محاورات المصريين (( بقطر))

[moamana]

اهههههههه

نسيت اضيف الشركة من اكبر الشركات و ليست شركة تعبانة خالص

بس انا مش فاهمة الوضع عامل ازاى بصراحة هنا فى مصر ربنا يكرم و هناك ربنا يهون

[mn940]

مساء الخير علي كل المصريين بقطر يا تري الاعضاء فين بقالهم فترة مش شايفهم

[alaa elshafiey]

اولا مساء الخير على الجميع

ثانيا انا سعيد ان فى توبك ممتخصص ل قطر

ثالثا يسلام على المرتبات والفلوس والعقود الى رايحة جية ادامى دى

على كلام الناس دى الواحد يروح ينتحر بالمرتب الى بيخدة بس على العموم الحمدلله على فكرة انا فى قطر وبنصح اى حد مهندس محاسب دكتور انة يجى بعقد كويس وواضح فية كل حاجة من مصر الناس القطريين طييببن لدرجة كبيرة جدا لكن المشكلة انك تيجى تلاقى المدير سورى واعوذ بالله من السوريين لما يكون صاحب المال والمدير يبقى تموت احسن على العموم اى حد عاوز يجى قطر لزم

يتأمين السكن والموصلات عشان مش يتبهدل وبعد كدة لو راتب اى كان هيكون كويس ان شاء الله

وفرصة سعيدة واتمنى التواصل مع البقية

ونتعرف على بعض ان شاء الله

اخوكم فى الغربة علاء

الدوحة

[Virus]

يا مساء الأنوار على كل الناس الحلوة اللي في قطر

ويابخت كل اللي قاعدين دلوقت في الدوحة دلوقت..صحيح حر ورطوبة لكن الدنيا فاضييييييية ورايقة...أنا بحب أنزل الشارع بس كده وألف بالعربية قبل ما المولد يتنصب تاني..وياعيني على سوق واقف في الرواقة برضو..حاجة آخر جمال

طبعاً اللي منزلش أجازة مستغرب وبيقول اللي جاي يشعر في الدوحة ده..لكن لما تروح وتييجي (وياسلام لو نزلت بر زي ما أنا عملت) أكيد بترجع بكل الحب والأشواق لأرض الغربة الغالية!!

تحياتي للجميع وتحت أمركو في أي حاجة..أنا محمد مهندس بترول وبقالي سنة في الدوحة وكنت في الإمارات الأول

[moamana]

السلام عليكم انا عايزة اسال عن موضوع انى

زوج صديقتى كان يعمل فى قطر مهندس سيارات و نزل مصر اجازة و ابلغ الشركة انه لن يعود الى قطر

و الان بعد سنة و ثلاثة اشهر قدم اليه عرض مغرى من شركة سيارات مع زوجى فى قطر و يريد ان يقبله

الشركة طلبت الباسبور عشان تمشى فى اجراءات الفيزا

الان ماذا سيحدث

1....هل عندما يقدمون الباسبور للجوازات سيكتشفون عدم حصوله على جواب عدم الممانعة؟

2....هل اذا تخاطب مع شركته القديمه سيعطونه جواب عدم الممانعة بسهوله ام لا ؟

هل نجد حل لهذه الازمة

[alaa elshafiey]

السلام عليكوا

رد على السؤال الطبيعى جدا انهم لزم يطلبوا جواب عدم الممناعة

والطبيعى جدا بردة ان الشركة الى كان شغال فيها لو محترمة تديلوا الجواب لكن الحقيقة القاسية ان مفيش شركة فى الدوحة بتعمل

كده على اساس مبدأ العبودية وادام انت مش عاوز تشتغل معانا مش هسيبنك تأكل عيش فى حتة تانية

عموما المشكلة كلها صدقيننى هتكون فى البصمة حتى لو غير جواز السفر وغير المهنة و كل حاجة هيظهر لما يدخل البلد فى البصمة

انة متنكسل ودى مشكلة طبعا

عشان كدة لزم يطلب الجواب الاول ابل اى حاجة

علاء مصرى فى الدوحة

وبتمنى اى قانون ينزل عشان انقل كفالة بقة حرام والله

تم تعديل 7 أغسطس 2008 بواسطة alaa elshafiey

[samady]

