محاورات المصريين (( بقطر))

[osmel33]

و حابة انقلة مدرسة تانية تكون لغات برضة بس فية رقابة عل الولاد من ناحية السلوك

معلش يا ام بودى بس فيه كلمة محشورة فى زورى وماقدرتش اكتمها اغلب المدارس الإنترناشونال آخر حاجة تسألى عليها السلوك

[alaa elshafiey]

صباح الخير مستر اسامة

صباح سعيد على حضرتك

خبرتك فى الدوحة لزم تكون سفير بقة مش هينفع كدة بجد

[osmel33]

صباح الخير مستر اسامة

صباح سعيد على حضرتك

خبرتك فى الدوحة لزم تكون سفير بقة مش هينفع كدة بجد

صباح مبارك عيلاء ولا بلاش مبارك دى هايبقى مبارك وعيلاء مع بعض :lol: صباح النور يا عيلاء

تم تعديل 26 مارس 2009 بواسطة osmel33

[Aboraiamba]

لازم كده كده تروح تشتكيه فى مكتب العمل عشان اثبات الحق ولو الموضوع اتصعد ممكن تروح لجنة حقوق الإنسان القطرية

ودى بتساعد كتير فى المواضيع اللى زى كده

شكرا على الرد

ولكن اريد ان استوضح ما هى المسئولية القانونية الواقاعة على عاتقى فى هذه المسأله

[ام بودى]

اخى الكريم افهم من كلامك وفى عدة نقاط الاتى.1. المصرية للغات علم قوى بس مالهومش دعوة بالسلوك تعليقى: من ناحية الستوى التعليمى المدرسين مستواهم كتربويين مش اد كدة ولو هيفت كام يوم من غير ماذكرلة اول باول الاقية مش عارف حاجة يعنى الولد كويس من البيت امال هما بيعملو اية واذا كان دا الحال وهو لسة صف اول امال فى الشهادات حنعمل اية يبقى فين العلم القوى. 2.حضرتك نزلت ولادك مصر عشان بتعلمو صح طيب لية طالما بتقول المصرية تعليمها قوى وبشهادة الناس تجاربهم تعليقى : سيدى الفاضل صدقنى التعليم فى مصر الان فى اسوأ صورة مهما كانت المدرسة لانها منظومة عامة فاشلة تحكم النظام التعليمى واحنا الحمد للة جات لنا فرصة ننفد بولادنا من هذا النظام الفاشل تقوم تبعتهم هناك ناهيك عن السلوكيات التى لا يتصورها عقل ان تصدر فى المدارس والحوادث اللى بنسمع عنها لا لا انا مش حودى عيالى مدارس فى مصر الا اذا سبنا هنا ونزلنا 3.حضرتك بتقول اخر حاجة السلوك فى المدارس الدولية طب امال اية ميزتها بقى طالما مبيهتموش بالعلم وكمان السلوك اخر حاجة]. 4. انا فعلا مش عاوزة اخلى اولادى كل واحد فى مدرسة طب لو وديت البنت الارقم ودى بيشكرو فيها اودى الولد فين ولا اخليهم مع بعض. 5 . سمعت ان هم حيفتحو ارقم بنين هل دة كلام مضبوط وكمان سمعت ان الاندلس وهى مدرسة بيشكروا فيها حتبقى لغات برضة عاوزة اعرف مدى صحة هذا الكلام

[osmel33]

واحدة واحدة عليا يا ام بودى هاقولك والله وهاردلك على كل حاجة

. المصرية للغات علم قوى بس مالهومش دعوة بالسلوك تعليقى: من ناحية الستوى التعليمى المدرسين مستواهم كتربويين مش اد كدة ولو هيفت كام يوم من غير ماذكرلة اول باول الاقية مش عارف حاجة يعنى الولد كويس من البيت امال هما بيعملو اية واذا كان دا الحال وهو لسة صف اول امال فى الشهادات حنعمل اية يبقى فين العلم القوى.

