محاورات المصريين (( بقطر))

[khaled sanad]

السلام عليكم

بداية اود أن اشكر جميع الاعضاء للخدمات الجليله التي لا يتم اعتمادها الا من اناس جبروا موضوع السفر وما الى ذلك من امور

استفساري بخصوص السفر الى قطر

انا فني معمل - تحاليل

العقد بيقول انه شامل السكن + الاقامة + التأمين الطبي + التنقلات الداخلية

وباقي التفاصيل في المقابله غدا

اسم المستوصف : الجزيرة

المكان : الدوحه

استفساري بخصوص ايه اخبار المرتب المناسب

والاستقدام اكيد لاني متزوج

ولو فيه نصائح تانيه ياريييييت

وشكرا

[kitkat]

السلام عليكم جمعة مباركة عليكم

ماهو القول الفصل في استقدام الاسرة لقطرهناك الكثير من الشروط المختلفة ومش عارف اصدق مين

هل الاستقدام مش ينفع يتعمل قبل 6 شهور فعلا؟

حساب بنكي بفترة 6 شهور في قطر معناه كده موظف جديد مش هايعرف يعمل استقدام

راتب 7000 ريال قطري علي الاقل

شامل السكن والبدلات ولا صافي؟

ولو صافي يكون كام؟

موافقة الكفيل هل فيه نية لالغاءها ؟

يعني تكون منك للدولة؟وهل نفس الشروط تنطبق علي عمل زيارة للاسرة زوجة واولاد؟

وشكرال

تم تعديل 2 نوفمبر 2012 بواسطة kitkat

[hamedstarr]

السلام عليكم ماهو ادنى راتب يستطيع الزوج عمل استثقدام لزوجته

[matroh]

السلام عليكم

انا كنت منزله ده كموضوع ودلونى على مجموعة قطر

اتمنى الرد عليا

السلام عليكم ورحمة الله وبركاته

شكرا جزيلا على منتداكم الرائع واكرم الله كل من تعاون معى

الاستفسار ببساطه هو: انا اعمل حاليا معلمة جيولوجيا وعلوم بيئيه فى وزارة التربيه بالكويت 7 سنوات خبره والمفروض انه فى خلال سنه او سنتين بالكتير هيتم انها تعاقد للكويته وده "حق اهل البلد"

المهم انه فى المقابل قدمت قطر من المجلس الاعلى للتعليم فى الجريده المصريه طالبه معلمات

اول نقطه مهمه* هم طالبين احياء وعلوم ومؤهلى تربيه عام احياء وجيولوجيا ياهلنى باذن الله ادرس علوم لعدادى واحياء ثانوى وجيولوجيا ثانوى

هم طالبين خبره خمس سنوات وحاجات كتيره زى icdl

الحمد لله كله متوفر بس خبرتى هنا فى الكويت جيولوجيا وعلوم بيئيه مش احياء ولا علوم متوسط فهل ده يعوق الشروط؟؟؟؟؟؟؟؟؟؟؟؟؟

ثانيازوجى معاه دبلوما من الدنمارك فى تركيب وصيانه محطات معالجه المياه والصرف ومعاه شهادات خبره كتيره من شركات نفط الكويت وتركيب المواسير واللحام

والكهربا سى فى طويل ماشاء الله بس هنا فرص العمل ضييييقه جدا هل فى قطر ممكن تتوفر فرص عمل للمجال بتاعه؟؟؟؟؟؟؟؟؟؟؟ظ

ثالثا عندنا ولد واحد 3 سنين بس اسعار ايجار الغرفه والصاله كم؟؟؟ فى المناطق البعيده عن الدوحه ؟ظ

الحقيقه هم لسه ماتصلوش بيا بس حابه اكون على خليفه كويس عشان اسال وما نتبهدلش وماعرفش الراتب كام فى الغالب مدرسه مستقله ايه كم الراتب المتوقع ؟؟ وبفرض ان زوجى ماشتغلش لفترة معينه الراتب كام الى ممكن يكفينا كأسره؟ا

وايه الفرق مابين المثبت والمؤقت لمحتها فى منتدى؟؟

اخر شىء انا بديت بستفسار ولكن باذن الله اثرى المنتدى بموضوعات بناءه

والف شكر وجزاكم اللله خيرا

[mn940]

السلام عليكم

جميع الاعضاء الكرام أتمني من الله أن هذا القسم والمشاركين فيه والاعضاء يبدأوا يهتموا به من تاني مرة أخري

ونبدأ نتبادل الاراء وعرض المشاكل والحلول ...

[Advisor]

من جانبك أنت يا سيدي المطلوب فتح موضوعات تعريف بقطر و الحياة فيها و مجتمع المصريين هناك

ما سبق كان إستهلالا لابد منه

هنا في محاورات المصريين الصورة غير واضحة عن مجتمع المصريين في قطر ، ليس المصريين فقط و لكن المجتمع هنا ككل.

أكيد غير مقبول أن يكون إنطباعنا عن قطر مثل إنطباعنا عن الإسكيمو مثلا ( من ناحية غيبة المعلومات ).

[moustafa_elsaid]

هل يوجد اى مشاكل حاليا فى استخراج تاشيرات العمل لقطر من مصر

[Guest ريان عمر]

لو سمحتو عاوزه اسئل سؤال جوزي محاسب وعايشين فالكويت وعاوزاه يدور علي شغل فطر  هل الفيز فعلا اتقفلت علي المصرين بسبب الأوضاع ؟

ولو لسه موجوده الفيز للمصرين هل الحياه حاليا كويسه لاسره من اربع افراد فيهم طفله فمدرسه ؟

وممكن طلب عاوزه موقع لتوظيف في قطر ادور فيه علي شغل  لجوزي  ؟

[herohero]

1 hour ago, Guest ريان عمر said:

لو سمحتو عاوزه اسئل سؤال جوزي محاسب وعايشين فالكويت وعاوزاه يدور علي شغل فطر  هل الفيز فعلا اتقفلت علي المصرين بسبب الأوضاع ؟

ولو لسه موجوده الفيز للمصرين هل الحياه حاليا كويسه لاسره من اربع افراد فيهم طفله فمدرسه ؟

وممكن طلب عاوزه موقع لتوظيف في قطر ادور فيه علي شغل  لجوزي  ؟

اصدقائي هناك بيقولوا ان الفيز بالنسبة للمصريين واقفه وده من فترة 
وطبعا السوق متاثر والبلد صغيره فالافضل الانتظار حتى تتضح الرؤية