ياجماعة كل حاجة في الدوحة يتمشي بالأتفاق يعني أنا نقلت كفالة من شركتي القديمة بس بعد متفقت مع الكفيل إني أدفعله 15000 ريال ;)

وبقول للأستاذ علاء حاول تشوفلك صرفة غير إنك تستنى قانون جديد لأنه مش هيطلع بل بالعكس الأشاعة اللي طالعة دلوقتي إنهم عايزيين يخلوا الكنسلة 5 سنين مش بس سنتين!!!!!!!!!!!!!!!!!! :happy: ياعني الدنيا ماشية بالعكس ومفيش قاعدة عامة ممكن تقيس عليها في ناس بتاخد عدم ممانعة وهي نايمة وفي ناس ربنا يتولاها برحمته

[alaa elshafiey]

اولا شكرا على الرد اخى العزيز samady

طبعا المفروض كل حاجة بالاتفاق فعلا وكان ياريت ياخد عشرين ويسبنى والله بس انا مش هقوللك غير مقولة واحدة بس هو يقولها لى

( انا العمل معى مثل الزواج الكاثوليكى بمعنى اخر اما هنا فى الشركة اماا الكنسلة يعنى نظام عبودية بس نعمل اية هو دة النظام يأخى والله لو قطرى كنت اعرف اتفاهم معاة لكن دة سورى وبص يعنى اعوز بالله يأخى بتقلب المواجع والله)

سوف اقول بعض الاشياء من بابا الفضفضة والله ليس اكثر ولا اقل

اقل ما يتوجب على ما يسمى بالكفيل عملة انة عندما تطلب منة حقك الطبيعى فى اشياء لن تخسرة اى شئ سوى الامضاء والورقة الى سوف تكتب عليها ان يقول لك مقبول طلبك

1 - تحويل راتب لكى يتسنى لى ان اتعامل كأى انسان داخل الدوحة واعرف اطلع عربية واعرف اجيب اى حاجة انا عوزها بتحويل الرابت عن طريق البنك ماشى هو يقول بكل جبروت لالالالالالالالالالالالا وبدون توضيح اسباب

2- بهو صاحب شركة من 22 سنة شغال ومرداش ولا مرة يجيب الى اى موظف او عامل عندة استقدام زوجة عندة من المحرمات ولا يدفع بدل سكن والسكن فى الصناعية

3 - المرتب اقل ما يقال عنة انة زهيد ولا يرتقى للعيش ولن اقول كام الملبغ لكى لا يزعل الاعضاء فى المنتدى من الرقم فقط لا غير للمحافظة على مشاعر الاخريين

4- التعنت فى العمل ولا يقبل الرأى الاخر

مما وجب علية انى لا اريد ونفسى اتقفلت من العمل واعمل تقضية واجب وخلاص

زهقان ونفسى مش اسيب الدوحة عشان حاسس ان المستقبل فيها احسن من اى مكان تانى فعلا ولو سبتها بالكنسلة هندم بس اعمل اية ودة الى محلينى افكر

مليون مرة فعلا فى اتخاذ اى موقف معاة عشان هو اسهل كلمة بيقولها مش عجبك ياسيدى طيب فين المندوب خلص الباشاا والكنسلة بكرة قلة ادب ومذلة ومهانة

عشان عارف ان الظروف فى مصر سيئة

على فكرة الى بيحكى محاسب مش عامل يعنى

ومعاية دبلومة فى المحاسبة بالكمبيوتر اى بعرف اتعامل مع اى برنامج محاسبى وشهادة i.c.d. l

والانجليزى طبعا كويس

انا حد كويس بس نعمل اية الكلمة الى كانت تقال من سنة لو جتللك الفيزا قول الحمدلله واشتغل مفيش فيز مصريين اساسا بتطلع

يأخى انا لو حكيت بحكى عشان كلنا فى الغربة ونفس البلد واكيد هنحس ببعض بس الكلمة الى انت هتقولها وانا رضيت بدة كلةلية من الاول صدقنى انا اتسرعت واضحك علية ومش عارف دة حصل ازاى بس اهوو الوضع الحالى الى انا عايش فية وبيجالى وظايف فى شركات تانية مش هقوللك بضعف المرتب لا 3 اضعاف وعلى الاقل التعامل مع بشر