العلم اللى اقصده المنهج بالذات الماس والساينس وهنا فيه مدارس واخده المنهج ده وبتدرسه زى مدرسة النور

وأنا ماتكلمتش على المدرسين المدرسين قلة منهم تربويين وفاهمين والباقى معاهم بالكتير محو أمية

وعلى فكرة أنا مرة اقترحت على المستشار العمالي هنا لأنه معرفة قديمة من مصر أن أحنا نزود المصاريف شوية

والزيادة دى تروح بالكامل للمدرسين بس بشرط ان كارايتيريا اختيار المدرسين احنا اللى نحطها أو اللى من أولياء

الأمور تربويين وطبعاً الموضوع ده اترفض وقاللى ده لما حصل ت زيادة فى ميت ريال الأهالى جوم حصروا السفارة

انتى عارفة المدرسين رواتبهم كام ؟ أقولك انا المدرس اللى هو مؤهل كبيره 4500 ريال شامل السكن يبقى

ده مدرس محترف ولا حتى مدرس من أصله

2.حضرتك نزلت ولادك مصر عشان بتعلمو صح طيب لية طالما بتقول المصرية تعليمها قوى وبشهادة الناس تجاربهم تعليقى : سيدى الفاضل صدقنى التعليم فى مصر الان فى اسوأ صورة مهما كانت المدرسة لانها منظومة عامة فاشلة تحكم النظام التعليمى واحنا الحمد للة جات لنا فرصة ننفد بولادنا من هذا النظام الفاشل تقوم تبعتهم هناك ناهيك عن السلوكيات التى لا يتصورها عقل ان تصدر فى المدارس والحوادث اللى بنسمع عنها لا لا انا مش حودى عيالى مدارس فى مصر الا اذا سبنا هنا ونزلنا

أنا من الفقرة اللى فاتت قولت الفشل فين والولاد فى مصر فى مدرسة الفيوتشر ودى بتدرس اللغات وبتدرس

منهج آى جي وبيتبعوا منظومة تعليمية راقية وهى مدرسة غالية مش رخيصة فالبتالى تخرج من منظومة

المدارس الحكومية أو الخاصة الفاشلة

3.حضرتك بتقول اخر حاجة السلوك فى المدارس الدولية طب امال اية ميزتها بقى طالما مبيهتموش بالعلم وكمان السلوك اخر حاجة].

نقص العلم بالذات فى الماس والساينس فى المدارس دى نابع أن المنهج كده هايعملوا فيه أيه ؟

السلوك بقى حدثى ولا حرج لأن أغلب المدارس دى مختلطة زى المصرية بس مصيبتها أن العيال

اللى فيها مرفهين قوى بالتالى هاتلاقى سلوكيات النوع ده من العيال يعنى نظام البوى فريند والجيرل فريند

عادى خالص مش اللى بيدرسولهم أجانب ؟ وطبعاً الأجازات فى الكريسماس اساسى ويمكن أنتى قريتى

فى الجرايد أنهم بيعلموهم ان الخنزير ده حيوان لطيف ومافيش حاجة أبداً

أنا عندى مشكلة مع ابنى الصغير بيشتم بالإنجليزى وطبعاً من اللى بيسمعه فى الأفلام ولما بناقشه

فى الموضوع ده الواد ضليع وبيقنعنى مش هو يابابا المفروض الشتيمة بتبقى بالعربي ؟ يعنى دى مش شتيمة :unsure: :sad: :ninja:

تخيلى بقى ان الموضوع ده طبيعى جداً جداً جداً فى المدارس الإنترناشونال انتى بتتكلمى فى أيه

احنا يا ستى اللى دقة قديمة

4. انا فعلا مش عاوزة اخلى اولادى كل واحد فى مدرسة طب لو وديت البنت الارقم ودى بيشكرو فيها اودى الولد فين ولا اخليهم مع بعض.

