زي مانت قلت مكان يجمع الاخوه مع بعض

[osmel33]

يا مرحب بيك تانى يا اخ أبو جاسر وأنت أى استفسار أو أية حاجة عايز تعرفها أحنا حاضرين أن شاء الله