بس فى الاخر انا ارتحت عشان فضفضت مش اكتر

وبجد انا بقول شكرا على المنتدى الى اكتر من رائع دة

ولو فى اى حل عند اى حد يقول يمكن يكون فى جديد

سلام للجيمع \

وصباح الخير

تم تعديل 8 أغسطس 2008 بواسطة alaa elshafiey

[mn940]

السلام عليكم انا عايزة اسال عن موضوع انى

زوج صديقتى كان يعمل فى قطر مهندس سيارات و نزل مصر اجازة و ابلغ الشركة انه لن يعود الى قطر

و الان بعد سنة و ثلاثة اشهر قدم اليه عرض مغرى من شركة سيارات مع زوجى فى قطر و يريد ان يقبله

الشركة طلبت الباسبور عشان تمشى فى اجراءات الفيزا

الان ماذا سيحدث

1....هل عندما يقدمون الباسبور للجوازات سيكتشفون عدم حصوله على جواب عدم الممانعة؟

2....هل اذا تخاطب مع شركته القديمه سيعطونه جواب عدم الممانعة بسهوله ام لا ؟

هل نجد حل لهذه الازمة

هم بالفعل عايزين يخلوا الكنسله خمس سنوات هو طبعا تشريع ما زال تحت الدراسة ولم يبت فيه حتى تاريخه .

وعلي العموم أنا أنصح بان يقوم أي شخص بالاتصال بالشركة ( الكفيل القديم ) ويفضل أن يكون الاتصال حي بمعني بعيد عن الاتصالات التليفونية ، مع اختيار شخص من داخل الشركة ( زو منصب وعلاقات ) لتحريك الأمر وسوف ينتهي الأمر أن شاء الله بكل سهوله .

حل ثان :- من الممكن التقدم لإدارة الجوازات وشئون الوافدين بطلب استثناء من شرط المدة بس صعب شوية بس لا مانع من المحاولة بحكم أن التخصص البلد في حاجة له .

[mn940]

يا مساء الأنوار على كل الناس الحلوة اللي في قطر

ويابخت كل اللي قاعدين دلوقت في الدوحة دلوقت..صحيح حر ورطوبة لكن الدنيا فاضييييييية ورايقة...أنا بحب أنزل الشارع بس كده وألف بالعربية قبل ما المولد يتنصب تاني..وياعيني على سوق واقف في الرواقة برضو..حاجة آخر جمال

طبعاً اللي منزلش أجازة مستغرب وبيقول اللي جاي يشعر في الدوحة ده..لكن لما تروح وتييجي (وياسلام لو نزلت بر زي ما أنا عملت) أكيد بترجع بكل الحب والأشواق لأرض الغربة الغالية!!

تحياتي للجميع وتحت أمركو في أي حاجة..أنا محمد مهندس بترول وبقالي سنة في الدوحة وكنت في الإمارات الأول

البلد بالفعل حر ورطوبة لا تطاق ، بس رايقة زي ما أنت قولت ودة احلي شيء فيها الان ، يعني تقدر تروح من مدينة خليفة للمطار في ربع ساعه الان لكن قبل كدا ساعة ونصف علي الاقل غير حجم الاخطار اللي بتواجهها في الطريق مثل التعرض لمتعلمي السياقة حديثاً ، وربنا كرمهم والشركة بتاعتهم ولا كفيلهم مديهم عربية يخبط في الناس

وخلي بالك باليل علي الكورنيش فية حملات شديدة من الساعه 1 باليل يعني اوراقك ( الرخصة ، ملكية السيارة ، البطاقة ) تكون معاك بإستمرار

[alaa elshafiey]

وخلي بالك باليل علي الكورنيش فية حملات شديدة من الساعه 1 باليل يعني اوراقك ( الرخصة ، ملكية السيارة ، البطاقة ) تكون معاك بإستمرار

هههههههههههههههههههههههههههه يعنى اعتبر دة تهديد ولا اية عشان نفهم بس

مساء الفل عليك يا كبير الدوحة

وعلم وسوف ينفذ

[mn940]