5 . سمعت ان هم حيفتحو ارقم بنين هل دة كلام مضبوط وكمان سمعت ان الاندلس وهى مدرسة بيشكروا فيها حتبقى لغات برضة عاوزة اعرف مدى صحة هذا الكلام

الأرقم تحفة وأنا ومراتي اتعرفنا على مدرسة أمريكية "مسلمة طبعاً" اسمها كيلسي بس بصراحة حكاية

وبنتى عملولها امتحان بصراحة يدل على حرفيتهم وكانت بنتى داخلة كى جي وان يعنى مش مرحلة

متقدمة بس لما سألتهم على الأولاد قالولى مافيش وطبعاً حتى لو هايبقى فيه هما هنا بيحبوا

يبتدوا الحدوتة من أولها يعنى هايبتدوا من المراحل الأولى كي جي يعنى

الأندلس انا اعرف ان فيه مدرسة حكومة بالأسم ده وهل ده متاح ليكى ولا لأ اللى اعرفه ان الحكومة

وبعض المستقلات بتاخد من المقيمين اللى بيشتغلوا بس فى الحكومة

حتى لو ده متوفر عندك انا مانصحكيش خالص .. مستوى تعليمى برمته تعبان

من فترة كانوا عملوا تقييم دولى للمدارس المستقلة ومنها المدرسة اللى بيسموها العلمية والتقييم

ده كان للولاد فى العقدتين الماس والساينس وكانت فضيحة كله دون المستوى وكانت فضيحة فى الجرايد

عشان كده هما بيراجعوا موضوع المستقلات ده والتعليم كله

دومتى بخير ومستنى ردك

تم تعديل 26 مارس 2009 بواسطة osmel33

[الابنوسة]

السلام عليكم

أزي كل المقيميين من المصريين في قطر

وكل سنة وانتو طيبين

اية حكاية نقص الشغل دي انا مهندسة مدنية مقيمة بقالى سبعة شهور بدور على شغل بعتت السى في بس مش لاقية كل شوية عشان الازمة الاقتصادية هو خلاص هو في اية بجد ارجع مصر احسن ولة اية .........عايزة رايكم .......لو قلتلولى أشتغل مدرسة ما انفعيش اشتغل مدرسة لاسباب تخصني أشتغل

يلا اشوفكم بخير وبألف صحة وبدعيلكم كلكم ربنا يوفقكم في غربتكم دة الغربة صعبة اوى فعلا يارب في ساعة البرق و المطر الآن يرزقكم ويطمعكم من فضله والسلام

تم تعديل 29 مارس 2009 بواسطة الابنوسة

[osmel33]

السلام عليكم

أزي كل المقيميين من المصريين في قطر

وكل سنة وانتو طيبين

اية حكاية نقص الشغل دي انا مهندسة مدنية مقيمة بقالى سبعة شهور بدور على شغل بعتت السى في بس مش لاقية كل شوية عشان الازمة الاقتصادية هو خلاص هو في اية بجد ارجع مصر احسن ولة اية .........عايزة رايكم .......لو قلتلولى أشتغل مدرسة ما انفعيش اشتغل مدرسة لاسباب تخصني أشتغل

يلا اشوفكم بخير وبألف صحة وبدعيلكم كلكم ربنا يوفقكم في غربتكم دة الغربة صعبة اوى فعلا يارب في ساعة البرق و المطر الآن يرزقكم ويطمعكم من فضله والسلام

وعليكم السلام ورحمة الله وبركاته الأخت العزيزة

والله انتى فعلاً جايه فى وقت أزمة خانقة وبالذات فى القطاع الهندسي

والمشكلة أن أغلب الشركات هنا بتفضل تشغل مهندسين ذكور علشان المرمطة

فطبعاً انتى هاتشتغلى فى مكتب استشارى ودول طبعاً قلة بس خلينى هاسألك

ابن عمى هو سايت انجينير فى شركة إذا كانوا محتاجين حد مع الإستشاريين

اللى بيشتغلوا معاهم

تم تعديل 29 مارس 2009 بواسطة osmel33

[طالب علم]

عليكم السلام ورحمة الله وبركاته الأخت العزيزة

والله انتى فعلاً جايه فى وقت أزمة خانقة وبالذات فى القطاع الهندسي

والمشكلة أن أغلب الشركات هنا بتفضل تشغل مهندسين ذكور علشان المرمطة

فطبعاً انتى هاتشتغلى فى مكتب استشارى ودول طبعاً قلة بس خلينى هاسألك

ابن عمى هو سايت انجينير فى شركة إذا كانوا محتاجين حد مع الإستشاريين

اللى بيشتغلوا معاهم

والله ياخي كل مادخل في التوبك بتاع المصريين في قطر كل مااحس ان بحب بلدي قوي وولاد بلدي اللي كلهم خير وشهامة ومابيبخلوش على حد بالجهد والمعلومة ربنا يبارك فيكم جميعا ويحفظكم ويجازيكم كل خير

[osmel33]

والله ياخي كل مادخل في التوبك بتاع المصريين في قطر كل مااحس ان بحب بلدي قوي وولاد بلدي اللي كلهم خير وشهامة ومابيبخلوش على حد بالجهد والمعلومة ربنا يبارك فيكم جميعا ويحفظكم ويجازيكم كل خير

الله يبارك فيك يا أخى الكريم أنت فينك من زمان ؟

[ام بودى]

نقص العلم بالذات فى الماس والساينس فى المدارس دى نابع أن المنهج كده هايعملوا فيه أيه ؟

السلوك بقى حدثى ولا حرج لأن أغلب المدارس دى مختلطة زى المصرية بس مصيبتها أن العيال

اللى فيها مرفهين قوى بالتالى هاتلاقى سلوكيات النوع ده من العيال يعنى نظام البوى فريند والجيرل فريند

عادى خالص مش اللى بيدرسولهم أجانب ؟ وطبعاً الأجازات فى الكريسماس اساسى

اخى الكريم الاستاذ اسامة صباح الخير ان شااللة تكون فى احسن حال .. هل الكلام دة عن المدارس الانترناشيونال ينطبق على مدارس المها الانجليزية ودة هااام جدا لانى سألت ومبطلتش اسأل ومعارف كتير قالوا انها كويسة على الاقل احسن من المصرية لكن انت خوفتنى من مشاكل الاختلاط فى المدارس وتمييع الهوية الاسلامية فى الدرجة الاولى والعربية فى الدرجة الثانية يعنى المها دى كويسة ولا اية ارجو ان تسأل حضرتك ايضا وتتحرى الدقة عشان نلاقى حل للمشكلة دى .. تحياتى

[osmel33]

اخى الكريم الاستاذ اسامة صباح الخير ان شااللة تكون فى احسن حال .. هل الكلام دة عن المدارس الانترناشيونال ينطبق على مدارس المها الانجليزية ودة هااام جدا لانى سألت ومبطلتش اسأل ومعارف كتير قالوا انها كويسة على الاقل احسن من المصرية لكن انت خوفتنى من مشاكل الاختلاط فى المدارس وتمييع الهوية الاسلامية فى الدرجة الاولى والعربية فى الدرجة الثانية يعنى المها دى كويسة ولا اية ارجو ان تسأل حضرتك ايضا وتتحرى الدقة عشان نلاقى حل للمشكلة دى .. تحياتى

الأخت العزيزة أم بودي صباح النور يا فندم أن شا الله تكوني والأسرة بخير حال

للأسف موضوع الماس والساينس ينطبق على جميع الأى جي والدبلومة الأمريكية

المشكلة مش مشكلة مدرسة فى موضوع العلوم المشكلة فى الميسودولجى التعليمية كاملة

بس طبعاً أنا مش قصدى كل الآي جي فى العالم أنا ولادي فى مصر فى مدرسة فيها آى جي لكن اللى اقصده

العلوم أو المنهج اللى فى الخليج وللأسف ده اللى اكتشفته هنا أن هما عاملولهم كاستيمايزيشن

فى العلوم عشان تكون أبسط شوية

المها كويسة طبعاً لأن مافيش فيها أختلاط الولاد لوحدهم والبنات لوحدهم بس للأسف

الموضوع السابق ينطبق عليهم وأنا فعلاً كنت مقدم لولادي فيها وبعدين رجعتهم تاني للأسف

الشديد على الرغم من أقتناعى بيها كمدرسة تربوية معقولة وفيه كمان مدرسة أقرأ ودى

مديرتها بريطانية وكانت فى المها قبل ما تروح إقرأ

[osmel33]