كوني ان بقدملك معلومة جديدة علي أغلب المقيمين في الدوحة دة مش يبقي معناة تهديد لو حضرتك كنت حاولت تفهم كلامي

وانا املك ايه عشان اهددك يا باشا

وشكرا علي المرور

[Virus]

البلد بالفعل حر ورطوبة لا تطاق ، بس رايقة زي ما أنت قولت ودة احلي شيء فيها الان ، يعني تقدر تروح من مدينة خليفة للمطار في ربع ساعه الان لكن قبل كدا ساعة ونصف علي الاقل غير حجم الاخطار اللي بتواجهها في الطريق مثل التعرض لمتعلمي السياقة حديثاً ، وربنا كرمهم والشركة بتاعتهم ولا كفيلهم مديهم عربية يخبط في الناس

وخلي بالك باليل علي الكورنيش فية حملات شديدة من الساعه 1 باليل يعني اوراقك ( الرخصة ، ملكية السيارة ، البطاقة ) تكون معاك بإستمرار

شكرا جزيلاً على النصيحة لأن أنا من النوع اللي مش واخد على شيل الورق كله وبالذات وأنا خارج أتفسح زائد إننا مش واخدين على الحركات دي من شرطة قطر

دمت بخير أخي المستشار

تم تعديل 11 أغسطس 2008 بواسطة Virus

[alaa elshafiey]

اية دة هو انت فهمت كلامى غلط على فكرة انا بهزر معاك مش اكتر انت ازاى تفهم انى بتكلم جد

على العموم انا اسف لو انت كونت فهمت كدة

والله انا بهرز مش اكتر

[blbl]

سلام عليكم اهل قطر

هل في موقع نت لشراء كروت تليفون من قطر لمصر واه هو احسن كارت

[مهندس تحكم]

معلش دة اعادة للسؤال بتاعي.......

-------------------------------------------------------------------------

سيادة المستشار الفاضل / محمد نبيل...

طالعت باهتمام ردودكم القانونية الشافية علي السائلين ....والذي شجعني علي سؤال معاليكم بشأن موضوعي وهو كالآتي:

سافرت قطر بتاريخ 4/11/2007 ....ملتحقا بشركة تعتبر من احدي الشركات متعددة الجنسيات وهي فرع لشركتي بالقاهرة....ولكن كما تعلم لابد من كفيل وممثل لهذة الشركة بقطر..

وتمت كفالتي علي شركة قطرية تمثل هذة الشركة في قطر....بعقد عمل...ولكن كل هذة الامور شكلية فقط...حيث ان حقيقة الامر ...هو اني اعمل تبعا لشركتي في القاهرة...لمساعدة الفرع القطري ...في مشروعاتة...ولكني اتقاضي راتبي من مصر...ويوفر لي الفرع القطري السكن والسيارة....

بعد 8 شهور من العمل ...حدثت بعض الخلافات بيني وبين الفرع المصري...حيث يتأخر في ارسال مرتبي وبالتالي تتعصر نفقاتي في قطر.....قامت شركتي بمصر....بالطلب في ارجاعي من قطر كعقاب لي ...وبالفعل ...تركت قطر...ولكني لم انهي اقامتي...املا في العودة ....بعد تسوية الامر مع شركتي في مصر....

علمت انة لو تجاوزت فترة اقامتي خارج قطر 6 شهور....فانها تسقط...واحتاج الي تأشيرة جديدة....ولا اعلم ما هي سلبيات انهاء الاقامة بهذة الطريقة....

وعلمت ايضا ان عدم الحصول علي شهادة عدم الممانعة يمنعني من دخول قطر لمدة لا تقل عن عامين....اي اني لا استطيع العمل علي كفيل آخر قبل عامين....

الآن لا ادري ....كيف يتم حساب العامين (من تاريخ خروجي من البلد ام من تاريخ اسقاط اقامتي )....وكيف اعلم ان اقامتي انتهت دون مشاكل......وهل لي الحق في العودة بعد العامين...للعمل لدي كفيل آخر...

شاكر لسيادتكم تعاونكم معي....

و جزاكم الله عنا خير الجزاء.....