ارجو ان تسأل حضرتك ايضا وتتحرى الدقة عشان نلاقى حل للمشكلة دى .. تحياتى

تعقيب لابد منه يا فندم أنا مش سألت أنا روحت بنفسي وجبت الكتب بتاعتهم

ومش عايز أقولك لي واحد صديقى كان أبنه فى المصرية وبعدين وداه كامبردج

وفي الآخر لم حاله وعزاله ورجع مصر والسبب مدرسة الولاد

فللأسف الموضوع فعلاً سخيف وأنا مش لاقيله حل إما قبول المصرية بعيوبها

بس الولاد ياخدوا منهج معقول يا إما اوديهم دولية وأدفع دم قلبي وفى الآخر

مش هاخد علم ومجرد فلوس وطارت فى الهوا

أنا أول ماجيت الدوحة المستشار العمالى هنا أ. علاء أنا أعرفه من مصر قاللى

حرفياً المدرسة المصرية فيها كل عيوب المدارس المصرية وعلى الرغم من كده

ولاده فيها

أنا مش عايز أقولك فى أحد الحفلات فى المصرية اتعرفت على ناس فى كيوبي

ولادهم فى المصرية يعنى الموضوع مش موضوع فلوس خالص ده دول كمان

الشركة بتدفعلهم سكول ألاونس وعلى الرغم من كده ولادهم فى المصرية

وكان فيه دكتور اتعرفت عليه أعتقد مدير مركز العزيزية الصحي بناته فيها

يبقى أيه الموضوع والله أنا خايف يا أم بودي نكون احنا اللى مش شايفين

اللى الناس دى شايفاه

[civilman]

السلام عليكم

عندي مشكلة و أود من كل الاخوة فى هذا التوبيك الرائع افادتي بالرأي السديد

سافرت قطر من 4 شهور بوظيفة مهندس مدني ووجدت ان كل ما اتفقت عليه مع صاحب الشركة ذهب ادراج الرياح

وبعد مضايقات كثيرة منه تقدمت باستقالتي ورجعت مصر من اسبوع تقريبا

اليوم عندي عقد عمل فى شركة اخرى فى قطر ولكنى لا استطيع نقل الكفالة حيث ان عقدي ينتهي فى نهاية شهر نوفمبر القادم

اريد ان اعرف هل من حقي بعدها ان اسافر قطر لشركة اخرى ... وهل فى تلك الحالة اقوم بكافة اجراءات الاقامة من البداية

ايضا اقامتى تنتهي لو ظللت فى مصر 6 شهور يعني الى نهاية شهر سبتمبر ... هل من حقي وقتها الالتحاق بشركة اخرى

علما بأن صاحب الشركة لم يقم بكنسلتي cancel بل كانت مغادرة مؤقتة

ما الحل اليوم اذا كانت الشركة الجديدة فرصة لي قد لا تعوض بعد شهور من اليوم

مع العم ان كفيلي فلسطيني عنيد جدا ... لم يقم بنقل الكفالة لمهندس اخر

اشيروا عليا يرحمكم الله

تم تعديل 2 أبريل 2009 بواسطة civilman

[mn940]

محتاج حضرتك كتاب عدم ممانعة عشان تقدر تيجي تاني وذلك علي حسب معلوماتي ، وربما يكون لأحد الاخوة راي أخر أفضل

تم تعديل 3 أبريل 2009 بواسطة mn940

[hyoussif]

انا مدير مالى خبرة 23سنة عايز اعرف حدود المرتبات فى قطر نقريبا كام واعمل الان فى السعودية ومعروض على وظيفة مدير مالى بقطر ومش عارف اتفاوض معاهم على شروط ايه بالضبط لانى اعلم ان المعيشة فى قطر اعلى بكثير من السعودية وشكرا لكم

[Aboraiamba]

انا مدير مالى خبرة 23سنة عايز اعرف حدود المرتبات فى قطر نقريبا كام واعمل الان فى السعودية ومعروض على وظيفة مدير مالى بقطر ومش عارف اتفاوض معاهم على شروط ايه بالضبط لانى اعلم ان المعيشة فى قطر اعلى بكثير من السعودية وشكرا لكم

اخى العزيز

اولا : قبل اى خطوة طبعا لازم تتأكد من الشركة ووضعها المالى والادارى طبعا لا يخفى عليك اوضاع الشركات واوضاع الكفاله فى دول الخليج .