[طبيب مسلم]

السلام عليكم يا ابناء بلدي الأحباء التوبيك ده كتبته في المنتدىالعام ومحتاج منكم ضروري رد لكل استفساراتي

اولا اخوكم طبيب مصري ممارس عام دفعة 2005

جاتلي فرصة عمل بمستشفى العمادي بالدوحه وقمت بعمل مقابله مع مندوب مصري قالو لي انه المسؤل هنا بمصر والحمد لله وفقت واتصلو بي في اليوم التالي لأحضر أصول الاوراق وذهبت اليهم بالاوراق وقالو انهم سيرسلونها الى قطر وسيأخذ الموضوع تقريبا اسبوعين وسيكون كل شئ منتهي ولن تدفع أي مليم الا بعد ما نخلص كل حاجه( فات اسبوع الان)

مش عارف الاوراق دي اتبعتت على المستشفى ولا على جهه أخرى وبعدين المستشفى ممكن يكون ليها رأي تاني ولا زي ما قالولي ان الموضوع ان شاء الله منتهي طالما مندوبهم هنا وافق وكتب على الأوراق أمامي تمت الموافقه على مستشفى العمادي بالدوحه

ثم يا اخواني ان ربنا يسر ايه اللي أوافق عليه واللي ما أوافقش عليه وايه اللي لازم أصر انه يبقى موجود في العقد والراتب اللي اوافق عليه ما يقلش عن كام( طبيب مقيم أطفال أو ممارس عام)

اهم سؤال عندي وجزاكم الله خيرا محتاج اجابته ضروري هل هناك فرصه اني أزود مستواي العلمي وشهاداتي وخاصة انني مسجل هنا أطفال ومكانش السفر في دماغي خالص الا بعد ما أخلص ورفضت فرص كتير السعوديه ولا مفيش فرصه هناك لاستكمال الدراسات العليا

ياريت ربنا يكرمكم اللي يعرف أي معلومه لا يبخل علي بها وايه رأيكم في المستشفى وادارتها

وجزاكم الله خيرا

[mn940]

السلام عليكم يا ابناء بلدي الأحباء التوبيك ده كتبته في المنتدىالعام ومحتاج منكم ضروري رد لكل استفساراتي

اولا اخوكم طبيب مصري ممارس عام دفعة 2005

جاتلي فرصة عمل بمستشفى العمادي بالدوحه وقمت بعمل مقابله مع مندوب مصري قالو لي انه المسؤل هنا بمصر والحمد لله وفقت واتصلو بي في اليوم التالي لأحضر أصول الاوراق وذهبت اليهم بالاوراق وقالو انهم سيرسلونها الى قطر وسيأخذ الموضوع تقريبا اسبوعين وسيكون كل شئ منتهي ولن تدفع أي مليم الا بعد ما نخلص كل حاجه( فات اسبوع الان)

مش عارف الاوراق دي اتبعتت على المستشفى ولا على جهه أخرى وبعدين المستشفى ممكن يكون ليها رأي تاني ولا زي ما قالولي ان الموضوع ان شاء الله منتهي طالما مندوبهم هنا وافق وكتب على الأوراق أمامي تمت الموافقه على مستشفى العمادي بالدوحه

ثم يا اخواني ان ربنا يسر ايه اللي أوافق عليه واللي ما أوافقش عليه وايه اللي لازم أصر انه يبقى موجود في العقد والراتب اللي اوافق عليه ما يقلش عن كام( طبيب مقيم أطفال أو ممارس عام)

اهم سؤال عندي وجزاكم الله خيرا محتاج اجابته ضروري هل هناك فرصه اني أزود مستواي العلمي وشهاداتي وخاصة انني مسجل هنا أطفال ومكانش السفر في دماغي خالص الا بعد ما أخلص ورفضت فرص كتير السعوديه ولا مفيش فرصه هناك لاستكمال الدراسات العليا

ياريت ربنا يكرمكم اللي يعرف أي معلومه لا يبخل علي بها وايه رأيكم في المستشفى وادارتها

وجزاكم الله خيرا

بالنسبة للنقطة الخاصة بالفلوس المفروض ان المندوب لو بالفعل من مستشفي العمادي مش تدفع شيء الا إذا كان المندوب دة هيأخد الفلوس لنفسة او كان من مكتب جلب ايدي عامله .