ثانيا : بالنسبة للمرتب ده سوف يتم تحديدة على حسب المميزات التى سوف تقدمها الشركة ليك بمعنى ان السكن هنا بيتراوح من 5000 الى 8000 فى الشهر , وعموما المرتبات هنا اعلى من السعودية .

ثالثا : بالنسبة لاوضاع المعيشة التانية تقريبا زى السعودية .

رابعا : لازم تعرف موضوع مهم جداااا قانون الكفالة هنا غير السعودية تماما حيث ان الشركة لو ما توفقتش معاهم لاى سبب من الاسباب مش هاتعرف تنقل كفاله ولا حتى تخرج من البلد وتيجى بتأشيرة تانية على شركة تانية الا بموافقة الكفيل وكتاب عدم ممانعة منه .

[Aboraiamba]

السلام عليكم

عندي مشكلة و أود من كل الاخوة فى هذا التوبيك الرائع افادتي بالرأي السديد

سافرت قطر من 4 شهور بوظيفة مهندس مدني ووجدت ان كل ما اتفقت عليه مع صاحب الشركة ذهب ادراج الرياح

وبعد مضايقات كثيرة منه تقدمت باستقالتي ورجعت مصر من اسبوع تقريبا

اليوم عندي عقد عمل فى شركة اخرى فى قطر ولكنى لا استطيع نقل الكفالة حيث ان عقدي ينتهي فى نهاية شهر نوفمبر القادم

اريد ان اعرف هل من حقي بعدها ان اسافر قطر لشركة اخرى ... وهل فى تلك الحالة اقوم بكافة اجراءات الاقامة من البداية

ايضا اقامتى تنتهي لو ظللت فى مصر 6 شهور يعني الى نهاية شهر سبتمبر ... هل من حقي وقتها الالتحاق بشركة اخرى

علما بأن صاحب الشركة لم يقم بكنسلتي cancel بل كانت مغادرة مؤقتة

ما الحل اليوم اذا كانت الشركة الجديدة فرصة لي قد لا تعوض بعد شهور من اليوم

مع العم ان كفيلي فلسطيني عنيد جدا ... لم يقم بنقل الكفالة لمهندس اخر

اشيروا عليا يرحمكم الله

اخى العزيز

اولا : بعد مرور 6 شهر تسقط الاقامة وممكن تيجى بتأشيرة جديدة ودى ناس عملوها وفعلا عملو اقامة بس دى برضو فيها مخاطرة ومش بتمشى مع كل الناس وطبعا قبل ما تيجى لازم تغير اقامتك فى مصر وتعمل جواز جديد وبعدين تيجى على التأشيرة الجديدة .

ثانيا : تأشيرة زيارة عادية جدا بتجدد كل ثلاث شهر لحد ما السنتين ينتهوا وامرك لله .

ثالثا : طبعا لو الشركة عايزاك كمان ممكن تجيبك وتشتغل عادى جدا وتتفق معاهم انك تدفع الغرامه بعد مرور السنتين ودى حاجه عاديه هنا جداا وشركات كثيرة بتعملها وبالنسبه للغرامه فهي 10 ريال فى اليوم

وربنا يوفقك ان شاء الله

[AUDYLEGEND]

السلام عليكم :

في البداية أحب أشكر السيد المستشار محمد واللي مش كتير عليه لقب ( عميد المغتربين في قطر )

ولا انتو مش معايا ..........

أنا استشرتوا قبل ماجي والراجل رد عليا بصراحة وفادني كتير

وربنا يعينا كلنا ع الغربة

خطا مشيناها كتبت علينا ....... ومن كتبت عليه خطا مشاها

[mn940]

السلام عليكم :

أنا استشرتوا قبل ماجي والراجل رد عليا بصراحة وفادني كتير

وربنا يعينا كلنا ع الغربة

خطا مشيناها كتبت علينا ....... ومن كتبت عليه خطا مشاها

شكراً أستاذي العزيز انا تحت الامر ان شاء الله لأي سؤال .... وكلنا في الاول أحتاجنا مساعدة من اخرين حتي نستطيع أختيار الطريق الصحيح والحمد لله ما في حد بخل عليا قبل