أما عن الراتب الرواتب بمستشفي العمادي متقلبه علي حسب معلوماتي يعني ممكن بتاعك يكون اقل او اكتر من زميل ليك نفس خبرتك وشهادتك وكله حسب الاتفاق .

كنت علي معرفة بدكتور سوري بمستشفي العمادي دكتور اطفال كبير في السن واستقال من المستشفي وفضل الرجوع لسوريا علي اساس ان الراتب لا يفي بأحتياجاتة .

أما عن الراتب اللي توافق عليه لا يقل عن 10 الاف ريال والسكن عليهم اعتبارا بالاسعار الجنونية حاليا بقطر ، مع اني أظن ان الراتب مش هيواقفوا عليه

في كل الاحوال يجب ان تقوم بارسال نسخة من العقد لي علي حتي يتسني لي التدقيق فيها واخطارك باي شيء يستدعي لفت الانتباة وتحياتي لك في النهاية .

[Virus]

السلام عليكم يا ابناء بلدي الأحباء التوبيك ده كتبته في المنتدىالعام ومحتاج منكم ضروري رد لكل استفساراتي

اولا اخوكم طبيب مصري ممارس عام دفعة 2005

جاتلي فرصة عمل بمستشفى العمادي بالدوحه وقمت بعمل مقابله مع مندوب مصري قالو لي انه المسؤل هنا بمصر والحمد لله وفقت واتصلو بي في اليوم التالي لأحضر أصول الاوراق وذهبت اليهم بالاوراق وقالو انهم سيرسلونها الى قطر وسيأخذ الموضوع تقريبا اسبوعين وسيكون كل شئ منتهي ولن تدفع أي مليم الا بعد ما نخلص كل حاجه( فات اسبوع الان)

مش عارف الاوراق دي اتبعتت على المستشفى ولا على جهه أخرى وبعدين المستشفى ممكن يكون ليها رأي تاني ولا زي ما قالولي ان الموضوع ان شاء الله منتهي طالما مندوبهم هنا وافق وكتب على الأوراق أمامي تمت الموافقه على مستشفى العمادي بالدوحه

ثم يا اخواني ان ربنا يسر ايه اللي أوافق عليه واللي ما أوافقش عليه وايه اللي لازم أصر انه يبقى موجود في العقد والراتب اللي اوافق عليه ما يقلش عن كام( طبيب مقيم أطفال أو ممارس عام)

اهم سؤال عندي وجزاكم الله خيرا محتاج اجابته ضروري هل هناك فرصه اني أزود مستواي العلمي وشهاداتي وخاصة انني مسجل هنا أطفال ومكانش السفر في دماغي خالص الا بعد ما أخلص ورفضت فرص كتير السعوديه ولا مفيش فرصه هناك لاستكمال الدراسات العليا

ياريت ربنا يكرمكم اللي يعرف أي معلومه لا يبخل علي بها وايه رأيكم في المستشفى وادارتها

وجزاكم الله خيرا

الأخ العزيز...

أولا..لايوجد أي مجال إنك تكمل دراستك هنا..إنسى

ثانياً..باعتبار خبرتك اللي لسه قليلة وإن دي مستشفى خاص..فأظن مش هيعرضوا عليك أمتر من 6 -7 آلاف ريال..والرقم ده ممكن تحوش منه لو انت مش متجوز أو لسه متجوز جديد لكن لازم السكن يكون عليهم

ونصيحتي ليك -إذا مكنتش في حاجة ماسة للفلوس- إنك تخلص ماجيستيرك في مصر وبعدين ممكن تسافر بعروض أحسن من كده بكتير

[طبيب مسلم]

شكرا لك سيادة المستشار محمد على ردك واهتمامك وعلى فكره أنا متابع المنتدى وأعلم مدى شهامتك وتقديمك يد المساعده والعون لكل محتاج حتى ولو بالنصيحه

مره أخرى جزاكم الله خيرا وان شاء الله بمجرد ما يأتيني العقد أو يردو عليا هبقى أكلم حضرتك وجعله الله في ميزان حسناتك